روايات

رواية حياة عبدالرحمن الفصل الثاني عشر 12 بقلم عبدالرحمن حمدي

رواية حياة عبدالرحمن الفصل الثاني عشر 12 بقلم عبدالرحمن حمدي

رواية حياة عبدالرحمن البارت الثاني عشر

رواية حياة عبدالرحمن الجزء الثاني عشر

رواية حياة عبدالرحمن الحلقة الثانية عشر

(قعدنا نتكلم شويه انا واحمد مع الست ونسالها بعض الأسئلة وخلاص كنا مروحين)
انا:طب احنا هنستأذن بقى عشان الوقت اتأخر
الست:اذنك معاك يا باشا بس بقولك
انا:اتفضلي
الست:حضرتك طلبت مني أتذكر اسم سيادة اللواء واقولك صح
(قلبي كان هيقف معرفش ليه)
انا:اه قولي بسرعه ابوس ايدك اسمه ايه انا عايز اقطع الشك باليقين واتاكد من حاجه
الست: تقريبا كده اسمه مسعد
(انا اتصدمت لما سمعت الاسم مش مصدق وداني لان دا اسم اللواء فعلا يعني اللواء كان يعرف المرحوم قبل ما يموت طب ازاي وليه دماغي كان فيها اسئله كتيره اوي عايزه إجابات فوقت من سرحاني بعد مده )
الست:يا باشا سرحت في ايه
انا:ها لا معاكي اهو متشكر جدا جدا على المعلومات دي يلا يا منه
احمد:تصبحي على خير يا مدام
(مشيت من عندها وانا كل اللي شاغل تفكيري اللواء يعرف المرحوم ازاي )
وصلت البيت
منه:ايه اللي شاغل تفكيرك من ساعة ما جينا من عند الست وانت دماغك مشغوله بالتفكير
انا:ها لا ولا حاجه خشي نامي انتي وانا هنام شويه كده
منه:ما هو انا مقدرش انام واسيبك كده يلا خش معايا
انا: حبيبة قلبي انتي حامل وتعبانه مينفعش كده
منه:طب اديني قاعده اهو لغاية ما تقوم
انا:أمري لله يلا
منه: طب شيلني
انا:يا ربي انا مش طايق نفسي يا منه مش وقته
منه:طب خلاص اديني واقفه مش هنام
انا:أمري لله تعالي (شيلتها وفضلت ادوخها شويه )
منه:يا عم المجنون نزلني بدوخ

 

 

 

 

 

انا:اهو (نزلتها)
منه:لا انا بهزر شيلني تاني
انا:يا سلام بس كده تحت امرك
(شيلتها ونيمتها على السرير)
انا: يلا تصبحي على جنه
منه:وانت من اهلها
(نمت من كتر التعب والتفكير وصحيت تاني يوم اروح الشغل)
منه:بودي يا بودي اصحى واد
انا:سيبيني انام شويه كمان يا منه
منه:هتتأخر على الشغل
انا:سيبك من الشغل بلا شغل بلا قرف
منه:انا هروح احضرلك لفطار
انا:فطار ايه انتي مش هتروحي حته تعالي نامي في حضني
منه:يبني سيبني اشوف الحاجات المهمه اللي ورايا
انا:مفيش اهم مني ولو على المواعين والكنس والمسح وتنضيف الشقه انا لما ارجع من شغلي هعملك كل حاجه.
منه:يباركلي فيك وميحرمنيش منك ابدا
انا:يلا بقى تعالي في حضني
منه: اوكي
انا:هو أنا مبسوط اوي ليه يمكن عشان بحبك ولا يمكن عشان بعشقك ولا يمكن عشان صوتك اللي يلين الحديد
منه:انا اتثبت خلاص مش عارفه اقول ايه
انا:متقوليش حاجه نامي في حضني وانتي مطمنه
منه:ااااااه
انا:مالك
منه:ابنك يا استاذ عبد الرحمن شغال يضرب فيا جامد
انا:سيبي الواد يلعب يا بت
منه:شقي زي ابوه واكيد هيكون قمرين زي ابوه
انا:لا يا حبيبتي دي هتكون بنوته وكمان قمر زي امها
منه:كل اللي يجيبه ربنا كويس بس سيبني اشوف اللي ورايا وانت كمان قوم يلا عشان منتأخرش على شغلك
انا:حاضر

