رواية انتقام الجميلة الفصل الثلاثون 30 بقلم سارة الفقي

رواية انتقام الجميلة الفصل الثلاثون 30 بقلم سارة الفقي

رواية انتقام الجميلة البارت الثلاثون

رواية انتقام الجميلة الجزء الثلاثون

رواية انتقام الجميلة الحلقة الثلاثون

بعد تقريبا شهرين ..
_ اي رأيك ؟
_ زي القمر ، انا خايف العروسة تغير عليك من البنات اللي في الفرح
قالها أسد بمرح
_ مش للدرجة دي يا عم متأفورش
ضحك أسد و تابع حديثه :
_ اه استني انا جبتلك البابيون دي
_ واو ، حلو اوي و لايق مع البدلة
_ اي خدمه
_ ربنا يديمك ليا يا صاحبي
قالها أدم بحب ، و احتضنه أسد ..
( ملحوظة / تم زفاف ليلي و حضره أسد و جميلة منذ شهر )
_______________________
_ شكلي حلو يا جميلة ؟!
قالتها نانسي بتوتر
_ زي القمر يا نانوستي

_ بجد ؟!
_ اه والله
_ يعني هعجبه ؟
_ ما انتي كده كده عجباه ، مش محتاجه حاجة
ابتسمت نانسي بحب و هي تتذكر لحظاتها مع أدم ، من أول مقابلة لهم و أول مشاجرة أيضا و تطور علاقتهم و لحظاتهم السعيدة و الحزينه كذلك ..
_ اه الجميل سرح ، ماشي يا عم ، يلا بقا علشان الولا اتحنط بره
قالتها جميلة بمشاكسه ، فابتسمت نانسي بخجل ..
خرجت نانسي من الغرفة هي و جميلة و استقبلهم أدم و أسد ..
ما إن رآها أدم حتي اتسعت ابتسامه و التمعت عيناه بإعجاب واضح ، فهي حقا بدت له كالملاك ، اقترب منها و احتضنها بشوق ،و من ثم قبلها من جبينها و همس بأذنها :
_ زي القمر يا قلبي ، و أخيرا جه اليوم ده
ابتسمت نانسي بخجل و همست بحب :
_ بحبك
_ و أنا بعشقك
و تابع بمرح :

_ جه اليوم اللي اشوفك فيه مكسوفه
_ تقصد ايه ؟ يعني انا مش بتكسف ؟!!
_ لا والله مقصدش
قالها بمرح ، فتابعت هي بحده :
_ و أنا بقا مش هكمل الجوازة دي ، طلقني يا أدم ، طلقني بقولك
_ يا بنت المجنونه ، انا لسه كاتب الكتاب ، أطلق ايه ؟!! يلا بت قدامي
_ مش هنزل الا لما تطلقني
في تلك اللحظة اقترب منهم والد أدم و كذلك والدة نانسي ..
_ فيه ايه يا ولاد ؟
قالتها السيدة بتساؤل
_ لا يا طنط متقلقيش ، ده أقل نقاش عندنا ، أصل نانسي حبيبتي عايزانا نسافر علطول ، أصلها مشبعتش مني
قالها أدم و هو يكتم ضحكته من تعبيرات وجهها و تابع بابتسامه :
_ مش كده يا حبيبتي
_ اه يا ماما ، اه أصله وحشني اووووي
قالتها بغيظ و هي تبتسم نصف ابتسامه و تضيق عينيها له
_ ربنا يهنيكوا ببعض يا حبيبتي
_ آميييييين
قالها أدم بمرح

_ أخيرا يا أدم جه اليوم اللي اشوفك فيه بتتجوز ، انا كنت فقدت الأمل و قولت هموت قبل ما اشوفه
_ بعد الشر عنك ، ربنا يخليك ليا يا حبيبي
قالها أدم و هو يحتضن والده بحب و كذلك نانسي و والدتها …
و هما يهبطان الدرج :
_ بقا أنا قولت نلغي الفرح و نسافر ، و قال ايه مشبعتش منك ، أنااااا ؟!!!
قالتها بغيظ
_ يعني بزمتك ، انا راضي زمتك ، انا موحشتكيش
ابتسمت نانسي و نظرت للأسفل
_ اهوه كفاية نظرتك بس ، النظرة خانتك
قالها بمرح
_ خلاص بقا يا أدم
قالتها بابتسامه خجله
_ يا روح أدم

