رواية الصفقة الفصل السادس 6 بقلم مريم خالد

رواية الصفقة الفصل السادس 6 بقلم مريم خالد

رواية الصفقة البارت السادس

رواية الصفقة الجزء السادس

رواية الصفقة الحلقة السادسة

مراد:بصي يا ستي… انتي هتخليه يكتب شيك ب 500.000 الف دولار..
شادو:اشمعنى؟!
مراد:مش انتي مديونة للشركة بمليون دولار؟!
شادو:يعني لسه مش مديونة.. بس دا احتمال لو يونس منفذش وعده
مراد : طيب.. حتى لو منفذش.. يبقى انتي ضامنة نفس بالفلوس دي
شادو:طيب ما كدا هيفضل نص مليون؟!!
مراد:ما انا حسيت انها هتبقى قلة ذوق لو خلناه يكتب للفلوس دي كلها..
شادو:مراد.. انت متخلف… دي فكرة غبية جدا
داليا:عندك حق والله… ثم ان هو ايه اللي هيخليه يوافق
شادو:قوليله.. دا عايز يموتني ناقصة عمر
داليا : انا اللي عندي فكرة… بصي انتي تهدديه انه لو منفذش وعده هتقولي للعيلة كل حاجة
شادو:ايوا.. عشان يخاف لا عمو فؤاد يحرمه مالمصروف.. ياااه… عقاب صعب فعلا…. عارفين انتوا الاتنين ميعتمدش عليكوا… قوموا روحوا…
مراد لداليا:انا حاسس اننا اتطردنا
داليا:لا اتاكد يحبيبي.. يلا بينا… عايزة حاجة يا ديشا..
شادو:لا… وحاولوا تشوفولي حل مفيد ارجوكوا.. ومتنسوش تيجوا بكرة..
داليا:من عنيا يا عروسة.. صحيح البس لون ايه
شادو:داليا.. اطلعي برااا
مراد:انا همشي… وهاجي بكرة باذن الله.. و.. اوبااا.. مين دي؟!

شادو:اهاا دي ديما بنت عمي.. اخت يونس
مراد:مقولتليش يعني ان بنت عمك حلوة كدا…. طيب ايه ظروفها دي؟!
شادو:هي لطيفة عن يونس كتير.. يعني لذيذة
مراد:يبنتي بقولك ظروفها يعني مرتبطة ولا لا؟!
شادو:لا معرفش…
مراد:هي مش بنت عمك وعايشين فبيت واحد؟!
داليا:يبني ما انت عارف انها متعرفش عنها حاجة
شادو:وبعدين احنا لسه اول يوم نعيش فيه مع بعض امبارح… ملحقتش يعني اصاحبها
مراد:اهاا يعني مش هتظبطيني معاها
شادو:مرااد.. فكك مني خالص.. انا ورايا ليلة لسه مش عارفة هعمل فيها ايه..
مراد:طيب طيب.. انا ماشي يستي.. يلا يا داليا
داليا : ايوا يلا دي هتاكلنا
-بعد ساعة.. بيخبط باب اوضة شادو.. بس مبتردش-
-بيفتتح الباب… بيلاقي شادو بتصلي… بتخلص الصلاة-
شادو:خير عايز حاجة؟!
يونس بارتباك:لا خالص…
شادو:اومال جاي ليه؟!
يونس:هاا…لا ..يعني…انتي ملبستيش لسه؟!!!
شادو: ملبستش ليه؟!
يونس:انتي مش عارفة اننا نازلين نجيب الشبكة؟!
شادو:لا عارفة بس انا قولت انت هتجيب خاتم وخلاص يعني
يونس:والله.. شادو.. احنا لازم نتصرف بطبيعية… انتي عمرك شوفتي اتنين بيتخطبوا والعروسة مبتشوفش الشبكة ولا بتختارها؟!
شادو:فعلا عندك حق… اطلع برا
يونس:نعم؟!!
شادو:ايه.. هغير هدومي
يونس:طب انجزي.. وخلي بالك كلهم قاعدين تحت.. يعني بلاش تهزيئ … شادوو؟!!!
شادو:نعم
يونس:حرما

