رواية مطاردة دين الفصل الأول 1 بقلم ميرنا شاكر

…انا مليكه طاهر البكري عندي 27 سنه وعندي اخواتي التؤام ياسين ومنال 22سنه وماما ليلى البكري اللي ربتنا بعد ما بابا مات …..كنا اسره سعيده جدا ……لحد ما جه يوم عمري ما هنساه غير حياتنا 180 درجه ………………….

في احد منازل مدينه نصر

الساعه 9.30 ص

سيده جميله جدا  في منتصف الخمسينات ذات بشره بيضاء وعيون بينه تملك من المقومات لتصبح ملكه جمال الكون … هي ليلى البكري 

ليلي:ياسين حبيبي ممكن تكلمني لما تخلص ..محتاجك تشتري حاجات لبيت ..

-حاضر

فتاه في العشرينات من عمرها ذات بشره بيضاء تشبه والدتها مع اختلاف لون عيناها الزرقاء التي تشبه البحر وشعر اسود كحل….وتشبه الملاك ومع براءه ملامحها الا انها تملك من القوه لتوقف اشد الرجال قوه …طبعا هي مليكه البكري بطله سابقا في رياضه الكاراتيه والتايكوندو ومحاسبه حاليا في احد شركات العز للمقاولات 

-ياسين البكري …اخو  مليكه الصغير تؤام منال في 3كليه الهندسه بيحلم انه يبقى دكتور في كليه الهندسه فقد كان هادئ في طباعه مقارنه بشباب سنه وبالرغم من ذلك فهو قوي البنيه يتسم بملامح تعطيه صغر سن ويشبه مليكه وعلى عكس تؤامه منال مشاغبه تحب الحياة والخروج وتعيش لهدف واحد الاستمتاع بحياتها ومصادقه ولاد الناس الاغنيا على امل تبقى منهم في يوم من الايام وكان ذلك سبب في رسوبها في كليه التجاره مرتين لم تتحرك من سنه اولى ….وعلى الرغم من ذلك كله كانت جميله جدا تشبه والدتها من حيث لون العنين والشعر ولكنها كانت قميحه اللون مثل والدها

مليكه :هو مفيش غيرك في البيت مابرضوه مليكه ومنال موجودين …ولا لانك حلو حبه وابيض وشعرك اسود وعينيك ملونه وشبه الممثلين الاتراك اللي في التليفزيون خلاص …..ولا علشان وحيدك …ما بنسمعش الكلام الحلو …..وهو احنا مش ولادك برضوه 

ليلى :هو انا عندي الاياسين حبيب قلبي هو اللي بيعمل ليا اللي انا عايزاه

مليكه :ماشي يا ماما …..ربنا يخليه ليكي 

منال:فيه ايه على الصبح؟

مليكه:ماما قاعده تدلع في اخوكي على الصبح …

منال :طيب وايه يعني……

مليكه :ما طبعا مش انتي تؤامه……المهم هتيجوا معايا ولا هتاخدوها مواصلات

منال وياسين : طبعا معاكي

**********************************

الساعه 10:30 جامعه القاهره

منال :هو المفروض عندنا ايه النهارده؟

ياسين :هو انا المفروض اللي هاعرف انا في هندسه وانتي في تجاره…

منال:هو انت بتكلمني كده ليه ؟

ياسين: هوانتي مش حاسه بنفسك انتي فاكره نفسك ملكه هوليود بهدومك الغريبه دي ولا العيال اللي انت ماشيه معاهم …مفيش حد منهم هيبوص ليكي متعشيش في الاوهام وارجعي للواقع هتروحي في داهيه بسببهم …وحاولي ما اقابلش ابن الصيرفي تاني احسنلك واحسن ليه …فاهمه ولا اعيد كلامي بدل ما اضربه تاني  

ترك ياسين منال وذهب الى كليته ..

*********************************************

تدخل فتاه من بوابه الكليه بسياره ميني كوبر حمراء احدث موديل..فتاه بيضاء ذات شعر اشقر من ملابسها تدرك انها من الاثرياء ترى في عينيها تكبر وعجرفه لم ترى على فتاه في مثل عمرها ترى انه لايوجد بجمالها…وبالرغم  من المحاولات الفاشله لشباب الجامعه لتقرب منها ..الا انها في قلبها عشق منذ الصغر لابن عمها لؤي …ولكنه لاسف عشق من طرف واحد….انها بيري مراد الصيرفي

منال:بيري …بيري…

بيري :هاي….ازيك يا ميمي

منال :كويسه …..اخبارك انتي ايه ؟ولا اقولك ايه العربيه الجامده  ..دي….

