رواية عشق أحفاد الجوهري الفصل الخامس والعشرون 25 بقلم آية المهدي
رواية عشق أحفاد الجوهري الفصل الخامس والعشرون 25 بقلم آية المهدي
رواية عشق أحفاد الجوهري البارت الخامس والعشرون
رواية عشق أحفاد الجوهري الجزء الخامس والعشرون
رواية عشق أحفاد الجوهري الحلقة الخامسة والعشرون
صباح يوما جديد
في قصر عائلة الجوهري
كان يجلس الجميع لتناول الإفطار
الجد : انا خلاص حددت معاد فرح مليكة وسيف
حور بصدمة : مين
الجد : فرحك انتي وسيف وهيبقي بعد 40 يوم
والدته مليكة : كويس قوي يا بابا المعاد ده اكيد هنلحق نجهز كل حاجة
والدته سليم : أيوة هنلحق أن شاء الله
الجد : اي رايك يا سيف
سيف بسرحان : ها
الجد : مالك يا بني مش بكلمك بقولك اي رايك في معاد فرحك
سيف : اللي تشوفه يا جدي وانا معاك فيه
الجد : طيب تمام اتفقنا
أسيل بهمس لحور : اهدي ومتخافيش هنلاقي حل اكيد وكله هيبقي بخير
حور : كله بخير ازاي تقدري تقوليلي هنعمل اي أنا بتمني مليكة تفوق قبل الشهر ده
عز : مالك يا مليكة انتي مش مبسوطة بانك هتتجوزي انتي وسيف
حور بتوتر : اي لاء طبعا مبسوطة بس عروسة بقا وكده متوترة شوية
عز : لاء متخافيش اخوكي معاكي وكلنا معاكي
حور : اه طبعا
في غرفة سها وسراج
سها : سراج انت هتتجوز بجد هان عليك تعمل فيا كده يا سراج طيب بلاش أنا فكر في بنتنا
سراج : دلوقتي بقت بنتك كنتي فين يا هانم وقت ما كانت بتتعب ولا لما كانت محتاجاكي كنتي فين اقولك أنا كان كل همك اللبس وصحابك والنادي إنما جوزك وبنتك كانوا اخر همك ودلوقتي بتحاسبيني علشان لقيت إنسانة بتحبني وتحب بنتي انتي أنانية يا سها عايزة كل حاجة وانتي متديش
سها بدموع : سراج ارجوك انا بحبك اديني فرصة انا ندمت ومش عايزة غيرك انت وبنتنا ارجوك يا سراج فرصة واحدة بس
سراج بتأثر لدموعها ولكن أخفاه: انا خلاص حددت المعاد ومينفعش أتراجع
سها بحزن شديد : ارجوك يا سراج متعملش كده انا اتغيرت والله صدقني وهاعمل كل اللي انت عايزاه
سراج : ولو رجعتي لطبيعتك
سها : صدقني انا اتغيرت بس خليك جمبي
سراج : انا دايما جمبك بس انتي مش واخدة بالك
سها بندم : انا اسفة يا سراج سامحني
سراج : خلاص هنبدأ صفحة جديدة مع بعض
سها : اكيد بس اميرة انت هتتجوزها
سراج بضحك : انتي صدقتي الخطة دي
سها باستغراب: خطة خطة اي دي مش فاهمة
سراج : يا حبيبتي دي كانت خطة مليكة هي وصاحبتها وكمان بنتك كانت معاهم في الخطة وعملوا كده علشان تفوقي من اللي انتي فيه بس تصدقي كنت حابب اكمل فيها كانت مسلية
سها بغضب : تكمل اه انت واحد غبي ومبتحسش خالص بقا أنا تعملوا معايا كده ماشي لما اشوف اختك هاحاسبها علي كده
سراج : ده احنا كنا لسه بنقول التغير
سها : اتغيرت والله بس ده ميمنعش اني احاسبها وكمان اشكرها أنها فوقتني قبل ما اخسرك انت وبنتي
سراج : طيب يلا بينا نقولهم وذهب سراج وزوجته لاخبار الجميع
في غرفة سليم
كان سليم يجمع اغراض زوجته وجميع صورها لنقلهم لمكان آخر
سليم : انا مش عارف ازاي وأمته بس عارف أنه غلط ازاي احب مرات اخويا أنا آسف يا نادين بس غصب عني وانا لازم اسافر من هنا مينفعش افضل كتير بس لازم الاقي بنت عمي الاول وبعدها هابعد
في غرفة قصي وزوجته
قصي : مالك يا حبيبتي انتي كويسة
زوجته : معرفش بس مليكة بنتنا متغيرة
قصي : متغيرة متغيرة ازاي
زوجته : مليكة عمرها ما كان صوتها حلو امبارح سمعتها بتغني واستغربت ازاي كده
قصي : بتغني ممكن كانت بدندن ومركزتيش حلو يعني
زوجته: مليكة لاء أنا متأكدة من صوتها وكمان قالتلي ماما ولما قالتلي كده حسيت بشعور مختلف كانه اول مرة تقولها
