روايات

رواية أحفاد الفهد الفصل العاشر 10 بقلم ندى أحمد

رواية أحفاد الفهد الفصل العاشر 10 بقلم ندى أحمد

رواية أحفاد الفهد البارت العاشر

رواية أحفاد الفهد الجزء العاشر

أحفاد الفهد
أحفاد الفهد

رواية أحفاد الفهد الحلقة العاشرة

شوق كانت واقفة فى الأوضة بتحاول تقفل سوسته الفستان
حمزة دخل من غير ما يخبط
شوق اتخضت و جت تصوت حمزة حط ايده على بوقها
حمزة : اهدى انا جيت اكلمك مفيش حاجة
شوق : انت ازاى تدخل كده وراحت حطت ايديها على رأسها و جريت تلبس طرحة حمزة شاف ضهرها باين راح مسكها و حرك ايده على ضهرها
شوق بدون وعى : ابعد ابعد ارجوك يا مصطفى
حمزة راح قفل سوسته الفستان
شوق اتكسفت منه و حطت وشها فى الأرض
حمزة بغضب : شوق مين مصطفى ده
شوق بعياط : ….
حمزة شد دراعها اكتر : انطقى مين مصطفى و انا اللى كنت مفكرك غيرهم طلعتى او’سخ منهم كلكم صنف خا’ين انطقى مين مصطفى
شوق بعياط اكتر : مصط..فى د..ه ابن مر..ات اب..ويا و كا…ن بيضا…يقنى كت..ير و مكنتش اقدر اقول لبابا علشان مرات ابويا بتهد..دنى انا او..سخ منهم يا حم…زة انا كن..ت فك..راك هتبقى ضه..رى و تجب..لى ح..قى بس انا طل..عت غل…طانة زى كل م..رة انا عايزة ام..وت و ارت..اح ( مصطفى ده ابن مرات ابويا و كان بيضايقنى كتير و مكنتش اقدر اقول لبابا علشان مرات ابويا كانت بتهددنى انا او’سخ منهم يا حمزة انا كنت فكراك هتبقى ضهرى و تجبلي حقى بس انا طلعت غلطانة زى كل مرة انا عايزة امو’ت و ارتاح ) و راح بتجرى على السك’ينة
حمزة مسكها و رمى الس’كينة : انتى بتعملى ايه يا شوق انا فهمتك غلط و انا انهاردة مش هنام غير لما اجبلك حق و راح شد شوق فى حضنه و هى اول مرة تحضنه و تحس بالامان مش بالخوف زى كل مرة و فضلت تعيط
حمزة طلع شوق من حضنه و بصلها : شوق هو كان بيضايقك ازاى و كمل بتسال و احراج انتى لسه بنت ولا لاء
شوق اتكسفت من كلامه و كملت بعياط : لاء هو …. هو كذا مرة كان بيحاول … بس انا كنت بصوت … و كان بيضربنى علشان اسكت .. بس انا مكنتش بوافق .. انا كنت بخاف .. انام … كنت بنام ..بهدومى كلها و نقاب علشان خايفة منه … و قولت كتير لمرات ابويا كانت بتقولى انى انا اللى بخليه يعمل معايا كده لانى مش محترمة .. انا مش محترمة يا حمزة ؟ انا مصدقت مشيت من البيت ده انا عمرى ما استسلمت له و الله
حمزة : خلاص اهدى يا شوق اهدى و راح حضنها تانى و فضل يملس على شعرها شوق فاقت و راحت تجيب طرحة
حمزة : على فكرة عادى تقفى قدامى بشعرك انا جوزك
شوق راحت برده و لبست طرحة
حمزة : انتى هتنزلى بالفستان ده
شوق : ايوة
حمزة : لاء غيريه مبين ان عندك وسط
شوق انبسطت من جواه انه بيغير عليها : بس ده واسع ده مش وسطى هى قصته كده
حمزة : لاء غيريه برده
شوق : حاضر
حمزة طلع بره و شوق غيرت و نزلت معه
⚘⚘⚘⚘⚘⚘⚘⚘⚘⚘⚘⚘⚘⚘⚘⚘
نور الصبح فى الحمام بعد ما كانت شاكة انها حامل و قررت تعمل اختبار حمل
نور فى نفسها : يا رب ميكونش فى حمل يا رب لاء
