رواية معجزة من السماء الفصل الثاني 2 بقلم عمرو علي

رواية معجزة من السماء الفصل الثاني 2 بقلم عمرو علي

رواية معجزة من السماء البارت الثاني

رواية معجزة من السماء الجزء الثاني

رواية معجزة من السماء الحلقة الثانية

يا سلام لو الفرح دا باظ دلوقتي والعريس ضربها في وسط الناس بالقلم
” ثواني معدودة بعد الجملة ، ولقيت العريس قام وضربها فعلا بالقلم ، وقالها في وسط دهشة و ذهول الناس كلها
أنتي طااالق طااالق!!
” الناس بدأت تجري على العريس وتحاول تهديه ، وهو رافض بشكل قطعي ، لحد ما قامت العروسة من مكانها
انا عارفة من الاول انك عرة الرجالة لكن قولت اهي جوازة وخلاص ، لكن طالما مش هنكمل بقا يبقا..
” كنت براقب من بعيد و في اللحظة دي قولت في سري ” يا سلام لو تردله القلم دلوقتي ”
وطالما مش هنكمل بقا يبقا.. ، يبقا تاخد نفس القلم
” صوت القلم كان جرس إنذار للخناقة اللي هتحصل حالا وبالفعل الفرح كله اتقلب ، وانا بمنتهى الشياكة انسحبت من مكااني ، شديت وليد لانه مكنش قادر يشيل عينه من على الخناقة ، خرجنا بسرعة من الفرح
ازاي كل دا يحصل
= حكمة ربنا يا وليد
مستحيل ، دا اكيد حد عاملهم عمل
= المهم ان كدا حقي رجعلي
وانت اصلا يا رامي كنت جاي الفرح ليه
” سؤال تم طرحه ومعاه لساني وقف ومبينطقش
= كنت جاي اشوف مين العريس اللي هي اختارته وفضلته عني
انا سمعتك قبل ما العريس يضربها وانت بتتمنى الفرح يبوظ ، وسبحان الله بعدها مباشرة الفرح كله يبوظ
= انت مجنون يا وليد ، اكيد صدفة ، هتكون ايه يعني غير كدا
طب هنروح ازاي بقا من المكان المقطوع دا
= انت عارف دا معناه ايه
ايه
” مع نظرته ليا وهو عايز يعرف ، ناس هجمت علينا
= هو دا معناه يا وليد
حراميةةةة
= لا متقولش كدا ، دول ناس ظروفهم صعبة
طلع اللي في جيبك انت وهو
” كنت لسة هتكلم لكن وليد قاطعني وبدأ هو
= بص حضرتك

انت لسة هتقولي حضرتك ، اخلص يااض
= والله انا مش معايا غير الهدوم اللي انا لابسها ، لو طمعان فيها وعايزها اتفضل خدها ، لو ضميرك يسمحلك تسيبنا في البرد دا من غير هدوم ، اتفضل خد الهدوم
” دقيقة عدت قبل ما نسمع صوت الحرامي وهو بيقول
طب اقلع يااض
= ايه دا ضميرك سمحلك بالسرعة دي
هتقلع ولا تموت
” من الصدمة كنت ناسي القوة اللي بقت معايا ، ومفيش انسب من اللحظة دي عشان استعملها
” يا سلام لو الناس دي تسيبنا نمشي من غير ما حد يأذينا ”
خلاص حاضر هقلع اهو
= تقلع!!!!
مش حضرتك قولتلي اقلع
= عايز تقلع عشان تاخد برد ، خليك لابس وبعد كدا البس تقيل
ايه ؟
= تحب اوصلكو في اي مكان
ياريت والله ، أي مكان بس يكون فيه مواصلات و احنا هنتصرف
= هوصلكو لحد البيت متقلقوش
شكرا جدا يا استاذ حرامي
” وليد مكنش مستغرب لا دا كان حاسس انه بيحلم أو ان دا مقلب رامز جلال الجديد و احنا ضيوف الحلقة ، بس انا كنت فاهم وبضحك ، مش بضحك عشان خرجنا من الموقف دا لا عشان الكنز اللي بقا معايا ، كنت سرحت شوية قبل ما وليد يشدني عشان نركب ويوصلنا الحرامي الجدع ابن البلد
كلتو حاجة
= اه احنا واكلين
” رديت انا عشان وليد كان لسة في حالة الاندهاش
يبقا تاكلو الحلو بقا
= اللي هو ايه
اجبلكو دوناتس
= هو ينفع؟

هجبلكو حاضر
” شكل الامنية المرادي باظت شوية ، بس الراجل كان كريم جدا والله ، جبلنا اكل وبعد كدا وصلنا البيت
نمرتي معاكو ، لو احتاجتو حاجة كلموني
= دا لو بقا ، في رعاية الله ، مع السلامة
” سيبت وليد وهو بيكلم نفسه و طلعت انا البيت ، دخلت البيت وانا منتصر للمرة الأولى في حياتي ، منتصر على ظروف كتير ، على صاحب الشقة ، على حبيبتي او اللي كانت حبيبتي ، منتصر على صاحب الشغل ، واخرها انتصرت على الحرامي ، حاجات كتير اتغيرت لكن للأحسن ، معقول هو دا العوض اللي ربنا كان شايله ليا ، حقيقي العوض كان معجزة بعد سنين من الصبر ، ولكن هتستمر المعجزة ولا النحس يكونله رأي تاني ، بعد يوم طويل قررت انام عشان اصحى تاني يوم للشغل ، ومع دقة الساعة 7 كنت صحيت ولبست عشان اروح الشغل ، روحت وبما اني خلاص بقيت مدير المكان بعد ما صاحب المحل انبهر بيا جدا و بأدائي ، بقيت انا المسؤول عن تعيين الموظفين ، كان اليوم ممل وبطئ لحد ما سمعت صوت بيقرب مني
لو سمحت انا كنت بدور على شغل ، مفيش أي فرصة هنا ليا
” بصيت على مصدر الصوت وكانت المفاجأة ، جمال ايه و دلال ايه ، 29 حرف في اللغة العربية مفيش منهم ولا حرف يوصف جمالها ، عيونها جذابة جدا وتشد أي حد
احنا اللي هنكون محظوظين أوي بوجودك معانا
= يعني في فرصة اشتغل
اه طبعا
= و اقدر اقدم امتا عشان استلم الشغل
من دلوقتي
= للاسف حاليا مش هقدر ، طب ينفع بكرا
جدا ، ينفع جدا بكرا يا….

= نادين
اسمك حلو
= ميرسي لذوقك يا أستاذ..
رامي
= هجيب لحضرتك بكرا الورق بتاعي عشان استلم الشغل ، وبجد شكرا جدا
” قامت وهتمشي ، ايه دا بالسرعة دي ، دا انا ملحقتش ، طب الرقم حتى
” يا سلام لو تديني رقمك عشان اطمن عليكي بس لما تروحي ”
” في نفس اللحظة لقيتها لفت وشها تاني ليا ، قولت بصوت واطي ” لو مش عايزة خلاص مش مهم يعني “

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية معجزة من السماء)