اسكريبت قلبي ملكك الجزء الرابع 4 والأخير بقلم بسملة محمود

ف فيلا منصور والد ساره 

سارة كانت نايمه ف اوضتها ودخل عليها والدها 

منصور بحزن علي حال بنته : هتفضلي كدا كتير ي ساره حتي لسه مروحتيشً الشغل  

انتبهت ساره لدخول والدها الاوضه ف قامت من ع السرير وحاولت تداري دموعها بس هو كان شافهم خلاص : انا كويسه ي بابا مالي يعني وبعدين لسه الساعه مجاتش ٨ 

منصور قعد جمبها : ودموعك دي اللي مفارقتش وشك من شهور فاتت ،،من ساعة م اتطلقتي من جوزك انتي حتي رفضتي تعرفيني سبب الطلاق وانا محبتش اضغط عليكي لكن كدا كتير وحرام اللي بتعمليه ف نفسك ده 

سارة انفجرت ف البكاء وحضنت والدها : انا تعبت ي بابا تعبت انا شايله شيلة كبيرة اوي وانا مش قدها كنت فاكرة اني هريح ضميري بس قلبي هو الي بيتعذب 

منصور طبطب علي ضهر بنته : اهدي وصلي علي النبي ي ساره واحكيلي ي بنتي يمكن اقدر أساعدك مش بعد حبك انتي وجوزك ل بعض تطلقو كدا حتي مش راضية تعرفيني السبب

ساره بهدوء : عليه أفضل الصلاة والسلام انا هحكيلك ي بابا 

قاطعهم رنة فون ساره 

ساره باستغراب : دي لميس جارتي اي اللي فكرها بيا 

منصور : ردي ي بنتي يمكن فيه حاجة مهمة 

ساره ردت ع الفون : الو ي مدام لميس ازاي حضرتك 

لميس : ——————————————-

ساره بقلق : اي ؟!!! امتا حصل الكلام ده وإزاي 

لميس : ——————————————-

ساره : تمام شكرا لحضرتك 

منصور بقلق : اي ي بنتي فيه اي 

ساره بسرعه : سامر يبابا امبارح بليل رجع لقا اميره غرقانه ف دمها وخدها وطلع ع المستشفي اللي ف الكمبوند تقريبا 

منصور : طب وانتي هتروحي 

ساره وهي بتطلع لبس من الدولاب : أكيد طبعا مهما حصل لازم اطمن عليهم انا قلقانه اوي 

منصور قام وقف : مش هتروحي لوحدك انا هاجي معاكي مسافه م تلبسي هكون خلصت 

ملحوظة : ي جماعه نسيت اوضح زمن تعب اميره والوقت اللي اخدها فيه سامر المستشفي .. سامر رجع بليل متاخر لقا اميره تعبانه اخدها وطلع ع المستشفي وفضل اكتر من ساعتين مستني الدكتور يطلع يطمنه و ف الوقت ده ناهد جت   وأميره اخدت وقت علي م فاقت وكانت فاقت علي الصبح ع الساعه ٦ او ٧ صباحا 

ساره لبست هي ووالدها واتحركو ب عربيتها ناحية المستشفي وبعد مده كانو وصلو ودخلو يسألو عن اميره وعن اوضتها 

ف اوضة اميره سامر كان واقف يبص لأمه بدموع ومش مصدق اللي اتقال وفجأة قرب منها وأتكلم وهو بيبكي : انا ي امي انا تعملي فيا كدا وتكسريني انا ومراتي وتأذينا ف حياتنا؟؟! يعني يوم م قولتيلي انك تعبانه وعايزه تروحي للدكتور وتاخدي ساره معاكي كان جزء من خطتك وانا ساعدتك فيها؟؟؟…سامر بصراخ : ليه ده كله ليه عملت اي انا وساره لكل ده ؟؟؟؟؟

ناهد بكره : بكرهها وبكره أمها اللي أخدت مني حبيب عمري زمان وكان لازم انتقم وانتقمت 

