روايات

رواية أوبر وومن الفصل الثاني 2 بقلم ريهام زيدان

رواية أوبر وومن الفصل الثاني 2 بقلم ريهام زيدان

رواية أوبر وومن البارت الثاني

رواية أوبر وومن الجزء الثاني

رواية أوبر وومن كاملة (جميع فصول الرواية) بقلم ريهام زيدان
رواية أوبر وومن كاملة (جميع فصول الرواية) بقلم ريهام زيدان

رواية أوبر وومن الحلقة الثانية

 

التفت للصوت والاء بتبصلي برعب لقيت رجل بيبص لنا
=شنطتك وقعت منك ي بنتي
الاء ابتسمت واخدتها منه _شكرا ي عمو ربنا يبارك لك
=ع اي ي بنتي ربنا يسترها معاكم
مشينا لحد ما وصلنا لشارع فاضي وانا كنت ضجيت فعلا وخلعت اللبس بزهق بصيت ل الاء لقيتها بتفك النقاب وهتخلع الحجاب
اتكلمت بلهفه *ماتشيليش الحجاب

 

 

بصتلي باستغراب_ ليه؟
*اييه اا الجو برد بس ممكن تبردى
_بس انا مش مُحجبه
غيرت الموضوع *ممكن تحكيلي مين الناس اللي كانت بتجرى وراكي واي حكايتك بالظبط
بصت حوليها بخوف _طب ممكن نطلع من الشارع دا
*يلا بينا
اتمشينا شويه وبدون اي مقدمات لقيتها قعدت ع الرصيف
_اقعد ي ليل اقعد
بصيت ع هدومي بيأس *يلا هي كداكدا اتبهدلت وقعدت جمبها بينا مسافه شويه
ابتسمت ابتسامه لطيفه
*ها ي ستي احكيلي بقا
لقيتها سرحانه بصيت مكان ماهي بصت لقيت بعدنا بشويه عربية فول
بصتله ببتسامه *جعانه؟!
بصت لي باحراج _يعني شويه
*انا كمان جعان تعالي ناكل
سقفت بايديها لما جبتلها السندوتشات لاحظت انها اي حاجه تحصل تسعدها بتسقف بحماس

 

 

ابتدينا ناكل واكتشفت اني فعلا جعان وحقيقي الاكل كان جميل
_حابب تعرف اي ؟!
*اذاى الاوبر كان السواق اسمه علاء وانتي الاء
ابتسمت _علاء دا اخويا وتؤامي بس هو مسافر من شهر وكان بيشتغل ف اوبر وانا اخدت مكانه لاني بعشق السواقه
*واي الناس اللي كانت بتجرى وراكي ؟!
_كانوا عايزين يسرقوا العربيه وفاكرني احم ولد ولما عرفوا اني بنت حاولوا يخطفوني ف جريت منهم وهما جريوا ورايا وقابلتك وبس
ضحكت *وهما عرفوا منين انك بنت
رفعت حاجبها _قصدك اي ؟!وقتها شعرى فك من تحت الكاب ف عرفوا
ضحكت لحد ماعيني دمعت
اتكلمت وهي بتاكل _جرا ايه ي جدع انت ،انت عمال تضحك ع اي ؟!
*اسف، نتكلم جد بقا
هزت برأسها وهي بتاكل
*انتي لازم تبلغي وانا هشهد معاكي
_ايوا عشان الشركه مش هتسبني أساسا عشان العربيه
*متقلقيش انا محامي أساسا وبعرف ف المسائل دى
_مُتشكره اوى انا تعبتك اوى من لحظة ماقَبلتك

 

 

بصتلهاوانا بتنهد *حقيقي مش عارف مين يشكر مين !!
عقدت حاجبه _مش فاهمه
* كفايه انك خلتيني ادخل المسجد وانا اخر مره دخلته كنت طفل بجد انتي اللي شكراً ليكي
حطت رجل ع رجل بفخر _دى اقل حاجه ي افوكاتو انا اصلادايما بحب اعمل خير
*بالراحه بس ي ست المغروره
_انتي خريجه اي؟!
*التن اتباني (ساره درزاوى ف مسرح مصر)
ضحكنا احنا الاتنين
*لا بجد انتي خريجة اي ؟!
_تجاره
*طب ليه مبتشتغليش بيها
_بحب السواقه جدا زى مابابا علمني ونفسي افتح شركة اوبر وتكون للبنات بس اوصل البنات والستات
*ايه العنصريه دى
رفعت أكتافها _مش عنصريه انا بس بحب البنات وبحب السواقه جدا

 

 

وقتها شوفت بتاع غزل بنات ف اخر الرصيف ف استأذنت منها وبعدت شويه و جبت لينا ورجعت لقيتها بتعيط جامد
قربت منها بخوف *اي اللي حصل ي الاء
مبتردش وبتعيط
*حد ضايقك ؟؟حد قالك حاجه ،فيكي حاجه بتوجعك ؟!!
ي ربي
شديت شعرى بزهق
اتكلمت بعياط _ التلفون ضاع

