رواية جحيم الجاسر الفصل الثالث عشر 13 بقلم الكاتبة المجهولة
رواية جحيم الجاسر الفصل الثالث عشر 13 بقلم الكاتبة المجهولة
رواية جحيم الجاسر البارت الثالث عشر
رواية جحيم الجاسر الجزء الثالث عشر
رواية جحيم الجاسر الحلقة الثالثة عشر
فريدة وقعت وفقدت الوعي
جاسر ومحمد وسلوي وزينب جريوا عليها
جاسر شال راسها من على الأرض وحطها على رجله وبدأ يضر”بها على خدها بخفة
جاسر بخوف : فريدة فريدة ياحبيبتي مالك
محمد : انا هتصل بالدكتورة تيجي وانت ياجاسر شيلها نومها على السرير
جاسر شال فريدة ونومها على السرير لحد ماوصلت الدكتورة ودخلت لفريدة
والكل واقف قدام الأوضة. هيموتوا من الخوف
🖤 بعد فترة 🖤
الدكتورة طلعت من عند فريدة وملامحها مش مبشرة بالخير
جاسر بقلق : طمنينا يادكتورة فريدة مالها
الدكتورة : مبروك المدام حامل
جاسر بفرحة : اه الحمد لله يارب
سلوى وزينب ومحمد فرحوا جدا وباركوا لجاسر
جاسر : طيب هي كويسة دلوقتي يعني نقدر نشوفها
الدكتورة بقلق : هي المدام بتعاني من اي مرض
جاسر بقلق : ايوه هى عندها القلب خير يادكتورة في ايه
الدكتورة : للأسف حضرتك الحمل خطير جدا على المدام ولازم تنزل الطفل والا هيكون في خطر على حياتها أثناء الولادة
نسبة نجاة الام في الحالة دي بتكون ضئيلة جدا ولازم منتاخرش في عملية الإجهاض لان الخطر على حياة الام بيزيد كل ما نتأخر اكتر
جاسر بانهيار : طيب وفريدة عرفت بالكلام دا
الدكتورة : انا قولتلها انها حامل بس مقولتلهاش على تنزيل الطفل
لازم حد قريب منها يفهمها بالراحة علشان ممكن يحصلها انهيار عصبي حاد
جاسر : تمام شكرا يادكتورة
محمد وصل الدكتورة وزينب وسلوي منهارين من العياط بره وجاسر دخل لفريدة وأمر ان محدش يدخل معاه
اول ما فتح الباب فريدة قامت من عالسرير وراحت عنده وهي مبسوطة ومبتسمه اوي وحضنته
جاسر ماسك دموعه بصعوبة وحضنها جامد كأنها هتهرب منه
فريدة بسعادة : مبروك يا احلى بابي في الدنيا
جاسر : تعالي يافريدة اقعدي لازم اكلمك في موضوع مهم
فريدة قعدت على طرف السرير وهي قلقانة
وجاسر فضل باصص في عيونها كتير وبعدين اتنهد واتكلم
جاسر : فريدة ياحبيبتي الطفل دا لازم ينزل
فريدة بصدمة : انت بتقول ايه ياجاسر عايزني اقت”ل ابني!!
جاسر ودموعه بدأت تظهر : فريدة ارجوكي متصعبيش الموضوع عليا انا مش قادر
،………..حكلها كل حاجة
جاسر بدموع : فريدة انا مقدرش اخسرك لأي سبب كان انا ماصدقت ترجعيلي وعشنا مع بعض
ارجوكي نزلي الطفل
فريدة بدموع : جاسر انا كنت عارفة من الاول ان الحمل فيه خطر على حياتي بس انا مقدرش احرمك من حقك انك تكون اب وانا مش هنزل الولد ابدا دا ابني ولو حصلي حاجة انت هتهتم بيه من بعدي
جاسر بزعيق : انتى مجنونة ازاي يعني كنتي عارفة ان فيه خطر على حياتك ومقولتليش وبرضو حملتي
فريدة بعياط : انت من حقك تكون اب وتحس الاحساس دا وانا مش من حقي احرمك منه لمجرد اني واحدة مريضة
جاسر بصوت عالي : انا كنت اشتكيتلك وقولتك عايز ولد انتي بتضحي بحياتك علشان حاجة انا مش طلبتها……
كمل بهدوء ودموع : فريدة بصى انا مش عايز ولد كفاية عندي انتي بالدنيا وما فيها انتي بنتى ارجوكي نزليه انا مقدرش اخسرك
فريدة : انا مش هنزله ياجاسر دا روح عايزني اقت”ل ابني
جاسر سابلها الأوضة ومشي
وقال لزينب وسلوي يحاولوا يقنعوها وساب البيت ومشي
زينب وسلوي فضلو يقنعو فريدة كتير بفكرة تنزيل الطفل
بس مفيش فايدة لحد ماكل واحد راح بيته وفريدة طلعت شقتها وقعدت في الصالة مستنية جاسر يرجع لحد ما النوم غلبها
جاسر رجع متأخر خالص وكان متعصب دخل شافها نايمة. على الكنبة بعمق شالها ونيمها على السرير ونام جنبها ومسك ايدها وحضنها
جاسر : بمجرد التفكير في فكرة انك ممكن تسيبيني
روحي بتتسحب مني حرام عليكي متعمليش فيا كدا ووافقي ارجوكي انا عارف انه صعب عليكي بس دا قضاء ربنا
نام جاسر وهو حاضنها وقلبه بيوجعه خايف ليخسرها
مر اسبوع واتنين وكل يوم كلهم بيحاول يقنعو فريدة تنزل الطفل بس هي ثابتة على رأيها
لحد ماخلاص عدي ٤ شهور وفات الاون انها تنزله جاسر تقبل الفكرة وكان بيتعلق بالطفل من قبل مايجي واهتمامه بفريدة بيزيد لحد مابقت في الشهر التاسع
…….. الساعة ٢ في الليل………
فريدة بألم وصراخ : اه ياجاسر تعبانة اوي شكلي بولد……
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية جحيم الجاسر)