سامر بصدمه : وانتي مخدتيش بالك أنك كنتي بتنتقمي مني انا ؟ مصعبتش عليكي طول التلات شهور دول وانا بموت من كسرتي قدام نفسي عشان عاجز ؟ مصعبتش عليكي وانا حاسس اني قليل اوي قدام سارة وأميره؟؟؟ مصعبتش عليكيً وانتي بتاخدي مني احلا حاجة ف حياتي ؟؟..وبص لأميره : وانتي ي اميره ازاي توافقي تعملي فيا كدا ؟ 

اميره ببكاء : والله ي سامر مكنتش اعرف انها عملت كدا ف ساره انا عرفت بعد م اتجوزنا هي جت قالتلي انك مبتخلفش بس وان ساره اتخلت عنك ساعتها انا وافقت اتجوزك عشان بحبك ولما عرفت ب الحمل روحت عرفتها وكنت خايفه ومش عارفه ده حصل ازاي وانت المفروض عقيم وقررت أجهض بس هي حكتلي علي كل حاجة وقالتلي انها اتفقت مع دكتور يقولك انه كان مرض مؤقت 

انا والله مكنتش اعرف 

سامر بصدمه شديده من أمه زعق فيها : انتي اي ي شيخة شيطانه ؟! مخك وصلك تعملي كدا ازاي  فهميني أنتي دمرتي حياتنا كلنا 

ناهد بحقد : ايوا انا مرضية ومبسوطة اني طلقت سارة منك ومبسوطة اني خليتها متخلف .. وكملت بجنون : ايوا انا اللي اتفقت مع الشغالة تحطلها حبوب اجهاض ف اي حاجة تأكلها او تشربها عشان متخلفش منك ولما عرفت ان ليها اثر سلبي ع الرحم خليتها تحط أضعاف الجرعة ف اي حاجة تأكلها لحد م الرحم بتاعها بقا ضعيف وميشلش طفل واحد ولما عرفت ده أخدتها لدكتور تبعي والدكتور اكدلي انها استحاله تخلف تاني 

سامر بقا واقف مصدوم اللي واقفه قدامه دي مًش أمه أكيد اللي جواها الحقد والكره ده كله مش أمه 

قاطع تفكيره صوت وقوع حد ع الأرض بص لقاها ساره 

سامر جري علي ساره بلهفة : ساره حبيبتي فوقي 

والد ساره بجمود : شيلها ي سامر وخودها بسرعة لدكتور خليه يشوفها علي م اطلب انا البوليس 

سامر كان شايل ساره وبص لامه بحزن ولف وشه ومشي 

ناهد ب زعيق : تطلب البوليس ل مين ي راجل انت وديني  لو حد قرب مني لاقتله 

منصور قرب منها ومره واحدة واحدة راح مسكها من دراعها ولواه جامد ورا ضهرها لدرجة انه سمع صوت كسره 

ناهد اترمت علي الأرض وفضلت تصرخ من الوجع ومنصور تف عليها وقرب من اميره : انا سمعتك وانتي بتقولي انك مكنتيش تعرفي ومصدقكً ي بنتي انا عارف انا عارف أنك يتيمه ومالكيش حد واعملي حسابك لو لأقدر الله حصل طلاق انتي هتعيشي معايا 

اميره بدموع امتنان : شكرا ليك بجد انا مش هنسي جميلك ده 

منصور طبطب عليها وخرج وسابها ومعاها ناهد اللي مرمية ف الأرض بتصرخ من وجع أيدها 

عند ساره كانت نايمه علي سرير الكشف ف أوضة ف المستشفي بقالها ساعة بعد م الدكتوره طلبت تعمل أشعه وتحاليل وسامر واقف قلقان هو ووالدها … الدكتوره دخلت عليهم ومعاها نتيجة التحاليل 

سامر بقلق : ها ي دكتوره ساره مالها 

الدكتوره بابتسامه : متقلقش ي أستاذ سامر مرآت حضرتك زي الفل هو بس الحمل ف اوله كدا 

منصور بصدمه : حمل ؟؟! 