شادو:جمعا يا سيدي
يونس:خلصي بس بسـ
-بتقفل شادو الباب قبل ما يونس ينهي جملته-
يونس:ماشي يا شادو.. والله لا اوريكي
-بتخرج شادو وهي لابسة فستان ابيض بسيط وشعر مفرود وميكب هادي –
شادو:انا جاهزة
يونس بدهشة:… ايه دا… ما انتي شكلك حلو اهو.. اومال يعني ..
شادو:يعني ايه… ؟!!!!
يونس:لا بس يعني مكنتيش بتلبسي كدا
شادو:انت عمرك شوفت عروسة بتختار شبكتها وهي لابسةformal?!
يونس : لا عندك حق… بصراحة.. شكلك حلو
شادو:عارفة… يلا عشان منتأخرش
-بينزل الاتنين للكل –
نيڤين:يا حبيبتي… شكلك حلو اوي
فاروق : تعالي فحضني يا حبيبتي…
فؤاد:عروستك زي القمر يا يونس.. خلي بالك منها
يونس:اكيد يا بابا
فاروق:عارف يا يونس لو زعلتها… هندمك بقيت عمرك
يونس: ايه يا عمو الكلام الكبير دا… مفيش زعل ولا حاجة
خديجة:يا حبايبي.. شكلكوا يفرح.. صح يا صالح؟!
صالح:اسمعوا… انتوا الاتنين احفادي… وانتوا الاتنين اقرب ليا من اي حد… اتمنالكوا سعادة دايما.. واعيش واشوف ولادكوا
ديما بتتدخل وتغير الموضوع:ايوا طبعا طبعا.. يلا انتوا بقا عشان متتأخروش
يونس :ايوا يلا
-في الجنينة جمب العربية-
سارة:مبروك يا يونس
يونس :الله يبارك فيكي
سارة:ذوقك اتغير
يونس:اه… بقا احسن

سارة:مش باين
شادو:لا هو باين للكل الا انتي بصراحة
سارة:اسمعي يا شادو… انتي بتاخدي مني حبيبي… انا بحب يونس.. وبعترف بدا قدام الكل… وانا مستعدة اعمل اي حاجة عشان يسامحني.. لاني بحبه
شادو:والله حبيه براحتك… يونس فعلا يتحب وانا مقدرش الومك… بس المهم هو بيحب مين.. المهم هو بيختار دلوقتي مين… صدقيني يا سارة انا مش زعلانة من الكلمتين دول.. انتي حقيقي صعبانه عليا
سارة:انتي اللي هتصعبي عليا لما يونس يسيبك و يرجعلي
يونس:دي اوهام فدماغك انتي بس… انا بحب شادو وهكمل معاها
سارة : مش هتقدر يا يونس.. لانك لسه بتحبني.. عينك بتقول كدا.. انا لسه بشوف فيها لمعة الحب بتاع زمان… انا عارفة انك بتحبني.. وانا بقولك اني عرفت قيمتك وبتمنى تسامحني
يونس : عن اذنك عشان هنتأخر.. انا وخطيبتي
-بيركب يونس وشادو العربية –
سارة:وانا مش هيأس يا يونس.. مش هيأس
-بيبعد يونس وشادو-
فريال:ها عملتي ايه؟!
سارة: مرتين كمان مع شوية دموع.. وهيرجعلي.. لانه لسه بيحبني
فريال:حلوو اووي… كملي على كدا.. وانا اوعدك انه هيرجعلك قريب… قريب اوي
-فالعربية-
شادو:يونس…. هو انا ممكن اسالك سؤال؟!
يونس:اتفضلي
شادو:انت ليه عملت كدا… ليه بتلعب اللعبة دي يعني؟!
يونس:عشان سارة تبطل زن..
شادو:لا.. انت بتحبها يا يونس
-بيوقف يونس العربية-
يونس:انتي ايه اللي بتقوليه دا؟!
شادو:الحقيقة يا يونس… انت بتحبها.. والا مكانش هيبقا فارق معاك زنها.. لانك هتبقا متاكد انه مش هيأثر فيك وانك مش هترجعلها
يونس:لا مش حقيقي
شادو:بطل تبقا عيل يا يونس… هروبك من المشكلة مش هيحلها… واديها اهي بتعتذرلك… ارجعلها
يونس:وانا مش عايز ارجعلها
شادو:ليه.. ومتقولش عشان بتكرهها… انت بتحبها يا يونس

