رواية زواج أطفال 3 الفصل الخامس والثلاثون 35 بقلم الكاتبة الصغيرة

رواية زواج أطفال 3 الفصل الخامس والثلاثون 35 بقلم الكاتبة الصغيرة

رواية زواج أطفال 3 البارت الخامس والثلاثون

رواية زواج أطفال 3 الجزء الخامس والثلاثون

رواية زواج أطفال 3 الحلقة الخامسة والثلاثون

بعد ساعه الا ربع كانت رهف مجمعه العيله كلها عشان تقولهم المفاجأة
رهف.. احمم ودلوقتي يجماعه المفاجأة هي مسكت ايد ريناد وكملت صوت عالي نسبيا كله فرحه رينااااد حاامل
كلهم كانوا مصدومين بفرحه كبيره لان بقالهم سنتين ونص نفسهم ريناد وعز يخلفوا زي باقي ولاد عمهم
ريناد كانت بتدمع عز راح حضنها وباس راسها.. الف مبروك يا حبيبتي
عمران.. عقبال ما تملوا البيت عيال كده واشوف ولاد لمار كمان يارب
كلهم .. آمين ياجدو
ــــــــــــــــــــــــــــــــــــــــــــــــــــــــــــــــــــــــ
لارا.. يابت داخله علي التلت سنين ولسه مش عايزة تخلفي في ايه بقي حرام عايزه اشوف احفادي
ايلين.. خلاص هو كله نازل زن زن حتي يوسف كمان
لارا.. اما اشوف اخرتك ايه يابنت سليم
ايلين.. خير ان شاءلله انا ماشيه عشان خارجين بليل الحق اجهز
لارا.. ماشي ربنا معاكي ياقلبي
ايلين باستها .. ابقي سلميلي علي بابا
رجعت البيت وبدأت تجهز عشان خروجة بليل

في مكان تاني
آيه .. خلاص بقي يا معاذ ادي اختك اللعبه شويه
معاذ.. لا هي لعبت كتيي «كتير»
آيه .. ياحبيبي هي شويه وانت شويه يلا عشان مزعلش منك
استجاب لها معاذ ومد يده لاخته تأمه التي تدعي ماريا
دخل عمر وهو شايل العاب كتيره .. شوفوا جبت ايه
جروا عليه وكل واحد اخد العابه الجديده وهما فرحانين بيها
توجه ناحية آيه ليقبل رأسها ويجلس بجوارها يشاهدان ابنائهما ببسمه
عمر .. بقي كنتي عايزة تحرميني من دول انا من غيرهم مقدرش اعيش
آيه.. بعد الشر عليك ياحبيبي خلاص ايام وراحت لحالها ربنا يسامحه معتز اخويا كان بيحرضني دايما
عمر.. وانا قلبي طيب وسامحتك لما عرفت كل حاجه عارفه ليه
آيه.. ليه
عمر.. عشان اتأكدت انك مش وحشه لما مردتيش تنفذي كلامه وتأذيني اتأكدت ولما متزليتيش اللي في بطنك وكمان نظره الحب اللي كانت في عنيكي ليا

آيه .. ربنا يديمك في حياتنا ويبعد عننا كل شر بس مش هننزل مصر بقي العيال هيكملوا ال3 سنين ولسه اهلك ميعرفوش عنهم حاجه
عمر.. تاااااني الموضوع ده انا كده مرتاح والله
آيه.. خلاص اللي انت شايفه
عمر.. ايه رأيك نتغدي برا النهارده
آيه .. ودي محتاجه سؤال طبعاً موافقه ثواني ونكون جاهزين
ــــــــــــــــــــــــــــــــــــــــــــــــــــــــــــــــــــــــ
رحمه .. انت بقيت لا تطاق مش ده معتز اللي حبيته ولا اعرفه
معتز بهدوء تام.. رحمه انا مش فاضيلك
رحمه بعصبيه .. يعني ايه امال فاضي لمين بتكلم مين كل يوم للساعه 3 الفجر رد علياااا والله لقول لعمر وهو يتصرف معاك انا تعبت
معتز.. عمر اه ابقي قوليله في الجنه بقي
رحمه.. يعني ايه؟
معتز.. يعني هو متجوز اختي
رحمه.. اختك!!!!