قالها بمرح و حب و تابع بهمس :
_ مش عارف بتتحولي و لا ايه
_ بتقول حاجة ؟
_ اه يا حبيبتي بحبك
ابتسمت نانسي من جنان حبيبها و جنانها أيضا …
________________________
عند أدم و جميلة ..
_ بس ايه القمر ده
_ ده الطبيعي يا بني
قالتها جميلة بمرح و غرور مصطنع
_ ماشي يا عم الواثيييق من نفسك
ابتسمت جميلة و تابعت بعنجهيه كاذبة :
_ و انت كمان لسه زي ما انت وسيم .. اوعي تكون مفكرني بقول الحقيقة لا أنت صعبت عليا فبجاملك بس
_ هههههههه ، ماشي يا قمر مقبولة منك
_ تيجي نرقص ؟
قالتها بتساؤل
_ اول مرة اشوف بنت هي اللي بتعرض على الرجل علشان ترقص معاه
_ و اديك شوفت ، و بعدين نحن نختلف عن الآخرون
_ طب يلا بينا

قالها أسد بابتسامه و أخذ يدها و ذهبوا للساحه و بدأوا الرقص سويا بمرح و بعد قليل تحولت الأغنية لأغنيه رومانسيه ،
وضع أسد يده علي خصرها بتملك و هي وضعت يدها علي رقبته و بدأت الرقصه ..
كانت النظرات كافيه عن الحديث ، فالعشق يشع من عينا الإثنين ،
_ وحشتيني
_ هههه و انت كمان
_ محضرلك مفاجأة بعد الفرح
_ ايه ؟
_ هتعرفي لما الفرح يخلص
قالها بابتسامه و من ثم ضم جميلة و أخذا يرقصان بتناغم عجيب …
~~~~~~~~~~~~~~~~
كانت جميلة تقف مع أسد و يتحدثون بمرح ، حتي وجدت سيف قد أقبل نحوهم و ملامحه غريبة بدي عليها الحزن ..
شعر أسد بالغضب و لكن أوقفه حديث سيف :
_ انا مش جاي أعمل اي حاجة غير إني أعتذر
نظرت جميلة له بإستغراب و كذلك أسد ، فتابع :
_ أنا آسف يا جميلة علي كل حاجة عملتها معاكي زمان ، آسف إني مكنتش راجل بجد تقدري تتسندي عليه ، آسف لكل مرة خيبت أملك و جرحتك فيها ، أتمني تسامحيني في يوم من الأيام و بتمنالك حياة سعيدة ، انتي تستاهلي كل خير يا بنت عمي
‏

‏قالها سيف بندم حقيقي ، نظرت جميلة له بابتسامه
‏
‏_ مسامحاك يا سيف
‏
‏_ كنت عارف إنك هتسامحيني ، انتي قلبك طيب
‏
‏قالها بابتسامه و من ثم غادر من أمامهم
‏
‏_ مسامحاااه ! و كمان بتبتسمي ليه ، ده ميستحقش إنك تسامحيه بعد اللي عمله زمان
قالها بعصبية طفيفة
‏
‏_ اديك قولت زمان ، و أنا مش عايزة اقلب في اللي فات أنا عايزة أعيش كل لحظة معاك و انسي كل حاجة حصلت زمان
‏
‏_ ماشي يا جميلة
_ خلاص بقا يا أسودي ، احنا وقفنا فين صحيح ؟ اه انا عايزة اشوف صورك و انت صغير ، علشان اشوف إذا كنت عسل كده من زمان و لا ده عسل مستورد ، رغم إني متأكده إنك كنت قمر من يومك
_ اه يا بت كلي بعقلي حلاوة
_ عديها بقا
_ ماشي يا جميلة هانم
( ملحوظة / سيف اكتشف خيانة نازلي ( مراته ) ليه و إنها كانت بتضحك عليه علشان تاخد فلوسه ، و طبعا أدرك قيمة جميلة و قد ايه كانت بتحبه زمان و مكنتش محتاجة منه حاجة ، بس هو بادل حبها بمعاملته القاسيه )
~~~~~~~~~~~~~~

