روايات

رواية صغيرتي البريئة الفصل العاشر 10 بقلم منال أحمد

رواية صغيرتي البريئة الفصل العاشر 10 بقلم منال أحمد

رواية صغيرتي البريئة البارت العاشر

رواية صغيرتي البريئة الجزء العاشر

صغيرتي البريئة
صغيرتي البريئة

رواية صغيرتي البريئة الحلقة العاشرة

صباح يوم جديد لتأتي الشمس بسعادة للبعض وتعاسة للاخر .
استيقظت ليلي لتجد الفراش فارغ من جانبها لتعلم انه لم يتمكن من الاتنظار ليذهب لهذه الصغيرة التي تأخذ مكانها في حياته بل انها حقا اخذته تماما .. لا لن تنظر اكثر من هذا يجب ان تبعدها تماما عنه .
نهضت واستعدت وذهبت لغرفة والدتها ..
# صباح الخير يا ماما .
# صباح الخير يا لولا ها طمنيني عملتي ايه ؟
# هه .. هكون عملت ايه ولا حاجة يا مامي جالي امبارح وكان تمام بس يا عيني مقدرش يستناني لما اصحي وبعدين يروح للعيلة دي .. قومت لاقيته مشي .
# اهدي بس يا لولا ممكن يكون علشان هي تعبانة هو مينفعش يسيبها انتي عارفة سليم قلبه طيب وميهونش عليه ومش معني كدا انه بيحبها ..
# لا يا مامي انا اعرف سليم اكتر من اي حد سليم بيحبها بجد انتي مش بتشوفي بصته ليها ..
# اهدي بس يا حبيبتي انتي مهما حصل بنت عمه وعمره مهيسيبك .
# لا يا مامي انا اللي مش هسيبه ولا هخليها تاخد مكاني ابدا .
وفي الجانب الاخر استيقظ علي اثر حركة الصغيرة باحضانه لم يستطع النوم طوال الليل من التفكير هو لن يستطيع الاستمرار في حزنها ولا يريد ان يراها مجددا منهارة بهذا الشكل ..
فتحت ريتال عينيها لتجده يطالعها بنظراته الشغوفة والحنونه .. لا تصدق انه اعترف بحبه لها اخيرا صحيح انه طوال فترة زواجهم يثبته لها بافعاله ولكن امس واخيرا قالها ..

# صباح الخير علي احلي عيون .
# صباح النور يا سليم .
# بصي يا ريتال انا بجد لو عليا اسيب ليلي بس مش هقدر .. ليلي مراتي من 5 سنين وبنت عمي .. صحيح مش بحبها بس مقدرش اسيبها .. ليلي مش بتخلف ودي هتكون مشكلة لو حبت تتجوز تاني وانا مقدرش اتخلي عنها ومش علشان بحبها لا علشان هي في الاول وفي الاخر بنت عمي ومقدرش ارميها علشان انا مكتفي بيكي في حياتي حتي لو مش عايزها .. علشان كدا انتي لازم تتقبلي وجودها في حياتنا وتعرفي انك الوحيدة اللي في قلبي ومحدش يقدر ياخد مكانك ولا ليلي ولا غيرها ..
# انا عارفة والله انا بحاول بس مقدرتش افكار وحشة بتجيلي اولهم انك روحتلها علشان الدكتور منعتك تقرب مني ..

صُدم حقا … كل مايسيطر عليه الان هو الصدمة لاين اوصلها تفكيرها .. اهكذا تراه ؟!! تراه رجل كل مايهمه رغباته
# ايه اللي بتقوليه دا بس يا ريتا .. يا حبيبتي انا لو كدا ولو هو دا اللي بيفرق معايا كنت سيبتك من اول يوم الدكتورة قالتلي كدا بس انا مش عايز غيرك .

تري الصدق في عينيه ولكن قلبها يؤلمها لمجرد تخيل انه كان مع ليلي حتي لو مجرد ساعات ولم يستطع الانتظار للصباح واتي لها ..

# تمام يا سليم انا والله بحاول اتاقلم علي وضعنا دا ..
ابتسم لعام ليقبل جبينها وينصرف …

*~~~~**~~~~**~~~~**~~~~*

# يا صباح اللي بتغني .. فينك يا قمري ؟!.
# وحشتيني يا روما وحشتيني اوي اوي بجد .
# والله وانتي كمان يا قلب روما وحشتيني اوي وعلشان كدا انا هحاول اقنع سيادة المستشار واجي اشوفك ..
# بجد هتيجي هنا انا مش مصدقة .. هييييه
# بصي انا فعلا قولتله وكدا وهو قالي اخر الاسبوع هيقولي لو موافق ولا لا ..
# تمام اول ميرد عليكي عرفيني علشان اخد اذن سليم انك تقعدي معانا هنا .
# لا مش لازم انا ممكن انزل في اي اوتيل وخلاص علشان سليم باشا ميدايقش ..
# لا طبعا وهو انتي هتيجي دا كلو علشان تفضلي في اوتيل انا هكلمه وهو اكيد مش هيرفضلي طلب ..
# سيدي يا سيدي علي الحب ..
# طب روحي بقي يا باردة علشان الحق اجهز علشان سليم هيوديني لجدي .
# تمام يا حبيبتي باي .

