روايات

رواية ورده في المزبله 3 الفصل الثالث 3 بقلم منه محمد

رواية ورده في المزبله 3 الفصل الثالث 3 بقلم منه محمد

رواية ورده في المزبله 3 البارت الثالث

رواية ورده في المزبله 3 الجزء الثالث

ورده في المزبله
ورده في المزبله

رواية ورده في المزبله 3 الحلقة الثالثة

البارت ٥٨
الجزء الثالث
ورده في مزبله
صفحتي قصص منه محمد
نفخت بضيق بعدها فتحت اخر ورقه وفتحت عيونها بصدمه وبصتلو بفجعه كانت ورقه طلاقها
وقتها حست خلاص اتحولت ل رماد انتهت دمرها ودمر حياتها
قعدت تبكي وتقوله انه يقولها ذنب واحد عملتو في حقه عشان يعمل فيها كدا؟؟
وهي اللي باعت اهلها علشانه فين تروح؟؟؟
بس وقتها مالقيتش منه جواب الا معاكي نص ساعه
تكوني سيبتي المكان وشاور على ريم بقرف انتي وبنتك بصت لريم ودموعها نزلت بصتلو وقتها وحاولت تخليه يتراجع عن قراره
وانها بنته ازاي يرميها قهرها وقتها وكرهته من كل قلبها…وقتها رد ببرود انا ما عنديش بنات متبري منها كفايه انها نفس دمكم النجس وخرج
ساعات عصيبه مرت عليها….قررت وقتها تسيب المكان كفايه ذل واهانه
وبعد تردد رجعت لبيت اهلها ورجعت لسجن تاني بالملحق محدش يلومها لما وافقت علي الجواز حبته والحب سيد القلوب…..تقريبا اربع سنين وهي حاسه نفسها فسجن لما جه جدها خيري عندها وعطاها الخيار …..بدون وعي وافقت بس ندمت بعد قرارها ….بعد ما شافت محمد بيسحب ريم وهي بتعيط طفله عاوزه امها ..جريت ناحيتها خلاص مش عوزه اتجوز بس في ايد مسكتها وثبتتها كانت ايد خيري ومنعوها تجري ورا محمد وترجع قره عينها لحضنها….وقتها شتمت نفسها وندمت على قرارها المتسرع..كانت بتطلب منهم تزور ريم لكن رفضوا بشده كانت حاسه قلبها كل يوم يموت الف مره لبعدها بس ده القدر
اتجوزت احمد ولا انتهت المشاكل كان دايما يتهمها انها عاوزه ريم لانها من نادر واكيد مشتاق له وابوها واخواتها يقوله نفس الكلام ….فاتت الايام وحملت من احمد وخفت المشاكل
ولا رجعت تطالب بريم واكتفت بمقاطع الفيديو والصوراللي اخدتها لها خلال 3 سنين اللي عاشتهم عندها ولا رجعت تطالب تشوفها
لانها ماجالهاش الا وجع الدماغ والمشاكل ولما ولدت فارس اتعلقت بيه وبقت تشغل نفسها فيه …فاتت سنين وعدت على غيابها انصعقت لما سمعت ابوها قال دي بنتك ….وبصلها نظرات يعني دي بنت اللي بعتينا علشانه
بالبدايه ما صدقتش وكانت بصلها وهي فاتحه بؤها
مش مصدقه دي ريم ؟؟!! مش شبه بنتها الدلوعه !!
كانت سمره بشده ونحيله بشكل كبير
صحت من التأمل لما غاده اخت ساره قالت لها دي امك جريت عليها وحضنتها
حضنتها ولسه ساره تحت الصدمه بعدتهاغاده وبعدت ساره عنها وفضلت تعرف فيها على اهلها بعد فتره استوعبت الامر
كان نفسها ترجع وتحضنها وتعوض سنين البعد بس فيه شئ منعها ترجع وتحضنها
نظرات اخواتها وابوها لو قربت منها هيقولو لانها من ريحه نادر عملت كدا
طلعت الموبيل وفضلت تطقطق عليه محاوله لكبت شوقها لريم

