رواية لم يكن طريقنا واحد الفصل الخامس 5 بقلم رحمة محمد

رواية لم يكن طريقنا واحد الفصل الخامس 5 بقلم رحمة محمد

رواية لم يكن طريقنا واحد البارت الخامس

رواية لم يكن طريقنا واحد الجزء الخامس

رواية لم يكن طريقنا واحد الحلقة الخامسة

ابتسمت واتكلمت ببرود
وهيطلقني قريب
تبقي اكيد بتحلمي احلام العصر
اتكلمت بعصبيه
هو اي اللي احلام العصر اسمع ياجدع انت، انت هطلقني بسرعه
اتكلم بهدوء
صوتك ميعلاش
ايسل اطلعي علي اوضتك
لا ياطنط هو انا لعبه في اديكوا
انا ندمانه اني وافقت بس اعمل اي شخص عديم الرجوله عشان يتجوز مرات اخوه خطف اخت اخوه
اتكلم بزعيق
بسسسسسس
صدقيني لو نطقتي بحرف تاني هتشوفي وشي التاني وانا اعتقد انو مش هيعجبك
طنط جت مسكتني من دراعي وكان بتشدني
سيبيني
تعالا وريني وشك التاني انا همشي من هنا انت فاهم والله حتي لو هضطر اهرب المهم همشي من البيت ده
حطت ايديها علي بوقي وسحبتي فوق في الاوضه
………
هش اخرسي بقا
اسمعيني يوسف جوزك وديه حقيقه مش هتتغير
وصدقيني هتحبيه انا متاكده
هحب اي انا عوزه امشي
يابنتي ده بيتك
لا ده مش بيتي ولا ديه عشتي ولا انتو اهلي ولا… ده جوزي
ايسل جهزي نفسك عشان هنروح نجيبلك هدوم
طنط صدقيني انا حاسه انك طيبه وهتخليه يطلقني
اتكلمت باسف
اسفه انا كمان محتجاكي
اي وانتي هتحتاجيني في اي
انتي اللي هتجيبي الوريث
اتكلمت بعوجه بوق
ياسلام سايبين بنات العالم كلها وجايين ليا انا عشان اجبلكم الوريث ليه ان شاء الله ده انا وهو حتي قرايب يعني الواد هيطلع مجنون
ضحكت علي الكلامي
يالهوي لو ابني فعلا طلع مجنون
بصتلي باستغراب وخرجت
ههههههه يالهوي لو جبت ابن مجنون
دخلت البنوته
ازيك ياايسل
ازيك اسمك اي
اسمي رانسي
اسمك حلو اوي وجديد اول مره اسمعه انتي اخت يوسف من طنط شياكه صح
طنط شياكه!
قصدي يعني طنط مروه
طنط! ايسل احنا بنقول مثلا ايسل هانم مروه هانم
كده مش طنط
اهه مروه هانم
انا هقولك ايسل بس وانتي تقوليلي رانسي بس عشان هنكون صحاب انا عندي ١٨
بس عارفه احمدي ربنا انو يوسف قدر يتحكم في اعصابه والا
اتكلمت بسخريه
اي كان هيضربني يورني كده وانا اكسره انا اصلا متعلمه كراتيه
ضحكت
والله كلامك سكر بس انا بتكلم بجد يوسف عصبي اوي
والله انا مش شايفه غير انو بارد اويييي بجد اخوكي تلاجه
يعني علي حسب اوقات بارد اوي فعلا واوقات عصبي بس لما بيبقي عصبي مبيشوفش قدامه يعني مبيفرقش معاه اذا كان ده اخته او مراته او ا
بوصي انا اصلا قلبي جامد ومبخفش من حد غير اللي خالقني
خبطت العامله
ايسل هانم رانسي هانم
مروه هانم مستنياكوا تحت عشان تتسوقوا
اوف شكلي هسمع هانم كتير اوي
بوصي يا
اسمي جميله
بوصي انا زي اختك قوليلي ايسل بلاش هانم ديه بحسها بتكبرني
بس مروه هانم ممكن تطردني
وانا بقولك قولي اسمي بدون اللقاب
حاضر يا.. ايسل
انكجتها وانكجت رانسي وقولت
شكلنا هنكون صحاب علفكره اوي
المهم نزلنا ويوسف كان راح الشركه
واتسوقنا واشتريت حجات كتير وفستان فرح جميل اوي وبسيط
روحنا اتغدينا وكلمت ماما واخواتي وطمنتهم عليا
وكان عبدالله عاوز يكلمني بس انا رفضت صح ممكن اكون حبيته شويه صغننه بس انا فعلا حسيت انو الحب راح ليه بقي انا دلوقتي حرم يوسف مينفعش يكون في قلبي حد غيره مع انه مش في قلبي بس عادي يعني
سبحان الله اي واحده حتي لو كانت بتحب حد بس محصلش نصيب مثلا واتجوزت بتنسي اللي كانت بتحبه لانها بتصون اسم الراجل اللي شيلاه
الساعه جت ١٠ الصبح
اتصلت علي يوسف ليه انا معرفش الصراحه، انا خدت رقمه من رانسي اصلا
الو
ردت عليا بنت بصوت نايم
الو يوسف
كحت
انا السكرتيره استاذ يوسف في اجتماع ممكن اديله الفون
لا شكرا
استغربت صوتها نايم وكلامها عربي مكسر اي السكرتيره ديه ياربي اي ده هو اصلا في اجتماع الساعه ١٠الصبح ليه جايين من الساعه٧الشركه يبيعوا لبن