بيري:اه جامده……..بس بابا قالي خدي دي بس دلوقتي لحد ما يجيبوا ليه عربيه مخصوصه عليها اسمي وبالون اللي باحبه …ده انا بيري الصيرفي بنت مراد الصيرفي اكبر رجل اعمال في مصر …لازم يتعمل ليا اللي انا عايزه ….

منال:ماشي يا ستي …..فين الباقي ؟

بيري :مش عارفه لؤي كلمني وقالي كمان شويه هيجوا

منال :انا مش عارفه انتم ولاد عم ازاي هو انتم مش ساكنين قريب لبعض …ما تيجوا مع بعض وخلاص …………….

بيري :علشان كل واحد يبقى على راحته …..بدل ما نيجي مع بعض وانتي عارفه لازم خناق على طول…..فكل واحد معاه عربيته احسن…………..

منال :بس الصراحه عربيته الفيراري بتاعته حلوه اوي ….هو مجاش بيها بقاله مده…هو كان قايل انه هيغيرها…هو غيرها…

بيري :مش عارفه الصراحه بس هو ممكن يغير عربيه كل يوم….مش هتجي على دي

منال :بصي هناك ده لؤي ومعاه وائل ومحمود

لؤي الفتى ذو العضلات اسود الشعر ذات ذقن خفيفه ازرق العنين وسيم لدرجه لاتوصف تتمنى كل فتيات الجامعه الارتباط ولكنه يري انه لن يرتبط الا عند رؤيه فتاه تخطف عقله يبلغ من العمر 28 عام وده بسبب انه راسب درجه اولي كل ده في سنه تانيه وايضا رسوبه في الثانويه العامه ما جعله عمره اكبر من باقي زملائه …ومعاه اصدقائه الاتنين وائل الاسيوطي و محمود السماحي وبالرغم من …

…

لؤي : ايه يا بنتي ارحميني اسئله ….اولاالعربيه دي مؤقتا لحد ما اجيب عربيه تانيه ….والفيراري بقالها اسبوع في التوكيل علشان مش  مظبوطه 

لؤي: هنطلع المحاضره ولا زي كل يوم ؟

بيري :هي محتاجه سؤال ..زي كل يوم طبعا 

لؤي :احلى حاجه فيكي اننا فاهمين بعض.

بيري:مش ولاد عم 

لؤي :هههههههههههههههههههههههههه

يرن جرس موبايل منال 

بيري:مين يا ميمي ؟

منال:ده ….ياسين………….مع نظره استغراب لاصدقائها …

بيري :ردي شوفي فيه ايه …يمكن حاجه مهمه

منال :ماشي …الو ايوه يا ياسين 

ياسين :انا هاروح كمان شويه …هتيجي معايا ولا هتفضلي …

قام وائل..

بيري :انت رايح فين يا وائل ؟

وائل:رايح اجيب اكل اجيب لحد معايا 

محمود : انا جاي معاك 

لؤي :اعملوا حسابنا معاكم انا وبيري وميمي 

وائل :تمام 

وذهب كلا من وائل ومحمود …

منال :ياسين …………مالك يا ياسين 

ياسين :تعبان شويه وخلصت محاضرات اللي عندي النهارده وفي دكتور بتاعنا مجاش هاروح …المهم هتيجي ولا هتقعدي مع العيال دي …

منال :لا انا هاقعد شويه ……

ياسين : تمام براحتك ……..وخلي بالك من نفسك …ولو سمحتي علشان خاطري ابعدي عنهم 

منال :ماشي …..يلا سلام

ياسين :سلام

**************************************

منال : في ايه وايه صوت الصريخ ده  

بيري :مش عارفه ….تعالي نشوف في ايه ؟

محمود ووائل جاين عليهم …..ومعاهم الاكل 

بيري:متعرفوش سبب الزحمه اللي عند البوابه دي ايه ؟

محمود :بيقولوا في طالب من كليه هندسه خبطته عربيه وجريت 

منال :متعرفوش مين ؟

محمود :لا

منال: تعالي يا بيري نروح نشوف في ايه انا قلقانه ومش عارفه في ايه  

بيري :يلا

وصلت منال وبيري لمكان الحادثه 

سالت منال احد الطلبه اللي وافقين

منال :هو ايه اللي حصل ومين الطالب ده ؟

-هو عربيه خبطته وجريت والاسعاف جه اخده ..وطلع على المستشفى 

منال :اسمه ايه 

-اسمه ياسين البكري 

حاله من الصدمه على وجه منال وبيري …………

منال :لا ياسييييييييييييييييييييييييييييييييييييييييييين

وسقطت منال مغشي عليها …………………………………………….

…

ايه اللي هيحصل لياسين وايه اللي هيحصل لعيله البكري ده اللي هتعرفوه الحلقه الجايه ????????????????

لقراءة الفصل الثاني : اضغط هنا

لقراءة باقي فصول الرواية : اضغط هنا