روايات

رواية مجرد كارثه الفصل السابع عشر 17 بقلم أروى طاهر المسلاتي

رواية مجرد كارثه الفصل السابع عشر 17 بقلم أروى طاهر المسلاتي

رواية مجرد كارثه البارت السابع عشر

رواية مجرد كارثه الجزء السابع عشر

مجرد كارثه
مجرد كارثه

رواية مجرد كارثه الحلقة السابعة عشر

مياسين:ماشيه جايه في ممر غرفة ساره
التوتر قاتلها ويديها يرعشو
ساره:بلعت ريقها….اءء انا
انا كنت رح نحكيلك بس…..
مياسين:قاطعتها….وراس امك اسكتي بطلي كذذذب
ياسررك
معقوله البنت كنتو تعاملو فيها هكي ساره؟
ساره:بعيون مدمعه….وحق ربي والله شاهد مكنتش راضيه على المعامله ليها والله
وحتى ماما هلبا حاجات كانت متعلمش بيهم توا قالتها مريم
مياسين:سكرت عيونها….ومريم من وين تعرفها هدى
ياربي راسي بيتفجررر
ساره:وربي حتى انا منعرف
معقوله كانت صاحبتها ؟
بس هدى مكانش عندها صاحبات ابدا ونفيش حد يزور فيها
مياسين:عقدت حواجبها بي استغراب …..غير دقيقه بس
عزام وين من القصص هاذي كلها؟
كيف يعلم بي هاذا كله وساكت؟
ساره:مياسين انتي متعرفي شي
راهو جدي كان يكره بو هدى بطريقه كبيييييره
مياسين:علاش؟

 

 

ساره:لان يلي تزوجها يلي هيا ام هدى مكانش يبيها جدي ولا راضي ع الزواجه هاذي
وزاد دار العار وكرها لما جابت بنت مش ولد
يلي هيا هدى
ولما توفو في حادث قريب دار فرح مش عزي وغله وكرها كله حطه في هدى
يعني يتكلم عزام او اي حد مش رح يفرق لان حتى عمامي ونساوينهم عاجبهم الجو
مياسين:مستحيل قداش انكم متوحشين ياربي شن العيله هاذي
ساره:متجمعيش مياسين بالله عليك
مكانش بيدي شي نساعدها بيه انا لو عندي راهو مقصرتش
وتوا انتي القصص هاذي كلها نحيها ع جنب وركزيلي في فاطمه يلي طلعت ملبوسه
علاش تجبد في اسمك وتقول كان ليها مش ليا ؟
مياسين:تنهدت ….انا منقتنعش بيها الحاجات هيا
ساره:لا ياحبيبتي اقتنعي
السحر والعين حق
مياسين:مفهمتش علاش أصرو علينا نركبو
ساره:تلم في ادواتها….جايبين شيخ بيعالجها طبعا ميبوش حد
مياسين:نطقت من السرير بسرعه وقفت على الروشن وشافت سيارة عزام درست ❤️
ابتسمت ع طول وطلعت من الدار
ساره:مياسين متخلينيش بروحي نخاف تعااااالي
ميااااااسين ….وسكرت الباب بسرعه
كان ناقصني جتى جنون في الحوش انا😭
___________________________

 

 

