روايات

رواية حلمي الفصل السابع 7 بقلم إسراء أحمد

رواية حلمي الفصل السابع 7 بقلم إسراء أحمد

رواية حلمي البارت السابع

رواية حلمي الجزء السابع

رواية حلمي الحلقة السابعة

رانيا بصدمه : ماما
ماماتها واقعه على الأرض مغمي عليها مفيش رد
رانيا بعيط : ماما عشان خاطري ردي عليا ماماااااا
موبايلها رن
طارق : صباح الخير يا حبيبتي
رانيا بعيط : الحقني يا طارق
طارق بخضه : في ايه مالك حصل ايه
رانيا بعيط : ماما يا طارق ماما
طارق : اهدي بس وفهميني في ايه
رانيا : ماما واقعه على الأرض مش عارفه اعمل ايه ولا اتصرف ازاي
طارق : طب اهدي انا هطلب الإسعاف وجاي حالا
رانيا بدموع : بسرعه يا طارق والنبي بسرعه
طارق : اهدي يا حبيبتي متخافيش حالا وهاكون عندك
بعد شويه كانت الإسعاف وصلت العمارة واخدت ام رانيا
وطارق راح ل رانيا المستشفى
طارق بلهفه : ايه اللي حصل
رانيا بدموع جريت عليه حضنته : ماما يا طارق صحيت لاقتها واقعه على الأرض ومش بترد ودلوقتي الدكتور معاها جوا
طارق حضنها : اهدي يا حبيبتي انا جنبك متخافيش ان شاء الله هاتبقي كويسه
رانيا بدموع : انا خايفه عليها اوي يا طارق انا ملياش غيرها
طارق بحب : متخافيش ان شاء الله هاتقوم بالسلامه ادعيلها انتي بس
رانيا بدموع : يارب يا طارق يارب

 

 

 

 

 

بعد شويه خرج الدكتور
رانيا وطارق جريوا عليه : طمنا يا دكتور
الدكتور : متخافوش هي كويسه بس محتاجه تفضل هنا كمان يومين
طارق : طب اللي حصل معاها دا من ايه يا دكتور
الدكتور : دي ازمه سكر ف عشان كدا اغمى عليها
رانيا بدموع : طب ممكن ادخل اشوفها
الدكتور : اها ممكن بس بعد شويه على ما تفرق بعد اذنكوا
طارق : شكرا يا دكتور
الدكتور : عفوا
طارق : الحمد لله هي كويسه اهي وشويه وهتدخلي تطمني عليها بنفسك اهدي بقا وبطلي عيط
رانيا ب ابتسامه : الحمد لله حاضر مش هاعيط تاني
طارق : شطوره
رانيا ببراءه : عارفه
طارق بضحك وحضنها : بحبك
رانيا حضنته : بجد مش عارفه من غيرك كنت هاعمل ايه بحبك
طارق : متخافيش انا جنبك وهفضل جنبك
رانيا بحب : وعد
طارق بحب : وعد

 

 

 

 

رانيا : طب يلا روح انت عشان شغلك وانا هابقى اطمنك
طارق : شغل ايه يا ام شغل انا مش متحرك من هنا رجلي على رجلك
رانيا : لا يا طارق عندنا شغل كتير ولازم نخلصه روح انت
طارق : ما يولع الشغل اهم حاجه صحتة حماتي
رانيا بضحك : هي بقت حماتك
طارق بضحك : اها اذا كان عاجبك ومش متحتح من هنا
رانيا : ياعم احنا مش عايزانك الاه
طارق : وهي المستشفى مكتوبه على اسمك
رانيا : عيل لازقه
طارق : اها انا بحب اتلزق
رانيا ببراءه : طب انا جعانه
طارق : عارف والله انك هتقولي كدا
رانيا ببراءه : ايه يا طارق في ايه دا انا حتى مش باكل
طارق بضحك : اها ماهو باين
رانيا بغيظ : قصدك ايه يعني
طارق : لا ولا حاجه يا حبيبتي هروح انا اجيب سندويتشات لينا من تحت
رانيا : ماشي
عند منار بقا صحيت من النوم وجهزت ليها فطار وفطرت وروقت الشقه ودخلت الاوضه ترسم كالعادة وشغلت موسيقي ومندمجه مع الرسم

 

 

 

 

 

عند نادر في الفيلاا
لسه بيجروا ورا ملك نادر ويامن مسكوها وجابوا ميه كتيره ورموها على ملك وبقت كلها ميه ملك بصوت عالي : ماااااااااااااما
ناديه ضحكت عليها : صراحه تستاهلي
ملك بنرفزه : ماشي يا ناديه
يأمن بضحك : صدقي صعبتي عليا
نادر بضحك وتريقه : الصراحه وانا صعبتي عليا
ملك بضيق : والله ماشي وطلعت فوق وسابتهم
نادر ويامن وناديه ضحكوا عليها
نادر : انا طالع اغيرهدومي
يأمن : استنى خدني معاك
ناديه : وانا رايحه اشوف الفطار
بعد شويه كان الجميع نزل من اوضته وقعدوا على السفرة يفطروا
يأمن : بقولك ايه يا برو
نادر : ها عايز ايه
يأمن : محتاج بس فلوس عشان العربيه
نادر : بشرط
يامن بضيق : كنت عارف ها ايه هو الشرط
نادر : تروح تجيب انت سما من المطار عشان عندي شغل ومش فاضي وكمان عندي مشوار مهم
ناديه : مينفعش يا حبيبي دي خطبتك ولازم انتي اللي تروح تجبها