بعد عدة ساعات ، بعدما انتهي الزفاف و ذهب أدم و نانسي إلي أوتيل ، لتكون وجهتهم في الصباح جزر المالديف ..
‏
‏ودَّعت جميلة والدها و كذلك نادر ..
‏
‏في السيارة ..
‏
‏_ ها ايه المفاجأة ؟
‏
‏قالتها جميلة بحماس
_ هههههه ، اهدي شوية
_ اهدي ايه انا مستنيه من الصبح علي نار
_ هههههههه .. شايفه الدرج اللي على ايدك اليمين ده ، افتحيه
فتحت جميلة الدرج ، وجدت تذكرتان ، نظرت بصدمة شديدة :
_ أسد اوعي يكون اللي في دماغي
_ هو ، ههههه
_ اسوووووان يا أسد ، مش مصدددددددقة
قالتها جميلة بحماس شديد و ارتمت فجأة علي أسد تحتضنه ..
_ هههههههه ، هنعمل حادثة يخربيتك
_ أسد أنا فرحاااااانه اوي ، ربنا يخليك ليا يا حبيبي

_ و يخليكي ليا يا جميلتي ، إحنا هنقضي أسبوع هناك ، هنلف اسوان كلها زي ما انتي كنتي بتتمني
_ اه صحيح ، انت عرفت منين إني عايزة ازور أسوان ؟!
_ فاكرة لما كنا هنسافر الصعيد لأول مرة و قولتي إنك نفسك تزوري كل محافظات مصر
قالها أسد بابتسامه ، نظرت جميلة له بحب شديد و تابع أسد حديثه :
_ انا بقا اخترت أسوان كبداية و مع كل اجازة ليا هنسافر محافظة جديدة ، لحد ما نخلص محافظات مصر كلها و نبقي نسافر بره بقا
كانت جميلة تحدق به بذهول و عيونها تلمع بالدموع :
_ أسد ، حقيقي انا مش مصدقة كلامك ده ، انا عملت ايه في حياتي علشان استاهل واحد زيك ، انا بحبك اوي يا أسد
_ حبيبتي و انا كمان بعشقك + إني كمان محظوظ جدا بيكي ، انتي أول و آخر حب هيدخل قلبي
_ و أنا اكتشفت إني محبتش إلا أنت
_ لا يا حبيبتي من غير ما تكتشفي ، أنتي معندكيش قرار اصلا ، غصب عنك مش هتحبي إلا انا
قالها أسد بغضب طفيف
_ يا بني انت بتتحول
قالتها جميلة بمرح
_ اه بتحول ، و بصي بقا ، أنسي إنك كنتي متجوزة قبل كده ، بصي إنسي إنك كنتي عايشه قبلي اصلا
_ ما انا فعلا مكنتش عايشة قبلك
قالتها جميلة و هي تسبل له بعيونها الجميلة ، فسرعان ما ذال غضبه و تحول لإبتسامه تظهر مدي عشقه و شوقه لها
~~~~~~~~~~~~~~~

بعد مرور سنتين ..
في الصعيد ..
_ يا ناس يا اللي هنا
قالها أسد بصوت مرتفع
_ وطي صوتك يا أسد
قالتها جميلة
_ و يوطي صوته ليه يا بنت البندر ؟ دايما حسه عالي في الدنيا
قالتها الجدة و هي تقبل عليهم ، نظرت جميلة لها بحب و اتجهت نحوها سريعا و قبَّلت يدها :
_ والله وحشتيني اوي يا نانا
ابتسمت الجده و سلمت علي أسد بحب و سرعان ما تسائلت :
_ بردو مجبتيش حفيدي معاكي ، الظاهر كده إنك عايزة تتضربي
_ هههههه ، لا يا نانا بره مع عمه عبيد
و بعد قليل دخل عبيد و بيده نادر .. أسرع نادر تجاه الجده بحماس شديد :
_ نانا
_ كيفك يا جلبي ؟ يا حته من جلب النانا
_ والله يعني هو قلبك و تدلعي فيه و انا لأ
قالها أسد بمرح
_ اه طبعا ، ده غير ده حفيدي
_ الله ما انا حفيدك ، عجبك كده يا سي نادر خدت كل الدلع
_ الحب مش بإدينا ، و نانا طبعا مش هتقدر تتحكم في قلبها
قالها نادر بطريقة مضحكه

_ انت جبت الكلام ده منين يا مفعوص
قالتها جميلة بمرح