و بدأت تعمله و استنت شوية
نور بصدمة : لاء مش معقول و قعدت تعيط و خبت الاختبار و رمته من شباك المنور
و خرجت لاقيت يوسف صاحى
يوسف باسها من خدها : صباح الخير يا نورى
نور : ….
يوسف : نور نور
نور فاقت من تفكرها : ايه
يوسف : انتى مش معايا خالص مالك فى ايه
نور : لاء مفيش بس مصدعة شوية
يوسف : الف سلامة عليكى انا عملت الفطار النهاردة مش هدوقى عمايل ايدى
نور : معلش مليش نفس دلوقتى
يوسف : لاء لازم تفطرى انتى مش شايفة منظرك عامل ازاى انتى وشك مصفر اوى و اخد نور على السفرة
نور جت تقعد يوسف شدها على رجله و قعد يأكلها و نور كانت مكسوفة و دماغها هتنف’جر من كتر التفكير و كمان هى قرفانة منه اوى و لكن هو ليه بيعاملها بلطف كده و هى بدأت تتعلق بيه بس هى مش عايزة كده
نور : خلاص انا شعبت
يوسف : بالهنا و الشفاء يا نورى و بدا يقبل رقبتها
نور بدأت ترتعش و تعيط
يوسف بزهق : نور انا كل مرة بقربلك فيها بتبقى خايفة و بتعيطى و انا بقول بكرة تتعود عليك بكرة هى كمان تحبك و تحس بيك لكن بحس اننا بنرجع لورا و احنا لازم نروح لدكتورة تشوف فيه ايه
نور : انت بجد مش عارف انا فيا ايه
يوسف : هو انا بعملك وحش بالعكس انا بحاول ارضيكى بكل الطرق و مش عجبك انا عمرى ما اهتميت بحد كده و لا كنت أتصور ان فى حد يخلينى أجرى وراه كده
نور فجأة عيط و بدأت تتكلم بصراحة : انا مش قادرة انسى يا يوسف و انت بتضغط عليا انا حاولت انسى انا بقيت اك’ره نفسى انا مجرد ريحتك فى المكان بتفكرني بكل حاجة
يوسف : البس احنا هنروح لدكتورة دلوقتى
نور بخضة : دكتورة ايه
يوسف : دكتورة نفسية ممكن تساعدنا
نور لبست و راحوا للدكتورة
نور دخلت لوحدها
الدكتورة : ايه شكوتك
نور : اظن ان يوسف حكى لحضرتك قبل ما نيجى
الدكتورة : بس انا عايزة اسمع منك ايه اللى مضايقك
نور بإحراج : انا…انا يوسف كل ما بيقربلى بخاف و بحس انى مش عايزه
الدكتورة : اول مرة حصلت فيها العلا’قة كانت برضاكى
نور هزت راسها بالنفى
الدكتورة : بتحسى بألم وقتها
نور هزت راسها باحراج بأنه ايوة
الدكتورة : انا هكتبلك على دوا يقلق التوتر اللى عندك ده شوية دلوقتى تقدرى تستنى بره و لو سمحتى قولى ليوسف يدخل
يوسف دخل
يوسف : خير يا دكتورة عرفتى ايه سبب البرو’د اللى عندها
الدكتورة : واضح جدا ان مدام نور خجولة شوية و ان انت بتبقى مستعجل عليها و السبب الرئيسى للبيحصل دلوقتى هو انك كل مرة بتغصبها و هى بتحصل بخوف و الم و توتر
يوسف : بس انا سألتها قبل كده و قالتلى انها مش بتتالم
الدكتورة : بس هى ممكن تكون اتكسفت تقولك انا ادتها دوا يقلق التوتر و انت لازم تكون اهدى من كده و حنين معاها و تعودها عليك فاهم قصدى
يوسف هز براسه : تمام شكرا يا دكتورة
⚘⚘⚘⚘⚘⚘⚘⚘⚘⚘⚘⚘⚘⚘⚘⚘
حمزة مانمش و اول ما اذن الفجر خبط على شوق
شوق فتحت الباب
شوق بنعاس : صباح الخير يا حمزة
حمزة : صباح النور البسى بسرعة و انا مستنيكى تحت هنروح مشوار مهم
شوق : هنروح فين
حمزة : لما تنزلى هتعرفى
شوق : حاضر