قصي : لا واضح انك مش مصدقة أنها هتتجوز علشان بتقولي كده
زوجته: تفتكر ده السبب يا قصي
قصي : اكيد يا حبيبتي نامي دلوقتي وارتاحي وهتلاقي كله هيبقي بخير وبنتك زي ما هي
يلا تصبحي علي خير
زوجته: وانت من اهل الخير
في اليوم التالي
في مكتب الجد
الجد : سليم يا ابني مش عايز اي غلطة
سليم : اطمن يا جدي انا معايا العنوان وكمان عمي حاتم هيكون معايا واكيد هنقابل حور واهلها
الجد : أن شاء الله
وكانت حور علي استعداد للخروج من القصر وراها جدها
الجد : مليكة تعالي عايزاك
حور : نعم يا جدو
الجد : انت رايحة فين يا حبيبتي لوحدك كده
حور : ابدا يا جدو صاحبتي اتصلت بيا وقالت حابة نقعد مع بعض شوية وقلت اروح اشوفها وكمان اغير جو شوية
الجد : طيب يا حبيبتي سليم هيوصلك
حور بتوتر : لاء أنا هاروح لوحدي
سليم : لاء أنا هوصلك مينفعش تمشي لوحدك وكمان الحرس مش معاكي
الجد : يلا يا بنتي ابن عمك هيوصلك
حور باستسلام: حاضر اللي تشوفوه
وذهبت حور وسليم وركبوا السيارة
سليم : هتقابلي صاحبتك فين
حور بتوتر شديد: هنتقابل في كافيه قريب من مستشفي الجوهري
سليم دون النظر إليها : تمام
وبعد مرور نصف ساعة وصل سليم بسيارته الكافيه
سليم : وصلنا لما تخلصي ابقي اتصلي بحد من الحرس يجبلك العربية ويجيلك
حور : مش لازم هاروح لوحدي
سليم بأمر : مليكة اللي قولتله يتنفذ
حور بعند : لاء أنا مش مطرة اسمع كلامك مع السلامة وذهبت حور وتركته مصدوم
سليم بهمس : بقا أنا يتقالي لاء من ساعة ما فقدت الذاكرة وبقت غريبة بس بقت جميلة
اي الجنان اللي بقوله ده سليم دي مرات اخوك اعقل
وذهب سليم وهو ينهر نفسه لتفكيره بزوجه أخيه
وصلت حور الكافيه وظلت تبحث عن صديقة مليكة حتي رأتها رانيا صديقة مليكة
رانيا : مليكة تعالي
حور : ازيك يا رانيا عاملة اي
رانيا : ازيك انتي عاملة اي وحشاني والله
رانيا صديقة مليكة المقربة ولكن تكره مليكة بسبب حبها لسيف
رانيا بخبث وحقد : مبروك عرفت أنه فرحك بعد 40يوم
حور باستغراب: وانتي مين قالك
رانيا : اصل كنت بكلم طنط نجلاء مامت حسام وقالتلي
حور : اه تمام عقبالك يا رانيا انتي كنت عايزة اي مني قولتلي موضوع ضروري
رانيا : طيب مش نشرب حاجة الاول
حور : تمام انا هاخد عصير برتقال
رانيا : وانا فروالة لو سمحت وغمزت للنادل
النادل : تحت امركوا يا فندم
وجاء النادل بطلبهم
وبعد مرور الوقت ظلت رانيا تتحدث لتغشل مليكة كما تعتقد وأنهت حور العصير وبعد مده بدأت تشعر بدوار حاد
حور بدوخة : انا عايزة امشي اتاخرت
رانيا : مالك يا مليكة انتي تعبانة
حور بتعب : معرفش انا دايخة جدا
رانيا : طيب تعالي يا حبيبتي نروح المستشفي جمبنا اهي وكمان بتاعت جدك
حور : لاء مش قادرة اقف وفجأة فقدت الوعي تماما
رانيا بابتسامة : كده مهمتي خلصت باقي مهمتك يا حازم
رانيا بدموع مزيفة : الحقوني صاحبتي معرفش مالها ممكن تسندوها معايا نوديها المستشفي جمبنا اهي
احد الاشخاص : طبعا يا بنتي دي باين عليها تعبانة .
وحملوا حور وذهبوا بها للمستشفي
رانيا : شكرا جدا ليكوا لو مكنتوش جبتوها مكنتش عارفة هيحصل فيها أي
احد الاشخاص : ربنا يطمنك عليها يا بنتي وذهب الجميع واتي أحد الأطباء
رانيا للطبيب: كله جاهز والعملية جاهزة
الطبيب : كله تمام بأمر من حازم باشا
رانيا : طيب يلا بينا وذهبت رانيا والطبيب وأخذوا حور لغرفة العمليات
يتبع..
- لقراءة الفصل التالي : اضغط هنا
- لقراءة الرواية كاملة اضغط على : (رواية عشق أحفاد الجوهري)