رواية موضوع عائلي (الشيخ والبلطجي) الفصل الثلاثون 30 بقلم رحاب القاضي
رواية موضوع عائلي (الشيخ والبلطجي) الفصل الثلاثون 30 بقلم رحاب القاضي
رواية موضوع عائلي (الشيخ والبلطجي) البارت الثلاثون
رواية موضوع عائلي (الشيخ والبلطجي) الجزء الثلاثون
رواية موضوع عائلي (الشيخ والبلطجي) الحلقة الثلاثون
#موضوع_عائلي
_الحلقه الاخيره
ــــــــــــــــــــــــــــــــــــــــ
_وحتي وإن لم تكن انت الاختيار الاول.. فيكفي انك الاخير❤
_جوه عيادة الدكتوره سلوي كانت هاجر قاعده جنب ولاء وقالتلها وهي مدايقه..
هاجر
يا ولاء يا حبيبتي انتي مش قولتي انك خفيتي، جايه هنا تاني ليه ما توجعيش قلبي وتخوفيني عليكي..
ولاء بهدوء
هو احنا مش جايين هنا عشاني انا، احنا جاين عشانك انتي..
هاجر بعصبيه
نعم يا سوكر ليه فاكراني مجنونه ولا ايه..
ولاء بضيق
وطي صوتك يا بيئه انتي وبعدين هو انا يعني كنت مجنونه عشان اجي هنا قبل كده، هاجر انتي مضغوطه نفسياً وانتي محتاجه تتكلمي مع حد يقدر يقدملك نصيحه بشكل كويس ومفيد وما فيش احسن من الدكتوره سلوي بجد..
_وقالت الممرضه اسم هاجر، اللي قامت وهي متوتره جداً ودخلت عند الدكتوره سلوي اللي وقفت وسلمت عليها وقالت..
الدكتوره سلوي
ازيك يا مدام هاجر عامله ايه؟..
هاجر
تمام حضرتك عرفاني؟..
ابتسمت وردت عليها
ايوه طبعا اعرفك جدا، ولاء ياما حكتلي عنك وهي كلمتني وقالتلي انك جايه النهارده..
هاجر
وقالتلك ايه بقي عليا؟..
الدكتوره سلوي
ما قالتش حاجه مهمه يعني، انا عايزه اسمع منك انتي يا هاجر واللي بيني وبينك مش هيطلع بره اطمني..
_اخدت هاجر نفس عميق وفضلت تتكلم معاها، وفي نفس الوقت في الفيلا بتاعت يونس كان محمد هناك بيتغدي معاه هو وشهد، ويونس قاله بعصبيه..
يونس
هو انت يا ابني غبي ازاي تسمحلها اصلا تربي ابنك مع راجل غريب..
محمد يضيق
انا اصلا كنت غلط لما سمعت كلامك وضغطت عليها من ناحية ابننا والحضانه والجو ده..
شهد
معاك حق انت عارف اصلا ان هاجر مش بتيجي كده..
يونس
اومال بتيجي ازاي، بقولك ايه يا محمد انت تروح تدبها علقه معتبره وتردها غصب عنها وابنك يتربي في حضنك..
شهد بحده
انت ايه اللي بتقوله ده والله لو عملتها يا محمد لهفضل زعلانه منك عمري كله..
محمد.
لا ما تقلقيش هو حد. ياخد نصايح من بلطجي اصلا..
يونس بسخرية
ما انا عشان كده بتكلم، عشان ابنك بتربي بينكم وما يبقاش كبير وزي الشحط ويفضل من جواه حاسس بالنقص..
محمد بهدوء
بس ياريت ابني يطلع زيك او ربعك حتي، انت استغليت النقص اللي جواك ده عشان توصل للي انت عايزه وتحقق حلمك ما بقتش حد وحش..
يونس بحزن
والله ما كان بالساهل كل ده، فكر كويس يا محمد واعمل المستحيل ورجع مراتك وابنك ليك..
محمد اتنهد وقال
هي فاضله اخر محاوله بس مش هتكون مع هاجر هتكون مع اللي عايز يتجوزها..
شهد بقلق
محمد ارجوك لو هاجر هتكون مرتاحه معاه خلاص بلاش تخرب حياتها انت اكتر واحد كنت شايف هي تعبت ازاي حتي منك انت..
محمد
ما تقلقيش انا مش هأذيها بس انا برضو من حقي ابني وام ابني يكونو معايا..
