رواية أحببت مجنونة أطفال الفصل التاسع 9 بقلم مي ابراهيم

هنا:رد عليا يا احمد فى اى اى حصل 

احمد:مفيش يا هنا حاجه  ادخلى جوه غيرى هدومك

هنا:حاضر يا احمد وبالفعل دخلت ولسه هتغير فستانها سمعت الباب بيتفتح ويتقفل طلعت بره تشوف فى حد ولا احمد طلع بجد بس هو فعلا مشي احمد مشي وسابها يوم فرحها بفستانها الابيض حب عمرها خذلها ومشي 

هنا قعدت على السرير رنت عليه كتير اوى وماردش وبعدين قفل الفون بتاعه 

هنا فضلت لحد الساعة 2قاعدة (الفرح كان خلصان بدرى الساعة 12كانوا فى بيتهم) بتعيط مش عارفه تعمل اى وبعدين قامت غيرت الفستان واتوضت وصلت العشاء وبعدين قيام وقعدت تدعى لاحمد انه يكون بخير وجالها اشعار رسالة واتساب 

عند احمد لما طلع وساب هنا ماكنش عارف يروح فين  كان مخنوق ومضايق ومش طايق نفسه مش عارف يتصرف هو طلع من البيت عشان مايتعصبش عليها عايز يتاكد الاول وبعدين يعمل فيها اى حاجه بس يكون متاكد مش بس صوره طلع من البيت وهو خايف من رد فعله عليها وعشان هما لسه متجوزين وقف فى مكان هادى على النيل يشم هوا  ادهم كان ماشي وراه ووقف قصاده ونزل 

ادهم:اى دا احمد اى موقفك كداا هو مش المفروض تكون فى بيتك النهارده فرحك يابنى ولا اى

احمد:ادهم ازيك مخنوق شويه ومش طايق نفسي هرجع البيت دلوقتى شويه كدا

ادهم:مالك فى اى حصل حاجه ولا اى

احمد:قاله كله حاجه ووراه الصور هو كان بيحبه وشايف انه زى عمار

ادهم:طب فك بس انا هوديك مكان تنسي نفسك وتنسي همومك وبعدين فكر فى مراتك المصيبه دى

احمد كان زى المغيب مهموم وحزين: ماشي يلاا 

ادهم:طب اركب عربيتك وتعالى ورايا

احمد:ادهم بلاش حد يعرف اللى قولتهولك او انك شوفتنى النهارده

ادهم:طبعا محدش هيعرف مش يلا بقى ولا اى

احمد:يلاا

ادهم وداه night club????????????

احمد:هو دا المكان

ادهم:صدقنى هنا هتنسي

احمد:طب تعالى ندخل

ادهم اتفق مع واحدة تلزق لاحمد وفعلا ماسبتهوش 

نانى بدلع :شكلك جديد هنا

احمد:اه

نانى :طب اشرب كاس

احمد:لا مش بشرب 

نانى:هتكسف ايدى واحد بس عشان خاطرى

احمد:مش عايز قولت

نانى :شكلك بتخاف او مش قد الكاس

احمد بتحدى:هاتى وشرب كاس والتانى وبقى خلاص مش فايق رقص معاها وهى اتدلعت عليه وحضنته واحلى مسخره واتصورا صور وفيديو 

عند هنا فتحت الفون تشوف الرسايل وكانت الصدمه صور لاحمد  مع واحده شبه عاريه وفيديو دموعها نزلت غصب عنها ورزعت الفون فى الحيطه وعيطت كتير كتير اوى وراحت على السرير ونامت وضمت نفسها

بعد ساعة او ازيد  جه احمد دخل البيت ودخل الاوضه شاف هنا نايمه على السرير راح عليها وحاول يقرب منها بس هى صحيت وزقته بقرف لما شمت ريحته

احمد بدوخه:هو حلال لغيرى وحرام ليه دا انا حتى جوزك

هنا:انت بتقول اى انت  واعى للى بتقوله وشايف شكلك وحالتك 

احمد:شايييف اييي واترمى على السرير نام 

هنا قلعته الجاكيت و الجزمه وعدلته وغطته وقامت اتوضت عشان الفجر خلاص قرب يآذن صلت فرضها وقرأت ورد قرآن  ونامت على الكنبة عشان ما تنمش جنبه 