 

 

 

 

 

 

(قومت من على السرير ودخلت الحمام اتوضيت وصليت الصبح )
منه:الفطار جاهز
انا:وانتي مش هتاكلي ولا ايه ده انتي تعبانه اوي
منه:والله يا حبيبي نفسي مسدوده ومش قادره اكل
انا:طب خدي الحته دي من ايدي خدي في بوقك
منه:تسلم ايدك
انا:كلي انتي يا حبيبتي بالهنا و الشفا انا رايح شغلي
منه:خد هنا انت لسه مكملتش فطارك
انا:لا انا كده تمام اوي
منه:طب يا حبيبي في رعاية الله بس استنى نسيت اقولك على حاجه
انا:ايه
منه:بحبك
انا:طب تعالي في حضني(اخدتها في حضني ضميتها ليا اوي لدرجة اننا كنا هنندمج في جسم واحد من كتر ما احنا قريبين من بعض)
انا:بس بقولك كل ربع ساعه ترني عليا عشان اطمن عليكي ها
منه:حاضر
انا:يا منه الموضوع مش هزار كل ربع ساعه ترني عليا يا منه مش عايز أقلق عليكي
منه:حاضر والله امشي انت عشان متتاخرش
انا:في رعاية الله مع الف سلامه
(مشيت واتجهت للمقر عشان اشوف شغلي وبرضه عايز اشوف سيادة اللواء )
روحت المقر خلصت شغلي وبعض الأوراق واتجهت لمكتب اللواء
خبطت على الباب
اللواء: اتفضل
دخلت عليه المكتب وهو اتخض اول ما شافني وزي ما يكون شاف عفريت

 

 

 

 

 

انا:السلام عليكم
اللواء: وعليكم يا حضرة الظابط اتفضل اولا كده البقاء لله
انا:بس انا مشوفتش حضرتك في العزا
اللواء:كان ورايا شغل بس المهم انت عامل ايه
انا:زفت يا سيادة اللواء زفت
اللواء:استهدى بالله
أنا:مش ههدى لا انا لازم اجيب حق امي وهدفن كل واحد ليه علاقه بمقتل امي مش هرحم حد
اللواء بلع ريقه بالعافيه وجسمه بدأ يترعش وانا لاحظت كده
اللواء:حق والدتك مش هييجي بالشكل دا القانون هو اللي هيجيب حقها
انا:بلا قانون بلا زفت انا هجيب حق والدتي بنفسي
اللواء: يبني خليك بعيد عنهم دول شكلهم ناس ايديهم طايله
انا:القصاص يا سيادة اللواء الطار هجيب حق امي بايدي
اللواء بدا يعرق جامد:طب براحتك بس افتكر اني حذرتك
انا:بقولك ايه يا سيادة اللواء اتفضل امضي على الجواب دا عشان هيروح الوزاره
اللواء:جواب ايه اديني اقراه كده
انا:لالا لا متقراهوش انا مش عايزك تتعب نفسك امضي وخلاص
اللواء:خلاص يبني براحتك
(فضلنا نتكلم شويه وكل ربع ساعه كانت منه بترن عليا زي ما قولتلها بس عدى نص ساعه من غير ما ترن وانا ابتديت أقلق )
انا:سيادة اللواء انا عايز اجازه يا فندم عشان اريح أعصابي بس
اللواء:تحت أمرك
انا:طب مضطر استأذن عشان سايب المدام لوحدها في البيت
اللواء اتفضل

 

 

 

 

