Uncategorized

رواية أحببتها رغماً عني الفصل الثاني 2 بقلم هند خالد

  رواية أحببتها رغماً عني الفصل الثاني 2 بقلم هند خالد

 رواية أحببتها رغماً عني الفصل الثاني 2 بقلم هند خالد

 رواية أحببتها رغماً عني الفصل الثاني 2 بقلم هند خالد

وصلنا البارت اللي فات أن عائشة أدت للبشمهندس محمد شوكلاته في أيده علشان هي مش بتسلم وكمان مش عايزاه يتحرج
………………………………….
محمد : محمود اي اللي انت قولته دا وازاي تقول إن النقاب عائق في الشغل يعني انت عجبتك البنات اللي قبلها داخلين بلبس ضيق و بيهزرو يضحكو
محمود : لا يا محمد طبعا معجبتنيش البنات دي بس كنت حابب اشوف رد فعله هيكون ايه وانا بتعلم منك يا باشا
محمد : بجد لا برافو عليك اخويا كبر  وبقى بيفهم
محمود : قصدك ايه يعني انا مكنتش بفهم مثلا …..لا حااااسب عندك دا انا مخي يوزن بلد بس أن  مش ببين علشان الحسد ????
محمد بهزار : اه اكيد اكيد هو حد يعترض……طيب انت ايه رايك في المتقدمين انا اخترت المهندسة عائشة هتكون معايا أن شاء الله حاسس انها شاطره وخصوصاً اجابتها على الأسئلة بثقه والانسه ميرفت برضو … بس هعملهم اختبار بكرا 
محمود : اه فعلا مشاء الله عليها …اختبار اي دا ؟ وليه؟
محمد : هقولك ……
محمود : يا ابن اللعيبه انا معاك و كدا هنتاكد من اخلاقهم وكمان شطارتهم
“طبعا أنتم عايزين تعرفوا ايه الخطة يا فضوليين بس تعرفوها قدام أن شاء الله “
 ????في بيت عائشة????
عائشة وصلت البيت بس برضو كانت متوتره بعد اللي قاله محمود وقالت انها ممكن متتقبلش بس حاولت تبعد الأفكار دي عنها …وكانت ثقتها في ربنا كبير 
امل والدة عائشه : اي دا انتي جيتي ها طمينني عملتي ايه في المقابله أن شاء الله خير
عائشة بسرحان : تمام يا ماما كلو تمام 
امل والدة عائشة : مش مصدقه ويابنتي الخير فيما اختاره الله ….يلا قومي غيري هدومك وتوضئ وصلي ويكون الغداء جاهز 
عائشه : ماشي يا ماما 
ودخلت عائشه غيرت هدومها وصلت و استأذنت تروح تنام شويه وهي رايحه تنام تلفونها رن بس كان رقم غريب مردتش اول مره فا رن تاني فا ردت 
عائشة : السلام عليكم…مين معايا
سكرتيره الشركه : ازاي حضرتك يا آنسه عائشه انا سكرتيرة بشمهندس محمد من شركة بنيان الاسيوطي و انتي اتقبلتي في الوظيفة ومن بكرا يبدأ الشغل بتاعك
عائشه مصدومه من اللي سمعته  وقفلت مع نورهان السكرتيرة وكانت قربت ترقص???????? من الفرحه وطلعت على باباها ومامتها برا 
عائشة بفرحه : مامااا. بابا 
احمد وامل في صوت واحد : ايه يا بنتي في حاجه
عائشه : انا اتقبلت في الشركة يا بابا انا فرحاااااانه اوي اوي 
وحضنت عائشة باباها ومامتها وهم كانو فرحانين جداااا ليها تقريبا اول مره يشوف عائشة فرحانه بالشكل دا 
مر اليوم بسرعه وجه الليل عائشه ظبتت كل حاجه ونامت بس نسيت تشغل المنبه اصلاا 
الكاتبه اللي هي انا (يا ترى مامت عائشه هتصحيه ولا هتروح عليهم نومه )
تاني يوم الصبح عائشة ولاول مره تصحى لوحده بس اتاخرت في النوم وكان قدامها ساعه علشان تجهز وتروح الشركه 
لبست عائشة بسرعه علشان تلحق الشغل بتاعه وكمان دا اول يوم يعني هياخد عنها انطباع
لبست فستان ازرق غامق وعليه خمار نفس اللون بس افتح ….والحمد لله لقت تاكسي اول ما نزلت و  وصلت الشركة على الوقت بس وهي طالعه من السلم اتكعبلت فا رجلها وجعتها   طلعت عائشه للطابق اللي تبدأ فيه الشغل وقابلت محمد 