 

 

 

 

وقتها فضلت تكلمها غاده عن ريم
بس اتظاهرت اني مش طايقها ومن الكلام ده لمجرد ما يقولوا ويفسروا الكلام على هواهم
رجعت للبيت وما خلصتش من تحقيق احمد وهو يعيد ويزيد
انبسطتي انك شفتيها وفكرتك بالغالي حبيب القلب؟؟
اكيد من اليوم ورايح هتلازميها…ويووه من الكلام ده اخدت كتير في جنابها
قيدوها وقتها بكلامهم ونظراتهم…. وقتها كانت بتتعامل مع ريم ببرود وتتظاهر بعدم الاهتمام …وهي جواها الشوق مموتها كانت تتابعها بنظراتها من غير ماحد ياخد بالو …كانت لما تروح بيت اهلها حتي لو ما شفتهاش ترتاح انها قريبه منها…
وفاتت الأيام والسنين نفس الروتين وريم دايما
مع بنات خالها ولا حد من اهل ابوها سأل عنها وبقي عمرها اربعتاشر افتكرت مره لما دخلت غرفة البنات وكانت ريم طالعه مع بنات خالها للمول
كان عندها فضول تكتشف وتعرف طريقه تفكيرها قربت منها وقعدت علي سريرها وقررت ترتب سريرها وهي بترتبه شافت من تحت دفتر سحبتو واستغربت وفتحت اول صفحه
وكان مكتوب عليه التاريخ من فتره فتحته
وكانت الصدمه بعد ما قرأته ما توقعتش ريم للدرجه بتتوقع حياتها بالشكل القاسي ده ياااه للدرجه دي محطمه بنتها بتدور علي الاهتمام والحنان
وهي موجوده مصدقتش ان ريم تفكيرها كدا وجواز والخرفات دي والصدمه الاكبر ان ريم بتكرها !!!
غمضت عيونها بألم وحست بسكين تطعنها شعور مؤلم ابنك ضناك يكرهك !!!
للدرجه دي متأثره من موقف البسين وقتها والله ما شفتها ولا انتبهت لها
لانها شافت فارس لما وقع فالميه
كان كل تركيزها عليه ما انتبهت مين نزل بالميه
كان كل تفكيرها محصور على فارس وازاي تساعده وبس حتى موقف تاريخ ميلادها اتأثرت من الموقف وكتبته بقصتها
معقول حز في نفسها وانها حساسه للدرجه دي
بتظن انها مش عارفه تاريخ ميلادها !!!
ازاي متعرفش تاريخ ميلادها وهي بنتها البكر بس وقتها خوفها منهم
اتعمدت تقول تاريخ ميلاد غلط عشان مايفسروش الكلام علي مزاجهم ما كنتش عارفه بالي عملتو انها حطمت قلب طفلتها الصغيره
وقتها بكت لما قرأت قصتها افتكرت لما بلغها احمد ان نادر طلب منهم انه يزور ريم وقتها فرحت لكن خلال ثواني اتمحت البسمه عن شفايفها
لما بلغها انه رفض وحتى ابوها واخواتها رفضوا عشان مايزعلش احمد
علشان كدا لما جات هنا سألت اانهم كانوا بالكويت كانت كدبه من نادر
عضت على شفايفها بقهر
اكيد نادر عملها بقسوه وغباء لانه لو عاملها بالطيب لايمكن كانت كتبت كدا عنه وعن اهله وهي جات وحطمتها زياده بسبب خوفها هي ونادر ظلموها من غير ذنب
ونادر ظلمها بدون ذنب كله علشان عماد شدت على قبضه ايدها بتكره عماد اتعذبت هي وبنتها بسببه …وبنتها اتجرعت الظلم والحرمان اااااه قلبها محروق على ريم وهي زادت عليها الظلم بعمر 14 سنه وتكتب كدا
مسكينه املها ان اهل ابوها يتغيروا معها ويتقبلوها بس متعرفش عن قلوبهم الحقوده
قررت تغير معاملتها معها لازم تعوضها عن الايام الي فاتت ومالهاش دعوه بحد وخصوصا في المرحله دي فتره المراهقه لازم تنتبهه ليها عشان متختارش طريق الخطأ استغربت ازاي ريم عرفت بحكايتها مع نادر اكيد شوق ام لسان عرفتها
بصراحه شعور مخزي بنتك تعرف عن ماضيك شئ مشين حتى ماتقدرش تنصح ريم تعرفوا ليه تخاف تقولها شوفي ماضيك وبعديت اتكلمي
شعور صعب جدا محدش يقدر يتخيلو ولا يقف فيه نفخت بضيق
بالبدايه كانت ريم بارده معها بس مع الايام زادت علاقتها معها مع انها كانت بتحاول تخفف من علاقتها بحضور ابوها واخواتها واحمد لان نظراتهم تقتلها الف مره وساره مع النظرات تفتكر الماضي الاسود
وفرحت جدا لما احمد بقي بيسافر وطلبت من امها انها ريم تروح تعيش عندها بغياب احمد ووقت رجوعه ترجع لبيت ابوها
حاسه نفسيتها اتعدلت كتير وبقت اقوى وده ريح ساره جدا بالرغم من كرهها لجدها خيري الا دلوقت بتدعي ربها انه ما يموتش
لانها خايفه وقتها نادر يسحبها ويحرمها منها بعد ما اتعلقت بيها
صحيت من افكارها وتفكيرها للماضي على صوت
رنه الموبيل كانت غاده بتسأل عن سبب تأخرها
وقفت وراحت اجهز نفسها واحداث الماضي دوشه في عقلها مش قادره تنساها
******************

