روايات

رواية عشق اللؤلؤ الفصل الأول 1 بقلم آلاء عوض

رواية عشق اللؤلؤ الفصل الأول 1 بقلم آلاء عوض

رواية عشق اللؤلؤ البارت الأول

رواية عشق اللؤلؤ الجزء الأول

رواية عشق اللؤلؤ الحلقة الأولى

بابا يابابا يا حته سكره
لما تكون مدايق كلنا بنجيب ورا
ولما تكون رايق بتبقى مسخره
حسام بضحك/ عايزه فلوس ولا اي انا حافظك يا بنتي
الاء بضحك/ شكلي اتكشفت قبل ما اخلص الاغنيه 😂
حسام بهزار/ يلا يا بكاشه عايزه كام
الاء/ انا متواضعه جدا يعني من ألف وانت طالع
حسام بصدمه/اه يا حبيبتي متواضعه جدااا مش عارف جايبه التواضع ده منين
دخل معاهم في الحوار خديجه الأم كانت متابعه الموضوع من أوله وعلى وشها ابتسامه
خديجه بضحك/ ربنا يخليك لينا يا حبيبي
حسام بحنيه/ ويخليكي ليا يا نواره البيت
الاء / احممم نحن هنااا

 

 

حسام/ امشي يا بت مش عارف استفرد بمراتي
الاء بغمزه/ ماشي يا حج من عنيا بس قول اخد فلوس منين
حسام/ خدي من جيب البنطلون
الاء / ماشي
دخلت الاء الاوضه
حسام بحب/ كنا بنقول اي يا نواره البيت
طلعت الاء من الاوضه بسرعه
الاء بغمزه/ انا لسه مدخلتش يا حج
قلع حسام الشبشب ورماه عليها
حسام / امشي بقااا
ضحكت خديجه والاء على هزار حسام
في شركه الدمنهوري
كان فيه حركه مش طبيعيه في الشركه كله متوتر بسبب الورق اللي ناقص كله متوتر وخايف لأن المدير معروف بدقته في شغله رغم عصبيته ونرفزته الدائمه
في المكتب وصوته جايب آخر الشركه

 

 

كريم بعصبيه/ نص ساعه لو ملقتش ورق المشروع قدامي متلوميش غير نفسك
يارا بدموع / حاضر يا فندم بس مستر حسام هو المسؤول عن الورق ده
كريم بزعيق/ وفين الاستاذ حسام
يارا/ هو في اجازه
كريم/ تجيبهولي من تحت الارض الورق ده لازم يجي النهارده
يارا / حاضر يا فندم
طلعت يارا ودموعها مغرقه وشها
وكان في انتظارها أحمد
أحمد بتعاطف مع يارا
أحمد/متزعليش يا يارا انت يعني مش عارفه مستر كريم
يارا بدموع / ماهو عشان عارفه مستر كريم لازم اوصل لمستر حسام لأن ممكن اترفد النهارده
أحمد بحنيه/ طيب اهدي كده وكلميه
وبالفعل يارا كلمت حسام وهو خلال دقايق معدوده وصل الشركه لأنه طبعا عارف كريم الدمنهوري وعارف طبعه
عند الاء
كانت الاء بتعمل شوبنج مع صاحبتها سلمي
سلمي/ انا تعبت يا الاء وكمان لازم ارجع اعمل الاكل ل راجح
الاء/ خلاص فاضل حبه صغيرين
سلمي بتأفف/ حبه صغيرين اي احنا فاضل كام محل ونكون دخلنا المول كله
الاء بغمزه/ طب ما تقولي أن راجح وحشك وعايزه تروحيله
سلمي بحب/ الصراحه وحشني اوي اوي انت عارفه ان هو حب طفولتي وهو الوحيد اللي وقف جنبي بعد موت امي وابويا الله يرحمهم
الاء/ ربنا يخليكو لبعض
سلمي/ امين يارب
في شركه الدمنهوري
نبدأ نشرح الموضوع الأول..

 

 

محمد الدمنهوري بدأ في تصميم شركته من تحت الصفر وكان حسام صديقه المقرب وكان مساعده في الشركه حسام كان دراعه اليمين اشتغل معاه اكتر من ٢٠سنه كان محمد الدمنهوري يتميز بطيبه قلبه وتواضعه عكس ابنه تماما
محمد الدمنهوري اتوفى من ٣ سنين واستلم الشركه مكانه ابنه كريم الدمنهوري ومازال حسام في نفس المركز..
الورق كان في خذنه في مكتب حسام ومحدش يعرف يفتحه غيره
وفي خلال دقايق معدوده كان حسام في مكتب كريم وفي ايده الملفات
كريم بسخريه/ اخيرا وصلت اسفين اننا عطلناك يا استاذ
حسام / انا اللي اسف يا فندم عايز مني اي حاجه تانيه
كريم بابتسامه/ ايوه طبعا
حسام/ اتفضل
كريم ببرود /اتفضل على الحسابات وخد مرتبك احنا مستغنين عن خدمات
وقف حسام لثواني يستوعب اللي حصل
حسام بصدمه / انت بتطردني
كريم ببرود / أظن كلامي واضح
حسام بجنون / انت بتقول اي انا عمري كله في الشركه دي انا بشتغل في الشركه دي من اول ما اتبنت مش عشان ابوك مات تشتري وتبيع في الناس يا أخي
كريم بعصبيه/ انت بتقولي انا الكلام ده انا مش عايز اغلط فيك عشان سنك
حسام/ ما ده اللي ناقص يحصل يا ابن محمد الدمنهوري
كريم نده للأمن واخدو حسام برا الشركه وسط صراخ حسام
الكل كان صعبان عليه حسام لأنه كان طيب جدا ومحبوب من الكل لكن ما باليد حيلة

 

 

في نفس اليوم
حسام/ استغني عن خدماتي يا خديجه وانا في الشركه دي من وهو عيل صغير
خديجه بحزن على حاله/ متزعلش نفسك يا حسام بكره يجيلك شغل احسن منه
حسام بحزن/طردني قدام الشركه كلها صعبت عليا نفسي أوي يا خديجه
خديجه اخدت حسام في حضنها وطبطت عليه بحنيه وهي زعلانه عليه جدا لأنه كان بيحب الشركه وعمره كله وهو فيها في يوم وليله يطردوه قصاد الناس كلها!!
مهما عدت السنين بس هي مازالت بتسنده وقت ضعفه بتحضنه لما تحس انه محتاج لحضنها بتكون ضهره وسنده في أصعب أوقاته
في نفس اللحظه كان الاء واقفه على باب الاوضه وسامعه كلام امها وابوها كله
دخلت اوضتها وقفلت على نفسها وفضلت تعيط ابوها صعب عليها جدا اول مره تشوفه كده اول مره تشوفه زعلان مسحت دموعها بايديها
الاء بتحدي/ وحياتك عندي يا بابا لأجبلك حقك لحد عندك وهردلك كرامتك من البني آدم عديم الانسانيه ده
ونامت وهي تتوعد ل كريم الدمنهوري

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية عشق اللؤلؤ)

اترك رد