ـ سكتت شهد وكانت قلقانه من اللي بيفكر فيه محمد…
ـــــــــ #بقلم_الكاتبه_رحاب_القاضي ـــــــــ
_ وعدت فتره وخلص رمضان وجه يوم كتب كتاب هاجر وعدي، وكانت هاجر واقفه قدام المرايا في اوضتها وهي لابسه فستان اوف وايت شكله حلو جداً ولابسه حجابها بشكل جميل وابتسمت بدموع وقالت..
هاجر
التالت يا هاجر وداخله مرحله ومش عارفه هتكون صح ولا غلط، انتي غبيه اوووي ما شوفتش كده بصراحه..
دخل عندها حمدي وقال
العروسه اتجننت يا جماعه وبقيت بتكلم نفسها..
ابتسمت هاجر وقالت
لا ابداً يا بابا انا بس متوتره شويه، هو عدي جه بره ولا لسه؟…
حمدي
لا هو كلمني وقالي انه جايب المأذون واهله وجايين كمان شويه، عارفه انا مبسوط منك انك قررتي تعملي كتب الكتاب علي الدايق كده تقديراً لاخو محمد الله يرحمه..
هاجر
تربيتك يا استاذ حمدي..
قعد حمدي وخلاها قعدت جنبيه وقال
حقك عليا يا هاجر انا ظلمتك بجد في اني سيبتك تكملي مع عادل الاول وكنت عارف انه وحش وفي اني جوزتك محمد في لحظة غضب مني..
هاجر
ده نصيب يا بابا ما تعتذرش ما حصلش حاجه عادي..
حمدي بحزن
طيب للمره المليون هسألك انتي موافقه بعدي مرتاحه يا بنتي؟..
هاجر بدموع
مش عارفه بس موافقه اول مره هاخد قرار من نفسي ولازم اتعود علي كده واتحمل عشان اكبر بقي وما افضلش بدماغي الصغيره دي علي رأي ماما..
حمدي خدها في حضنه وقال
هو ابن حلال وكويس وبيحبك باين اووي عليه وانا متأكد انك هتكوني سعيده معاه..
_اتنهدت هاجر وقلبها كان بيدق بسرعه وهي متوتره جداً…
ـ وفي بيت عدي الجديد اللي جابه عشان يعيش فيه هو وهاجر وابنهم حمدي، بص لسرير الاطفال اللي صمم انه يكون في اوضة النوم وابتسم وقال..
عدي
دي هتكون احلي مفجأه ليكي يا هاجر النهارده…
_ولبس جاكيت البدله بتاعته ومسك موبيله وكلم علي اخوه وقاله وهو نازل علي السلم..
عدي
الوو… ايوه يا علي انا جاي اهو في الطريق عايزك تأكد علي امك انها لو ناويه تقول اي حاجه تدايق هاجر فانا اللي هزعل، دي هتبقي مراتي ومش هقبل عليها نص كلمه فاهم..
علي
بالراحه يا عم علينا هقولها حاضر بس انت بالراحه دي امك برضو..
عدي
فاهم يا علي بس هاجر تعبت كتير ومش عايزها تدايق في حياتها معايا لاي سبب من الاسباب…
_واول ما فتح الباب سكت وهو مستغرب من وجود محمد قدامه وهو كان لسه هيخبط وقال..
محمد بجمود
كويس انك لسه هنا، لازم اتكلم معاك ضروري..
قفل عدي الفون وقال بهدوء
لو حضرتك مش واخد بالك النهارده فرحي وانا مش هينفع اتأخر..
اتنهد محمد بضيق وقال
هما دقيقتين مش هعطلك..
عدي
اوكي اتفضل…
_ دخل محمد وعدي قفل الباب،،، وبعد شويه كان عدي اتأخر جداً علي كتب الكتاب هو واهله وفجأه موبيلها رن وكان عدي…
ردت عليه هاجر وقالت
الو يا عدي انت فين كل ده تأخير؟..
رد عدي وقال
؟؟…………
_ تفتكرو عدي رد عليها بأيه؟….
ـــــــ #بقلم_الكاتبه_رحاب_القاضي ـــــــ
_ وفي الوقت ده في بيت يونس..
كان شهد مدايقه وهي بتلف في حجابها قدام المرايا وقالت ليونس بعصبيه..
شهد
طيب هات الموبيل يا يونس طيب…
يونس
لا عشان لو اخدتي الموبيل هتروحي تنزلي صورة الهانم صحبتك هي وجوزها الجديد وطبعا محمد اخويا هيشوفها وهيدايق..
شهد بعصبيه
يعني انت لا مخليني اروح ولا حتي مخليني اباركلها..
يونس
مش هتصعبي عليا يا شهد فاكره خطوبة محمد. وزينب مخلتنيش اروح وخليتي ابويا يقول عليا جوز الست والهانم ممشيااك بمزاجها وسكت وما روحتش..
