رواية عوده الماضي الفصل الخامس 5 بقلم منى الصاوي
رواية عوده الماضي الفصل الخامس 5 بقلم منى الصاوي
رواية عوده الماضي البارت الخامس
رواية عوده الماضي الجزء الخامس
رواية عوده الماضي الحلقة الخامسة
مرت تلك الدقائق على شروق صعبه كل حاجه بتتكرر بنفس
الطريقه بتدخل المستشفى منهارة مع محمود وأمه وزوجت
فريد الجميع في حاله انهيار لدرجه انهم لن يستغربوا لحاله
شروق المصدومه اكتر من زوجه فريد وأمهبعد أن سأل
محمود عن فريد في استقبال المشفى
توجه الجميع الي غرفه فريد ليجدوا ملقي على السرير
وموصل بأجهزة قياس نبضات القلب
يدخل الجميع وتقف شروق منهاره خارج الغرفه لم تستطيع
رؤيته بهذه الحاله
شروق.. يارب انا عارفه انه مش ليا بس يارب احفظه
متخلنيش اعيش نفس الألم مره ثانيه
يارب وتنهار بالبكاء
محمود… شروق تعالي يا حبيبتي روحتي فين ادخلي اقعدي مع ماما هروح اشوف الدكتور وارجع
شروق ََ… استنى خدني معاك
يذهبوا الي الطبيب المختص بحاله فريد
الدكتور.. للأسف حاله الاستاذ فريد حرجه جدا ازاي مش بيتعالج من زمان
محمود.. فريد كان بيشتغل في دوله عربيه ولسه راجع ومقالش انه اتعالج من حاجه قبل كدا
الدكتور.. المهم دلوقتى لازم يتعالج بأسرع وقت والا العواقب مش هتكون سليمه بالمره وللأسف علاج الحاله دي مش في مصر
محمود… مش في مصر اومال فين يا دكتور
الدكتور.. علاج الحاله دي عند دكتور متخصص في نوع العمليات الدقيقه اللي من النوع ده في ألمانيا ولو قررتم العلاج انا هتواصل مع المستشفى بنفسي ونحدد ميعاد العمليه
خرج محمود وشروق من عند الدكتور وهم في صدمه كبيره
محمود.. شروق احنا هندخل عند الجماعه دلوقتي ومش عايز
نبين حاجه بس امسحي دموعك واتماسكي شويه مكنتش
اعرف انك حساسه اوي وبتتاثري بالسرعه دي المفروض انا
اللي تواسيني في مرض اخويه مش تنهاري بالشكل ده
شروق… حاضر انا بس صعب عليا ماهو زي اخويه برضوا
دخلوا الغرفه وجدوا فريد استيقظ وجالس يتحدث مع امه وزوجته
فريد.. يا جماعه في ايه مش لسه الدكتور قايل لكم اني بقيت كويس
لزومه ايه المناحه دي يا ماما انا كويس والا ايه يا محمود
محمود.. ايوه يا حبييي انت كويس بس أرهقت نفسك شويه في الشغل
سمر.. انا قولتلك كتير يا فريد تروح للدكتور وانت مكنتش بتسمع الكلام كويس كدا لما وقعت من طولك
فريد.. مش هخلص انا عارف مالك انت كمان يا مرات اخويه ماتدخلي
شروق… الف سلامه عليك يا فريد ان شاء الله تبقى كويس
فريد الله يسلمك يا شروق
ايه مش هنروح ماتشوف هنخرج امتى يا محمود
محمود.. معلش يا فريد الدكتور قال هتفضل يومين هنا لحد ما حالتك تستقر
آم محمود.. ليه يا بني مش قولت الدكتور طمنك
محمود.. ايوه يا أمي بس في شويه اشاعات وتحاليل فريد هيعملهم علشان نطمن عليه
فريد.. يلا يا محمود خدهم روحهم انا مش طفل علشان اللي عملتوا ده كله
وبالفعل محمود ياخذ امه وزوجت أخيه وشروق ويذهب بهم الي المنزل ويرجع المشفى
