رواية احبني اناني الفصل الثامن 8 بقلم هبة المعداني
رواية احبني اناني الفصل الثامن 8 بقلم هبة المعداني
رواية احبني اناني البارت الثامن
رواية احبني اناني الجزء الثامن
رواية احبني اناني الحلقة الثامنة
بدي حوش ارجوان يزحم يوم بعد يوم بدو الاقارب والعيله تلتم وكانو فرحانين ويجهزو للعرس
اما ارجوان فكانت في عالم ثاني وتفكر شن ح يصير فيها مع ركان خاصة أنها ح تكون معاه في حوش واحد وفي نفس الوقت تفكر كيف تنتقم منه
خلي نعرفكم ع عائلة ركان
طبعا ركان عنده ثلاثة خوت ولاد واخت اللي هيا ردينا
ايمن عمره 35 متزوج وعنده بنت وزوز ولاد
انس عمره 29 متزوج وعنده بنت
مالك عمره 24مش متزوج
ردينا عمرها 26 وعرسها بعد ركان
وامهم متوفيه وبوهم معظم أعماله في الخارج وديمه مسافر
والكل يسكنو مع بعض في نفس الفيله بس كل حد ليه جناح
#تسريع في الأحداث
مزال أسبوع ع العرس
وركان كل يوم يبعت في مسج لي ارجوان
يستفز فيها وهيا علي نار
طبعا ركان مش ح يسكن مع عيلته ح يسكن في حوش بروحه وبعيد علي اهله شوي باش يفضى
بي ارجوان
طبعا ركان ابعت مسج لي ارجوان وقال لها أن
مش ح يسكنها مع العيله وانها حتكون في حوش بروحها باش يفضى بمعاملته ليها
اهنايا ارجوان حست بالخوف
لكن قالت مستحيل يدير شي اني اللي ح نخليه يندم علي داره فيا كله
فاتو الايامات وجي سبوع العرس
والكل كان يجهز
وارجوان كل ما يقرب يوم العرس خوفها يزيد أكثر
وكانت امل تهدي فيها
جي يوم العرس
محمد : خيرك نحس فيك مش ع بعضك
ركان : رأسي مشوش ومش عارف شن ح يصير
محمد : خلاص توا ابدا حياتك من جديد
مش انت تحبها خلاص نسيها في اللي صار واعترفلها بحبك
ركان :مش بالسهولة هذه الحاجه هذه تبي وقت
محمد: دير بالك اتزعلها ولا تخلاها تكرهك أكثر من هكي
ركان :انشاء الله
عند أرجوان في المزين
كانت معاها اختها امل لحضه ب لحضه
ارجوان كانت تهبل بالفيلو والمكياج
امل: مشاءالله تهبلي
ارجوان: والله ماعندي نيه فيه هدا كله
لكن بالسيف عليا هدا تلبسه وحده مرتاحه
او واخده اللي تحبه
اني تمنيت نلبسه لي احمد ونكمل معاه حياتي
وفي نص كلامها بكت
امل: خلاص توا انسي اللي صار وما تعرفيش
مرات تتهني في حياتك وربي يعوضك ع اللي صار كله وتبدي حياتك مع ركان
ارجوان :شن تقولي اللي داره معاي ركان مستحيل ننساه القصه كلها شهر وكل حد ح يمشي في حاله
امل : عندك حق واني معاك لكن مش حل هكي
مافيش حد ما يغلطش مرات اللي صار معاك
في خير ليك باش تكشفي احمد اللي طلع متع فلوس وباعك طول متعرفيش لو خديتي شن كان ح يصير مرات كان ح يسيبك في اول موقف يصير
وتوا ربي جمعك مع ركان مرات ح تتهنوا مع بعض
ارجوان ساكته
امل: اهدي حبيبتي وفكري في كلامي واني معاك
في كل وقت
في الصاله
وصل ركان وخش وانصدم في ارجوان وجمالها
اما ارجوان فكانت عادي كأنها متشوفش فيه
وهوا لاحظ الحاجه هده
خش ركان وصور معاها
ارجوان كانت رافضه التصوير لكن ردينا
صممت أنهم يصورو
بدو يصورو وركان كان متعمد أن يقرب من ارجوان
ويشدها من خصرها ويدير في لقطات معاها
وهيا كانت قريب تموت
جي وقت المرواح
خديجة وامل سلمو علي ارجوان ويبكو
ردينا اطمنو ركان ح يديرها في عيونه
ارجوان اختي متخافوش عليها
خديجة بارك الله فيك يابنتي
طلعت ارجوان ركبت مع ركان في السيارة
طول الطريق وارجوان ساكته
ركان : خيرك ساكته شن صار لي لسانك
نعرفك متقعديش ساكته وتهزبي فيا
ارجوان :خيرك مستعجل بالشويه كله في وقته حلو
ركان : معناها مش خايفه توا انك معاي وبروحك
ارجوان: خافت لكن بينة العكس
وعلاش بنخاف شن ح ادير اكتر من اللي درته
ركان : اللي درته بسيط في أكثر منه تو تشوفي
متستعجليش 🔥
ارجوان:حقير
ركان:😂
المره هده بنفوتهالك المرة الثانيه ديري حساب كل
كلمه اطلعيها
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية احبني اناني)
جيد
تم
ممتاز
متى باقي الفصول
الباقي