امم مجاش من امبارح هو لما بيتعصب بيكون حالف انو مش هيرجع البيت ولا اي
رجعت كملت نوم
صحيت علي العصر الغريبه انو محدش صحاني ولا عبرني اصلا
لبست فستان بيبي بلو ونزلت
شوفت رانسي كانت ماسكه مجله فيها تصاميم فستاتين
صباح اللوز يارانسي
صباح الخير ياايسل
بتعملي اي
خدت بوق من فنجان القهوه
بتفرج علي فستان ليا وليكي عشان اطلبه يدوب يجي النهارده بليل
ضحكت بغباء
ليه عندكوا مناسبه
ايسل انتي سخنه بكره فرحك ياحبيبتي
اه صح لحظه انا عوزه اطلق
ايسل صدقيني الحب بيجي بعد الجواز هتحبي يوسف والله برغم انو فيه صفات وحشه الا انو فيه صفات حلوه كتير اكتر حد طيب وحنون وبيحب من قلبه صدقيني
اتكلمت بتمثيل الحزن
ياحرام بس هو محتاج حد يفهمه صح يعيني صعب عليا
اتكلمت بجمود
اه وانا الحضن الحنين اللي هيفهم امه صح
انا لو كنت هديله فرصه ف راحت ديه طريقه حد يتجوز بيها حد
ضحكت بصوت عالي
والله استحاله افرط فيكي كلامك عسل. مع انك بتغلطي في اخويا
شكلك مش هتبقي عمه حربايه يابخت مرات اخوكي
ما هو انتي اللي يبختك بيا
فكرك اديله فرصه واطلع عينه
يااستي وانا مواقفه
بهزر يارانسي انا عوزه اروح عند اهلي
بوصي انتي محطوطه في دماغ يوسف ف لو عملتي اي استحاله يفرط فيكي
اتنهدت
هي فين مروه هانم
في الجمعيه
اي بتعمل اي
لا بوصي هو مكان كده هي واصحابها من الطبقه الراقيه بيجمعوا تبرعات وبيوزعوا علي الناس الغلبانه وهي صاحبه الجمعيه
والله طلع فيكوا الخير
…………
وخلص اليوم وجيه الفستان وقولت هيكون الفرست لوك التاني
صحيت بخوف خايفه
خبطت رانسي
ادخلي
ياله ياعروسه بوصي اهلك هيجوا كمان اربع ساعات
بوصي بقي خدي شور عشان نجهزك
بلعت ريقي حاسه اني في دنيا تانيه
طب احاول اخرج ازاي من اللي انا فيه
ديه مش طريقه حد يتجوز حد بيها
خرجت رانسي وقعدت نص ساعه بستوعب انو ده فرحي ديه هتبقي حياتي
تمام لو ديه هتبقي حياتي ف هما اللي هيمشوا علي طريقتي
خلصت لبس وكل التجهيزات وكل شويه مروه هانم تطلع تشوفني وكل شويه تنزل عشان تشوف التجهيزات
ايوه القصر كبير ده ميتقلش عليه ڤيلا اصلا
المهم الفرح هيبقي في الجنينه
جم اهلي وطلعوا سلموا عليا خالو وعبدالله مجوش
ويومين كاملين مكنتش شوفت يوسف معرفش اصلا كان فين
نزلت وهو جيه ومسك ايدي وخرجنا للناس
وانا كنت متوتره حاولت اكون ثابته لانو لو حصل اي موقف هيكون شكلي وحش اوي لانو كلهم ناس غنيه
بدا الفرح وكل ما ابوص عليه الاقيه بيبوص علي طرابيزه عليها بنات
اوف شكله عينه زايغه وبتاع بنات
الله ينكد عليك ياعبدالله انت وشهد زي ما انا اتنكد عليا
كلامي كله كان داير في دماغي
انت بتبوص علي اي
عاوزه اي
الطرابيزه اللي واقف عندنا البنات ديه بتبوصلهم ليه اوعي تكون بتاع بنات
اتكلم ببرود
شئ ميخصكيش
عروستكوا حلوه اوي مشاءالله الشعر اسود وطويل وعندها غمزات وعنيها بني
في اي يافاطمه هانم جبتي ايسل كلها اي ربنا يستر عليها النهارده
مش قصدي قصدي انو يوسف راجل الاعمال الكبير زين مااختار اختار بنت زينه البنات
…………….
خلص الفرح
والمعازيم مشيوا والحمدلله الكل قال انو كان احسن وارقي فرح شافوه..
كنت طالعه مسكني من ايدي
راحه فين
طالعه اوضتي
اتكلم بغرور
لا احنا هنروح الڤيلا بتاعتنا
طب هطلع اجيب هدومي
الخدامين جابوهم والشنط في الڤيله
ياله قدامي علي العربيه
رفعت راسي
ايوه طبعا النساء اولا
طول الطريق كنت نايمه بجد ومفرهضه ومفنيش حيل اتكلم حتي
وصلنا واول مادخلت
لقيت واحده جريت عليه وحضنته
وهو بادلها الحضن
اي ده في اي مين ديه
كانت في حضنه وهو
اتكلم بلامبالاه واكنه عادي اللي بيقوله
ديه مراتي مارتينا ………….

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية لم يكن طريقنا واحد)