 

 

برقتلها *نعم !!!كل دا عشان الفون ضاع
*انت متعرفش دا عزيز عليا اذاى دا اخر هديه من بابا
*طب أهدى بس
_زين زمانه قلقان عليا
* نعم !!!زين مين ؟؟!
*ابن اختي اللي وصلته الصبح
اتنهدت *طب أهدى بس خدى غزل البنات وانا هديكي
فوني كلميه
مسحت دموعها واخدت مني غزل البنات وانا بفتش ف جيوبي ملقتش الفون وافتكرت اني كسرته
بصتلها بيأس *اسف والله بس الفون بتاعي كسرته
عيطت تاني بصوت
*الله يهديكي ي بنتي بطلي عياط مش كنتي حالا اندبيندنت وومن
_طب الساعه كام
بصيت ف ساعتي * الساعه 10
*انااتاخرت اوى احنا فضلنا كل دا
ابتسمت *محستش بالوقت
_انا لازم امشي
*لازم نعمل محضر الاول يلا بينا نروح القسم

 

 

 

اتمشينا سوا
*هو نتي عايشه مع زين بس؟
بصتلي وهو بمندمجه ف غزل البنات _لا معايا اختي كمان عشان زوجها مسافر واخويا مسافربرضه
*اها ربنا يباركلك فيهم
_ يارب ،هو انت كسرت فونك ليه ؟
اتنهدت وافتكرت وقتها آروى *كنت مخنوق وقتها اوى
*ممكن تحكيلي
ضحكت *ليه ي فضوليه ؟
_رد جميل مش انا خليتك تدخل المسجد ردهالي بقا
*حاضر ي الاء
حكتلها اللي حصل ف الشغل وعلاقتي ب أروى مقدرش اقول حببتي لأنها بعدت خلاص
_انت ليه بعت وقسيت مره واحده كدا
بصيت ع نفسي بذهول *دا اللي هو انا !!

 

 

_ايوا طبعا امال يعني انا كان المفروض تحاول مش خلاص وتكلمها تاني انت بياع يلا
رفعت حاجبي *يلا!!انتي خدتي عليا اوى بس ماشي اولا انا مش ببيع واكتر حد متمسك بس اذاى وهي قالتلي انها هتتخطب زى ما انا بتمسك بالناس اوى بعرف ابعد وأكنهم مدخلوش حياتي لو داسوا عليا
_ي اخي بتزهقك أو بتحفزك عشان تِغير وتروح تتقدملها
*بقولك ي عنصريه انتي هتقفي معاها وانا مش قادر اناقش أساسا
_انت حربس لو بتحبها بجد ارجعلها وانسي اللي حصل بس اكيد مش هتنسي الفون اللي انكسر
*ي شيخه !!!هو كل اللي همك الفون
_اها طبعا انت عقلك كان فيك وانت بتعمل خطوة زى دى ؟!!!
بصتلها بصدمه *ي بنتي بقولك مخنوق والدنيا قافله ف وشي تقولي تليفون !!
_والدنيا اتصلحت دلوقتي يعني اهو بقيت عاطل ومش معاك فون كمان زمان اهلك قلقانين عليك

 

 

*ليه صغير أنا
فضلنا نتخانق طول الطريق مش نتناقش ابدا لحدماوصلنا القسم ولقينا صاحب الشركه مقدم بلاغ ف الاء وانا فضلت معاها وشهدت معاها وبعدها خرجنا
_مُتشكره اوى ي ليل انا مش عارفه من غيرك كنت هعمل اي
بصيت لها باحراج ولعبت ف شعرى *هما بيقولوا اي ف المواقف دى
ضِحكت _بيقولوا فرصه سعيده
بصيت لها *اناااسعد ، هو ممكن اوصلك ؟
_ انت اكيد تعبت انا هاخد تاكسي مرسيي اوى
حاسيت باحراج بس ابتسمت *اوك بعد اذنك
ندهت عليا _ليل
وقفت وبصتلها *نعم
_شوف شغل تأتي وجرب حظك كذا مره استعين بالله وصدقني ربنا مش بيقفل بابه ف وش حد
ابتسمت ع كلامها
*إن شالله هتحققي حلمك وتفتحي شركه الاوبر
ضحكت وسقفت بايديها _وانت كمان تحقق اللي بتحلم بيه
بصيت للسما *يارب

 

 