بتول:نحت وشاحها ورماته على الصالون وهيا متعصبببه..علاش مخليتنيش معاهم فاطمه مريضه ع الاقل لين اطمنا عليهم
سلطان:فكيني من الشوشره الزايده ترا ريحيني من قصص الجنون والعفن هوا
بتول:حطت يدها في نصها ….عادي نفهم الكلام يلي قالاته مريم شنو؟!
جديات كنتو تعاملو في البنت المسكينه هكي قبل ما تموت هاذا باش انتحرت ؟
سلطان:قعمز ع الصالون وفتح التلفزيون ….فكيني من دوت البنات الفاضيه هيا
بتول:وقفت قدام الشاشه…..سلطان انا ندوي معاك متحاولش تهرب من الموضوع بي الطريقه هاذي
سلطان:شن تبيني نقولك مثلا خلاص توا هاذا يلي صاير ويلي مخليهم يتمادو معاها هكي جدي
هوا اول واحد يعامل فيها هكي
بتول:وانت كنت زيهم !
تضرب وتجوع فيها وتحرم فيها وتحبس فيها؟
سلطان:وقف وقرب منها….يعني انتي مصره تبي مشكله!
بتول:عيونها لمعت…..عمري ما تصورت انك تكون قاسي وبي الوحشيه هاذي
بجديات انت وعيلتك مستحيل تكونو بشر زينا
وربي شفت حاجات في العيله هاذي ….خلاص معش مستوعب عقلي انا
سلطان:بتول اسمعيني بت……
بتول:سكرت في وجها باب غرفة النوم
سلطان:تنهد بعمق والندم في عيونه وارجع لي نفس المكان يلي كان مقعمز فيه !
______________________________
انفتح الباب وايات مرتبكككه والخوف قاتلها
شابكه يديها الاثنين في بعض بخوف ومش قادره تاخد نفس
زكيه:في عيونها صدمه ….شن الكلام يلي حاول تقوله اختك؟؟؟
كيف السبب انتي في السحر شن قاعد يصير ايات !!
ايات:ياماما اسمعيني

 

 

زكيه:ادووووووووي متهبلينيش تكلمي
ايات:خدت نفس ودموعها ينزلو….اني وربي انا ملياش دخل
اصلا حتى انا مسحوره نشوف في حاجات في الليل ونحس بي هلبا حاجات بس انا ساكته
وزي مقالك الشيخ راهو الجن لما يتكلم على لسان بنادم يكذب
عشان يضيع الشبها على الشخص يلي فعلا دار السحر وربي
ونهارت بكي
زكيه:تشوف لي بنتها وهيا بين حيره
تصدق!!!
ايات:جت قطعة الشك وهيا تبكي وتقول….ياماما معقوله تفكري فيا هكي
انا شوفي سني صغيره ولا عمري نفكر في الحاجات هادي
كيف وشن يخليني نسحر اختي
زكيه:على طول صدقت بنتها وخدتها بي الاحضان وتحاول تهديها 🙏
لكن مش كلهم زكيه!
ومش كلهم رح يشوفوها البنت البريئه ويصدقوها
______________________________
صدام:قربع الباب وخش بسرعه عشان يشوف مريم وهيا تلم في شنطتها
صدام:واطيه طلعتي ومخبيه هلبا اسرار وراك
مريم:خدت شيشة بارفان كبيره كسرتها وقعدت ماسكه الجزء العلوي
وقالت وعيونها معبيه تحدي …..يمين بالله تقرب مني ماصاير طيب يا صدام 👌🏻
صدام:يشوفلها بصدمه…..انتي طلعتي مش نفس ما في بالي بكلللل
انتي كيف قدرتي تمثلي كل الفتره هادي انك تخافي وبريئة!
مريم:ابتسمت ع جنب
مش انا يلي كيف قدرت….انت غبي ويمشي عليك
لعند امتى تسحابني بنسكتلك ونفوتلك!!!

 

 

زيد غادي خليني نكمل ملابسي لين يجيني بابا
صدام:يشوفلها بذهول !….يشوفلها كأن بجد في حياته ما عرفها
يشوفلها كأن شخص تاني !!
مش نفسه يلي عاش معاه شهور وليالي
مريم:اطلع يا صدام
اطلع خير ما اقسم بالله اندمك على اليوم يلي ولدت فيه !
صدام:طلع من الغرفه واتجه لي الصاله
يمشي بخطوات ثقييييييله لعند وصل الصاله
قعمز والدنيا تلف وادور بيه وهوا مش فاهم ولا مستوعب يلي يصير من حواليه
مش فاهم حتى نفسه نادم؟
ولا افتكه منها ؟
مش فاهم حتى لو كانت هيا مضلومه او ضالمه!!
مش فاهم شن خلاها تعرف تفاصيل هدى هكي
ويسأل في نفسه بس
مريم من تكون هيا وأهلها؟!
_________________________________
ليلة صعبه بمعنى الكلمه عليهم كلهم فرد فرد …
رجب:سمع بكل شي ومعنداش ولا اي ردة فعل غير انه خش لي مربوعته وسكر على نفسه الغرفه
غرق في ندمه وتفكيره!
يفكر في شي مش قادر يصلحه !
يفكر في شي مش قادر يرده ويعتذر
يفكر كيف يتخلص من عذاب الضمير يلي هوا فيه وكيف بيكمل باقي عمره بطريقه هاذي !
سكر عيونه وخداه الماضي بعييييييد
خداه الماضي لي السبعينات❤️
ايام كان شاب بطوله وعرضه ✨