شهد
يعني انت بترودهالي..
يونس
ايوه بردهالك واخلصي يلا عايز اوصلك واروح اشوف اللي ورايا..
شهد
طيب ما تخلينا قاعدين هنا علي طول انا مرتاحه هنا..
يونس
والله وانا بس ما ينفعش اسيب ابويا لوحده في الحاره، ابويا بيسند ضهره بيا يا شهد وحتي لو بقيت اغني واحد في العالم لازم افضل الكبير بتاع الحاره عشان هو عايزني كده..
ابتسمت شهد وقالت
حاضر يا معلم يونس يلا بينا..
ضربها علي كتفها وقال
من غير تريقه يا ظريفه..
_ضحكت شهد ونزلت معاه وراحو الحاره،،،،،
وفي الوقت ده كانت نور نازله من التاكسي قدام بيتهم وقالت لصاحب التاكسي..
نور بحزن
اا انا مش معايا فلوس ممكن اديك الدبله بتاعتي دي دهب علي فكره وو.
السواق بهدوء
شكلك بنت ناس روحي اللي يساهلنا ويساهلك..
قلعت نور الدبله وقالت
لو سمحت خدها انا مش عايزاها اصلا بقي وجودها معايا مدايقني..
السواق
بس يا بنتي بس دي غاليه اووي..
نور بدموع
بس بالنسبالي رخيصه اووووي اووي لو سمحت خدها..
_ وسابته ومشيت طلعت بيتهم، ووقفت قدام شقة اهلها ودموعها نزلت وخبطت علي الباب وايدها بتتنفض ، وبعد شويه فتحت فايزه اللي كانت لابسه اسود وقالت..
فايزه بهدوء
نعم انتي عايزه مين؟..
نور بدموع
اا انا نور يا ما..
قاطعتها فايزه وقالت
لا لا ما تنطقيهاش كلمة ماما دي ما حدش كان بيقولها غير بنتي نور..
نور دموعها نزلت وقالت
انا نور يا ماما..
_شدتها فايزه من ايدها وخلتها تدخل، ووقفتها قدام صورة نور اللي متعلقه علي الحيطه وهي صغيره وابوها وامها حضنينها، وقالت فايزه بحده..
فايزه
نور بنتي اهي البنت اللي في الصوره دي، اننا انتي انا ما اعرفكيش..
نور ببكاء
انا عارفه انك زعلانه مني، بس انا اتكسرت يا امي انا اتأذيت اووي ولا يوم ارتحت فيه من لما بعدت عن حضنك انتي وابويا انا كنت بضحك علي نفسي..
فايزه بسخريه
ابوكي دلوقتي بقي ابوكي، ابوكي مات بحسرته عليكي كان بيطلع في الروح وبينده عليكي عشان يشوفك وانتي ما هانش عليكي تيجي..
نور مسكت ايدها وباستها
انا اسفه حقكم عليا انا استاهل كل حاجه بتحصلي بس خليني معاكي انا محتجالك يا ماما..
ذقتها فايزه وقالت
من سنه كنت ببوس ايدك عشان تقعدي معايا بس سبتيني ومشيتي ومن وقتها وانتي بالنسبالي مايته واللي بيجي وبيسألني عليكي كنت بقوله انك مايته..
نور ببكاء
والله مش زعلانه من كلامك ده، اقلعي اللي في رجلك كمان واضربيني بيه بس سامحيني..
فايزه بدموع
انتي ما بتفهميش بقولك انتي مايته في نظري انا مش هسامحك، امشي من هنا يلا روحي مكان ما كنتي..
نور ببكاء
لا لا انا محتجالك خليني معاكي..
ذقتها فايزه وهي بتعيط وقالتلها
امشي انا مش عايزاكي معايا، روحي لحالك وما تجيش هنا تاني..
_قالت كلامها وقفلت الباب في وشها، ونور فضلت تخبط وهي بتعيط وبتقولها..
نور
مش هعمل كده تاني والله وهسمع كلامك، انا ماليش مكان اروحله غيرك انا اسفه افتحيلي بقي يا ماما..
_ كانت فايزه قاعده علي الارض ورا الباب بتعيط، ونور نزلت تحت وهي مكسوره بجد، واول ما نزلت سمعت اتنين ستات كانو جيرانها بيقولو..
الست
شايفه يا ام حسن البنت البجحه بعد ما رمت اهلها جايه دلوقتي تتمسكن اخص علي دي اشكال
ام حسن
شايفه كمان شكلها بقي عليه غضب ربنا ازاي، الله واعلم بقي اللي كانت بتعمله ده المعلم يونس ربنا بيحبه عشان خلصه من الشمال دي…
الست
معاكي حق والله ده مراته حتت سكره مش قليلة الاصل والتربيه زي دي..