 

 

 

طلعت ساره وريم من البيت رايحين لبيت سالم
وريم ماسكه في ايد امها وكأنها طفل خايف تضيع امه منه وفارس بيجري قدامهم بفرحه وطفوله جميله
كانت ساره وريم يبصوله ويضحكوا على حركاته
قاطعهم صوت : اخبارك يا خاله
لفت ساره لجهة الصوت و لنفسها يا ليل ضلم وبمجامله : اهلا أسر بخير اخبارك واخبار امك ؟؟
أسر نافش حاله على الفاضي : بخير
وبص ل ريم وابتسم بغرور: اخبارك يا ريم ؟؟
بصتلو ريم بكره وعطته نظره احتقار
وسحبت ايدها من امها بشويش وسابتهم وراحت لبيت جدها سالم ابو امها
تحت انظار أسر اللي واقف ودمه محروق بص ل ساره اللي تكون مرات عمه : بنتك على ايه شايفه نفسها؟؟؟
اقسم بالله لولا اني ما يشرفني اخطبها واحط ايدي في ايد اللطخ ابوها كنت اتجوزتها وكسرت دماغها
سمعته ريم وهي ماشيه بخطوات هاديه ولنفسها لا خلاص اتحطمت ياروح خالتك
ومدت بوزها بقرف كتك داهيه فيك بلطجي انسان غتت بشكل لا يصدقه عقل خروف مش بطيقه لا من باب ولا شباك افففففف منظره يجيب لي المرض انسان صايع ضايع لا شغل ولا مشغله
بعدت ريم عنهم شوي
أسر بتهديد : واقسم بالله اذا ما عدلت طريقتها دي لاجبر نفسي واخبطها واعدلها واخليها تمشي علي العجين الف كدا كوز دره
ساره كانت عاوزه ترد لانه زودها مش مخلي ريم
في حالها ولنفسها أل بيحبها بس علشان ابوها مش عاوزها اللي يسمع يقول هنوافق عليه ياخد بنتي نافش ريشه وهو ولا يسوى قشره بصله
قاطعهم صوت من وراهم طفولي يحاول
يخشن صوته : انت وبعدين معاك ؟؟؟
لف أسر وبص ل فارس باستصغار
فارس طنش نظراته وبحده : اقسم بالله كلمه واحده عن اختي ادفنك بمكانك فاهم
ضحك أسر باستهزاء : لا ياض خوفتي ركبي بتخبط يا مامي الحقيني ياد روح الرضعه بتاعتك تلاقيها فالمطبخ
ولوى شفته باستهزاء
فارس بيحاول يفرض وجوده وانه كبير بصلو وهو
رافع مناخيره : ده الناقص اجوز اختي لواحد صايع ضايع
أسر قرب خطوه والشر بعيونه ورفع ايده بتهديد:اقسم باللي خلقني كلمه واحده هقول لعمي احمد عنك احترم نفسك واحترم اللي اكبر منك (وبصرخه) فاهم وبعدين لما اجي اخطب منك يا سبع وقتها ابقي ارفض
وعطاه نظره تهديد
فارس بلع ريقه من الخوف بس بيشجع نفسه
قاطعتهم ساره بحده ومقهوره من أسر
لو يطلع بايدها تدفنه بمكانه : رجاء يا أسر ريم مالكش دعوه بيها وسيبها في حالها
ولفارس بابتسامة : يالا يا حبيبي اتأخرنا على بيت جدك
هز فارس راسه ومشي مع امه
وأسر مولع من القهر لانه خطبها من جدها سالم بس رفض وقالو يروح يخطبها من ابوها وقتها ضحك عليه مستحيل يقبلوا يدولو البنت
شد على قبضه ايده هو ماله عشان يرفضه عمه سالم
انقهر وساب المكان وهو يتوعد مستحيل تكون لغيره
تعريف أسر
عمره 24 سنه لا شغل ولا مشغله
طلع من المدرسه وما كملش الثانويه