 

 

مقعمز في مربوعه وعيونه معبيه فرحه❤️
يحكي ويشوف لي شق الباب
كانت في بنيه لابسه ردي والفرح مغطي قلبها✨
خدودها حمررر من التوتر وهيا تسمع وتراجي
كمل كلام وهوا فرحان بس قابله رد خله ابتسامته تختفي
والبنت رجعت خشت لي حوشها تجرررري وهيا تنهف وتبكي من وسط قلبها وخاطرها المكسور
الرد:معندناش بنات للزواج والمهرة محجوزه لي ولد عمها من الصغر والموضوع هاذا معش تفتحه
نوض روح وسلملي على بوك وطلع الموضوع من راسك!
فتح عيونه عشان يباعد على ذكرياته💔
ولما رجع سكرهم رجعت بيه الذكره من جديد✨
نفس لمعت العيون والفرحه في وجها واضحه وهوا يقول …هاذي يلي نبي نخطبها
اسمها جواهر يا بوي واسم بوها ناجي
وامها اسمها المهرة
فز قلب رجب وسأل ….المهره مني ؟!
رد عليه ولده وهوا يقول بي فرحه…المهرة الحجاجي يابوي جيرانكم زمان!
رجع قلبه المكسور وحس بنفس احساس الالم يلي كان من سنييييييين💔
وجاوب بدون تردد…..وربي ما تاخدها على جثتي
وقف ولده قدامه ويشوفله بنضرة تحدي
بناخدها يابوي
بناخدها وبنجيب منها ولد بنسميه فيصل وبنت بنسميها هدى وميهمنيش موافقت حد …..وطلع
سكت رجب وهوا يشوف لي ولده وكان يتمنى نفسه لو كان بنفس الشجاعه هاذي قبل سنين 💔
رجع فتح عيونه قدام المرايا عشان يشوف التجاعيد يلي عبت وجها
ويشوف صحته وشبابه يلي سرقه منه الزمان
وقعمز وهوا يبكي زي الطفل ويقول……سامحني ياولدي💔
سامحني انا غرت منك وحسدتك على شي مقدرتش نديره
سامحني انا وبنت ومرتك سامحني 💔
_________________________________

 

 

زكيه كانت حايره ولاهيه بين بناتها الزوز
فاطمه يلي شبه فاقده الوعي من5ساعات
وايات يلي تمثل انها مريضه زي اختها
ابدا ما شكت 1‎%‎يكونو بناتها مدايرين شي زي هاذا بي اختصار
لانها أم ً👩✨
والام ديمه تشوف صغارها هما العاقلين والباهيين الكويسي 🫶🏻
اما بدريه هسسسس
لا حس ولا خبر 🙏
تهزبت من مرت ولدها مريم وبمجر ما فضحتها قدامهم وكيف كانت تتعامل مع هدى سكتت
وزادت خافت لما مرضت فاطمه
خافت من السحر وقصصه
وخافت أكتر لما بدت تفكر….هل فعلا هدى انتحرت بسبب معاملتهم؟
لان لو طلع صح يعني هما مجرمين بدون ما يحسو!
رفيده:كانت مصدومه 💔
وخشت لي دارها بكت بكت بكت لين جهدها طاح
صح كانت تشوف فيهم قاسيين مع هدى بس مكانتش تعرف انهم يجوعو فيها ويحبسو ويضربو فيها هكي
حست بي الذنب لانها ولا مره فكرة تتقرب منها
وكانت الدنب والندم يقطع فيها اكتر لما تحط ساره بنتها في مكان هدى اليتيمه
_____________________________
جعفر:طلع لي الجنان ولع دخان
جهاد:ساكت ويراجي في حد يفتح الموضوع
مفتاح:قاطع سكوتهم وهوا سارح …..بنتي مش رح تكون اخر وحده تمرض بي السحر في العيله!
جعفر:جاوبه وهوا مرتبك….كك ك كيف يعني
جهاد:والخوف ماليه….ياراجل انت مصدق القصص هاذي؟
تلاقي البنت متعاركه مع صاحباتها ولا عليها ضغط قرايه بس
مفتاح:سارح وعيونه دموع…..رجعت شعر
وضوافر ودم