فريد.. ايه اللي رجعك يا محمود
محمود.. كان لازم اعرف منك ليه خبيت علينا تعبك ياخويه احنا طول عمرنا مش بنخبي حاجه عن بعض
فريد.. عايزني أقول ايه يا محمود اقولك ان قلبي خلاص
مش نافع معاه علاج وكلها فتره صغيره واموت وان ولادي
الصغيرين هيتيتموا في السن ده
والا اقول لامي ان ابنها اللي بعد عنها سنين طويله خلاص مش هتشوفه تاني
محمود… لا لا يا حبيبي مفيش الكلام ده حالتك ليها علاج
وانا جنبك يا اخويه مش هسيبك علاجك في ألمانيا وانا
كلمت الدكتور هيمشي في الإجراءات بأسرع وقت
فريد.. بجد يا محمود يعني هخف وهبقي كويس وكمان هعيش واربي اولادى
نروح عند شروق اللي اول ما وصلت البيت اتصلت بصديقتها مي
شروق.. الووو مي تعالي عابزاكي ارجوكي انا تعبانه أوي
مي… مالك يا شروق هو محمود مزعلك والا ايه
شروق.. لما تيجي هحكيلك تعالي يلا
بعد نصف ساعه تصل مي شقه شروق
شروق.. تعالي يا مي وحضنتها انا بموت يا مي انا بموت على هيروح مني تاني
مي.. بسم الله الرحمن الرحيم
مالك يا شروق يا حبيبتي انت رجعتي تعبتي تاني يا حبيبتي
انت حالتك كدا ادهورت ايه وصلك لكدا
شروق… انت فكرتبني اتجننت انا فعلا اتجننت ومش عارفه
اعيش بعد ما قلبي رجعلي هيروح مني تاني
وتسرد كل الحكايه لمى من اول ما رجع فريد الي دخوله المستشفى
مي.. ايه اللي بتقوليه ده يا شروق ده والا الأفلام يا حبيبتي
بس انا فعلا مصدومه من صوره فريد ده هو دكتور علي الله
يرحمه سبحان الله
بس يا حبيبتي ده مش على ده اخوا جوزك يا شروق انت
كده في خطر لازم تعرفي ان على مات وفريد غير على مش هينفع تقربي منه يا شروق
شروق.. انا عارفه وبحاول افوق نفسي واقنع قلبي ان ده مش على بس هموت لو حصله حاجه
مي.. اهدي يا حبيبتي وحاولي تبعدي عنه يا شروق مش هتتحملي نتيجه ان جوزك يعرف حاجه زي كده
شروق.. هحاول انا تعبانه عابزه ارتاح يا مي هو بس يبقى كويس وهبعد عنه
بعد مرور ثلاث ايام داخل المستشفى تتجمع الأسرة حول فريد ويستمعوا لمحمود
محمود.. يا جماعه في موضوع مهم لازم الكل يعرفه فريد لازم يعمل عملية وللأسف العملية دي مش هتكون هنا هتكون في ألمانيا
آم محمود.. ألمانيا ليه يا محمود ابني ماله
فريد.. يا ست الكل انا كويس هي حاجه بسيطه بس علاجها في ألمانيا افضل
محمود.. زي ما قال فريد كده يا أمي بس للأسف عندنا مشكله
ينظر الجميع تجاه محمود ويتكلموا في نفس الوقت مشكله ايه
محمود.. فريد لأزم يكون معاه مرافق
سمر.. اكيد هكون معاه يا محمود لازم ابقى جنب جوزي
محمود.. لاسف لازم المرافق يكون بيجيد اللغه الألمانية علشان يعرف يتعامل
شروق من دون تفكير وباندفاع
شروق.. انا. …
ياترى ايه رد فعل محمود من كلام شروق
وياتري سمر هتسمح ان مرات اخوه هي اللي تبقى مرافق ليه
ولو فعلا شروق سافرت مع فريد كمرافق ده هيكون طبيعي
ده اللي هنعرفه البارت الجاي ان شاء الله
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عوده الماضي)