 

 

 

 

ونظريته في الحياه طلاما الخير موجود ليه يتعب نفسه ويدرس طلاسم
مغرور فنفسه كتير طوله 1.70 نحيف اسمراني
وينطبق عليه المثل
اسد عليا وفالحروب نعامه
يستقوي على اللي اضعف منه
*****************
دخلت ساره الصاله بضجر
وسيله ام ساره : مالك في ايه ؟؟
ساره بقرف : اففففففف الي اسمه أسر ده لما بشوفه بيضيق خلقي
ابتسمت ريم : شفتي يا ماما بقيت عاوزه انتحر لانه مش عاوز يخطبني
فارس نفش ريشه ويعرض بطولاته : متخافيش مسحت بيه الارض وكنت ناوي ادفنه مكانه بس اختصرت المشاكل وهو خاف وبسرعه هرب من الخوف
ضحكت ريم جواها على فارس وكذبه وازاي بيحاول يحسس اللي حواليه انه كبير بس احيانا
اسلوبه يزيد عن حده ويزودها : راجل يافارس كفائه
فارس خبط علي صدره : سيبك اذا عمل حركه كدا ولاكدا بس اديني خبر وانا انفخوه
ساره بابتسامة وفي سرها فارس من شويه كان بيترعب ووشه قلب لونه اصفر من الخوف من أسر وهو بيعمل حاله دلوقت سبع الليل وفنفس الوقت مبسوطه لما تشوف فارس وريم علاقتهم بقت اقوي من الاول
بعد ما بقت ريم تنام في بيتهم اتحولت علاقتهم اقوى بالرغم من مشاكلهم وخناقهم الا انها عسل على قلبها لما تشوفهم مع بعض
طلعت ريم عند بنات خالها وساره قعدت مع امها لوقت وصول اخواتها
*****
مرت الايام بنفس الروتين ما فيش حاجه اتغيرت
بحياتها متنقله من بيت امها لبيت جدها تقعد مع بنات خالها
وتنبسط معاهم وتزور الجوري والجوري تزورها لما تكون في بيت امها
مهتمه بدراستها امنيتها تحصل على درجه عاليه وتحقق احلامها احيانا تضيع بعض من وقتها على مواقع التواصل الاجتماعي
تخفف من ضغط الدراسه وترفه عن نفسها
ويصيبها ضجر من أسر اللي مش مخليها في حالها كل ما يشوفها يسمعها نفس الاسطوانه المشروخه
يقول لها انه ما يشرفهوش يخطبها ومن الكلام البلح ده خد وعبي
كانت تشوفه زمان بس ما كانتش تنتبهلو بس من قبل سنه قرفها بعد ما جدها سالم رفضه…وريم دايما تطنشه لا بتعبره ولا كأنه حد بيكلمها
وحاليا ريم مبسوطه انها امها حامل وتتمنى تجيب بنت ويكون عندها اخت
وبقت ريم تهتم بأمها اكتر وتحاول تخليها مرتاحه خايفه على الجنين يتضرر
……………………………………