 

 

جهاد&جعفر:سكتو
مفتاح:هاذي لعنه
واللعنه هاذي من هدى احني يلي تسببنا في موتها
اكيد دارت شي قبل ما تموت ورح تنخرب عيلتنا
جعفر:هي هي هي اهدا شن تقول انت شن الاوهام عادي
مفتاح:بردة فعل قويه…..مش اوهااااام مش اوهام هاذا الحققق
وشاف لي جهاد…..انت كنت عارف ان ولادك يعاملو فيها زي الحيوانه واكترهم صدام ومرتك
كلناااااا عارفين شن درنا للبنت وكيف اذيناها محدش فيكم ينكر
جهاد:اي لكن هاذا ميعنيش ان حني قتلناها هيا كانت تعرف. كويس انعا بمجرد نا تبدا مرت عزام كل شي بيتغير وانت تعرف عزام ولدي شنو
مفتاح:وهممممم وكذب بوك علاش زوجها هيا لي عزام تحديداً
لان ميبيهاش تطلع من الحوش هاذا وتكمل حياتها عذااااب بسبب بوهات يلي مات ليه سنين وبنين
وهاذا كله لان كسر كلمته
ويلي مخليكم تسمعو في كلامه لعند اليوم لانكم خايفيينننن
اي خايفين على روحكم وصغاركم من بوي
خايفين يدير فيه نفس ما دار في هدى
جعفر:تنهد بحسرة….اسمعني مفتاح انت خوي و…..
مفتاح:خلاص خلاص 🤚بجد خلاص
انا بداية الشهر بناخد بناتي ومرتي وبنطلع من الحوش
بنطلع نأجر
جهاد:شافله بذهول …..انت شن تقول ال…..
مفتاح:خلااااص ….لعند هنايا وبس
انا طالع من كل شيي…..وخش للحوش وخلاهم
خلاهم ميديرو في شي غير انهم يتبادلو في النضرات وبس
خايفين متوترين ومش عارفين كيف يتصرفو بس كل واحد ميبيش يبن لي الثاني
________________________________

 

 

عزام:وهيا كيف حالها توا؟
بدريه:تنهدت بحيره…..ركبت مع امها بعد ما قري عليها الشيخ
والشيخ مقال شي عالجها وطلع
عزام:حط يده على ركبته شويه بتوتر….انا مفهمتش شنو المصايب يلي تتحدف علينا هيا
كيف ولدك يطلق مرته بي ال3وين عقله؟
بدريه:تستاهل الكلبه تمنيت يعجنها طريحه قبل ما تطلع
عزام:وسلطان ومرته وين؟
بدريه:روحو الزوز
الحق مرته محمتش ولا كلمه فاتحه عيونها منصدمه وخلاص هيا والعقربه مياسين
عزام:جاته لحضة ادراك!!!
وفكر انه مياسين سمعت ورح تحسبه منهم يلي عاملو هدى بطريقه اخي
عزام:تمام امي نهدرزو بعدين ….وركب يجري لي غرفته
كان مخطط بيحط جاكيته بعدين يمشيلها
لكن اول ما فتح باب غرفته شافها مقعمزه على سريره وضامه رجليها لي حضنها بخوف
عزام:ابتسم براحه وسكر الباب….كنت شويه وبندور عليك
مياسين:بعيون مدمعه….عزام حتى انا وح يصير فيا هكي صح!!!
عزام:قعمز جنبها وحط يده على خدها….على شن تحكي؟
مياسين:نزلو دموعها….انا دي هدى
معندي حد💔
ونص ثروتي خداها جدي
حتى انا رح تعاملوني هكي بعد وقت وتخلوني ننتحر؟