_وكان كلامهم اخر حاجه كسرت نور اللي مشيت في الشارع مكسوفه جدا من نظرات الناس الشمتانه فيها، وراحت وقف قدام الطريق الرئيسي وفجأه اتحركت بسرعه قدام عربيه كانت معديه بسرعه وخبطت فيها ووقعت نور علي الارض غرقانه في دمها..
وفي الوقت ده كان وصل يونس وشهد الحاره وشافو اللي عملته نور في نفسها، ونزل يونس بسرعه وقال اسمها بصوت عالي وهو بيجري عليها بخوف ولهفه كبيره..
يونس حضنها وقال بدموع
نور قومي يا نور ايه اللي انتي عملتيه ده فنفسك..
_بس للاسف في اللحظه دي نور كانت ماتت، جات امها وهي مصدومه وقعدت جنبيها علي الارض وحضنتها وقالت..
فايزه ببكاء
فتحتلك والله كنت هدخلك بس انتي مشيتي بسرعه، قومي يلا نرجع بيتنا انا مش زعلانه منك خلاص…
_ ياريت الندم كان رجع ابو نور وخلاه يسامحها ياريت الندم كان خلي نور ترجع ليونس بعد ما جرحته ياريت الندم كان خلي ام نور تسامحها قبل ما تعمل كده في نفسها..
_ويبقي الندم هو اصعب شعور ممكن اي حد يحس بيه..
ـــــــــ #بقلم_الكاتبه_رحاب_القاضي ــــــــ
_وعدي خمس سنين..
وكانت نسرين قااعده في الكافي بتاعها ومعاها ملك بنت ولاء وبتأكل فيها…
نسرين
يلا يا ملوكه افتحي بوقك..
ملك
لا..
نسرين
عشان خاطري يلا اخر معلقه..
ملك
لا…
نسرين
اللهم طولك يا روح.. بصي كلي وهاخدك بالليل الملاهي ونجيب حاجات حلوه يلا..
ملك
لا..
نسرين بغيظ
انتي رخمه بجد ما تاكليش براحتك…
جات ولاء وقالت
يخربيتك يا نسرين بقي انا سيبالك البنت عشان تاخدي بالك منها ولا تعملي عقلك بعقلها..
نسرين
بنت دي رخمه اووي ما تسيبهاش معايا تاني..
ولاء
اديني اهو وخداها وماشيه، المهم علي سألني علي رئيك في موضوع صاحبه اللي عايز يتقدملك اقوله ايه؟..
نسرين
قوليلو لا مش بتفكر في الموضوع ده دلوقتي..
ولاء
يا نسرين كفايه بقي بقالك خمس سنين مستنيااه يرجع وهو لا حس ولا خبر، عارفه انا لو جيبت سيره لماما علي العرسان اللي بترفضيها دي هتيجي تاكل وشك قلام..
ضحكت نسرين وقالت
ههههه يا ستي ربنا يكفيني شر طنط فاطمه، وايوه يا ولاء انا مستنيه احمد وهفضل مستنيااه العمر كله..
ولاء
طيب افرض كان اتجوز وعاش حياته ليه انتي توقفي حياتك عليه..
نسرين بحزن
انا كده مرتاحه اكتر، انا بحب احمد ازاي اوافق بغيره بصي يا ولاء في فرق كبير بيني وبين هاجر اختك لان حكايتي مع احمد تختلف خالص عن حكاية محمد وهاجر..
ولاء بضيق
اللي يريحك يا نسرين المهم انا همشي عشان علي مستنيني في العربيه بره..
نسرين
ماشي يا لولو وسلميلي عليه…
_ مشيت ولاء ونسرين راحت وقفت عند. الشباااك وفضلت باصه قدامها وهي سرحانه، وفجأه اتملت عيونها دموع لما سمعته قال وهو واقف وراها..
احمد
هو الكافي ده فيه حاجه تتاكل ولا كله مشروبات وبس؟..
بصتله نسرين وابتسمت بدموع وقالت
انت ااا..
احمد قاطعها وقال
في ولا ما فيش مش ناقصين عطله؟..
نسرين بتوتر
فف في طبعا في كل حاجه انت عايزها..
ضحكت بهدوء وقالت
هو انت رجعت بجد؟!…
احمد
انتي شايفه ايه؟..
نسرين بدموع
بس اتأخرت اووي ومشيت وسيبتني من غير ذنب..