 

 

 

 

قاعده بالفسحه مع الجوري
الجوري : انت هبله مش عارفه الوحم ؟؟
ريم بتكميشه وشها : اسمع بيه بس معرفش يكون كدا
واتحولت ملامحها للشفقه
يا حرام لو شفتي ماما ازاي تعبانه من الوحم دايما نفسها قالبه عليها وتموع واذا اكلت شوي تستفرغ
الجوري ضربتها على راسها بخفه : مش زي الحامل وتجري هنا وهناك ههههههه والله بت نكته
ريم باحراج : خلاص بلاش تحرجيني وانا اشدراني؟؟!!!
الجوري بابتسامة وغمزت لها : ال ايه اخبار امير ؟؟
ريم فتحت عيونها بقهر منها : انت امتى تنسي الحكايه دي بقي ؟؟ اصلا انا الغبيه اللي خليتك تشوفي الدفتر وبعدين ليه بتسألي عنه ؟؟
وصغرت عيونها وهي بصلها : حاطه عينك عليه ؟؟
الجوري مدت شفتها بغرور ودلع : عندي خطيبي يسوى الدنيا وما فيها
ريم لوت بوزها بقرف : يا مسيب الجامويس على البقر
اه بالحق امبارح ليه ما دخلتيش الخاص ؟؟؟
الجوري تمثل انها مكسوفه : خطيبي كان عندنا امبارح
ورمشت عيونها بدلع
الجوري عدلت قعدتها وبجديه : ريم
انت حاليا ماتعرفيش معلومات عن اهل ابوك ؟؟
بصتلها ريم لسخفتها وسخافه سؤالها : لا امبارح طلعت مع بابا واتعشينا بالمطعم ونمت عندهم
وبعدها ضربت الجوري على قفاها : غبيه ايه السؤال الغبي ده
الجوري ضحكت على نفسها : ههههه والله مش قصدي اسأل بس مجرد مقدمه للكلام اللي عاوزه اقوله
ريم باستخفاف : اتحفينا بما عندك يا اختاه
الجوري متحمسه للفكره : على الانستقرام اعملي سرش عن اسمائهم واكيد هتشوفي صورهم وتعرفي بعض اخبارهم ها ايه رايك في الفكره؟؟؟
وقفت وهي تبتسم بانجاز:مفيش داعي للتصفيق عارفه اني ذكيه
بصتلها ريم وهي ساكته عمرها ما فكرت تبحث عن اخبارهم اخدت نفس وبجديه شاورت لها تقعد وبصوت خالي من اي مشاعر : ليه اجري ورا ناس مش عاوزني معاهم وانا ما يهمونيش ابدا
ولو عرفت عن بعض اخبارهم ايه الي انا استفدتو ؟؟
الجوري : امممم تقدري تقولي مجرد فضول او حشر وخلاص
ريم بتفكير بصت للجوري : قومي خلصت الفسحه وخلي افكارك الفولازيه دي لبعدين
……………………..