(طلعت من المقر وسوقت بسرعه جنونيه للبيت وصلت وفتحت الباب دخلت الاوضه لقيت منه نايمه على السرير زي الأطفال وانا حضنتها جامد وصحيت مفزوعه)
انا: منه حبيبتي انتي كويسه فيكي حاجه مرنتيش عليا ليه
صحيت مفزوعه من النوم
منه: في ايه يا عبد الرحمن خضيتني صحيتني مفزوعه
انا بخوف: قلقتيني عليكي والله (فجأه اتبدلت ملامح وشي من الخوف والقلق للغضب)
انا:انا مش فهمتك ان كل ربع ساعه ترني عليا مرنتيش ليه ها افهم بس قلقتيني عليكي وقلبي اتقبض
منه:اهدى بس انت متعصب ليه
انا:مش متنيل متعصب قولي بقى نمتي ليه
منه:انت عارف اني عيوطه صح🥺
انا:منه انا مش ناقصك
منه:اهئ اهئ اهئ(بدأت تعيط زي الاطفال)
انا:بس يا كميله ميهونش عليا القمر يعيط خلاص بقى دموعك غاليه اوي عندي والله
منه:هاتلي حاجه حلوه
انا:من عنيا تحبي اجيبلك ايه
منه:لا دي حاجه غاليه اوي
انا:شوكولاته مثلا
منه:عايزاك انت يا عبد الرحمن انت احلى حاجه في حياتي
انا:طب ارتاحي انتي يا روح قلبي وانا هغير هدومي واكنس وامسح وانضف الشقه
منه:مينفعش يا حبيبي
انا:لا ينفع ونص كمان نامي انتي وهتصحي تلاقي الشقه متروقه
منه: بس
انا:مفيش بس ارتاحي انتي يا نور عيني وهتشوفي هعمل ايه
منه:طب يا حبيبي انا شويه كده وهصحى ابوس ايدك اوعي تبوظ الدنيا ها نضف الشقه وبلاش تكركبها
أنا: حاضر ارتاحي انتي بس

 

 

 

 

 

(نامت منه وانا غيرت هدومي وكنست الشقه كلها وبعد كده مسحتها وبعد كده طهرتها بالديتول وبعد كده رشيت معطر وبعد كده نفضت الشبابيك والأبواب وبعد كده حبيت اعملها مفاجأه قولت اعملها اكله من ايدي بس في مشكله انا عمري ما دخلت المطبخ اساسا دي كوباية الشاي بعملها بالعافيه بس برضه منه حامل وتعبانه انا لازم اعملها مكرونه وفراخ سلقت المكرونه اول حاجه وبعد كده سلقت الفرخه وحطيت عليهم الصلصه انا بعمل كل دا وانا واثق اني طباخ ماهر مع اني برياله وريالتي تملى جردل 😂😂
المهم المكرونه شربت ميه كتيييير لغاية ما بقيت شبة العجينه والفرخه كشت اوي طلعتها من الفرن لقيتها عامله زي الفحمه قولت يمكن اتشوت بزياده ودا احسن دوقت المكرونه لقيتها ناقصه ملح اتجهت لبرطمانات البهارات كان
قدامي برطمانين واحد فيه سكر والتاني ملح بس انا مش عارف مين فيهم السكر ومين الملح غميت عيني واخترت عشوائي وطبعا كركبت المطبخ كله ومنه صحيت على الكركبه
منه:انت بتعمل ايه
انا:بعملك اكله هتاكلي صوابعك وراها
منه:اما نشوف
(جهزت السفره وحطيت الاكل عليها وقعدت انا ومنه عشان ناكل)
أنا: يلا دوقي وقولي رأيك
منه:انت قولتلي انك عمرك ما دخلت المطبخ صح
انا:صح
منه:ربنا يستر بسم الله بس مالها المكرونه معجنه ليه كده
انا:لا دي من حلاوتها بس عشان كده باينه انها معجنه
منه:والفراخ عامله زي الفحمه هي اتحرقت ولا ايه
انا: لا يا روحي دي بس عشان مشويه
منه:بسم الله(اكلت اول معلقة مكرونه وتفتها بره على طول)
منه:ايه القرف دا يا عبد الرحمن
انا:الله يسامحك دا انا الشيربيني يا بنتي بس سيبك من المكرونه وخشي على الفراخ
منه:استر يارب(اكلت منه اول حتة فراخ ومسكت بطنها وجريت على الحمام ترجع اللي اكلته في الحوض )
انا:منه رايحه فين ايه اللي موديكي الحمام طب ما ادوق انا كده(دوقت الفراخ ومسكت بطني جريت على الحمام وبخبط عشان منه تفتحلي)

