رواية وحدة شغف الحلقة الثالثة والعشرون 23 بقلم ندى
رواية وحدة شغف الحلقة الثالثة والعشرون 23 بقلم ندى
 |
| رواية وحدة شغف الحلقة الثالثة والعشرون 23 بقلم ندى |
رواية وحدة شغف الحلقة الثالثة والعشرون 23 بقلم ندى
اترددت شوية وبعدها فتحته واتصدمت
شغف لنفسها بصدمة : احمد ازاي يخبي عني حاجة زي كدة ، اكيد كدب ، لا اكيد مش كدب هو اللي خدعني انا لازم افهم .
جريت شغف لاوضتها هي واحمد دخلت بعنف
احمد كان بيلبس هدومه لف شاف ملامحها غريبة
احمد بقلق = شغف مالك فيه ايه
شغف بصوت متوتر -احمد انت كنت متجوز قبل كدة
احمد اتصدم من كلامها = متجوز ازاي يعني
شغف بغضب ودموع علي وشك النزول -من غير كدب هو سؤال محدد انت اتجوزت قبل كدة ولا لا
احمد بتوتر = طب اعرف سبب السؤال
رمت شغف ورق علي السرير بعنف وغضب
-اتفضل شوف بنفسك .. قربت شغف منه بغضب … عمري ما كنت اتخيل انك بالبشاعة دي انت كدبت وكنت متجوز والاوحش والاحقر من ده انك سبت ابنك ، ياخي اذا كان طلقتها دي حاجة طبيعية بين اي اتنين بس انك تتخلي عن ابنك وترميه ده اللي انا مش قادرة اتخيله
احمد بعدم فهم : انا اتجوزت فعلا قبل كدة من سنة ونص بس انا معنديش ابن
شغف بدموع ونظرات كره لاحمد : بجد والله معندكش ابن ، واللي مرمي في ملجأ ده اسمه ايه ، ازاي معرفتش ان مراتك حامل اساسا
مسك احمد الورق بتوتر وصدمة ، كانت شهادة ميلاد لطفل بأسمه ، صورة قسيمة الجواز والطلاق ،وورقة فيها كلام كتير
بدأ يقرا احمد بصدمة
” احمد انا اسفة انا عارفة اني غلطت في حقك كتير واني كرهتك فيا و انا حبيت شكلك وفلوسك اكتر ومهتمتش لمشاعرك انا بعترف ب ده ، بس لما أطلقنا كنت حامل منك معرفش انت ازاي تجاهلت ده، عموما انا المفروض اعمل عملية كبيرة ومحتاجة فلوس كتير ،و ابنك موجود في ملجأ (—-)انا وديته هناك مكنتش قادرة اخد بالي منه بس ممكن اخده بسهولة بردة بس ممكن اتنازل عنه قصاد نص مليون جنيه، انا مش وحشه بس مش قدامي غير الطريقة دي معاك وده رقمي (—–)”
مسك احمد الورقة بعصبية – يابت ال*** تبيعي ابنك بفلوس والله ما هرحمك
بص احمد لشغف بقلق وحزن علي مشاعرها واحساسها
احمد بسرعة قرب ومسك ايديها- شغف انا والله مكنتش اعرف
شغف = بجد مكنتش تعرف ، شوف شهادة الميلاد وتاريخ طلاقوا شوف الفرق قد ايه
كملت شغف بصوت غاضب وعالي – 3 شهور ، يعني وانتوا بتتطلقوا مشوفتش بطنها .. طب تيجي ازاي اقنعني ، الطفل اللي سايبينه ده ذنبه ايه
.. شغف بصوت ضعيف … لو انت وامه مستغنيين عنه اوي كدة وعمالين تبيعوا فيه انا هدفع الفلوس وهاخده .