 

 

 

 

قاعده على السرير ومتربعه وبحضنها اللاب
رابطه شعرها بالكماشه وباصه ل شوق وشروق
بينهم خناقه وكل واحده منهم ماسكه شعر التانيه
رجعت نظرها للاب وفتحت على جوجل تتصفحه
افتكرت كلام الجوري واحتارت تبحث او لا على الانستقرام
رجعت خصله من شعرها ورا ودنها بتوتر مشكلتها فضوليه
مع انها بتحاول تظهر قدام الناس ركازتها وتقلها ومن جواها يكون الفضول هيموتها
هي مش بتحبهم ولا يهموها بس كان عندها فضول تشوف اشكال اعمامها وعيال عمها نفس ما تصورتهم بقصتها او لا غمضت عيونها بحيره
بس كان تقلها هو الغالب وما دخلتش الانستقرام
رجعت على صفحتها تتصفح ودخلت قسم الالعاب
تحب تدخله فتحت على اسأل سؤال واللي بعدك يجاوب
كان اخر رد
ملكة الاناقه
كرمشت ريم ملامحها بتكرها من غير ما تعرفها
ودايما داخله خناقات معاها ابتسمت بخبث وكتبت
_ عمرك شفت ملكة البشاعه ؟؟؟
وبسرعه اتصلت على الجوري اول ما ردت
ريم : ادخلي المنتدى بسرعه
وقفلت الموبيل
وخلال دقايق كان رد الجوري
_ايوه شفتها وكادت ان تصيبني سكته قلبيه
وبدات حرب النغزات
والجوري وريم ما قصروش مع البنت يضربوها بالكلام بشكل غير مباشر
والبنت ترد عليهم بنفس الاسلوب
قاطع خناقتها بالمنتدى ضربه على كتفها
فركت مكان الضربه وهي قافله ملامحها بألم
ولفت حواليها تشوف ايه اللي ضرب بكتفها شافت علبه المناكير على الارض
اخدتها وبصت ل شوق وشروق بقهر : ساعه ماسكين في شعور بعض علشان دي ؟؟
شوق وهي ماسكه شعر شروق : دي لي انا اشتريتها
شروق وهي ماسكه شعر شوق : كذابه دي لي انا اشتريتها علبتك انت اللي ضاعت
وقفت ريم بغيظ منهم لان مكان الضربه وجعها
وبسرعه راحت للشباك ورمتها بقوه في الشارع
شوق وشروق ارتخت ايديهم عن بعض
وبصولها بفجعه وبصوت واحد : لااااااااااا
ريم اتخصرت ونظرات قويه : لا بقي ربنا لطف والا كانت الضربه في نص دماغي انا ايه هاستفيده يا هلاهوطه انتي وهي
كشفت ريم عن مكان الضربه كان مكانها احمر
بصتلهم بغضب : شفتي انت وهي
شروق لوت بوزها : لو عارفه انك هترميها كنت خليتها تيجي فنص دماغك
شوق ضحكت بصوت عالي : ههههههههه شروق تخيلي شكلها والدم نازل على وشها هههههه
شروق تضرب كفها بكف شوق : ايه رايك نجرب ؟؟؟ وغمزت لها
ريم بتهديد وهي ترفع صوابعها : واقسم بالله اعملوها وشوفوا ايه الي هيجري لكم ياحلوفه منك ليها
شروق ضحكت : هههههه بنهزر معاك يا خوافه
شوق مسكت ايد شروق : امي عندها نفس العلبه تعالي نستخدمها
شروق بحماس : ومستنيه ايه ياللا بسرعه استعجلي
طلعوا من الغرفه وريم رجعت على اللاب تكمل خناقتها
قرب العشاء

 

 

 

 