 

 

 

 

انا:افتحي يا منه عايز استفرغ وارجع اللي طفحته
منه:مش لما ارجع اللي في بطني انا الأول استنى دقيقه
خرجت منه
انا:وسعي كده(دخلت نزلت كل اللي في بطني)
منه:اولا كده المكرونه معجنه انت حطيت مياه كتير
انا: مش كتير اوي اتنين لتر
منه:نهارك ابيض يا عبد الرحمن طب والفراخ
انا:مالها الفراخ ما هي زي الفل
منه:انت حطيت سكر في الفراخ
انا:سكر ايه يا بنتي اااااه لا دا شكلي اتلغبطت وحطيت سكر بدل الملح
منه:طب والفرخه متفحمه ليه
انا:تكونشي اتشوت بزياده
منه:عبد الرحمن لو شوفتك دخلت المطبخ تاني هدبحك
انا:لا دا انا ذات نفسي هحرم ادخله
منه:بس انا جعانه
انا:حاضر ثواني هطلب دليفري
(طلبت دليفري واكلنا انا وهي بعد ما اخدت شاور خلصنا اكل وقعدنا مع بعض )
منه:انت وحشتني اوي على فكره
انا:اوحشك ايه يا بنتي ما انا قاعد معاكي طول النهار
منه:انت بتوحشني دايما حتى وانت قاعد معايا برضه بتكون واحشني
انا:طب تعالي بقى نامي على حجري واسكتي عايز أتأمل فيكي وفي حلاوتك شويه
منه:تتأمل فيا ايه ما انا قاعده معاك على طول
انا:كل مره بشوفك فيها بحس انها اول مره كان العمر بيبتدي من جديد وكنت اتمنى اعيد حياتي من الاول عشان تبقي فيها
منه:بتجيب الكلام الحلو دا من فين
انا:من قلبي ينهار اسود

 

 

 

 

 

منه:ايه مالك هو ايه اللي نهار اسود
انا:في حاجه مهمه انا ناسيها ومش لاقيها
منه:ايه هي
انا:الحقي قلبي
منه: ماله قلبك
انا:شكلي كده نسيته معاكي ما انتي خطفتيه
منه:يا اخي غور من وشي الساعه دي
انا:ليه
منه: ضربه في قلبك
انا: الله يسامحك
منه:صالحني
انا:ازاي
منه:هيكون ازاي
انا:طب انا حضني مفتوح هتيجي ولا اقفله
منه:تقفل ايه يا عم وسع كده دا مكاني
انا:طب مش هنام انا وانتي انتي تعبانه وانا كمان مرهق
منه:طب شيلني
انا:من عنيا
(شيلتها ونيمتها على السرير)
منه:تصبح على خير
انا:وانتي من اهله
(فضلنا على الحال دا كل يوم انا واخد اجازه من شغلي وقاعد معاها اكنس وامسح وهي تعمل الغدا ونطلب دليفري للعشاء ولو عملت عشا نطلب دليفري للغدا لغاية ما جه يوم الولاده وكان يوم غريب شويه
منه:يلا يا حبيبي انا جبت الفيلم يلا نقعد
انا:حاضر اهو انا جيت
منه: عبد الرحمن قول لابنك يسكت شغال يضرب جامد
انا: بالراحه على ماما يبني

 

 

 

 