احمد بحزن علي اتهاماتها – شغف حببتي والله مشوفتش ده معرفش انها حامل انتي مصدقة بجد اني اتخليت عنه
شغف بدموع = كفاية كدب بقي ،انت المفروض ظابط يعني بتلاحظ اي حاجة مهما كانت صغيرة ازاي مخدتش بالك منها ومن الحمل … احمد اخرج لو سمحت سيبني لوحدي
احمد لسه هيتكلم
شغف بغضب = لو سمحت من غير كلام روح هات ابنك اللي انت حتي متعرفش اسمه .
احمد اخد الورق بغضب وخرج
قعدت شغف علي السرير ودموعها بتنزل بحزن و مش عارفة ليه زعلت اوي كدة علي الطفل ده
يارب يجيبه بقي قلبي وجعني عليه اوي
فلاش باك#
شغف الصغيرة بتجري علي جدتها
شغف – تيتة تيتة هو بابا وماما كدة سوا
جدتها بحب وحزن عليها = اه يا حببتي ، بتسألي ليه
شغف ببرائة – انا عايزة اكون معاهم طيب اروح ازاي
= لما تكبري خااالص هتروحي عندهم وبعدين هم شايفينك اوعي تعملي حاجة غلط عشان ميزعلوش منك .
شغف بتوتر – تيتة بس انا اكلت شيبسي
ضحكت جدتها = وفيها ايه
– ممكن يزعلوا
=لا عشان انا اللي جبتهولك .. كفاية كلام بقي وخشي نامي
-حاضر ياتيتة تصبحي علي خير
باك#
ضحكت شغف بوجع – ربنا يرحمك يا احلي تيتة في الدنيا ، انا مستحيل اسيب الطفل ده ،مش عايزاه يعيش نفس حياتي
دخلت شهد البيت وحست فيه حاجة غريبة كل حاجة كانت زي ماهي يعتبر
طلعت لشغف وخبطت
شغف – خشي يا شهد
شهد بخوف = شغف مالك بتعيطي ليه
شغف بدموع- اسالي اخوكي ، روحي نامي انتي دلوقتي انا محتاجة ابقي لوحدي
شهد بحزن = طب زعلك طيب
شغف- شهد لو سمحتي بعدين هقولك انا محتاجة انام شوية عشان حاسه بتعب
خرجت شهد وجريت تكلم عمر
عمر – قولي اني وحشتك بقي
شهد = عمر ، احمد كلمك؟
عمر بقلق- لا ليه
شهد= مش عارفة بس تقريبا هو و شغف حصل بينهم حاجة ومش موجود في البيت، حاول تكلمه لو عرفت حاجة قولي
عمر- تمام يا روحي هكلمه وابقي اطمنك .
——–
احمد سافر وراح الملجأ بسرعة و حاول يدخل برغم ان الوقت كان متأخر جدا
المديرة – حضرتك فيه ايه حصل مشكلة
احمد = انا ابني هنا وجاي اخده
المديرة- حضرتك جاي في وقت متأخر و بتقول ابنك وتأخده دلوقتي، اديهولك ازاي حضرتك معاك اثبات
احمد بغضب = منا عايز اشوفه عشان اجيبلك اثبات
خرج احمد بعدها بشوية وركب العربية ودموعه نزلت ف هو فعلا شاف نسخة مصغرة منه مش محتاج يتأكد انه ابنه . راح المستشفي يعمل تحليل DNA عشان يوديه الملجأ ويقدر ياخد ابنه
استني 6 ساعات لحد ما اعرف واتأكد واخيرا اخد ابنه ورجع للبيت كان حاسس بسعادة كبيرة اول ما شاله بين ايديه وكان حزين علي شغف .
انا غبي ازاي خبيت عليها ، يارب
عمر حاول يكلمه كذا مرة ومردش فرجع من طريق عودته لمنزله لبيت احمد وقعد في العربية مستنيه
وصل احمد بعد ساعتين ونزل من العربية شايل ابنه بمشاعر مختلطة بين حزن وفرح وابوة و حنين وخوف
عمر نزل بسرعة متفاجئ وقلقان- احمد انت كنت فين كل ده ومين ده
احمد بابتسامة = ابني
عمر – ابنك!!!