*~~~~**~~~~**~~~~**~~~~*

# انا هسيبك دلوقت وبعد مخلص شغل كدا هاجي اخدك يا حبيبي ..
# ماشي متتاخرش بقي .

لتطبع قبلة علي وجنته وتهبط من السيارة هي حقا اشتاقت لجدها .. هو قد يظهر قاسي ولكنه حقا حنون ولا يقسي الا للضرورة ..

# جدو وحشتني ..
# وانتي كمان وحشتيني يا قلب جدك .
# عامل ايه يا جدو ؟
# انا كويس الحمدلله وبعدين ازاي مبقاش كويس وانا شايفك منورة كدا .. قوليلي بقي كنتي فين الفترة اللي فاتت اختفيتي وكل مكنت اسال جوزك يقولي نايمة ..
# ولا حاجة يجدو انا بس كنت تعبانة شوية وكنت بنام وقت كتير ..
# تعبانة مالك يا بنت الغالية ..
# مفيش حاجة يا جدو انا بقيت تمام .. امال فين خالي ؟
# راح المصنع هو وحازم باركيلي حازم اخيرا عقل وقرر ينزل الشغل مع ابوه ..
# الحمدلله يجدو ربنا يهديه ويصلح حاله .
# يارب يبنتي انا عارف انك انتي الوحيدة اللي اتاذيتي من اللي هو عملو بس انا عارف ان سليم راجل وهيحطك في عنيه ومش هياذيكي ..
اخفضت راسها بخجل انه حقا رجل .. هو رجلها الاوحد ولا تريد غيره الان ..
# متقلقش عليا يا جدو انا كويسة والله ..
# طب ايه مش ناوية تفرحينا بقي وتجبيلي حفيد قمر زيك كدا ؟
شعرت بالحزن حقا كانت تتمني هذا الطفل ليس فقط من اجلها ولكن من اجل سليم لتفرحه وتسعد عائلته وعائلتها .
# ادعيلي يا جدو انا فعلا عايزة اجيب ولاد من سليم وعايزة افرحه ..
ليبتسم الجد بفرحة فهو هكذا اطمئن ان سليم يعامل حفيدته افضل معاملة والا لما كانت تمنت الطفل لتستطيع ان تسعده ..
# يارب يا بنتي يا رب ..
وبعد القليل من الوقت حضر خالها وابنه بالطبع هي لا تحزن من جدها ولا خالها ولكن لن تستطع مسامحة حازم الان هو السبب ..
هي لم تؤذي ولم تحزن ولكنه بالنهاية قاتل وبالطبع لم تنسي لمساته الغير بريئة تماما في الماضي هل حقا تغير ..

# ازيك يا خالو عامل ايه ؟
# انا بخير الحمدلله انتي عاملة ايه يا ريتا ..
# بخير الحمدلله جدو مستنيكم من بدري ..
التفو حول مائدة الطعام في هدوء هم يعلموا انها تتجنب حازم ومعها كل الحق فهو السبب في بعدها عنهم بسبب تهوره واستهتراره ..

في المساء استاذنت جدها لتخرج للحديقة في انتظار سليم فعو اقترب منها كما اخبرها للتو ..
اما عن حازم فذهب خلفها هو لا يريد منها شي هو فقط يرجو سماحها يريد الاعتذار ونيل غفرانها ..
# ريتا ..
التفتت له في صدمة ماذا اتي به الان ؟! ماذا لو رأه سليم ؟!
# نعم يا حازم .
# بصي يا ريتا انا مش هتكلم كتير بس كل اللي عايز اقولو اني اسف والله مكنت اقصد ابقي سبب في بعدك ولا في جوازك من سليم وانا عارف اني متهور وغبي بس مكنتش اقصد اقتله دا كان بالغلط والله ..
# ومحاولاتك انك تتحرش بيا كانت بالغلط بردو ..
# لا مكنتش بالغلط بس ….
لم يستطع اتمام حديثه اثر اللكمة التي تلقاها من سليم ونظراته لا تبشر بالخير ابدا ..
اما ريتال تكاد تموت خوفا الان ليس فقط علي نفسها وانما علي حازم فهي تعلم غيرة سليم جيدا ..
# سليم لو سمحت سيبه .. سليم ابعد عنه ..
وهو لا يرد فقط يلكم حازم الذي استسلم له ولا يدافع عن نفسه حتي فهو بالاخير يستحق هذا ..
التفت ليراها تبكي وتحاول ابعاده عن حازم الغارق في دمائه .
امسك يدها ليجذبها خلفه بدون اي حديث وطوال الطريق وهو لا يتحدث تخشي غضبه فالمرة السابقة ظلت ايام في المشفي ..

اترك رد