سامر بنفس الصدمة: حمل ازاي دي الرحم بتاعها متضرر والدكاترة قالو مستحيل تخلف 

الدكتوره ب ابتسامه : دي اراده ربنا ي أستاذ سامر كمان الرحم عند المدام مكانش متضرر ب نسبه كبيره اوي بس لا يزال متضرر. والحمل هيبقا صعب عليها عشان كدا لازملها الراحة التامه وتجيلي كل أسبوعين نطمن عليها هي والبيبي انا هكتبلها علي شوية فيتامينات وادويه و مواعيدهم كمان واهم حاجة الراحة التامه ومتتعصبش 

سامر مش مصدق نفسه معقوله هيكون عنده ابن ومن ساره حبيبة قلبه وعمره 

سامر بابتسامه : طب ي دكتورة هي حامل ف الشهر الكام ؟ 

الدكتوره : ف أواخر الشهر التالت بس شكلكو مصدومين هوً مكانش باين عليها اي أعراض ولا اي ؟ 

منصور : لا اصلها كانت عندي ف البيت بقالها ٣ شهور بسبب خلاف مع جوزها ف متوقعناش حملها مش اكتر 

الدكتورة بعمليه : علي العموم حمدالله علي سلامة المدام اتفضل الروشتة 

سامر اخد الروشتة من الدكتوره قبل مً تمشي  لسه هيطلع يجيب الأدوية سمع صوت ساره بتنده عليه 

سامر بلهفة : ساره حبيبتي حمدالله علي سلامتك 

منصور بلهفة علي بنته : ساره انتي كويسه 

سارة بتعب : اه حاسه اني كويسه بس هوً حصل اي 

سامر باس أيدها وحط ايده التانيه علي بطنها وأتكلم والدموع بتلمع ف عنيه : هنبقا بابا وماما قريب ي حبيبتي 

سارة بصتله ومش مصدقه وبصت ل باباها اللي هز رأسه ليها ب معني ان الكلام ده صح وهو عنيه مليانه دموع 

ساره بدموع: بس …بس مامتك عملتلي عيب خلقي والدكتور قال …

قاطعها سامر بفرحة ودموع : ده جبر ربنا لينا ي ساره حقك عليا ي حبيبتي حقك عليا وباس رأسها

وكمل : يلابينا ي حبيبتي علي المأذون انتي مبقاش ينفع تبعدي عني تاني … وبص لمنصور : ده بعد إذنك ي عمي 

منصور :  انا سمعت كل حاجة وعارف انك أكيد ملكش ذنب مع ان فيه حاجة انا مش فاهمها بس مصدقك 

سامر بحزن :انا هفهمك ي عمي وبدا يحكي كل اللي قالته اميره والدموع بتنزل منه من غير م يحس وساره نفس الكلام وكانت حاسه ب صدمه كبيره ف حماتها واللي كان واجعها اكتر احساس سامر بعد م عرف ان أمه هي اللي خربت حياته 

منصور بحزن طبطب علي كتفه : ي بني انا كنت هبلغ البوليس بس حق ابوك الله يرحمه عليا يخليني معملش كدا كفايه اللي حصل وأميره بنت خالتك ضحية زيها زيك انت وساره وانا هاخدها تعيش معايا دي زي بنتي 

سامر بص لمنصور بامتنان وبعدها حضنه :ربنا يخليك لينا ي عمي وميحرمناش منك 

منصور بحب : ويخليكو ليا ي ولاد 

ساره بصتلهم بفرحة وكانت حاسه بسعادة الدنيا كلها بين ايديها 

بعد ٦ شهور 

في المستشفي

سامر كان رايح جاي قدام اوضه العمليات ب قلق وخوف ولقا منصور وأميره جايين بيجرو عليه ووراهم ليلي وخطيبها وباين عليهم الخوف 

منصور بقلق : بنتي مالها ي سامر هي كويسه ؟؟ حصلها اي 

سامر بخوف: انا لقيتها بتصرخ مره واحدة قومت مفزوع من النوم سالتها مالك قالتلي حاسةً انها بتولد ف جبتها وجيت علطول ع المستشفي وجهزوها للولاده وأول م دخلت العمليات كلمتكو 