يونس: صدقيني يا شادو انا مبحبهاش
شادو:اومال ايه؟!.. تصرفاتك تصرفات واحد بيحب ومجروح من حبيبته
يونس:الموضوع موضوع كرامة مش اكتر.. حاسس انها اهانتني.. وعايز ارد كرامتي
شادو:ماشي هحاول اصدقك
يونس:ماشي… قوليلي بقا.. انتي وافقتي ليه؟!
شادو:بصراحة… كنت حاسة انك اتظلمت.. كنت عايزة اساعدك تاخد حقك… صعبت عليا يعني
يونس:صعبت عليكي.. ماشي يست هانم.. الف شكر على تعاطفك معانا
شادو:العفو العفو.. اتحرك بقا عشان نختار الخاتم ونرجع بسرعة.. لسه فاضل خطوبة بكرة محتاجة توضيب كتير
يونس:شادو… شكرا
شادو:العفو يا يويو… Sorry .. انا نسيت
يونس : ولا يهمك… بصراحة.. طلعت مش وحشة اوي كدا
-بيرجع الاتنين البيت –
نيڤين :اخيرا رجعتوا… وروني بسرعة جبتوا ايه..
فاروق:يونس.. اوعى تكون استرخصت
فؤاد:ليه يعني… انا ابني مش شوية فالبلد… وريهم يا يونس… خليهم يتكتموا
سلوى:اهم حاجة تبقا عجبت شادو
شادو:اكيد.. كفاية انها عليها اسم يونس
-بتغضب سارة وتطلع فوق وبتطلع وراها فريال-
صالح ليونس:ملكش دعوة بيها.. شوية وهتروق…
خديجة : متقولهم بقا يا صالح عالمفاجأة اللي قولتلي عليها
صالح : يووووه يا خديجة… هو انتي مبيتبلش فبوقك فولة ابدا…
يونس:مفاجاة ايه يا جدو؟!
صالح:هتعرف بعد الخطوبة… يلا يلا.. شوف هتوضبوا ايه لبكرة.. يلا
شادو:لا انا مش هقدر استنى بجد عايزة اعرف
صالح:شايفة يا خديجة… عملتي فتنة… اه يا ربي عالستات…. انا مش هقول حاجة غير بعد الخطوبة
-تاني يوم –
نيڤين :شادو… خلصتي يا حبيبتي
شادو:ثواني بس
فاروق:سيبيها براحتها… دي عروسة برضو.. لما كنتي زيها فوتي علينا 4 ساعات من حجز القاعة..
-في اوضة يونس-
يونس:الكونتيسة لسه مخلصتش؟!

ديما :مش عروسة!! حقها تتاخر
يونس:عروسة ايه بس… اومال لو بجد.. هتقعد. قد ايه؟!
ديما :خلاص بقا هروح اشوفهالك
-في اوضة شادو-
ديما :عروستنا القمر خلصت ولا لسه؟!
شادو:انا خلصت… ايه رايكوا؟!
-كانت شادو لابسة فستان اسود جميل وشعرها مفرود على كتفها وميكب رقيق لايق على ملامحها-
نيڤين:.. اسود يا شادو!!!!.. في عروسة تلبس يوم فرحها اسود؟!
شادو:لا بصراحة مفيش عروسة تلبس اسود يوم فرحها… بس يوم خطوبتها ممكن
نيڤين:بس دا مينفعش
فاروق :خلاص يا نيڤين متنكديش عليها
شادو:قولها يا بابا
ديما:طب والله يا طنط شكلها حلو… انا هروح انده يونس
يونس:لا مفيش لزوم انا جيت خلاص… يلا
نيڤين :بذمتك يا يونس… عمرك شوفت عروسة بتلبس اسود؟!
يونس:عروسة لا… بس لو اتخطبت عادي يعني
نيڤين:لا دا انتوا متفقين بقا
شادو:ابدا والله.. بس الظاهر انه رأيه من رأيي
فاروق:ايه داا.. انت بتطبلها من دلوقتي يا يونس… يلا حبيبي… ادينا فقدنا جندي كمان ضحية الستات
يونس:لا لا لا… مش انا
فاروق :كلنا قولنا كده… يلا عشان منتأخرش عالمعازيم
شادو ويونس:معااززييم؟!!!!!
شادو:هو انتوا عزمتوا حد؟!
فاروق:لا…. اصحابنا بس وقرايبنا مالبلد وعملتلكم مفاجأة…. عزمت اصحابكوا من ايام الجامعة.. ايه رايكوا
شادو:مفاجاة جميلة جدا يا بابا…. مين اللي قالك تعمل كدا