شوق تستعجل ريم : وبعدين معاك من لما رجعتي من المدرسه وانت قاعده على اللاب لو اعرف كنت خليت العلبه تيجي على اللاب وتكسره علشان تريحي عيونك يالا مفيش وقت على الخروج
ريم باصه في الشاشه و مطنشه كلام شوق
لانها عارفه عاوزه ايه : طيب انشاء الله
سمعت اذان العشاء قررت تصلي وبعدها تروح
صلت وجهزت نفسها وطلعت مع بنات خالها والجوري للمول واتفقوا ريم والجوري يتسوقوا لوحدهم وبنات خالها لوحدهم
ريم مسكت ايد الجوري : يالا قبل ما يخلص الوقت
الجوري ابتسمت : متخافيش هتزهقي وبنات خالك بعدهم هيفرفروا
ريم هزت راسها بالموافقه وطلعوا للمول
كانت في عيون بتراقب ريم وهي مش منتبه ولا على بالها مندمجه مع الجوري
بعد وقت طويل من التسوق رن موبيل الجوري
ردت بخوف بعد ما شافت الاسم لانها اتأخرت الو ……… بلعت ريقها بالمول ……….البنات لسه مخلصوش ……..طيب ازاي ارجع وانا جايه معاهم
بعدت السماعه عن ودنها من صراخه
رجعت السماعه على ودنها بخوف ……….طيب مستنياك قفلت الموبيل
ونفخت بضيق
ريم : اخوك ؟؟
الجوري ووشها مخطوف من الخوف : متعصب لاني اتاخرت افففف من بنات خالك مش بيشبعوا من اللف انا دلوقت مين يخلصني منه ؟؟؟ ايه رايك ترجعي معايا؟؟؟
ريم مش بتحب تتقل على حد : لا انا هرجع مع بنات خالي
الجوري هزت راسها وهي بتفكر ازاي تخلص حالها من اخوها
بعد وقت اتصل عليها انه قريب من المول بلغته رقم البوابه وانها هتلاقيه عند العربيه
الجوري : قريب من المول
ريم مسكت ايدها :متخافيش دلوقت يروق يالا اوصلك للعربيه
للتلغبطي من خوفك فالبوابه ويزيد عصبيته عليك
اخدت نفس الجوري وومشت مع ريم برا البوابه
وقفوا يستنوا برا والجوري تفرك ايدها بتوتر
وبعد دقايق وصل وركبت الجوري عربيه اخوها
بعد ما اطمنت ريم على الجوري
قررت ترجع على المول عند بنات خالها طلعت موبيلها تتصل ببنات خالها
اتكعبلت ووقع منها الموبيل نزلت على الارض بشويش واخدت الموبيل وقلبها
خايف من المكان شغلت الموبيل وهي ماشيه مستعجله
اتصلت على شوق تعرف مكانهم
بعد الاتصال راحت لمكانهم وهي حاسه بالراحه بعد ما دخلت المول
كالمعتاد بنات خالها شغلين ترقيم هزت راسها بأسف على حالهم
سحبت كرسي وقعدت معاهم : مش اتأخر الوقت ؟؟
منار ابتسمت : لا ما تأخرش فين الجوري؟؟؟؟

 

 

 

 

ريم بصوت هادي : رجعت مع اخوها
شروق : اها
ورجعو لحكاويهم وضحكهم وكأنهم فالبيت وريم تشاركهم بهدوء
وتبتسم بنعومه
رن موبيلها وكانت امها شاورت للبنات يسكتوا
شوي : اهلا ماما
ساره بقلق : انت فين ؟؟
ريم بتردد: في كافيه بالمول
ساره بلوم : ريم الوقت اتأخر يالا ارجعوا حالا وانا هتصل بخالك عشان ترجعوا
ريم براحه مش عاوزه تقعد معاهم : ان شاء الله
قفلت ريم الموبيل
اسماء : عاوزه ايه عمتي ؟؟
ريم : بس بتسأل فين انا
وبعد دقايق اتصل خال ريم وبلغهم انه بالطريق جاي لهم
انقهروا البنات مش عاوزين يرجعوا
ماعدا ريم اللي مش عاجبها القعده بالمول وعاوزه ترجع للبيت
عدت الليله على ريم بخير
ورمت نفسها على السرير بعد ما غيرت هدومها ودخلت عالم الاحلام
*****************************
تاني يوم بعد العصر
قاعده في الرسبشن مع بنات خالها وعليها اسدال الصلاه وصوت ضحكهم طالع
دخل محمد وعطاهم نظره وطلع لجناحه
بعدها دخل فارس وبصوت عالي : طريق
ضحكوا البنات بصوت عالي عليه
دخل وبصلهم من فوق : انا قلت ايه ؟؟ قلت طريق يعني اختفوا تستروا نفسكم علشان ادخل
منار راسمه ضحكه عريضه : واحنا ماقلنلكش ادخل صح
فارس بغرور : انا لما اقول كلمه تبلعي لسانك ماترديش
شروق فاتحه عيونها : بجد انت قليل الادب ولا بتحترم الاكبر منك
فارس باستعلاء : بلاش تكتري الشطه
وبص لريم ومثل الحزم : انتي قاعده مع المهابيل دول وسايبه مذكرتك قومي انجري الله لايباركلك انت مفيش منك فايده وضرب كف بكف