قرب منها وقال
لا اتاخرت ولا حاجه بس اوقات بنحتاج نبعد عن كل حاجه عشان نعرف نكمل من غير ضغوط..
نسرين
وانت رجعت ليه دلوقتي؟..
احمد
هتصدقيني لو قولت اني رجعت عشانك انتي، ما فيش حاجه كانت تعبااني في البعد. ده غيرك..
_ابتسمت نسرين وجات من وراهم بسمه وهي ماشيه علي عكاز وقالت..
بسمه
شوفتك وانا قاعده جوه المكتب وبصراحه وحشني اوي وما استنتش تيجي انت تسلم عليا..
مسك احمد ايدها وباسها بكل شياكه وقال
وانتي كمان وحشتيني اوي يا بوس بوس، وانا فعلا كنت جايلك عشان اسلم عليكي واطلب منك ايد نسرين..
قلب وش نسرين احمر وقالت
اا انا هروح اجيبلك كيك وحاجه تشربها..
مسك احمد ايدها وقال بهدوء
طيب ايه موافقه ولا لا؟..
نسرين بصت للارض وقالت
القرار لخالتو طبعا بعد اذنك…
مشيت نسرين وبسمه قالت
اتفضل يا احمد معايا جوه..
رجعت نسرين وقالتله بسرعه
بس هو انا يعني مبدئياً موافقه اشطا..
ضحك احمد وقالها
اشطااا يا كبير…
_ وراح قعد مع بسمه في مكتبها، وهي قالتله بكل هدوء..
بسمه
اولا انا ما اقدرش ارفضك لان اللي وقفت حياتها عشانك خمس سنين حرام عليا احرمها منك،بس انا عندي اعتراض بسيط…
احمد
انا مستعد اعمل المستحيل عشانها ووالله ما هسمح لحد يأذيها ولا يزعلها انا مش هكرر غلطي تاني..
بسمه
انا عايزاك تيجي انت وباباك ومامتك هنا..
احمد بجديه
بصي يا طنط بسمه انا بحب اهلي وهجيبهم اكيد، بس انا مش حابب اخليهم يدخلو في اي حاجه تخصني حياتي اما ونسرين هما مالهمش دخل فيها ارجوكي..
بسمه
اللي يريحك انا كل اللي يهمني انهم يكونو موافقين بالجوازه دي..
احمد
اوعدك انهم هيوافقو، وانا مستحيل من النهارده ابعد عن نسرين ابدا، هي بنت ما فيش منها بجد..
بسمه
طبعا انت لازم تكون اد حبها ليك واكتر…
احمد ابتسم وقال
واكتر فعلا…
_التدخلات في تفاصيل حياة ولادنا ده مش اهتمام ده بييقي قلة ثقه بنزرعها فيهم، في قرارتهم ولا وتعاملهم مع اي حد، وده اللي حصل مع احمد بس في الاخر هو وقف لنفسه وبعد عن تحكمات والدته فيه واختار الحاجه اللي عايزها لوحده من غير لي ضغط ولا تحكمات…
ــــــ #اللهم_النصر_لغزه ـــــــ
_وفي مكان تاني.. فيلا راقيه اووي..
كان قااعد يونس في مكتبه وهو ماسك صوره في ايده بتجمعه بنور وعيونه كلها دموع، ابتسم بهدوء وقال..
يونس
الله يرحمك يا نور يا اول حب في حياة يونس..
_دخلت عنده في الوقت ده شهد وهي بتزعق وقالتله..
شهد
انت قاعد عندك بتعمل ايه وسايبني مسحوله بعيالك بره..
يونس شال الصوره في مكتبه بسرعه وقال
في ايه يا شهد وبعدين مال شعرك عامل ليه كده؟..
شهد ببكاء
من ولادك انا بقيت ليل نهار صاحيه انا بقيت بنام علي نفسي والله انا مش عارفه استحمي يا يونس ولا حتي اسرح شعري..
كتم يونس ضحكته وقام وقالها
خلاص اهدي ما فيش حاجه يا حبيبتي وبعدين ما انا قولتلك اتنين توام الموضوع هيبقي صعب عليكي نجيب مربيه..
شهد
لا انا مش عايزه مربيات لولادي ولا اي حد غريب هيتدخل في ربايتهم معايا، بطه هتيجي بالليل تاخد يزن وانت هتقعد بيوسف..
يونس
انا مش فاضي يا شهد عندي شغل خلي الشغاله..
شهد بحده
هو الشغل ده اهم من ولادك انت اصلا هتقعد. معاهم شويه لحد ما اخد. دوش…
يونس بغيظ
هو انا قولتلك تخلفي توأم بصي عيالك عندك واتصرفي معاهم…
شهد بحزن.