احمد بغضب = اها اكتشفت ان الهانم الحقيرة كانت حامل وخبت عني كل ده ان عندي ابن
عمر – ياختاااي عليك يا احمد دايما المصايب بتتحدف عليك من حيث لا تدري
احمد ابتسم علي طريقته = طب يلا تعالي خش اكيد مش هترجع بيتك دلوقتي خليك بات لحد بكرة هنا
عمر بهزار – اتمني طب هنام فين طيب فينك يا شهد
احمد= فيه اوض كتير فاضية وبطل مكر بقي
دخل احمد لشغف بعد ما شاور لعمر علي اوضه ينام فيها .
لقااها نايمة في سكون تام قرب بهدوء منها
-شغف حببتي اصحي
شغف فتحت عينها بتعب وشامة ريحة جميلة اخترقت مشاعرها و صوت طفولي مضحك
بصت بدموع لايد احمد – انت جبته
احمد بابتسامة = اكيد مش هسيبه يعني
اخدته شغف بحنان و باسته كتير بحب
احمد قرب منها ، بعدت شغف عنه بغضب
– اوعي تقرب
=شغف كفاية بقي والله مكنتش اعرف اثبتلك ازاي
-معرفش بس اللي اعرفه دلوقتي اني مش عايزة اتكلم
تنهد احمد بحزن = تمام يا شغف براحتك
اخدت شغف الطفل وتلعب معاه بسعادة وبتكلمه- انت قمر اوي .. عاوزة اكلك كلك ، يالهوي عالجمال
ابتسم احمد عليها واتمني كتير ربنا يرزقه بأطفال وتكون هي مامتهم
نام احمد وهو قاعد يتفرج عليهم
قربت شغف منه ودموعها بدأت تنزل – انت كدبت ليه عليا وجعتني اوي يا احمد ، مكنتش متخيلة انك تخبي حاجة عني .
الساعة 9 الصبح
صحي احمد بتعب ملقاش شغف في الاوضة ولا ابنه
نزل تحت بردو ملقهاش
نادي علي شهد اللي خرجت من المطبخ بتجهز الفطار بدري بعد ما عرفت ان عمر موجود
-ايوة يا احمد انت نديت
= ايوة فين شغف وجاسر
-جاسر مين
=ابني يا شهد
-الله هو اسمه جاسر ، شغف اخدته وخرجت تجيبله هدوم وكدة وقالت هتفسحه
ابتسم احمد واتضايق انها مقالتلهوش بس سابها براحتها .
———-
مامت عُدي – حد يجي يتقدم لبنت الساعة 10 الصبح
عُدي = انا
-يابني انت هتجنني
=انا كلمت امها ووافقت عادي
-ماهو من اصرارك الست هتقولك ايه يعني
=يا ماما خلاص مش هندخل البيت بس مش هتجوز ابدا
– يا ساتر عليك انزل خلينا نخلص منك
عُدي بهزار =حببتي انتي يا ست الكل
رن جرس وفتحت مامت منة بترحاب
مامت منة – اهلا وسهلا اتفضلوا
مامت عُدي = حببتي اخبارك ايه ، انا بعتذر علي اننا جينا في معاد بدري كدة بس نعمل ايه بقي
ضحكت مامت منه – تنوروا اي وقت
فات وقت
مامت منه – منة انجزي الناس برة
منة بنفخ = يا ماما ده متخلف حد يجي لحد دلوقتي انا لسه مفطرتش
– يعني اقولهم متجوش ، الشاب حلو و محترم ومامته ست جميلة ومحترمة عايزة ايه اكتر من كدة هتخللي جانبي
= يا ماما لسه بدري
-اخلصي يلا قدامي
منة في سرها = ده انا هضربك ضرب ، هكرهك في حياتك .ماااااشي
دخلت منة واتصدمت من وجود عُدي فضلت ساكتة فترة
مامت عُدي – طب نسيب العروسة تتعرف عالعريس لوحدهم طيب ولا ايه
مامت منة – طبعا تعالي نقعد في البلكونة شوية
بعد خروجهم
عُدي بضحك- ايه يا بطتي مالك ساكته ليه
منة = انت واحد متخلف حد يجي في وقت زي ده
-يعني افهم انك موافقه ولا ايه الدنيا
=لا مش موافقة طبعا يع انا اتجوز واحد زيك ،نجوم السما اقربلك
دخلت مامت منة ومامت عُدي
-ها يا ولاد .. ايه رأيك يا عروسة
عُدي بسرعة – موافقة يا امي الحمدلله .. الجمعة الجاية تبقي الخطوبة بقي
فرحت مامت منة = مبروك يا حببتي
منة سكتت بصدمة من اللي بيحصل حواليها
وفات اليوم ومنة اتدبست في عُدي ????
