روايات

رواية منقذي الفصل الرابع 4 بقلم رحمة سامي

رواية منقذي الفصل الرابع 4 بقلم رحمة سامي

رواية منقذي البارت الرابع

رواية منقذي الجزء الرابع

منقذي
منقذي

رواية منقذي الحلقة الرابعة

دخلت السكرتيره بسرعه بتصرخ وبتقول: ادم بيه الحق بسرعه الشقة بتاعت حضرتك النار ولعة فيها وبيقولوا مش عارفين يخرجوا المدام

ادم اتصدم وبسرعه ساب حاتم وجري ركب عربيته ووصل عند الشقة كانت المطافي موجوده بس لسه محدش دخل عشان يطلع جنه جري علي فوق وكسر الباب

ادم: جنه انتي فين ردي عليا جنه جنه
جنه: ادم كح كح ادم انا هنا الحقني همو*ت
ادم بخو*ف: اهدي انا جيت اهو كل حاجه هتبقي كويسه استني

دخل ادم وطلع جنه اللي اول ما شافته اغمي عليها ونزل بسرعه بيها علي المستشفي ودخلت اوضة الكشف وبعدها وصل المنفلوطي وسامر

المنفلوطي: اي اللي حصل يا ابني ازاي شقتك ولعت انت كويس
ادم: الحمدالله انا مكنتش في الشقة جنه اللي اتاذيت ربنا يستر
المنفلوطي: مش مهم في داه*ية المهم انت يا حبيبي ياريتها كانت مات*ت وخلصنا منها
ادم بغض*ب: بابا كفايه بعد اذنك راعي انك بتتكلم عن مراتي
المنفلوطي بصدمه: ادم انت اتجنن*ت بتعلي صوتك عليا عشان واحده زي دي
ادم: عشان هي بقيت مراتي خلاص وانا مش هسمح لحد يغلط فيها مهما حصل
قرب سامر ومسك ايد ادم: انت ايدك اتحرقت يا ادم ازاي ساكت علي نفسك يا اخويا
ادم بغض*ب وقر*ف: ملكش دعوة بيا واياك تفكر تلمسني تاني يا سامر اعتبر اخوك ما*ت
سامر بدموع: يا ادم انا عارف اني غلطان ارجوك سامحني انا برضو اخوك الصغير
ادم: للاسف انا معرفتش اربي اخويا وادي النتيجه يا خسارة يا سامر
وقبل ما سامر يرد خرج الدكتور ادم جري عليه: طمني يا دكتور هي كويسه
الدكتور: الحمدالله هي بس اتخنقت من دخان الحريق بس احنا قومنا بالواجب وهي فاقت تقدر تدخل تطمن عليها بس بلاش اي ضغط
ادم شكر الدكتور ودخل لجنه: حمدالله علي سلمتك
جنه: الله يسلمك انا اسفه معرفش الحريقه دي قامت ازاي والله
ادم: مش مهم اهم حاجه دلوقتي انك بخير في داهيه اي حاجه تانيه
دخل المنفلوطي وقال: طب يلا اجهزوا عشان هتيجوا تعيشوا معانا في الفيلا
ادم بصد*مه: انت بتقول اي يا بابا دا مستحيل يحصل ازاي هنيجي نعيش معاك وسامر هناك
جنه بخو*ف: لا لا انا مش عايزة اروح انا هنام في الشارع ولا اني انام في بيت واحد مع الشخص دا
المنفلوطي بزعي*ق: انا اللي عندي قولته ومش عايز نقاش مستنيكم تحت يلا يا سامر قدامي
مشي المنفلوطي وقرب ادم من جنه اللي كامت بتعيط: والنبي يا ادم انا مش عايزة اشوفه متخلنيش اعيش معه
ادم: معلش يا جنه هما كام يوم لحد ما نجيب شقة جديده استحملي وبعدين الشقة ولعت ازاي
جنه: معرفش انا دخلت اخد دش طلعت علي ريحة الحريق بس انا كنت طفيت علي الاكل
ادم: طب خلاص اهدي ومتقلقيش من حاجه انا معاكي وكله هيبقي تمام

جنه استسلمت وبقيت تدعي ربها اليومين دوال يعدوا علي خير……

……………………………..

*في نايت كاب كان مدحت قاعد متغاظ اوي دخلت مني عليه….

مني: مالك بس يا مدحت في اي حصل اي لكل الشرب دا هو ادم رجع بجبر*توا
مدحت بشر: مش هسيبه دا انا هسود عيشته بس الصبر طيب
مني: نفسي اعرف انت بتكرهه كدا ليه
مدحت: عشان هو يستاهل الكرهه طول عمره احسن مني وناجح في كل حاجه
مني: بس اللي اعرفه انكم كنتوا صحاب اوي زمان اي اتغير
مدحت: كونا صحاب فعلا لحد ما في يوم…. فلاااش باااااك….