شوق لبست و نزلت و حمزة ركبها العربية و بدا يسوق
شوق : حمزة احنا هنروح فين
حمزة : هنروح بيت مرات ابوكى
شوق : لاء ارجوك يا حمزة روحنى انا مش عايزة اروح البيت ده تانى ارجوك
حمزة : لاء لازم توجيه يا شوق مش تهربى و انا وعدتك انى هجبلك حقك
شوق : ارجوك يا شوق انا خايفة
حمزة : ما تخافيش طول ما انا معاكى
حمزة و شوق وصلوا عند البيت
شوق مسكت دراع حمزة
شوق : حمزة ابوس ايدك تعالى نروح مش عايزة ادخل
حمزة : اهدى انا قولتلك هجبلك حقك و مسك ايديها بحنان و دخلوا
مرات ابوها (فيريال ) اول ما فتحت : هو انتى اكيد جاى يرجعك هو انتى حد يطيق يبص فى خلقتك
حمزة : فين ابنك مصطفى
فيريال : و انت مالك يا جدع انت بمصطفى بتسال عليه ليه
حمزة : فين مصطفى و لا هو مش راجل و مستخبى جوه زى الحريم
مصطفى خرج : هو مين اللى بتقول عليه كده
حمزة اول مشاف مصطفى الدم غلى فى عروقه و مسك مصطفى ضرب’ه و فضل يش*تم فيه
فيريال : حرام عليك سيب الواد هيم’وت فى ايدك كله منك انتى يا وش الفقر
حمزة : بقى كنت عامل فيها دكر يا ابن الك*لاب
فيريال فجأة مسكت شوق و راحت تضر’بها و شدت من على وشها النقاب
حمزة راح شد شوق
و ضر’ب فيريال بالقلم
حمزة : انا اول مرة أمد ايدى على ست بس انتى واحدة متربتيش علشان تربى ابنك اصلا اعتذرى ليها بدل ما اخليكى توقفى فى جنازة ابنك النهاردة
فيريال : انا اسفة يا شوق
حمزة اخد شوق و خرجوا و شوق كانت منهارة و فجأة اغمى عليها
حمزة شال شوق و دخلها العربية و جاب عصير و وقفوا فى مكان هادى و رفع النقاب و سرح فى ملامحها
حمزة لنفسه : انا مش عارف مالى يا شوق بقيتى تهمينى انا حاسس معاكى بشعور عمرى فى حياتى ما حسيته مع غيرك و فجأة قرب من شوق و باسها
شوق بدأت تفوق و حمزة بعد عنها بسرعة
شوق : هو ايه اللى حصل
حمزة : انتى كويسة
شوق : ايوة هو انا كنت بحلم و لا ايه
حمزة : لاء يا شوق مش بتحلمى
شوق : شكرا يا حمزة و انا اسفة انى دخلتك فى مشكلى
حمزة : اولا مفيش ما بينا شكر ثانيا اسفة على ايه المفروض انا جوزك و لازم اجيبلك حقك ده واجبى تجاهك خدى يلا اشربى العصير ده علشان انتى شكلك مهبط
شوق اخدته منه بشك و بصت للمكان كان طريق مقطوع
شوق : ايه ده احنا فين
حمزة : اهدى هو انا خطفك و بعدين اشربى اكيد مش هسقى مراتى حاجة اصفرة
شوق : بس الطريق هنا مقطوع
حمزة : لاء أركن بيكى فى طريق مليان ناس علشان يتفرجوا علينا
شوق بدور مش لاقية النقاب
شوق بخضة : فين نقابى
حمزة ماسكه فى ايده : عايزه
شوق : ايوة
حمزة : هاتى بوسة
شوق : لاء يا حمزة هات النقاب بقى
حمزة : براحتك مفيش نقاب
شوق : خلاص يا حمزة هاته بقى
حمزة : انا قولت شرطى
شوق لسه هتتكلم حمزة شدها فى قبلة يبعث فيها غيرته و حبه لها و شوق فجأة استسلمت له
شوق مكسوفة : هات النقاب يا حمزة
حمزة: ما تجبى بوسة كمان
شوق : هات النقاب بقى
حمزة : ماشى يا شوق
شوق لبست النقاب و حمزة بدا يسوق
⚘⚘⚘⚘⚘⚘⚘⚘⚘⚘⚘⚘⚘⚘⚘⚘
الكل بدا يجهز شنطته علشان هيسافروا زى ما نوح وعد كيان
