رواية نيران عشقه الفصل الثالث 3 بقلم منة يوسف

رواية نيران عشقه الفصل الثالث 3 بقلم منة يوسف

رواية نيران عشقه البارت الثالث

رواية نيران عشقه الجزء الثالث

رواية نيران عشقه الحلقة الثالثة

وقفنا المره اللي فاتت ان الناس كانوا ملمومين حوالينها وهي ساي’حه في دمها
واحد من الناس_يا جماعه اتصلوا بالإسعاف بسرعه دي شكلها هتمو^ت
هنا كان قصى معدي بالتاكسي بتاعه وشاف الحادثه ووقف بسرعه ونزل جري_ وشال نورسين وقال للناس_فين شنطتها اخدها من الست وحط نورسين في الكرسي اللي ورا وركب هو وجري بيها على المستشفي
فى الطريق
قصى بخوف _يارب استرها يارب شكلها غلبانه ومش معاها حد وبص عليها شافها بتفتح عينها وبتهمس بس مش سامعها
قصى بخوف_اوعى تغمضي خليكِ مفتحه عينك ومتتكلميش هنوصل المستشفي بسرعه
نورسين كانت بتبصله والدموع بتنزل من عينها بس السبب مش اللي هي فيه دا مش هيجي شكه في وجع قلبها على ابنها اللي شكله هيموت قبل ما يجي وجع قلبها على خيانة جوزها وصحبتها وهنا نورسين استسلمت للغيمه السوده ومصيرها اللي جاي..
قصى ساق بأسرع حاجه عنده لما شافها بتقفل عينها_يارب سلم يارب
وآخيرا وصل المستشفي

قصى بزعيق_حد يلحقنا معايا واحده بتمو”ت هنا
هنا الممرضات سمعوا الصوت وخرجوا اخدوا نورسين اللي كانت بتنزف
قصى وهو واقف قدام باب العمليات اللي دخلتها نورسين من ساعتين ومحدش خرج لدلوقتي
قصى وهو ماسك تليفون نورسين واتصل على رقم كان متسجل بحسين
قصى بغضب_رد بقا ازاي يعني قريبتهم مجوش سألوا عليها وازاي محدش سأل ولا اتصل هنا فونها رن
قصى بسرعه_الو
فريده بصدمه_الو مين معايا
قصى رايح يتكلم سمعها وهي بتزعق وبتقول_انت عشيقها بقا اللي ناويه تطلق عشان خاطره وقلبها ما”ت تعالى يا حسين شوف شوف مراتك اللي ….وواحد رد من تليفونها تعالى شوف
قصى بفتح بوقه من الصدمه وجسمه اتجمد_حضرتك بتقولي ايه صاحبة الفون عملت حادثه وجبتها للمستشفي
فريده عملت نفسها مسمعتش الكلام وقالت_ااه انتو بقا متفقين وقفلت في وشه
قصى كان واقف بصدمه ومش مستوعب اللي بتقوله دا ولا بستوعب اي حاجه وفجأه الدكتور خرج وهو باين على وشه
الحزن وقال_البقاء لله الجنين مستحملش الضربه ونزل
قصى وقف بصدمه وحزن على نورسين وقال_طيب وهي عامله ايه
الدكتور_المريضه عندها كسر في ايدها اليمين بجانب كدمات وفتح في راسها

قصى_طيب تقدر تخرج امتى واقدر ادخل اشوفها ولا لا
الدكتور_ساعه كدا تكون فاقة وياريت حضرتك متتكلمش معاها في موضوع الجنين لان حالتها هتسوء اكتر وسابه ومشي
بعد مرور من الوقت قصى دخل عند نورسين وهو حاطط عينه في الارض بحزن_حمدلله علي سلامة حضرتك
نورسين بصتله بدموع وقالت_الله يسلمك شكرا اووي على اللي عملته معايا وانا ان شاء الله هخرج وادفعلك كل الفلوس بس قولي عنوانك
قصى بتوتر_لا لا مش عايز حاجه انا حاولت اتصل بحد من قرايبك محدش رد وفيه واحده اسمها فريده اتصلت ورديت وو..
نورسين وهي بتقفل عينها هي مش عايزه تبكي مش عايزه تضعف اللي كانت مستقويه بيه نزل هي ااه حزينه على ابنها بس دا مش وقت انهيار_ انا مليش حد
قصى_بس انتِ متجوزه
نورسين_ارجوك متتكلمش معايا في موضوع دا انا اقدر اخرج امتى
قصى_مفروض انك تقعدي يومين هنا بسبب الطفل اللي وسكت
نورسين بصتله بحزن_انا عارفه ان ابني نزل وكويس انه حصل كدا عشان ميجيش في الدنيا دي وفردة جسمها واتكورت على نفسها وقالت_ارجوك اخرج مش عايزه حد معايا وسيبلي عنوانك مع حد ارجوك
قصى بحزن عليها مش عارف ليه حاسس انها ملزومه منه حاسس انه يعرفها من زمان وانها بنته، وخرج وسابها
قصى وهو سايق التاكسي وبيفكر هي ليه الدنيا جايه على الغلابه كدا ليه حياتهم مش مستقره وضحك بسخريه على نفسه وشغله اللي مش متناسب مع شهادته أخرتها بعد ما شقيت وذاكرت اشتغل على تاكسي سمع صوت تليفونه بيرن بص لقاها امه

قصى_الو يا امي
ام قصى بزعيق_تعالى بسرعه شوف المجنونه مراتك بتعمل ايه دي بتطردنا من البيت يا قصى
قصى بصدمه و…
♡♡عند حور
حور وقفت بصدمه وقالت_بس يا جدي انا مش هنفع لريان هو يستاهل واحده احسن مني
جدها وقف_هو مين احسن من نور عين جدو مفيش حد احسن منك يا حور
حور ببكاء_بس يا جدو انا انا مش ب ومقدرتش تنطقها وسكتت
جدها_بصي يا حور انتِ هتتحوزي ريان برضاكي او غصب عنك وسابها ومشي
عند ريان بعد ما عرف اللي نويه جدو كسر الاوضه كلها بسبب غضبه وقال_هي مش لازم مش لازم تدخل العالم اللي انا فيه حور ارق من انها تحارب وحوش انا اللي بيدخل عالمي مش بيخرج منه وحور مش لازم تدخل حور لازم تفضل بعيده مش هتستحمل ان جوزها يكون من عالم المافيا…

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية نيران عشقه)