معتز..ايوا وكل ده كان حوار عليكي انتي واخوكي والورق اللي مضيتك عليه من سنتين كان ورق تنازل عن حقك في شركة جدك وزيه اخوكي وقع عليه ولو نطقتي بحرف واحد هكون مموتهولك هناك واقول قضاء وقدر مات في الغربه
كل كلمه كانت اصعب من اللي قبلها معقول ده نفس الشخص الطيب الحنين اللي كان بيتحايل عليها عشان تتجوزه نطقت بكلمه واحده.. طلقني
معتز .. انتي طالق بالتلاته
معقول بالسهوله دي
رحمه قامت وهي مازالت في صدمه ودموعها تنهمر بشده توجهت الي غرفتها جمعت اغراضها وتركت البيت
ــــــــــــــــــــــــــــــــــــــــــــــــــــــــــــــــــــــــ
لمار.. ماما عايزه اعمل اختبار مش مظبطه اليومين دول
لين.. يسمع منك ربنا يابنتي يارب المره دي تكوني حامل
لمار .. يارب يا تيته
اروى.. خلاص يا حبيبتي هبعت اجيب واحد
بعد نصف ساعه كانت تنزل الدرج بسرعه
مالك .. ايه ايه علي فين كده
لمار.. هوري لماما حاجه بس
ذهبت لاروي وهي تمسك بالاختبار.. ماما ده معناه ايه
دققت اروى لتجد به خطين باللون الأحمر ثم صاحت بفرحه.. الف مبروك يا قلبي الله يكملك علي خير
لمار.. بجد وربنا
مالك ضحك .. البت مش مصدقه
لمار.. ده مازن هيفرح اوي بس محدش يقوله عشان خاطري
لين .. بس كده بسيطه هنعمل نفسنا منعرفش حاجه يلا اطلعي فوق بسرعه
لمار .. حاضر
مالك.. براحتك يابنتي وانتي طالعه السلم
حاضر يا بابا

رجع مازن بليل وكان الجو هادئ كالعاده القي التحيه علي الجميع .. لمار منزلتش ولا ايه
اروى.. لا قولنا نخليها براحتها
لين.. اه يمكن تعبانه ولا حاجه
مازن.. انا سايبها الصبح كويسه
اروى .. اطلع ياحبيبي اطمن عليها وابقي انزل احنا سهرانين
مازن.. حاضر هشوفها واغير هدومي
طلع مازن ولاقاها قاعده علي السرير ماسكه التليفون راح طبع قبله علي خدها.. قاعده لوحدك ليه
لمار.. مفيش استنيتك تيجى وننزل سوا
مازن.. حاضر هدخل اغير وننزل
دخل الحمام وهي ابتسمت قفل الباب وتوجه للحوض يغسل وشه بعدين فتح عينه ولفت نظره حاجه علي الرخامة مسكها وبعدين استغرب واتحول الاستغراب لصدمه تليها فرحه فتح الباب بسرعه وهي نزلت من علي السرير بتضحك
مازن .. ايه ده انا بحلم
لمار.. لأ بجد انا حامل
حضنها جامد وهو بيبوس راسها.. انا مش مصدق نفسي والله انا فرحان اوي
لمار.. وانا اكتر ياحبيبي الحمدلله ربنا كرمنا بعد كل ده
مازن .. الحمدلله الجماعه هيفرحوا اوي
لمار.. هما عارفين اصلا بس اتفقنا محدش يقولك
مازن .. اااه منكم
لمار.. يلا غير عشان تنزل بقي
ــــــــــــــــــــــــــــــــــــــــــــــــــــــــــــــــــــــــ

بعد مرور عدة اشهر
كان عمر خارج من شغله وماشي علي الطريق فجأه جت شاحنه كبيره وبسرعه البرق كانت تصدمه ليقع قتيلا علي الارض ويلتف حوله العديد من الناس منهم من طلب الاسعاف ولكن بعد فوات الأوان
كانت كل من ريناد ولمار يضعن حملهن في احدي المستشفيات فأنجبت ريناد ذكر ولمار انثي
رهف كانت حامل بالشهر السادس
ورحمة علي وشك الولاده بعدما تطلقت من معتز اكتشفت انها بالشهر الأول قررت ان تكمل حياتها في منزل جدها مره اخري مع ابنها وتنسي كل ما مضي
كانت العائله حزينه لموت عمر ولم يستطع احد منهم الوصول الي زوجته وابناءه بعدما اعترفت رحمه بكل شيء وافصحت عن امر زواجه
مرت الايام والسنوات هل حدث تغيير هل هناك افراد جديده هل احد آخر سيُفقد في هذه العائله؟!
سنتعرف علي احداث جديده وشخصيات جديده في الجزء القادم بإذن الله
ــــــــــــــــــــــــــــــــــــــــــــــــــــــــــــــــــــــــ

لقراءة باقي حلقات الرواية اضغط على : (رواية زواج أطفال 3)