_انا لازم امشي
*اتفضلي و خدى بالك من نفسك
ابتسمت لي ومشيت وانا روحت بيتي
«كل العيون منسيه الا عيونِگ»
اليوم كان جميل اوى بتفاصيله ابتديت اشوف حكمة ربنا ف كل حاجه حصلت معايا وبقيت بحمد ربنا ع كل شئ بيحصل معايا كل مايحصل معايا موقف افتكر كلامها حسيت نفسي طفل لسا اول مره يحب بيدور ع اي حاجه توصله لحبيبته
روحت شركة الاوبر وعطوني رقم فون بعد محاولات كتيره بس طلع مقفول دايما ،كنت قاعد ف البيت مخنوق من عدد المرات اللي اتصلت بيها وبرضه مغلق
•ليل
*نعم ي بابا
•امك مبتردش ع تليفونها
بصيت للفون تاني *اه وبعدين
•بعدين اي يلا انت انزل دور عليها
*نعم !!!ي بابا هي هتوه تلاقيها عند خالتي ولا حاجه
زعق •ما انا مخلفتش رجاله انزل ادور عليها انا ، انت هتشوف نفسك عليا وانت لسا مستلم شغلك امبارح
بصتله بذهول من كمية الاتهامات *اللي تشوفه ي حج هنزل حاضر
بدلت هدومي ونزلت من البيت وفضلت ارنّ ع ماما بعد كذا محاوله وانا ماشي ردت
*انتي كويسه ي ماما
^اه ي حبيبي في حاجه ؟
*ي عايده والله جوزك زهقني انتي مبترديش ليه ع فونك؟!
^مسمعتوش
*ليه انتي فين ؟!
^عند الكوافير ي حبيبي
*لا والله !!!والله لولا أنك امي كنت قولت لفظ مش تمام ع اللي جوزك عمله فيا انا هرجع البيت وانتوا ا…مكملتش كلامي التفت لقيت عربيه قدامي خبطتني وقعت ع الأرض والفون وقع بس كنت فايق رجلي بس بتألمني
سمعت صوت فتح باب العربيه والناس اتجمعت حوليا
_انا اسفه اووى والله
رفعت عيني لقيتها الاء
عيونها ابتدت تدمع _ليل !!
كملت ودموعها بتنزل _ والله انا مكنش قصدى ،انت كويس؟!! رد عليا انت مبتردش ليه انا والله …
*انا دورت عليكي كتير
بصت لي بلهفه _حاسس ب اي ؟!
*بحُبك
وقتها ضحكت ومسحت دموعها وهي بتبص حولينا والناس اللي نزلت من عربياتها والراجل اللي كانت بتوصله نزل وبصلنا
“طب ينفع توصليني ي انسه عشان متأخر
بصيت للراجل وبعدين ابتسمت لها *تتجوزيني ؟!
اللي واقفين ضحكوا واللي سقف وتصفير عالي من الشباب والحمدلله بقينا تريند الفيس بوك
اخبطيني _تتجوزيني #
حادثة_حب #
___________________________

 

 

 

 

الباقي بقا سهل تتوقعوه بس انامش هخليكوا تحتاروا مضيعتش وقت وروحت اتجوزتها عشان سُمعة البنت وكدا انا برضه شهم وكدا
بصتلي من تحت النضاره _ليل !!!
*انا كداب ي جماعه انا بحبها والله
كنا قاعدين ف تجَمُع عائلي وبحكيلهم قصة حبنا بناءاً ع رغبة زين
*كدا تمام ي زين
°انا زعلان منك
*ليه كدا بس
°عشان انا بحب الاء اوى وانت اخدتها واتجوزتها
*وانا ي عم مقدرش ع زعلك وهجبلك نسخه منها تحبها اي رايك اتفقنا ومديت ايدى
حط ايده ع ايدى°اتفقنا ي عمو بس انا اللي هسميها
*وانا موافق
°هسميها نور
*اشطا

 

 

 

 

 

بصيت ل الاء جمب والدتي بيتكلموا بهمس وأمي حضناها
*بعد اذنك كدا ي ست الكل روحي شوفي بابا فين
^لا انا بتكلم مع بنتي شويه
جزيت ع سناني *معلش ي حجه بس زيزو عايزك ف حاجه
قامت من ع الكنبه بزهق^حاضر ي سيدى انا عارفه ي الاء انتي بتحبيه ع اي الواد دا
ضحكت _معلش ي ماما بقا نصيبي
بصتلها برفعة حاجب *نصيبك !!!
قامت ومسكت ايدى _واحلي نصيب
*عندى ليكي خبر حلو
_بجد قول
*خلصت لك اوراق الشركه ونقدر نفتحها كمان شهرين
ضحكت وسقفت بايديها بحماس _الحمدلله واخيرا هنزل اشتغل
*نعم !!تنزليى فين ببطنك دى انتي حامل ي مدام
_نعم انت عايز تحبسني انت متجوزني وانا بشتغل وعارف اني مستحيل اتخلي عن حلمي
*ي الاء بس اااا
_ايه ضحكت عليك ولا مش فاكر ايه اللي عرفنا ع بعض اصلا
*لا فاكر ي الاء ..فاكر اني عشقت اوبر وومن
ابتسمت وبصت ف الارض
*ي اتي لسا بتتكسفي بحبك ي الاء
_ولو برضه هشتغل
«والله وبقيت معااااه ..نادااااا الحب جمعنا بالحب نادااا انا وحبيبي وتالتنا السعاده »

 

 

تمت.

 

اترك رد