رواية احبني اناني الفصل الخامس 5 بقلم هبة المعداني
رواية احبني اناني الفصل الخامس 5 بقلم هبة المعداني
رواية احبني اناني البارت الخامس
رواية احبني اناني الجزء الخامس
رواية احبني اناني الحلقة الخامسة
اتصل ركان بي أحمد
احمد:الوو
ركان :في حاجه نبيك اديرها
احمد :قول اني في الخدمه
ركان :نبيك تقول لي اللي في الجامعه
ان أرجوان خناتك وباعت شرفها ع خاطر الفلوس
أحمد:هده حاجه كبيره
ركان:والمقابل ح يكون اكبر
احمد :تمام اعتبره تم
ركان :تمام
وصكرو الخط
تو نوريك الحقير شن بي ايدير
طق طق
امل :ارقدتي
ارجوان:لا
امل:مباش ايجني نوم من اللي صار الصبح
ارجوان:ولا اني اتقولي عايشه في كابوس لكن خلاص تو نبي نفكر في قرايتي بس ونبدأ في الجديد لين انشوف حل لي اللي اني فيه
أمل:لكن اني خايفه
أرجوان:واني أكتر
امل :ارقدي صوت ماما جت
ماما فتحت الباب وخشت اطمنت اعلينا وشافتنا كان نتنفسو ولا لا وطلعت😂
طبعا ماما فيها عاده قبل ماترقد اتجي تطمن احنى نتنفسو ولا لا منعرفش علاش ادير هكي ❤
عمران:البنات رقدو
خديجة:اي رقدو لكن حالهم مش مطمني ياريت نتهنى عليهم
عمران:اهو بي تتهني ع وحده قلتيلها أرجوان
خديجة:لا الحق مزال اليوم روحت تعبانه او مبيتش انقولها لكن ماقتليش من هو الولد
عمران :ولد أختك معتصم ماعندك ماتقولي فيه الولد ولد ناس او محترم وخديم
خديجة:اي اكيد ولد اختي ماعندي ما نقول فيه بس اعلاش مكلمتنيش اني
عمران:هدا اللي صار
_______________________________________________________________________
ثاني يوم في الجامعه
طبعا احمد دار زي ما قاله ركان والخبر انتشر في الجامعه كلها
اول ماخشت ارجوان للجامعه كانوا الكل يشبحولها ويتكلمو وارجوان كانت مش فاهمه شي كملت طريقها ومعبرتهمش
طبعا كانت امل معاها
وفجاءة وقفت الاء قدامها
الاء: شنو يا حلوه مدايره روحك بنت ناس علينا احني
ارجوان:بنت ناس وغصب عنك
الاء :لكن نعرف بنات الناس ميبيعوش روحهم ع خاطر الفلوس
امل:شن الكلام اللي تقولي فيه
أرجوان: الكلام هذا ينطبق عليك اني مش عليا اني
الاء: بهزوة يعني احني نكذبوا
مش انتي اللي خنتي احمد مع واحد عنده فلوس
وبعتي شرفك ليه
طبعا الكلام هدا صار قدام اللي في الجامعه كل
اهنايا ارجوان انصدمت وعرفت أن ركان خطط مع احمد لي الحاجه هذه
امل:صكري فمك ياحقيره وطاحت فيها ضرب
جي احمد وقعد يباعد في امل
احمد :الكلام هذا صح وفي دليل عليه
ارجوان طلعت تجري من الجامعه و وراها امل
طبعا كان ركان مدرس قدام الجامعة وشاف ارجوان وكيف طالعه تجري وتبكي او وراها امل
مننكرش أن في اللحظه هدي وجعاته أرجوان وحس بي تأنيب ضمير لكن مننسوش أن دار هدا كله بش يحصل ع أرجوان وتكون ملكه
في الطريق ارجوان تجري لحقت اعليها امل وشدتها من ايدها
امل:خلاص اوقفي ناس تتفرج اعلينا
ارجوان:شفتي ياامل شن دارو فيا اعلاش اني بدات لي ايصير معاي هكي
امل حضنت أرجوان
امل:متخليش كلامهم ايأثر عليك
أرجوان:خلاص عيت من لعب دور البنت القويه 😭
امل :خلاص اسكتي خلي انروحو معاش تبكي 💔
_________________________________________________________________________
عند ركان
محمد: بجد تحكي درت هدا كله شن استفدت الحركات هدي مش متع ناس عاقله حركات مهبله
ركان:وايده ع وجها…. خلاص سكرا فمك
ترن ترن
ركان:الو
احمد : ها وين افلوسي
ركان:تعلالي في ……
احمد:تمام مسافة الطريق
وسكر الخط
محمد:مني هدا
ركان:احمد🙂
محمد: من احمد
ركان :تو ايجي وتشوفه مني
طق طق
خديجة:،مني
امل :احني ياماما
فتحت الباب
خديجة:انسيتو حاجه خيرها أختك تبكي
امل:في بنت ضربت ارجوان في الجامعه
أرجوان:خشت لي الدار طول
_________________________________________________________________________
احمد:سلام عليكم
ركان:وعليكم السلام
محمد انصدم او وقف لما شاف أحمد
محمد:قصدك هوا هدا لي أنشر الخبر
ركان:اي هوا
ويجي بوكس فجاء لي أحمد من حيتو لا يدري
محمد.:بي الحقاره هدي انتم الزوز
ركان كيف بي يتكلم
محمد:انت بدات متكلمنيش وانت الثاني كيف جاك القلب ادير هكي واحد اناني والثاني كلب فلوس
وطلع وسيب المكان
جي الليل
طق طق
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية احبني اناني)