رواية أنت عمري الفصل الثالث عشر 13 بقلم سلطان زماني
رواية أنت عمري الفصل الثالث عشر 13 بقلم سلطان زماني
رواية أنت عمري البارت الثالث عشر
رواية أنت عمري الجزء الثالث عشر
رواية أنت عمري الحلقة الثالثة عشر
الحمد لله هاجر ولددت وكنت معها في المستشفي لحظة
بلحظة ومسبتهاش حتي لما حماتي قالتلي امشي انت
متعطلش نفسك قلبي مطوعنيش اني اسيبها فضلت معها لحد
ما خرجنا سوء عشنا ٣ سنين حلوين اوووي والناس كانت
بتحسدنا والجيران وهي كانت اجتماعية وكنت اروح من
الشغل الاقيها قاعدة ما جارتنا الي ساكنه في الشقة الي
قدامنا كنت ببقا مخنوق منها بس كنت بكبر دماغي بقول
بتسليها في الفترة الي بنزل المحل فيها أو بجيب بضاعة
للمحل أو مع صحابي .
.لما كنت قاعد في بيت ابويا امي كانت مصحبه الجيران
وبيجو يقعدوا معها في الشقة بس اول ما ابويا يدخل كل
وحده تروح ع شقتها ايمان دي تفضل قاعدة لما كنت اقولها
تقولي أنها قاعدة لوحدها وجوزها بيجلها ٥ ايام في الشهر و
يسافر لشغله تاني وملهاش غيري اخو هاجر كان مانع امه
تزورها في بيتي وحماتي تعبت وبقيت كل يوم وانا نازل
المحل اخد معايا هاجر وانا راجع نرجع سوء وأوقات كانت
تبات ومش بكلم غير مامتها وباباها بس اخوها الصغير ده كل
يوم كرهي ليه بيزيد بسبب بصته وموقفه وكرهو ليا والغل
الي بشوفه في عنيه كنت بعمل نفسي مش سامع ولا شايف
مش خوف ع قد زعل هاجر اغلي عندي من ارضاء نفسي
وكبريائي كراجل اني محبش حد يتنطط ولا يشوف نفسه ولا
يقل أدبه عليا
المهم بقيت بشوف والاحظ حاجات وتصرفات غريبة في
ايمان الاول كان عقلي بيفسرها أنها تصرفات عادية ومكنتش
بحطها في دماغي أولهم لما ركبنا واي فاي واخدت منها باص
ورد الواي فاي وبقت تخبط بحجة الواي فاي ضعيف ومش
شغال عندها حوالي ٤ مرات مثلا وفي ال٤ مرات هاجر مش
بتكون موجوده بتبقا عند امها كنت ممكن اجي قبل المغرب
اغير هدومي أو اجيب حاجه من الشقة وانا بفتح باب الشقة
تقولي هاجر مجتش معاك
مع اني بشوف هاجر مبتعملش حاجه في حياتها غير أنها
بتكلم ايمان يبقا ازاي بتساليني أنا عنها وعن حماتي اخبار
صحتها اي وبقت احسن ولا
عرضت ع حمايا أنه يخلي حماتي قاعدة معايا وقولتله لو
عايز حضرتك كمان تشرفنا البيت بيتك وبرضو رفض فضلنا ع
الحال ده ٨ شهور
هاجر كنت بشوفها مهلوكة قايمة ببيت ابوها كله وكمان لما
بتروح معايا بتغسل تجهز اكل ليا تنظف البيت بس زهقت
مش قادر اكمل في الوضع ده وفي نفس الوقت مش عايز
احسسها بكده وكل شهر اقول انها حالتها هتتحسن وللاسف
كانت بتسوء وعملت عمليتين وبقت ممنوع أنها تبذل اي
مجهود وعلاج طبيعي وكنت أنا الي بروح علشان مش عايز
هاجر تتبهدل أو اخوها ينكد عليها أو يزعقلهم زاي ما كنت
بشوف بعيني وكانت حماتي تحكيلي ..ايمان اوقات كانت
تعدي ع هاجر عند مامتها وهاجر الي تتصل بيا اخدها معايا
وانا مروح الساعة 1 ..وكنت بقولها ما تخليها تروح دلوقتي
والساعة 9 تقولي خليها قاعدة معايا والنبي
وكنت اخدها بقت تفتح معايا كلام وتقولي أنها بتحسد هاجر
عليا واني جدع وحنين ومش بسبها وتقعد تقول ع جوزها
ابشع كلام وأنها متجوزة ع الورق بس وأنها اوقات كتير
بتنسي أنها متجوزة اصلا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أنت عمري)