امم ما انت من يومك. ما كنتش عايز عيال مني ودلوقتي لا بتحبني ولا حتي بتحب عيالي، قولي بقي مين اللي في قلبك القديمه ولا في حد جدبد…
يونس اتنهد بضيق وقال
في امك. يا شهد تعرفيها..
ضربته علي كتفه وقالت
اتلم واسمع بقي انت هتقعد بالعيال والا والله اا..
يونس قاطعها وقال
خلاص انا اسف انا محقوقلك هروح اقعد مع العيال..
شهد بحزن
هو انت ليه كده ليه بتحرق دمي وتعصبني وفي الاخر بتعملي اللي عايزااه، هو انا وجع قلبي ساهل عندك اوي كده..
لطم يونس علي وشه وقال
اعملك ايه اعملك ايه ما قولت حاضر بطلي تكبري المواضيع..
شهد ببكاء
قصدك اني نكديه بقي مش كده…
يونس بغيظ
لا انا اللي نكدي اوعي بقي ده انتي عايزه واحد محشش عشان يفهمك…
_وسابها وطلع وشهد راحت قربت من مكتبه وفتحت الدرج وشافت الصوره بتاعته هو ونور، نزلت دموعها بحزن والم ورجعتها مكانها وطلعت تاني..
ـــــــ #اللهم_النصر_لغزه ـــــــــ
_وفي المقابر…
كانت واقفه هناك هناء وجنبيها هاجر ومحمد وحامد ابنهم الصغير بيلعب جنبيهم…
محمد
صدق الله العظيم، يونس ما جاش ليه؟..
هناء
كلمني وقالي ان شهد مذنبااه بالولاد…
محمد
هاجر شوفي حامد ليروح بعيد…
هاجر
ما تشوفه انت هو انا ابني لوحدي..
محمد بضيق
طيب..
_مشي محمد وهناء قربت من هاجر وقالتلها..
هناء
ربنا يجعلك ديما صاحبة واجب يا حبيبتي..
هاجر
ربنا يرحمهم ويغفرلهم ويصبرك علي غيابهم بس انا عايزه اعرف حاجه يا طنط انتي يوم عزا عمي حامد كنتي بتعيطي ليه؟..
هناء بتوتر
بصي هو مهما كان اللي بينا حامد في الاول والاخر كان جوزي وبينا عشره كبيره والعشره ما بتهونش غير علي ولاد الحرام والا ما كانش زمانك انتي دلوقتي واقفه معانا وبتعملي الواجب..
هاجر
معاكي حق يا طنط..
هناء
طيب جوزك جه اهو، روحي معاه وخلي بالك من نفسك وابنك..
هاجر
ربنا يخليكي يا طنط، مع السلامه..
_وقربت من محمد اللي كان ماسك ايد حامد ابنه، وقالتله بهدوء..
هاجر
لو انت عايزه يقعد. تمام ما فيش مشكله..
محمد.
لا عادي خلينا زي ما احنا انا هاخده في الاجازه بتاعته..
هاجر
تمام بعد اذنك…
_ واخدت ابنها وراحت ركبت العربيه جنب عدي ومشيو، ومحمد وقف بيراقبهم وهما ماشين ودموعه لمعت في عيونه وافتكر اللي حصل زمان بينه وبين عدي يوم كتب كتابه هو وهاجر..
_فلااااش باااك..
عدي
نعم في ايه؟..
محمد
هاجر بتحبني واظن دي حاجه المفروض انك تكون حسيت بيها وحامد ابني، كانت كل حاجه هترجع طبيعيه لولا انك ظهرت..
عدي
معلش بس هو كان هيكون طبيعي ازاي؟..
محمد
انها كانت هترجعلي عادي وخصوصا اني اكتشفت اني لسه بحبها..
عدي بهدوء
والمطلوب مني ايه دلوقتي يا شيخ محمد..
محمد بحزن
تبعد تبقي في حالك وتسيبني انا ومراتي وابني في حالنا..
عدي بهدوء
اولاً هي مش مراتك بس هي خطيبتي ابنك طبعا ابنك وهيفضل كده علي طول، ثانيا بقي والاهم انت جاي تقولي ابعد النهارده يوم جوازي انا وهي..
محمد
انا هروح وهفهمها كل حاجه ولما انت هتبعد انا هقدر اقنعها وخصوصا اني عشمان فيك تقنعها معايا…
عدي بغضب
انت ما حبيتهاش يا شيخ محمد، لو كنت بتحبها عمرك ما كنت هتيجي دلوقتي وتطلب مني اسيبها في يوم زي ده واكررلها الوجع اللي عاشته مع خطيبها الاولاني تاني.