تانى يوم الساعه 12كدا  احمد صحي لاقى نفسه نايم على السرير وشاف هنا نايمه على الكنبه قرب منها وكانت بشعرها وهو اول مره يشوفه 

(عنيها بنى غامق ملامحها طفوليه على كبيره شعرها اسود وطويل وتقيل  عندها غمازات خدودها ورديه دايما وبتحمر لوحدها وتبقى زى الفراولة شفايفها حمرا دايما) 

احمد: شايفك ملاك مش مصدق انك ليكى فى الكلام ده ياترى مخبيه اى يا هنا حس بصداع فى دماغه وافتكر هو عمل اى امبارح وشرب اى شرب خمره وهو اى دكتور بيحمل امانه بيحس الناس يحافظوا على صحتهم ومايشربوش سجاير يقوم هو يشرب خمره  دا حافظ كلام ربنا راح اتوضى وصلى وبكى بين ايدين ربنا متستغربوش مش معنى ان الراجل مابيعيطتش مايعيطتش في ايد اللى خلقو احمد تقى جدا وملتزم وعشان كدا ساب هنا وماكلمهاش وساب البيت بس ادهم جه زى الشيطان ووسوسه يروح المكان القذر ده 

خلص صلاته ورح يعمل حاجه يشربها وبعدين صحى هنا 

احمد:هنا انتى يا هانم هتفضلي نايمه كتير 

هنا بنعاس:سيبينى انام حبه يا ايات

احمد:انا مش ايات وعايز اطفح قومى انجزي

هنا:وقد افاقت احمد خير فى اى 

احمد:قومى اعمليلي اكل وتعالى نتكلم 

هنا:هعملك اكل ونتكلم هو فيه كلام 

احمد:قومى يا هنا 

هنا:مش قايمه يا دكتور واعمل اللى انت عايزه 

احمد بغضب:قومى يا هنا وعدى اليوم 

هنا:حاضر اتفضل اخرج بره اغير هدومى

احمد:بسرعه

خرج وسابها وهى عيطت جامد اوى وزعلت سابها يوم فرحها وخانها وجاى يصحيها تعمله اكل بكل برود لا و بيزعق فيها 

قامت غيرت ولبست بيجامه بيتى بنص كم ورجليها تحت الركبه ولمت شعرها وطلعت على المطبخ كان فيه اكل امبارح سخنته فى الميكروويف وحطتته على السفره ونادت عليه قعد ياكل وهى واقفه 

احمد:ما اقعدتيش ليه 

هنا:مش هاكل انا رايحه اصلي عايز حاجه منى

احمد:اقعدى كلى الاول انتى ما اكلتيش من امبارح 

هنا:قولت مش هطفح هصلى عقبال ماتخلص 

احمد:براحتك

راحت اتوضت ولبست اسدالها وصلت فرضها وخلصت 

وطلعت كان هو خلص اكل وراح قعد قدام التلفزيون لما شافها طالعه من الاوضه 

احمد:هنا اعمليلي كابتشينو وتعالى 

ماردتش راحت لمت الاكل وعملت كابتشينو له وطلعت 

هنا:اكلت وشربت اتفضل اتكلم عايز اى سامعاك

احمد:هنا انا مابحبكيش وبحب واحده تانيه ومش عايز اكمل معاكى حنا هنعيش سوا فترة وبعدين نتطلق طول الفتره دى نعيش اصحاب وانتى فى اوضه وانا فى اوضة وانا مش هقرب منك 

هنا حالتها يتشفق عليها مصدومه مجروحه هو كده طعنها للمرة التالته يعنى خلاص جاب قلبها نصين ودمرها وهو مايعرفش هترد عليه تقوله اى

احمد:هنا انتى معايا

هنا:ايوه يا احمد معاك انا كمان مش بحبك وكدبت عليك وافقت بس عشان ارضي بابا وماما لكن انا عمرى ما حبيتك 

احمد كلامها وجع قلبه اوى:تمام كدا سهلتى الوضع

هنا:اه بس انا هنام فى اوضتي زى ما انا نام انت فى الاطفال

احمد:نامى فى اللى تعجبك

هنا:تمام وقامت وسابته هى اصلا لو قعدت ثانيه كمان هتعيط راحت الاوضه وقفلت الباب ووييي

يتبع…