كيان : انا هركب مع نوح
نوح : لاء مفيش مكان
كيان : ليه ما هيبقى فى كرسى
نوح : انتى مش اتجوزتى ما تطلعى مع جوزك بقى
حازم دخل : يلا يا كيان
كيان : لاء انا عايزة اركب مع نوح
حازم : ليه مش عايزة تركبى معايا العربية ليه
فيروز : انا عايزة اركب معاك يا حازم
نوح : ليه ملكيش جوز و لا ايه
حازم شد كيان و دخلها العربية
نوح : مش عايزة تركبى معايا ليه
فيروز : انا قولتلك انى لسه زعلانة
نوح : ايه اللى يرضى روزى
فيروز : ناجل الفرح لسنة زى ما كنت متفق مع بابا فى الاول
نوح: نعم لاء طبعا انا مش موافق
زياد دخل هو و سلوى
زياد : ايه يا جماعة مش هنروح النهاردة ولا ايه
أدهم: اومال فين أروى
زياد : هى مش عايزة تيجى اتحيلت عليها كتير مرضتش
أدهم: ليه
زياد : بتقول تعبانة
أدهم : طب اطلعوا انتو و انا هعدى عليها اخدها معايا و هحصلكم
فيروز : لاء انا هعدى على أروى اقعد معاها انا كمان مش عايزة اروح
أدهم: ملكيش دعوة انتى و بعدين ما تشوف مراتك يا نوح اللى عايزة تخرب عليا ديه
نوح مسك فيروز من ايديها و ركبها العربية
و زياد و سلوى ركبوا هما كمان و كلهم مشيوا ورا بعض و كمان حمزة و شوق راحوا معاهم
⚘⚘⚘⚘⚘⚘⚘⚘⚘⚘⚘⚘⚘⚘⚘⚘
فى عربية حازم
حازم : ممكن اعرف ليه مكنتيش عايزة تركبى معايا
كيان : اصل بصراحة فيروز اختك اللى قالتلى كده علشان هى مش عايزة تركب مع نوح
حازم : بتخربى عليها و على نفسك يا كيان يرضيكى تسيبى زوما حبيبك لوحده ده انا كنت جايبلك الشكولاتة اللى بتحبيها فى الدرج و تسيبى كل ده و تسمعى كلام فيروز
كيان : على فكرة انا مكنتش هسمع كلامها حتى لو انت مكنتش جايب شوكولاتة علشان انا بحبك يا حازم
حازم وقف العربية : والله يا كيان انا كمان بحبك اوى و قرب منها
كيان : الله يا حازم انت وقفت عند الاستراحة فعلا يا حبيبى انا جعانة اطلب لينا اكل بقى
حازم : تصورى انك فصيلة و بعدين ده كل المرتبطين بيحبوا فى بعض و انا ايه واخد بنت اختى افسحها
كيان : كده يا حازم واخد بنت اختك شكرا جدا انا مش عايزة حاجة
حازم : ايه ده والله بهزر كيان و بعدين ده انتى ست البنات كلهم ده الكل بيحسدنا يا كيان عليكى اقسم بالله
كيان : و يا ريتك مقدر الجوهرة اللى فى ايدك
حازم : ايه التواضع ده كله يا كيان هانم ما انا كل ما حاول أقرب للجوهرة بتصدنى
كيان : فين ده انا
حازم : والله ماشى الجيات اكتر من الريحات و هنشوف
كيان : ماشى
حازم و كيان خرجوا فى الاستراحة و حازم راح يجيب الاكل
فى واحد راح و بدا يضايق كيان
شخص : ايه يا قمر العربية عطلت او حاجة تحبى اى مساعدة
كيان : لا شكرا و اتفضل
شخص : اتفضل فين يا قمر انت
حازم انت بتقول قمر لمراتى انا يا ابن ال 🤬🤬🤬 و حازم جيه يض’ربه جرى بسرعة
حازم : اتفضلى قدامى على العربية
كيان : حاضر
كيان : خلاص يا حازم متتعصبش انا اسفة
حازم : قولتلك يا كيان تفضلى فى العربية
كيان : خلاص والله
حازم : انا مبحبش حد يضيقك بكلمة يا كيان
كيان : انا عارفة والله انا مضايقة من نفسى اوى