فاروق:محدش.. قولت افاجئكوا بنفسي
يونس:طيب اصحاب شادو وجبتهم ماشي… اصحابي انا جبتهم منين؟!
فاروق:لا مش انا اللي جبتهم… ابوك اللي جابهم… هو تحت هو و مامتك بيستقبلوا الضيوف
يونس:امري لله.. يلا يبنتي
شادو:يلااا وامري لله … بس ممكن تسيبونا ثواني اقول ليونس حاجة؟!
-بينزلوا كلهم الاول وبيفضل شادو ويونس-
شادو:وبعدين هنعمل ايه ؟!
يونس:هنعمل ايه يعني… ههننزل وامرنا لله
سارة:يونس…. متسيبنيش
-كانت سارة لابسة فستان احمر قصير وميكب جرئ –
سارة:يونس… احنا لسه عندنا وقت… سيبها وانا هرجعلك يا يونس… انا هنسى شغلي وهبقا معاك انت بس
يونس:ايه اللي انتي بتعمليه دا؟!
سارة:انت امتى بقيت قاسي كدا…. افهم بقا.. انا بحبك
يونس:وانا بحبها.. وهتجوزها…
شادو:بجد… شكلك وحش اوي…
سارة:انا مش عايزة اسمع صوتك
-بتتعصب شادو وتسيب ايد يونس وتمسك رقبة سارة وتكلمها بحدة-
شادو:اسمعي… انتي شكلك متعرفنيش… انا ساكتالك بس لاني مش عايزة اعكر دمي يوم خطوبتي… بس صدقيني… انا مش هسمح لحد يأذيني او ياذي خطيبي… فاهمة يا سوسو … يا ريت مشوفكيش طول الخطوبة …. يلا يا يويو… هنتأخر
يونس:يلا يا روحي
شادو:ايه رايك
يونس:بصراحة مكنتش اعرف انك جامدة كدا.. لا بجد براڤو
-بينزل الاتنين… وبيصقف الكل-
مراد:هاي.. انتي ديما صح؟!
ديما :اه.. ازيك.. مراد صح؟!
مراد :الله انتي عارفة اسمي!!
داليا:ديما ازيك.. مبروك عقبالك
ديما :شكرا وعقبالك انتي كمان..
مراد:وادعيلي انا كمان.. اصل انا مش مرتبط وبدور على بنت الحلال .. وشكلي هلاقيها قريب
داليا:ايه اللي بتقوله ده
ديما: عن اذنكوا
مراد:ايه دا مشيت ليه بس

داليا:حقها بصراحة.. لو مكانها هعمل كدا
مراد:طب انا معرفتش هي مرتبطة ولا لا طيب
داليا:اوعى تروح تسالها… احنا وسط اهلها ودول صعايدة وهيقتلوك
مراد:لا وعلى ايه.. الطيب احسن
-بتعدي الخطوبة من غير مشاكل وكل المعازيم بيروحوا-
شادو:جدوا قوللي ايه هي المفاجأة بقا
صالح:طيب طيب.. انتوا هتتجوزا اخر الشهر..
للكل : ايييه؟!!!!!!

يتبع …..

لقراءة الفصل التالي : اضغط هنا

لقراءة جميع فصول الرواية اضغط على (رواية الصفقة)