 

 

بدت تبكي بشهقه….عزام انا منبيش نموت💔💔
عزام:بلهفة حب ماليا وجها حضنها وهوا خايف عليها….لالالالالا
وربي ما حد يقدر يحكي معاك حتى بطريقه غلط ولا خد يقدر يمسك
مسكها من راسها وقرب….منبيكش تخافي مني!!
ولا من اي حد هنايا
انا بنحميك من كل شي بس اهدي
مياسين:خايفه بين يوم وليله نصبح في الشارع ومعنديش حتى شقه صغيره نقعد فيا خديتو كل فلوسي يلي معاي 💔
عزام:يحكي معاها والصدق في عيونه واضح….وربي لو نضطرنكتب كل ها الحوش بي اسمك !
مياسين:ببرائه….منبيش الحوش
نبي نكون بي أمان انا بس💔
عزام:حضنها بكل قوته….اشششش خلاص اهدي اهدي
رح تكوني بخير❤️
ممكن مشاعر الخوف يلي في وجه مياسين مكانتش موجوده وكانت تمثيل
بس الواضح ان مشاعر الحب والامان يلي حست بيها مكانتش تمثيل ابدا!
شعور حلو مميز مستحيل تلاقيه ديمه في حياتك
هوا مره بس رح تلاقيه ويجيك بدون تخطيط 👌🏻
صدفه وبدون مقدمات
🔥أروىى الطـــــــــــاهرالمــــــــســـــــــلاتـــــي🔥
🔥روايــــــات بنوتــــــــة الشيــــــــخ400الف عضو🔥
الدنيا أحياناً تكون غريبه وتخوف!
مرات يوم يفوت علينا كأنه سنه…
ومرات سنه تفوت علينا كأنها دقايق
وهاذا الشي زي السحر ومفيش حد لاقي ليه تفسير✨
اليوم فات 4شهور على قصتنا:-

 

 

ومفيش شي تغير كل شي رجع لي مكانه
فاطمه رجعت طبيعيه وبوها بعد فكرة الطلوع من الحوش
وقعد مع خوته
يلي في الحوش كلهممم بدو يتناسو في مريم وكلامه وزي قبل اسم هدى خلاص معش حد قاله في الحوش 💕
صدام:سافر 3شهور ورجع وكانت نفسيته مدمره من حبه لي مريم وبعده عليها ومش قادر يعيش حياته طبيعي ولا ياخد كلام امه ويشوف عروسه وبنت غيرها
ايات وفاطمه رجعو قرايتهم طبيعي جداً ويحاول بقدر الامكان ميجيبوش شبها لي نفسهم ويكملو حياتهم طبيعي
لكن ايات مش رح تتنازل على عزام
ساره بدت عايشه قصة حب حلوه مع ايوب ❤️✨
وخلاص ابتدو يخططو لي الخطوه الرسميه
اما مياسين نست وعودها لي نفسها ولي امها
وهامت في حب عزام يلي كان بيموت عليها…
_______________________________
الساعه 5العشيه❤️
كل العائله متجمعه في الصاله قدام المكيف لان الدنيا برا تطبخ👌🏻
يلي لاهي في تالفونه ويلي ياكل ويلي راقد
رجب:خش عليهم وسط الصاله وهوا يعطي في اوامر ….وتولي عشي اليوم كويس
تحرك ضرار اطلع خود السباره وجيب كل يلي ناقص واقعد في الحوش معش تغيب بي الشهر يافرخ
ضرار:بدون نفس….حاضر يا جدي
رفيدة:علاش ياعمي من جاينا للعشي اليوم
رجب:جايين ناس صحابي طالبين مياسين
وجاي نصر ومرته
كلهم شافو بصدمه لي مياسين
مياسين:شافت لي عزام يلي كان مقعمز ويخدم ع اللاب توب ….عزام!
عزام:يشوف لي جده بصدمه لان معنداش خبر

 

 