حازم : لاء يا كيان متضيقيش خلاص
و حازم من الغيرة راح حضن كيان جامد
كيان : عيب كده يا حازم
حازم : عيب ايه ده انا مصدقت انى اعمل حاجة هو عمو فهد و لا خواتك مخلينى عارف اعمل ايه
كيان باعتراض
حازم بمقاطعة : لو خرجتى من حضنى دلوقتى هعرف انك مش بتحبينى
كيان : لاء يا حازم و جت تخرج
حازم : والله هزعل
كيان راحت حضنته اكتر
حازم : والله العظيم ما مصدق يا كيان انا حاسس انى هطير من الفرحة
⚘⚘⚘⚘⚘⚘⚘⚘⚘⚘⚘⚘⚘⚘⚘⚘
عند زياد فى العربية
زياد كان مشغل اغنية لسلوى
لا خلاص مش منظر مستنظر ياسلوى
قلبى صدى وجنزر ياهوووو
فى المحيط تتحدفى
وهتتخطفى ياحلوة
وارسمك على كتفى تاتوو
امير البحار قاد ولع نار
نفسى مرة فى ميزد منك والووو
حماار وطوور ومعندوش شعور
اللى يفرط ويسيب سلوته اه يابلوته يا سلووووى
لا خلاص مش منظر مستنظر ياسلوى
قلبى صدى وجنزر ياهوووو
فى المحيط تتحدفى
وهتتخطفى ياحلوة
وارسمك على كتفى تاتوو
امير البحار قاد ولع نار نفسى مرة فى ميزد منك والووو
حماار وطوور ومعندوش شعور اللى يفرط ويسيب سلوته اه يابلوته يا سلووووى
سلوى قعدت تضحك على طريقته و هو بيغنى مع الأغنية
سلوى : اول مرة اشوفك يا زياد مش متعصب و فرفوش كده
زياد : انا كنت بخاف عليكى يا سلوى مش اكتر بس انا ببقى فرفوش معاكى انتى بس
زياد : سلوى ايه رايك فرحنا يبقى الاجازة الجاية اللى هى بعد ٣ شهور مع أدهم و أروى
سلوى بسعادة : موافقة
زياد من الصدمة وقف العربية فجأة
سلوى : فى ايه زياد
زياد : انتى بتتكلمى جد يا سلوى ولا انا بحلم
سلوى : لاء بجد
زياد : ده انا هاين عليا أوقف كل الناس و قولهم انك وفقتى اخيرا
سلوى : لاء خلاص اهدى … هو صحيح ادهم هيتجوز أروى ده باين ان أروى زعلانة منه
أدهم: اتفق مع بابا بس لسه هنقول لها ربنا يستر
⚘⚘⚘⚘⚘⚘⚘⚘⚘⚘⚘⚘⚘⚘⚘⚘
أدهم طلع و قال لتقى تحضر شنطتها و ان أروى لازم تغير جو
أروى: انا مش عايزة مش بالعافية هى مش هروح
أدهم: لاء هتروحى ادخلى البسى بدل ما اخدك بالبيجاما و انتى عارفنى ممكن اعملها عادى
أروى دخلت لبست و نزلت مع أدهم
أروى طول الطريق ساكتة
أدهم: مش جعانة تحبى نوقف فى استراحة او حاجة
أروى: لاء شكرا و فضلت باصة فى الشباك طول الطريق
أدهم فجأة وقف العربية
أدهم : فى ايه يا أروى انتى مش راضية تتكلمى و مرضتيش تنزلى اى استراحة فى ايه
أروى: انا قولت مش عايزة اروح اصلا
أدهم: مش عايزة تروحى ليه
أروى: انا قولتلك قبل كده مش عايزة اشوفك تانى و بعدين كنت جبت حبيبة القلب انجى بتعرف تفرفش الجو
أدهم: انا قطعت علاقتي بأنجى يا أروى
أروى: و انا مالى اصلا تقطع علاقتك بيها ولا لاء انا مالى
أدهم: ماشى يا أروى و كمل سواقة و أروى طول الطريق ساكتة
⚘⚘⚘⚘⚘⚘⚘⚘⚘⚘⚘⚘⚘⚘⚘⚘
نوح : فيه ايه يا فيروز انا عايز اعرف انتى ليه عايزة تاجلى الفرح
فيروز : انا مش عايزة الجوازة ديه كلها يا نوح
نوح : نعم ليه
فيروز طلعت تلفونها : علشان ده يا نوح
نوح بصدمة : …….
فيروز : نوح طلقنى

يتبع..

اترك رد