 

 

 

 

 

ملك بتريقه : خطيبة ايه يا ماما صراحه انا مش عارفه ابنك انطس في عينه ولا ايه
نادر ببراءه : والنبي ياختي انا فعلا انطسيت
يأمن : خلصتوا فرح العمده دا وبعدين اروح اجيب مين حضرتك انا مش رايح جايب حد انا
نادر بخبث : يبقى مفيش عربيه
يأمن : يرضيك يعني نور تقفش عليا
ملك بضحك : طب ما تاخدها معاك
نادر : اها فكرة برضو وكدا ملكش حجه يا معلم
يأمن : ممكن تخرسي انتي
ملك : وانا مالي طيب
نادر : ها قولت ايه
يأمن : امري لله وسما هاتوصل امتا
نادر : الساعه 6 تكون فالمطار
ملك بضحك : ستة ستة ونص كدا
نادر بضحك : مفيش الكلام دا هي 6 بالضبظ
يامن بضيق : منكوا لله
ناديه : المهم محدش يتأخر عشان بكره الاجازه وهنسافر ل تيته البلد
ملك بحب : تيته وحشاني اوي بجد
يأمن : اها يا ماما صحيح نور حابه تجي معانا
ناديه : طبعا يا حبيبي تنور
ناديه ل نادر : سرحان في ايه

 

 

 

 

 

 

نادر : ها لا ابدا يا ماما مفيش حاجه يلا انا خارج
ملك بتريقه : سما واخده عقلك ولا ايه
يأمن بضحك : ايوا بقا
نادر: أخرس انت وهي
ملك ويامن : حاضر ياباشا
ناديه بضحك : مع السلامة يا حبيبي
نادر : سلام
الجميع : سلام
ملك : يلا يا استاذ يأمن عشان هنتاخر كدا
يأمن : يلا ياختي
ملك : باي يا ناديه
يأمن : باي يا نودي
ناديه : مع السلامة يا حبايب
خرجت ملك ويامن ركبوا العربيه ورحوا الجامعه
نادر بعد شويه وصل عند العماره اللي فيها منار وفضل يخبط مفيش رد منار كانت قعدة بترسم ومش سامعه الباب من صوت الموسيقى نادر افتكر انه لسه معاه المفاتيح ف فتح الباب ودخل ورح ورا صوت الموسيقى لاق منار قعدة بترسم ورابطة شعرها بالقلم كدا وشكلها قمر نادر قرب منها وفضل وقف بيتفرج عليها منار القلم وقع منها قامت من علي الكرسي تلف تجيب القلم وقعت في حضن نادر فضلوا باصين في عيون بعض لفت انتهابهم صوت موبايل نادر بيرن منار بعدت ونادر طلع موبايله

 

 

 

 

 

نادر : الو
طارق : ايوا يا نادر انت فين
نادر بص ل منار وخرج برا الاوضه : انا عند منار في ايه
طارق : انا مش هاعرف اجي الشركه
نادر ب استغراب : ليه في ايه
طارق : مامات رانيا اخدناها المستشفى وتعبانه وانا هافضل مع رانيا
نادر : حصل امتا دا وليه مرنتش عليا وقولتلي يا طارق
طارق : الصبح ورانيا كلمتني وانا معرفتش اكلمك
نادر : مستشفى ايه انا جاي حالا
طارق :…..
نادر : تمام شويه وجاي سلام
طارق : سلام
نادر دخل ل منار
نادر : انا اسف اني دخلت كدا بس فضلت اخبط كتير وانتي مش رديت
منار : لا ابدا دا بيتك وانا بس كنت مندمجه مسمعتش من صوت الموسيقى
نادر : طيب انا كنت جاي اطمن عليكي وماشي
منار : كنت حابه اتكلم معاك في موضوع

 

 

 

 

 

نادر : ماشي بس انا دلوقتي رايح المستشفى وهاجي اخدك اعرفك على شخص وبعدين نتكلم
منار : ليه خير في ايه
نادر : لا مفيش حاجه بس ام واحده صحبتي تعبانه شويه ورايح اطمن عليها
منار : ماشي ومين بقا الشخص دا
نادر : لا مفاجأه المهم يلا انا خارج
منار : ماشي
نادر : واها صحيح دي مفاتيح الشقه خليها معاكي
منار : بس دي…
نادر : دي شقتك طول مانتي قعده فيها وكمان المفاتيح عشان تاخدي راحتك
منار بحب : مش عارفه بجد اقولك ايه
نادر : متقوليش حاجه يلا خلي بالك من نفسك سلام
منار : سلام
نادر خرج
بعد شويه الباب خبط
منار دا اكيد نادر نسي حاجه راحت فتحت ايه نسيت ايه بس لاقت قدامها…..

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حلمي)

اترك رد