_ مين المفعوص ؟ ده حبيبي ، متتكلميش معاه أكده يا بنت البندر احسنلك
_ ااااه ، انا كده جبت أخري
قالتها جميلة بمرح
_ تعالي يا حبيبتي اقعدي بدل ما تولدي و انتي واقفه
قالها أسد بمرح
_ عندك حق
_ اه يا نانا أمال بابا فين و طنط عزيزة
_ هتلاجيه في المزرعة و اه اتصل بليلي اطمن عليها
_ اكيد طبعا دي ليلي دي عيوني
~~~~~~~~~~~~~~~~
بعد عدة ساعات تجمعوا علي الطاولة و تناولوا الطعام بالطبع مع حديثهم المعتاد الذي لا يُمَل منه ،
و اهتمام الجدة بنادر ، فهي قد أحبته كثيرا منذ أول مرة رأته بها و اعتبرته بمثابة حفيدها الحقيقي
، و كما قال الأستاذ نادر 😂 منذ قليل
” الحب مش بإيدينا ” و طبعا الداده حبته تلقائيا
~~~~~~~~~~~~~~~
في المساء ~ بغرفة أسد & جميلة ~

_ أنا مبقتش مصدق حب نانا لنادر ، دي بقت تحبه اكتر مني شخصيا
قالها أسد بمرح
_ اسكت و النبي ، دي بتزعقلي علشانه ، انا بقيت احس إنه ابنها هي مش ابني
_ هههههههه ، تعرفي لو كانت سمعتك دلوقتي كانت هتقولك
، وه مش عجبك يا بنت البندر و لا ايه ، لو مش عجبك اخبطي راسك في الحيط
_ ههههههههههه
ضحكت جميلة بشده و سرعان ما تحولت ابتسامتها لألم غير طبيعي بالمرة :
_ هههههههه أنا هقوم اخد شاور
_ آاه أسد
_ ايه يا حبيبتي
قالها أسد و قد اتجه نحو المرحاض
_ أسد ألحقني يا أسد ، هموت
اسرع أسد نحوها بهلع
_ جميلة فيه ايه يا حبيبتي ؟
_ آااااااااااه ، أنا بولد يا أسد
قالتها جميلة بصراخ
_ ها ، لا مش دلوقتي ، لسه كمان اسبوعين
قالها أسد بصدمه و توتر شديد
_ هو ده وقتتتتتتتته ، الحقنيييييييي ، بقولك بوووووولد ، اااااااااااه
قالتها جميلة بصراخ
_ حاضر حاضر ، اعمل ايه دلوقتي اعمل ايه ؟

قالها أسد بتوتر و من ثم حملها علي ذراعه سريعا و هبط إلي أسفل و بالطبع صوت جميلة كان يصدع بالمنزل ، أسرعت الجده و عزيزة نحوهم :
_ فيه ايه يا ولدي ؟
قالتها الجده برعب
_ جميلة يا نانا بتولد ، قولي لعبيد يجيب العربية بسرعه
_ هههههه ، حرام عليك ، طلعها يا بني فوج
_ يا نانا بتولد
قالها أسد بخوف و دهشة
_ ألحقني يا أسدددد
_ حاضر حاضر يا حبيبتي
قالها بتوتر شديد و لا يستطيع أن يفعل شئ
_ اهدي يا ولدي ، تعالي ورايا
صعد أسد ورائها و هو في حالة هلع ، وضع جميلة بالسرير و جلس بجانبها :
_ ااااااااه ، بموووووت
_ بعد الشر يا حبيبتي ، متقوليش كده
قالها أسد بخوف شديد و هو ممسك بيدها
_ اهدي يا بنية ، ده لسه بدري ، ههههه
قالتها الجده و هي تضحك
_ يا نانا بتضحكي علي ايه ؟ ده وقته ؟!
قالها أسد بعصبية

_ اطلع أنت بره يا أسد ، سيبني انا وياها
_ لا يا أسد خليك معايا
_ اسمع مني يا ولدي ، انت أكده هتوترنا بس
نظر أسد لجميلة و من ثم قبلها من جبهتها و يدها و غادر الغرفة ..
________________
بالخارج ..
_ انا هجيب دكتور ، مش هينفع كده ، كده هتموت
قالها أسد بخوف شديد
_ اهدي يا ولدي دي مش اول مرة ، إن شاء الله تجوم بالسلامه ، ادعيلها بس
قالها قاسم بابتسامه
و بعد قليل دوي بالغرفة صوت بكاء الطفل ..
_ عشت و شوفت بنتك يا ولدي