منه:آآآه بطني يا عبد الرحمن
انا:انتي في الشهر الكام
منه:مبعدش يا جيمي
انا:لا والله بجد انتي في الشهر الكام
منه:انا في آخر الشهر التامن
انا:قربت الولاده خلاص
منه:آآآآآه
انا:في ايه يا بنتي انتي هتولدي دلوقتي ولا ايه
منه:لا يا حبيبي دول شوية مغص وهيروحوا لحالهم
انا:طب يا حبيبتي
منه:ااااااااه
انا:ايه مغص برضه
منه بزعيق: مغص ايه وبتاع ايه انا بولد
انا:انتي بتتكلمي بجد
منه:ودا فيه هزار بولد يا عبد الرحمن بوللللللد
(نزلنا انا وهي جرينا على اقرب مستشفى)
دخلت وانا ساندها
انا:الحقوني يا جماعه اي حد يلحقني مراتي بتولد
الدكتوره: في ايه ايه الدوشه دي
انا:مراتي بتولد يا دكتوره
الدكتوره: جهزوا أوضة العمليات بسرعه عندنا حالة ولاده

 

 

 

 

 

(دخلت منه أوضة العمليات والدكتوره وبعض الممرضات واتاخروا جوه وانا مش قاعد شغال رايح جاي رايح جاي رايح جاي رايح جاي يمين وشمال شمال ويمين لغاية ما خرجت الممرضه من أوضة العمليات )
أنا: ها طمنيني يا انسه مراتي مالها
الممرضه:الف الف مبروك بنت زي القمر
انا: الله يبارك فيكي انتي تستاهلي كل خير
الممرضه:هو انا شوفتك فين قبل ك….(قبل ما تكمل كلامها قاطعتها الدكتوره وهي بتقول)
الدكتوره:انتي واقفه هنا بتعملي ايه تعالي هنا فيه مشكله
الممرضه:يا ساتر يا رب جايه اهو يا دكتوره عن اذنك يا استاذ
انا اتخضيت جامد اوي مشكله ايه بس منه جرالها حاجه انا هموت من القلق لغاية ما سمعت صوت بكاء طفل تاني
الممرضه:مبروك جالك كمان ولد زي القمر
انا:توأم انا عندي توأم ولد وبنت الله واكبر انا مش عارف اشكرك ازاي
(من كتر فرحتي حضنت الممرضه 😂😂😂)
الممرضه: يا استاذ ميصحش كده ايه اللي بتعمله ده
(فوقت من اللي انا فيه وبعدت عنها)
انا:انا اسف والله مقصدش دا من فرحتي
الممرضه: لو حد غيري كان عملك فضيحه
انا:والله ما اقصد
الممرضه:هو انا شوفتك فين قبل كده

 

 

 

 

 

 

انا:اعذريني مش واخد بالي كويس
الممرضه:انا زميله دراسيه كنت معاك في ثانويه عامه انت مش فاكرني
انا:لا متهزريش انتي رنا
الممرضه:ما انت افتكرتني اهو ازيك عامل ايه
انا:الحمد لله اخبارك انتي ايه
الممرضه:انا الحمد لله
انا:هو انا اقدر ادفع الحساب فين
الممرضه: آخر الممر على شمالك
انا:شكرا اوي
(رحت دفعت الحساب ودخلتلها أوضة العمليات اطمن عليها)
انا: حمد لله على سلامتك يا حبيبتي
منه:الله يسلمك يا حبيبي
انا:شدي حيلك بقى عشان تقومي وترجعي منه بتاعت زمان
منه:عبد الرحمن كنت عايزه اقولك حاجه بخصوص العيال
انا:مالهم العيال
منه:لا كنت عايزه اقولك حاجه مهمه بس عشان اريح ضميري
انا:انجزي يا منه انا بدأت اتوتر
منه :في الحقيقه …….

يتبع…….

لقراءة الفصل التالي : اضغط هنا

لقراءة باقي حلقات الرواية اضغط على (رواية حياة عبدالرحمن)

اترك رد