رواية رجل في مهمة مستحيلة الفصل العاشر 10 بقلم عادل عبدالله

رواية رجل في مهمة مستحيلة الفصل العاشر 10 بقلم عادل عبدالله

رواية رجل في مهمة مستحيلة البارت العاشر

رواية رجل في مهمة مستحيلة الجزء العاشر

رواية رجل في مهمة مستحيلة الحلقة العاشرة

قعدت واتكلمت معاه علي اساس اني ابو صاحبه بس .وبعدين انتهزت فرصة خروج شهاب بره وبقيت انا وحازم لوحدنا ……..
قمت من مكاني وقربت من حازم وهجمت عليه ومسكته من هدومه وقولتله انا عارف علاقتك ببنتي وقدامك اسبوع علشان تجيب اهلك وتتقدم لبنتي ولو معملتش كده مفيش قوة علي وجه الارض هتنقذك من ايديا .هاكلك بسناني وهمحيك من علي وش الارض .
حازم كان مرعوب وقالي : انا فعلا عاوز اتجوز دنيا ومش بلعب بيها .
رديت عليه وقولتله ؛ انا مليش في الكلام .المهم عندي الافعال .وخلي بالك مفيش حد يعرف بالموضوع ده الا انا .ولو شهاب اخوها عرف ممكن يقتلك لكن انا علشان اكبر منكم وبحكم عقلي اديتك فرصة قبل ما أأذيك .وعقلك في راسك تعرف خلاصك .
شهاب كان جاي . سيبت الولد ورجعت مكاني تاني .
ولما شهاب رجع قولتله صاحبك حازم ده باين عليه ولد محترم وكويس وابن ناس ومش وش بهدلة .
مشي شهاب ومعاه الولد ده ولكن انا حسيت منه انه خاف وهيتصرف ويجيب اهله ويتقدم لدنيا
بعد ما خرجت من الشركة روحت المستشفي علشان اطمن علي امي لقيت هشام اخويا هناك .
: معقول يا هشام لسه مروحتش بيتك !!!اانا كنت فاكرك رجعت الغردقة .ومال انت بتنام فين ؟
: يعني انت نسيت اخوك اهو من غير ما تعرف بينام فين ولا ازاي ؟
:: معلشي سامحني يا اتش .انت لو تعرف اللي انا فيه هتعذرني .
:علشان تبقي تعذر الواحد .
: المهم قولي كنت بتنام فين ؟
: ماانا نسيت اقولك ان عندي شقة هنا بقعد فيها ومراتي جت هي والولاد .
:طيب مادام كده تبقي تيجي معايا انت ومراتك واولادك .
: مش هينفع .انت نسيت الكورونا ولا ايه ؟ بعد الوباء ده ما ينتهي هبقي اجيبهم واجيلك بس تعالي هنا قولي مالك ؟ فيه ايه ؟
: هم تقيل يا هشام .لكن انا عندي مفاجأة مش هتصدقها .
: خير يارب .
: انا لقيت نجلا مراتي وهي في البيت دلوقتي .
: بتتكلم بجد ؟
: لو مش مصدق تعالي معايا وانت تشوفها .
: ولقيتها ازاي وكانت فين ؟
: حصلتلها حادثة وفقدت الذاكرة ورؤوف جوز اختك لما لقاها فهمها انها مراته وكانت عايشه معاه ولحد دلوقتي مش رجعتلها الذاكرة .
: مش معقول !!!!!!! ويعمل كده ليه ؟!!!!
: معرفش .ده غير ان الاستاذ كان بسرق الشركة كمان .عموما انا مش هسيبه .هو دلوقتي هربان ولكن مسيري اوصله .
: وانا مش هسيبك .انا معاك في اي حاجة لحد ما نوصله .
: خليك انت يا هشام علشان شغلك .
: يا عم شغل ايه !! المطعم مقفول بسبب الوباء .
: وماما اخبارها ايه دلوقتي ؟ مفيش حد من الدكاترة طمنك ؟
: امك لسه تعبانه يا طاهر وانا بصراحه خايف عليها اوي .ناس كتير دخلوا بعدها وخفو وخرجوا .
: انا كمان خايف عليها .متعرفش توصل لطارق علشان يعرف ان امه عيانه يمكن يخلي عنده دم وييجي علشان يشوفها .
: اخوك طارق ده زي ما يكون ماصدق يسافر ومش عاوز يعرف حد .وساعات اتصل بيه او اكلمه علي النت ومش يرد عليا .
: يعني ساعات بيرد عليك…….طيب حاول معاه يمكن يرد عليك ويعرف ان امه تعبانه .
: ماشي يا طاهر هكلمه .لكن قولي الاول هتوصل للي اسمه رؤوف ده ازاي وهتعمل فيه ايه ؟
: لسه مش محدد هعمل معاه ايه لكن لما اوصله لازم انتقم منه .
: طيب تسمع نصيحتي يا طاهر .استخدم عقلك قبل غضبك علشان متضيعش مستقبلك وحياتك علشان حيوان زي ده .
: يعني عاوزني اعمل ايه ؟ اطبطب عليه مثلا ؟!!!
: لا طبعا .بس حاول توصل لمكانه الاول وبلاش تتصرف الا لما نقعد مع بعض .لكن اولا لازم نجلا مراتك تاخدها وتعملوا بلاغ للشرطة باللي حصل وتخلي راندا اختك ترفع عليه قضية طلاق وتقدموا الاوراق اللي تثبت انه كان بيسرق الشركة للنيابة .
وبالفعل اخدت نجلا وذهبنا لقسم الشرطة وعملنا بلاغ بان رؤوف احتجزها عنده وعاشرها معاشرة الازواج بادعائه انها زوجته منتهزا كونها فاقدة للذاكرة .
بعد كده اخدت راندا وروحنا عملنا قضية اختلاس وتدليس بأنه استغل التوكيلات بالادارة اللي كانت معاه للحصول علي منافع خاصة بشركة يملكها مستغلا اسم والدته مما الحق الضرر البالغ بالشركة التي كان موكلا بادارتها .
بعدها راندا اخدت التحاليل الخاصة به اللي بتثبت عدم قدرته علي الانجاب ورفعت عليه دعوة طلاق للضرر لعدم الانجاب وللضرر اللي الحقها من تدليسه واختلاسه اثناء ادارته لاموالها .
وبكده اصبح رؤوف محاصر قانونيا ويبقي ان اوصل له لانتقم منه .
بعد كده بدأ رحلة البحث عنه وكنت لازم اوصله في اسرع وقت .

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية رجل في مهمة مستحيلة)