——–
شغف دخلت المستشفي بعد سفرها وبتسأل عن نهي خالد
فلاش باك#
فكرت شغف طول الليل بغضب وقررت فعلا تدي الفلوس لمامت جاسر وتخليها تتنازل عن الطفل واتصلت بيها وعرفت العنوان واخدت جاسر ونزلت وراحت للمحامي وكل الورق جهز وسافرت لنهي مامت جاسر
باك#
دخلت اوضه لقت ست جميلة نايمة حست بغيرة جدا …
-حضرتك نهي خالد
=ايوةوحضرتك م …. قبل ما تكمل كلامها شافت ابنها مع شغف
-انا شغف مرات احمد وعرفت كل حاجة وجيت اديكي الفلوس وتتنازلي عن ابنك
نهي بدموع = انا اسفة مكانش قدامي غير كدة انا بموت ومش قدامي غير السفر والعملية
مدت شغف واديتها شنطة وورق التنازل ،
نهي بحرقة وغل ومسكت القلم وكادت ان تمضي.. شدت شغف منها الورقة بدموع
– انا مش وحشة عشان اخلي ام تتنازل عن ابنها بس حقيقي انا كنت غضبانة اوي لما جبت الورقة دي برغم ان انتي متستاهليش ابنك القمر ده ازاي ام تقول بسهولة هتتنازل عن ابنها
=طب انتي عايزة ايه طيب في المقابل
-اعرف الحقيقة كلها .. احمد كان عارف ولا لا
نهي بمكر = ايوة كان عارف وسابني وطلقني برغم اني حاولت معاه حتي نطلق بعد الولادة ورفض
صدمت شغف وقلبها اتكسر- وهو كارهك ليه
نهي بمكر اكبر = شافني مع اخويا اللي كان مسافر وكنت بسلم عليه فكرني اني خايفة وفي نفس اليوم اطلقنا محاولش حتي يسمع مني برغم اني مكنتش براعي مشاعره بس كان المفروض يسمعني .
شغف مش مصدقة حاجة عقلها وقلبها عكس بعض سكتت لفترة ودموعها نزلت غصب عنها
– تمام متشكرة اوي ربنا يشفيكي ومتخافيش انا هخلي بالي من ابنك لحد ما تخفي
نهي مسكت الورقة بسرعة ومضتها = انا مش ضامنة اعيش والتنازل ده هيريحني اكتر
شغف بعدم استيعاب – جالك قلب تمضي الورق
نهي بدموع كاذبة= كدة احسن خلي بالك منه
شغف بعطف وتردد- متخافيش هخليكي تشوفي ابنك حتي لو احمد مكانش راضي
خرجت شغف ودموعها نازلة وبتبص لجاسر اللي كان نايم بين ايديها – يا حبيبي انت بجد هتكون الحاجة الوحيدة اللي هعيش عشانها .
يتبع..
لقراءة الحلقة الرابعة والعشرون : اضغط هنا
لقراءة باقي حلقات الرواية : اضغط هنا