مدحت: ادم انا عايزاك في موضوع مهم اوي
ادم: انا اللي عايزاك يا صحبي انا خلاص قررت اعترف بحبي للبنت اللي اختارها قلبي
مدحت: وانا كمان يا ادم هههه حته في الحب هنعترف في نفس اليوم
ادم: بس انا خايف هي متقبلش بيا رغم اني بشوف الحب في عيونها
مدحت: متقلقش يا صحبي انت الف واحده تتمناك دا انت ادم المنفلوطي
ادم: بس هي سلوي والكل عارف مين هي سلوي مش هتقبل بيا بسهولة
مدحت بصدمه: سلوي هو انت بتتكلم عن سلوي اللي معانا في الكلية
ادم بسعادة: ايوة طبعا هي في غيرها بحبها اوي يا مدحت بجد ومش قادر اتصور حياتي من غيرها
مدحت: طب يلا يا صحبي نروح نشوف هتعمل اي
اول ما وصلوا عند سلوي ادم قرب: سلوي عايزاك دقتقين بعد اذنك
سلوي: خير يا ادم في اي اتفضل
ادم: بصراحه كدا يا سلوي انا عايز اعترفلك بحاجه انا بحبك تقبل تكوني شريكة حياتي
سلوي بسعادة وكسوف: وانا كمان بحبك

بااااااااك….

مدحت بغض*ب: واخد مني حبيبتي بس انا برشو مخلتهوش يتهني بيها وخليتهم سابوا بعض م هسمحله ياخد كل حاجه بحبها تاني وهاخد انا كل حياته وهيشوف
مني: طب اهدي بس يا عم في اي شوف ناوي علي اي وانا معاك
مدحت: انا عايز كل المعلومات عن اللي اسمها جنه دي انا حاسس انها هتبقي نقطة ضعفه
مني: حاضر من عيني اصبر عليا وهجبلك كل حاجه
مدحت: ماشي يا ادم هتشوف مدحت هيعمل اي وزي ما كسبت زمان هرجع اكسب تاني

…………………..

في بيت المفلوطي وصل الكل….

المنفلوطي: خد مراتك يا ادم وطلعها الاوضة بتاعتك واجهزوا عشان الغداء
ادم: تمام ماشي يلا يا جنه
سامر: بابا هو ادم هيفضل زعلان مني كتير كدا
المنفلوطي: احسد نتيجه افعالك بس دا اخوك اكيد مش هيقسي عليك كتير انت بس فوق كدا وخليك راجل لو مره في حياتك
سامر: حاضر يا بابا عن اذنك

_في اوضة ادم وجنه….

ادم: جنه انا مش عايزاك تخافي انا معاكي وكله هيبقي تمام ومش عايزاك تتعاملي مع سامر خالص
جنه بقر*ف: انا اصلا مش عايزة اشوفه ولا عايزة اخرج من الاوضة
ادم: لا انتي اخرجي واعملي اللي انتي عايزاه بس حاولي تتجانبيه خالص وان شاء الله مش هيحصل حاجه
جنه: تمام انا هدخل اخد دش عشان افوق
ادم: تمام وانا هنزل تحت لو عوزتي حاجه اندهي عليا

دخلت جنه تاخد دش وبعد ما خلصت افتكرت انها ما اخدتش هدوم لافيت الفوطه عليها وخرجت وهي بتنشف شعرها فجاه لاقيت ادم قدامها…

جنه: انت مش نزلت طلعت تاني ليه
ادم بتوتر: اصلي نسيت التلفون معلش انا اسف هاخده واخرج علي طول
جنه: تمام مفيش مشكلة ولا يهمك

جنه لسه بتتحرك اتكعبلت وكانت هتقع ادم لحقها ووقعوا هما الاتنين علي السرير وفضلوا باصين لبعض وسرحانين في عيون بعض كان في خصلة واقع علي وش جنه ادم قرب ومسكهت وشالها براحه وراه ودنها وبقي باصص ليها بتواهن فجاه الباب اتفتح ودخلت بنته وهي بتصرخ…..

دنيا: ادم انت بتعمل اي مع الزبا*لة دي اي اللي بيحصل هنا ابعد عنها فوراً
ادم بصدمه قام بسرعه: دنيا انتي جيتي امتا وازاي تدخلي من غير ما تخبطي
دنيا بغضب: والله اول مره اعرف ان الواحده لازم تخبط علي اوضة جوزها قبل ما تدخل
جنه بصدمه: جوزها…..!؟

ياتري اي هيحصل وازاي دنيا مرات ادم واي هيكون رد فعل جنه…. مدحت ناوي علي اي ومين مني دي…. مين عمل الحريق….

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية منقذي)

‫7 تعليقات

اترك رد