قالها قاسم بابتسامه ، احتضنه أسد بحب و حماس لرؤية ابنته ..
خرجت عزيزة بالفتاة و علي وجهها ابتسامه :
_ ما شاء الله ، كيف الجمر ، تتربي في عزك يا أسد
_ تسلميلي يا حبيبتي
، أقبل أسد نحو ابنته بابتسامه و سعادة بالغة و حماس شديد و أخذ يتلمس وجهها برقة :
_ نورتي الدنيا يا أجمل هدية في الدنيا
_ هدية ! حلو ده ، ده هيكون اسمها
قالتها الجدة من ورائهم ، نظر أسد لها بجحوظ و صدمه ..
_ طب انا هروح أنظفها بجا
قالتها عزيزة و ذهبت بالطفلة ، و تجاهل أسد حديث جدته و أسرع نحو جميلة ، احتضن وجهها بيده :
_ حمد الله على سلامتك يا حبيبتي

ابتسمت جميلة بإرهاق
_ شوفتها يا أسد ؟ ، جميلة اوي
_ اه شوفتها ، طالعه لمامتها لازم تبقي جميلة
ابتسمت جميلة بحب
________________________
في اليوم التالي ..
تجمعوا جميعا في غرفة جميلة ..
_ انا مبسوط اوي ، بقا عندي اخت صغيرة
قالها نادر بسعادة و هو ينظر لها
_ و جريب هيبجي عندك أخ
قالها عبيد بابتسامه و تابع :
_ نورا حامل يا ما
_ بجد ، ألف مبروك يا حبيبتي ، ربنا يهنيكم
_ حبيبتي يا حماتي
قالتها نورا بسعادة و هي تحتضنها و من ثم قبلت يد الجده بعد مباركتها لها ، و هنئهم أسد و جميلة ..
_ ماما احنا هنسميها ايه ؟ انا بفكر في فرح
_ و انا بفكر في كيان او بيسان
_ كيان ده ايه ؟ و ايه بيسان ده كمان ؟ احنا هنسميها هدية
نظرت جميلة لها بصدمه :
_ نعم !!! ده بجد ؟!

_ أمال ههزر وياكي
_ لا انا كده هعيط بجد ، كيف يعني ؟ قولتها صعيدي اقنعوني ازاي ، يعني ابني يبقي اسمه نادر و أخته هديه متجيش والله
قالتها جميلة بمرح ممزوج بالمرارة ، ضحكوا جميعا من تعليقها ..
_ والله اموتلكم نفسي هنا ، والله انط من علي السرير و اروح فيكم في داهية
_ لا لأ يا حبيبتي .. الا السرير
قالها أسد بمرح
_أسد هنسميها ايه.؟ قول حاجة و النبي
قالتها جميلة برجاء ، نظر أسد لها بابتسامه و صمت حتي تحدث والده
_ ياما سبيهم المرة دي و المرة الجاية سمي انتي
_ هو لسه فيه مرة جاية ؟
قالتها جميلة بهمس و سمعها أسد
_ لا انا الإسم عجبني
قالتها الجدة بعند
_ طب علشان خاطري يا نانا
قالها نادر برجاء لجدته
_ لولاك يا ناااادر .. خلاص نسميها زي ما نادر جال فرح
_ حلو ده كويس اوي ، حبيب ماما
قالتها جميلة بسعادة و من ثم قبلت نادر ..
بعد قليل خرجوا جميعا و بقت جميلة و أسد و الطفلة ..
كانت جميلة تحتضنها بحب و تبتسم ، اقترب أسد منها ..
_ قولتيلي بقا ، مش عايزة تخلفي تاني اه
، ده فيه تاني و تالت و رابع كمان ، ده انا هجيب داسته
قالها أسد بمرح

_ نعممم ؟! ليه هنعمل بيهم ايه دول كلهم
_ هيونسونا لما نكبر
_ طب و انت مش هتزهق مني بعد ما يبقي عندنا عيال كتير
_ أنا؟! انا ازهق منك ، ده انا ازهق من نفسي شخصيا و لا ازهق منك ، ده انتي بتوحشيني كل دقيقة لا دقيقة ايه كل ثانيه
قالها أسد بحب و من ثم قبل يدها
_ ربنا يخليك ليا يا رب
_ و يخليكي ليا يا بنت البندر هههههه
~~~~~~~~~~~~

تمت..

لقراءة باقي حلقات الرواية اضغط على : (رواية انتقام الجميلة)