محمد بضيق
معني كده انك هتفضل اناني ومش هتساعدني ولا تساعدها..
عدي
ايوه انا فعلا اناني في حبي لهاجر بس ده طبيعي في الحب، اللي بيحب بجد لازم يكون اناني وقوي في حبه عشان لو ضعف في مره هيضعف في التانيه وهيخسر وقتها..
_ فهم محمد كلامع وانه بيلقح عليه وانه خسر هاجر بسبب انه اتخلي عنها بدل المىه اتنين، وقاام محمد ومشي من غير ما يقوله ولا كلمه زيااده..
وسمع عدي وهو بيكلم هاجر وبيقولها..
عدي
ايوه يا هاجر اسف جدا علي التاخير، بس انا عايز اعرف حاجه واحده بس..
هاجر
في ايه يا عدي اتكلم…
طلع عدي ووقف قدام محمد وفتح الصوت وقال
انتي عايزاني في حياتك ولا لا، هتقبلي بيا النهارده وانا جوزك ولا لا؟..
سكتت هاجر شويه وقالت
ايوه طبعا يا عدي، انت مش هتسيبني زيهم صح؟..
كان صوتها مهزوز جدا وهو قالها
عمري ما هسيبك يا اغلي من روحي اعتذري لعملي علي التأخير وانا نص ساعه وهكون عندك انا واهلي والمأذون..
قفل معاها وقال لمحمد
اظن اللي سمعته دلوقتي كفيل انه ينسييك اي حاجه من اللي في دماغك دي..
محمد بدموع
مبروك واسف اني ازعجتك…
_ باااااااااااك…
_مسح محمد دموعه وراح وقف جنب امه قدام قبر اخوه وابوه، وقال بهدوء..
محمد
يلا بينا يا ست الكل..
هناء بدموع
مع السلامه يا مازن، سلام يا حامد..
ـــــــــ #بقلم_الكاتبه_رحاب_القاضي ـــــــــ
_وفي بيت عدي وهاجر…
اول ما وصلو كان عدي شايل حامد اللي قاله..
حامد
هو انت زعلان ليه يا بابا عدي؟..
عدي
لا يا حبيبي انا مش زعلان خالص، ايه رئك نلعب ماتش كوره في الجنينه…
حامد بحماس
اشطا اووي يا اسطاا…
ضحك عدي
هههههه طب اطلع يا لمض هات الكوره بتاعتك من فوق..
_نزله عدي من علي ايده وهو طلع فوق بسرعه، وهاجر مسكت ايد عدي وقالتله…
هاجر
هو انا كل ما اقابلهم هتزعل يا حبيبي..
عدي
انا مااقدرش امنعك يا هاجر، بس غصب عني يعني بدايق ما تشغليش بالك انتي..
ضحكت هاجر وقالتله
طيب والله بتبقي زي القمر وانت غيران..
حضنها عدي وابتسم وقال
انا احرق في دمي وانتي تضحكي ومبسوطه، براحتك.يا ستي مش لاقيه اللي يحبك…
هاجر بعدت عنه وقالت
طيب ما انت اللي خليتني احبك واحب كل حاجه فيك يا قمر انت.
ضحك عدي بصوت عالي وقالها
ههههههه طيب اتلمي بقي ابنك نازل، هتعبك بقي تعمليلي عصير مانجا..
هاجر
من عينيا يا حبيبي..
_الاناني في الحكاية دي كان محمد وبس، كان بيدور علي راحته وما اهتمش لمشاعرها في اي موقف بينهم، علي عكس عدي اللي عرف يحافظ عليها وعلي حبه ليها وشافها من البدايه مناسبه ليه وما وصفهاش ولا مره بأنها غلطه في حياته زي ما كان بيعمل محمد..
ـــــــــ #بقلم_الكاتبه_رحاب_القاضي ـــــــــــ
_واخيراً في بيت يونس، وكان الوقت بعد. نص الليل.. دخل يونس اوضة نومه ولقي شهد بتنيم في ولاده…
يونس
هما نامو..
شهد بصوت واطي
يعني انت مش بتشوف ما اهو نامو وطي صوتك بقي..
يونس
حاضر سكت اهو..
_وطلع هدوم ليه ودخل الحمام غير هدومه وطلع لقي شهد قاعده بتقلب في موبيلها ومدايقه..