رجب:عريس ولد عيله وناس ونعرف اهله كويس رح يحافضو عليك وتنستري
عزام:علاش منعلمش انا؟
رجب:واهو علمت شن بيتغير
مياسين:وقفت شن التخلف يلي تدوي فيه انت حسيت زي يلي سكتلك هلبا ره!!!
كنت ساكته بس عشان عاطيه كلمه لي عزام
العريس يلي جايبه هادا نقعه واشرب اميته وكان فضلت اميه دوش بيها
ناقصه انا والله
رجب:شاف لي عزام ببرود ….كويس مدامها تسمع في كلامك قوللها تتجهز اليوم
عزام:شاف لي مياسين يلي كانت تراجي منه في كلام مرتب يقوله ومتأكده وواثقه فيه
وخدلها لما رد على جده….ان شاء الله جدي حاضر
مياسين:شافتله بصدمه ومش مستوعبه الكلمه!!
سيبتهم وركبت لي دارها تجرررري
ايات:شافت لي فاطمه وابتسمت ع جنب
اما فاطمه مكانتش ابدا راضيه💔
بدريه:فرحت وكان هم ونزاح ع قلبها لان كانت شاكه في عزام يبيها!
____________________________
الساعه 8ونص✨
بدريه:تسقي….خلي الواحد يفتكى منها لعند امتى بتقعد
زكيه:ترتب في السلاطه….كلام الحق ينقال البنت تغيرت هلبا للاحسن وبدت هاديه ومتحسيش بوجودها
يعني مش لهدرجه مضايقه
بدريه:ونبي انتي اسكتي متعرفيش خبث البنات
رفيده:ضحكت….خليها يا زكيه راهو بدريه مسكينه جايها كابوس من مياسين خايفه تاخد منها ولدها عزام
زكيه:بضحكه….اي ولا لايقين ع بعض
بدريه:اففففف قوليلي انتي وياها
شنو نصر امتى تزوج العفو محدش قال
رفيدة:تصب في المشروب ….علمي علمك ع اساس الولد نعرفوه مسيكين؟
يتزوج ولا يجيب صغار اموره
لحضات وخشت عليهم مرت نصر وهيا مبتسمه
مريم:السلام عليكم❤️
_____________________________

 

 

ساره:هههههه بجد وربي قداش ليا معش ضحكت هكي
ايوب:دوم ياقلبي ياعمري انتي
مزال بنخليك فرحانه عمرك كله💕
ساره:ابتسمت بخجل ….وين انت!
ايوب:في اكتر شارع نكرها في حياتي مش بعيد ع حوشكم هوا
ساره:ضحكت…والله!
وليش تكرها ؟
ايوب:قبل مده عمي يلي مربيني نحبه هلبا ضرباته سياره هنايا
ساره:مسكين هوا كويس؟
ايوب:القصه مش في الضربه
القصه ان صغار الحرام يلي ضربوه لقيناهم حافرين حفره بيدفنوه يسحابوه مات
ساره:جف الدم في عروقها….اءء ا ي شارع؟
ايوب:شارع الجبانه والجامع الكبير
ساره:جت مقعمزه ع الارض ….ه هه هوا هوا عايش؟
ايوب:اي الحمد الله سعفو ولاد الحلال
قتله لعند اليوم وربي لو نطيح في يلي ضربك بس منهليه حي وربي
_____________________________
فاطمه:ماشيه جايه في ممر الغرف وتسمع في بكي مياسين وشهقتها
كانت متوتره ومش عارفه كيف تتصرف
كانت تتخايل فيها هدى ومتبيش تخليها هكي وتدمر حياتها زي هدى
سكرت عيونها لحضات ورجعتها الذكرى…
هدى:تبكي…فاطمه بالله عليك خليك معاي
فاطمه ونبييببي💔
ايات:ترا اطلعي فكينا خير ما جدي يقلب علينا حتى حني
ناقصنا عاهات
فاطمه:فتحت عيونعا ونزلت تجري والغضب واكلها
فتحت مربوعة الرجاله وخشت عليهم وهيا تقول
فاطمه:جدي كداب كان قاللكم البنت موافقه روحو انت وياه معندناش بنات لزواج بي الغصب

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية مجرد كارثه)

اترك رد