رواية حب لن يموت الفصل السابع 7 بقلم عادل عبدالله

رواية حب لن يموت الفصل السابع 7 بقلم عادل عبدالله

رواية حب لن يموت البارت السابع

رواية حب لن يموت الجزء السابع

رواية حب لن يموت الحلقة السابعة

وفي احدي اجازاته طلب منه ابنه وبنته وزوجته عدم السفر مرة اخري وألحوا جدا في طلبهم بينما كان يشعر هو بالتعب من الاغتراب .
فأجتمعت ارادتهم بارادته في البقاء وعدم السفر مرة اخري .وبالفعل اعتذر ناصر عن السفر مرة اخري وبدأ يفكر في مشروع يتكسب منه .
وبالفعل بدأ في شراء قطع اراضي وبناء عمارات وبيع وتأجير وحداتها .
لم يستمر ناصر كثيرا حتي نجح في هذا العمل وخلال عام وبعض الاشهر ذاع صيته وبدأ يفكر في تحويل هذا النشاط لشركة عقارية .وبالفعل بدأ في تأسيس شركة عقارية صغيرة .
منذ ان عاد ناصر وكان عندما يختلي بنفسه يستعيد ذكريات حبه لأميرة .
كان اكبر موقف يخشي ناصر من حدوثه ان يقابل اميرة مع زوجها .
كانت تفاصيل قصته مع اميرة مازالت محفورة في ذاكرته ولكنه كان يتمني لها السعادة في حياتها .
ورغم ذلك عندما عاد للحي الذي كان يسكن فيه سأل عن جميع سكانه ماعدا اميرة لم يسأل عن اخبارها .
ربما لانه كان بينهما ارتباط روحي فكان يشعر بسعادتها او حزنها عن بعد . وكان يعرف انها تعيش في حزن .
كان احيانا يستيقظ من نومه علي صوتها تناديه بينما كانت تفكر هي فيه وتناديه بقلبها في ذات اللحظة .
وذات يوم واثناء وجوده في عمله شعر برغبة ملحة في الخروج من العمل والاسترخاء في اي مكان هادئ .
ركب ناصر سيارته وجاء في خاطره مكان هادئ كان يتقابل فيه مع اميرة منذ سنين طويلة .
ذهب الي هناك وطلب قهوة وجلس يشرب قهوته وكلما تذكر موقف او كلمة ابتسم .واذا باصابع تربط علي كتفه .
استدار ناصر ليجدها تقف امامه .خفق قلب ناصر بشدة ولا يعرف أن كان حلم ام حقيقة .وتوقف علي الكلام للحظات ثم وقف ليسلم علي اميرة .
: مش مصدق عنيا ازيك يا اميرة اخبارك ايه ؟
: الحمد لله تمام .انت اخبارك ايه يا ناصر ؟عامل ايه في حياتك ؟
: الحمد لله عايش في نعمة .معقولة اشوفك تاني !! مش مصدق عنيا !!
: صدق عنيك .انا كنت عارفة اني هشوفك تاني .وكنت كل ما احس اني عاوزة اشوفك كنت اجي هنا وافتكر ذكرياتنا .
: ايوه بقيت ذكريات .المهم طننيني عن نفسك .حياتك اخبارها ايه ومعاكي اولاد ايه ؟
: معايا فريد في الجامعةدلوقتي .
: ماشاء الله ربنا يخلهولك .معاكي اولاد تاني ؟
: لا .مش معايا غيره .هو ابني الوحيد وهو الحاجة الحلوة الوحيدة في حياتي .ابوه اللي سماه فريد علي اسم جده .وانت معاك اولاد ايه ؟
: انا معايا امير واميرة في ثانوي دلوقتي .
تبتسم اميرة : ياااه !! امير واميرة !! يعني مش كفاية اميرة حتي الولد بردو علي اسمي .
يبتسم ناصر وعيونه تنطق بالاف الكلمات ولكن لسانه يقف عاجزا .
ثم تكمل اميرة : وشغلك ومراتك اخبارهم ايه ؟
: رجعت من السفر من حوالي سنتين وعملت شركة عقارية صغيرة علي قدي .
: ومراتك بتحبها ؟
: مراتي هي مش اكتر من زوجه وام لاولادي وادينا عايشين .هي ست محترمة وكويسة لكن مش قدرت تدخل قلبي .مش عارف العيب منها ولا من نفسي .
: وليه معرفتش تدخل قلبك ؟
: لان قلبي مش فاضي .
ويكمل ناصر : وانتي اخبار حياتك وجوزك ايه ؟
: حياتي كئيبة مملة .مش هنكر ان خالد جوزي في البداية كان بيحبني .لكن مع الوقت اصبحت تقريبا مش موجودة في حياته .وهو بقيت حياته كلها شغله وانا حياتي كلها في ابني .
: وانتي حبتيه يا اميرة ؟
: القلب مينفعش يحب اتنين .
: امك ظلمتنا يا اميرة الله يسامحها .
: ايوه الله يرحمها كانت فاكرة انها بتعمل لمصلحتي وهي كانت بتدمرني .معلش يا ناصر انا لازم امشي خايفة حد يشوفنا .
: هينفع اشوفك تاني ولا مش هينفع يا اميرة ؟
: انت عاوز ايه ؟
: نفس اللي انتي عاوزاه .
تبتسم اميرة : يبقي ينفع طبعا .
وقبل ما تمشي اميرة اخدت رقم تليفون ناصر وهو اخد رقمها .علي وعد بلقاء اخر .
مشت اميرة وظل تفكيرها معلق بناصر ومازال قلبها ينبض بحبه الذي لم تنساه يوما ولكنه تجدد واصبح واقع بدلا من ذكري .
يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب لن يموت)