يونس
من غير عصبيه وزعل والله كنت بستلم شحنه واتاخرت ولما رنيتي عليا كنت مشغول وما عرفتش ارد…
شهد
عادي كلمت يوسف وطمني عليك، المهم انا كلمت زهره في موضوع اختها اللي محمد اخوك عايز يخطبها وهي موافقه مبدائياً لحد ما تشوف اهلها..
يونس
طيب كويس خليها تحدد معاهم وقت ونبقي نروح..
شهد
ان شاء الله..
يونس
طيب انتي منيمه العيال ليه هنا، انا كده مش هعرف انام؟
شهد
والله البيت مليان اوض شوف الاوضه اللي عايزها ونام فيها..
يونس
بقي كده طيب تمام…
_ قال كلامه وقام قرب منها وشالها بين ايديه وهي جات تتكلم بس هو قاطعها وقال..
يونس
ولا كلمه العيال نايمين اتلمي…
شهد بصوت واطي
طيب نزلني انا بجد تعباانه وعايزه انام…
_اخدها يونس وطلع وراحو اوضه تانيه جنب اوضتهم ونزلها وقفل الباب وقال..
يونس
في ايه بقي مالك؟..
شهد بعصبيه
ما فيش ممكن اروح بقي عند ولادي..
يونس بحده
بصي انا طلعان عيني في الشغل فمش ناقص يبقي هم هنا كمان في ايه؟…
شهد بدموع
هو انت ليه مكمل معايا لحد دلوقتي؟…
يونس
يا بنت النااس هو انتي مش لاقيه حاجه تتخانقي عليها..
شهد
ممكن ترد. علي سؤالي ولا تقيل عليك الرد..
يونس بنفاذ صبر
لا مش تقيل عليا الرد يا شهد، انا مكمل معاكي عشان بحبك وعشان انتي مراتي وام عيالي وما فيش ست خلقها ربنا اقدر اشوفها مكانك..
شهد بحزن
حتي لو كانت الوحده دي نور…
يونس بغضب
نور اللي هي الله يرحمها، انتي دماغك فيها ايه يا شهد لو عايزه تتخانقي تمام انا معاكي للصبح اهو بس اللي ما يزعلش..
شهد بقلق
انا ما بقولش كلام وخلاص، انا من خمس سنين للنهارده كتمت في قلبي زعلك عليها لما ماتت وكمان صورتكم اللي بالصدفة النهارده شوفتها في درج مكتبك..
يونس بضيق
دي واحده ميته انتي مستوعبه واقفي تتخانقي معايا علي ايه..
شهد بحده
انت اللي خليتني اغير من واحده ميته، خلتني اغير منها لما حسيت انك لسه بتحبها اكتر مني…
_سابها يونس ونزل تحت جاب صورته هو ونور ورجع تاني عندها ومانت هي قااعده علي السرير بتعيط وقطع يونس الصوره قدامها وقال..
يونس
وادي ام الصوره اللي محسساكي اني بحبها اكتر منك، بس مش معني كده اني هنساها هي كانت حبيبتي واول حب في حياتي ومستحيل يكون في قلب حب بجد يقدر ينسي بسهوله..
وقرب منها وقعد قدامها علي الارض وقال
انا بحبك انتي دلوقتي هي كانت قبلك بس انتي مستحيل يجي بعدك حد يا شهد، هي ليها وضع جوايا وانتي ليكي وضع تاني خالص…
شهد بدموع
المفروض افرح بكلامك ده وما ادايقش دلوقتي صح؟…
يونس بجديه
ما طلبتش منك تفرحي بيه بس عايزك تفهمي وتقدري اني بتكلم معاكي بصراحه، ما انا ممكن اقولك اني لقيت الصوره دي بالغلط وهي مش موجوده في بالي والكلام ده بس وقتها مش هكون بحبك، انسيها انتي يا شهد انتي اللي مراتي ومعايا مش هي وانا بحبك انتي ومش هحب حد قدك..
حضنته شهد وقالت ببكاء
طيب ما تبعدش عني تاني حتي لو عشان شغلك علي طول كده خليك معايا وجنبي..
يونس ابتسم ورد عليها
بس كده ده اقل واجب يا قلب يونس…
_ لم يكن حبها بالحسبان ولكن عندما دخلت حياته اصبحت هي كل الحب وكل الحيااه، منحته الحب والاهتمام والثقه واخيراً منحته شعور الدفا بين العائله الذي حُرمَ منه في طفولته…
_وبكدا خلصت روايتنا وان شاء الله نتقابل في روايتي الجديده #حُسن_القلوب
ــــــــــــــــــــــــــــــــــــــــ
لقراءة باقي حلقات الرواية اضغط على : (رواية موضوع عائلي (الشيخ والبلطجي))