 

 

 

 

انفجروا البنات من الضحك عليه وعلى شكله واسلوبه
ريم وهي تمسح دموعها من الضحك : بب نات هههههههههههههههه
ورجعت للضحك ما قدرتش تكمل
بس سكتهم صرخه من محمد اللي نزل : وبعدين مع الضحك ده ؟؟؟
فارس يثبت وجوده : بقولهم صوتكم طالع ويعاندوا ويرجعوا للضحك وخاصه دي(وشاور على منار
محمد بحزم : ده اخر تنبيه لصوت الضحك مش عاوز اسمعه وطلع
فارس قرب من البنات وقعد زي الكبار : بدل ماتقعدوا وتضيعوا وقت في كلام سخيف روحوا ذاكروا
اسماء : ليه ما تذاكر انت بدل النصايح دي دايما شارد هنا وهناك
فارس باستعلاء : انا راجل ميتخفش عليه ومش ضروري اكمل دراسه الخير كتير
منار واطلقت الضحكه العاليه : ههههههههههه ده أسر رقم تو
شوق تقلد فارس بسخريه : انا راجل وومش ضروري اكمل دراسه
ريم تضحك مش قادره تتكلم على طريقه شوق وهي تقلد فارس
فارس بعصبيه بص ل ريم وعيونه تلمع بالدموع : بتضحكي بدل ما تسكتيهم يا قليله الادب لكن انا هوريك هروح اقول لماما عنك انك مش بتذاكري
ووقف وهو يتوعد لها
وبص ل شوق بقهر قبل ما يطلع كنت بفكر اخطبك بس لو تموتي لا يمكن اخطبك ياعانس وطلع
حطت ريم ايدها على بؤها تكتم ضحكاتها
اسماء بعد الضحك اخدت نفس : يا حلاوه فارس عنده 10 سنين وعامل نفسه راجل
وبصت ل شوق طيرتي عريس من ايدك بسبب سخافتك منه له انت وريم طيرتوا أسر وفارس هههههههه
تابعوا البنات ضحك على فارس وأسر ومواقفهم وحركاتهم السخيفه
قاطعهم صرخه من الجد سالم : بس انت وهي ما فيش احترام صوت الضحك طالع لفلسطين
ومسك ايد فارس اللي بيمسح دموعه : مين اللي زعلوه ؟؟
سكتوا البنات وكتموا ضحكهم على فارس
اللي بيمسح دموعه وقبل شوي عامل حاله راجل عليهم
فارس بصوت طفولي باكي : كلهم
ريم بشخصيه قويه ردت وباحترام : المفروض يحترم اللي اكبر منه مش يغلط على بنات خاله ترضاها يا جدي يشتمنا ونسكتلو ؟؟!!

 

 

 

 

الجد سالم ل ريم تعجبه شخصيتها كل ما كبرت كل ما تقلت وشخصيتها وبقت اقوى
مش زي حفيداته ينجنوا بزياده : لا والله ما ارضاها
ولفارس بحزم : اعتذر لبنات خالك واختك شايفهم هما اكبر منك ولازم تحترمهم
فارس ودموعه تنزل اعتذر وطلع يعيط رايح لامه عشان تاخد له حقه
طلع الجد سالم من البيت
ورجعوا البنات لضحكهم
وخلال دقائق كانت ساره تتصل علشان فارس
وطلبت من ريم تحط سبيكر وبهدلت البنات
على سمع فارس اللي انبسط
قفلت ريم الخط وهي بتضحك مع البنات

يتبع..

لقراءة الفصل التالي : اضغط هنا

لقراءة الرواية كاملة اضغط على : (رواية ورده في المزبله 3)

اترك رد