اميره : طب هي بقالها قد اي جوا 

سامر : مكملتش ساعة لسه 

ليلي : متقلقوش ي جماعه ان شاء الله خير 

الكل : ان شاء الله … عدا ربع ساعه عليهم وكلهم قلقانين وفجاه سمعو صوت بيبي بيصرخ 

سامر وقف مكانه ولقا الممرضات طالعين وكل واحده شايله بيبي 

الممرضة : الف مبروك ي فندم ولد وبنت توأم زي القمر 

سامر ب لهفة : طب وساره 

الممرضة : المدام زي الفل وهتتنقل غرفه عاديه  دلوقتي  …سامر وطي ع الأرض وسجد من كتر فرحته وهوً بيبكي وبيحمد ربنا والكل بيدمعو من فرحتهم 

سامر قام اخد الولد وباسه وكبر ف ودنه وشال البنت ف الايد التانيه وبأسها وكبر ف ودنها وهو فرحان بيهم

بعد شويه كانو كلهم واقفين مع ساره ف الاوضه اللي زينتها اميره وليلي بسرعه وكانو واقفين فرحانين 

ليلي بفرحة: ها ي ستي هتسميهم اي 

ساره بصت ل سامر بحب واتكلمت: سليم وسيليا 

سامر باس راس ساره وأتكلم بحب : اتفقنا ي حبيبتي 

اميره بضحك : كدا العيلة كلها بحرف السين 

ضحك الكل علي كلام اميره وفجاه الباب خبط ودخل طارق صاحب سامر ..شاب وسيمً وظابطً وبيحب اميره من زمان وفرح لما أطلقت من سامر وأتأكد منه انها زي اخته وكان بيحاول دايما يقرب منها  وهي كمان  بدأت تعجب بيه ف الفتره الأخيرة ومن كتر م حاول يثبتلها أنه بيحبها بجد 

 طارق بمرح : اي الجمال ده العيال طالعين حلوين عشان مش شبهك ي سامر .. الكل ضحك هما عارفين طارق وهزاره

سامر ضربه علي كتفه ب هزار ف طارق حضنه وأتكلم بحب : الف مبروك ي صاحبي وحمدالله علي سلامة المدام دي هدية بسيطة ليك ولمدام ساره 

سارة بابتسامه: تعبت نفسك ليه بس ي حضرت الظابط 

طارق : لا تعب ولا حاجة .. وكمل وهو بيبص لأميره جبحب. وبعدين هتردوها قريب ف فرحي 

اميره وشها احمر وقلبها بدأ يدق ب عنف 

طارق كمل : عم منصور حضرتك تسمحلي اجي أشرب معاك القهوة انهارده 

منصور بابتسامة بعد م بص لأميره ولقاها فرحانه: وانا بخبرتي اقدر اقولك انك هتيجي تشرب شربات ..وقرب من أميرة وحضنها  الف مبروك ي حبيبتي 

اميره بفرحة وكسوف : الله يبارك فيك ي عمي 

ليلي بفرحة زغرطت اكتر من مره 

سالم خطيبها بضحك :لميتي علينا المستشفي ي مجنونه 

ليلي بفرحة: ده انهارده فرحتين مش فرحة واحدة ومش عايزني ازغرط طب اهو .. وزغرطت ليلي اكتر من مرة وسط فرحة وحب الكل …. وأخيرا العيله اكتملت والفرح جالهم من تاني وربنا عوضهم عن التعب اللي شافوه وعاشو كلهم ف سعادة وحب اما ناهد ف هي قضت اخر أيامها ف مصحة نفسيه لانها كانت اتجننت بعد رجوع ساره ل سامر وطلاقه لأميره ومستحملتش وماتت بعد دخول المصحة ب أسبوع سامر زعل عليها طبعا بس مع الوقت قدر يتخطي أزمة موتها ويسامحها هو و سارة علي اللي عملته . 

The end✨????