محمد : السلام عليكم يا آنسه عائشة …جايه على معادك بالظبط
عائشة : وعليكم السلام حضرتك …طبعا اهم حاجه الالتزام بالمواعيد
محمد بابتسامه: برافو عليكي…طيب تعالي ورايه علشان اقولك هتعملي ايه 
راحت عائشه معاه و محمد أداها ملف مليان ورق عائشه بصت بذهول للملف بسبب كمية الورق
محمد :  ا عايزك تراجعي الملف دا وتحددي الأرباح و المساحه بتاعت كل حاجه وتجبهولي بعد ساعتين 
عائشة بذهول :نعممم حضرتك ساعتين بس ليه انا روبوت.. .. اسفه حضرتك على ردة فعلي بس دا ملف كبير اووي
محمد استغرب من كلام عائشه وقالها انو واثق فيه وأنها هتقدر تخلصه
عائشه : أن شاء الله …حضرتك عايز مني حاجه تاني 
محمد : لا بس عدي على نورهان وهي توريكي مكتبك
طلعت عائشة من عنده وراحت لنورهان اللي هي السكرتيرة وخدتها لمكتبها ومن الوقت دا بدأت عائشة الشغل 
نروح بقى لمحمود ونشوف هيعمل ايه 
طبعا اللي نجحو في الوظيفة كانت عائشة و واحده تانيا اسمها ميرفت 
ميرفت بشرتها بيضه في بشرتها نمش خفيف عينها عسليه محجبه وبتلبس لبس واسع
ميرفت بتخبط على مكتب محمود علشان هو طلبها 
ميرفت : حضرتك طلبتني يا بشمهندس
محمود : اه تعالي يا آنسه ميرفت واداها نفس الملف  بتاع عائشه وقالها على نفس الكلب اللي هو تشول الافراح ومساحة كل حاجه .ألخ ..اله في ساعتين
ميرفت مصدومه برضو لأن الملف كبير بس قالت تمام حضرتك هحاول 
محمود : أن شاء الله تخلصيه
ميرفت : تمام حضرتك عايز اي حاجه تانيا 
محمود : لا شكرا اتفضلي على شغلك
عائشه وهي بتشوف الملف جالها اتصال  
عائشة : قلبي اللي واحشني ..عامله ايه يا حبيبي
زين : الحمد لله يا حببتي. ..انا سمعت أن قلبي بدأ شغل 
” استوووووب علشان النية متروحش لبعيد زين دا يبقى اخو عائشة الكبير وهو مسافر برا مصر ” 
عائشة : اه يا زين اشتغلت في شركة كبيره وسمعتها كويسه جدا
زين : الحمد لله يا قلب اخوكي اجتهدي بقى في شغلك علشان تثبتيلهم أن اللي لابسه نقاب احسن من بنات تانيا كتير 
عائشة : أن شاء الله يا حبيبي …يلا اسيبك علشان مديري الرزل اداني شغل كتير جدا وطلب اني اخلصو في ساعتين
زين بضحك : هههه ربنا يعينك ياختي يلا السلام عليك
عائشة : وعليكم السلام ورحمه الله وبركاته
قفلت عائشة مع اخوها انما كانت صدمتها أن محمد واقف على الباب ???? وتقريبا سمعها وهي بتقول عليه رزل
عائشة بتهته : بشمهندس محمد ..هو .. يعني ..حضرتك هنا من بدري
محمد كتم الضحك على التوتر بتاعها وعلشان ميحرجش عائشة قال 
محمد : لا يا آنسه عائشه انا لسه جايه حالا
عائشة : اوووه الحمد لله …قصدي يعني حضرتك عايز حاجه
محمد : اه بكرا في اجتماع مع شركه تانيه علشان هنمضي عقد الملف اللي معاكي دا وانتي اللي هتقدمي المشروع أن شاء الله
عائشة : تمام حضرتك انا قربت اخلص الملف وهجيبه لحضرتك
محمد : تمام يا آنسه عائشة في انتظارك
????عند ميرفت و محمود????
ميرفت : اتفضل يا بشمهندس خلصت الملف وقعدت شرحت كل حاجه فيه …محمود اعجب بطريقة شرح ميرفت للمشروع
محمود : مشاء الله عليكي يا ميرفت حبيتك 
ميرفت بضيق : شكرا لحضرتك …بس ياريت الألقاب تفضل زي ما هي حضرتك 
محمود : تمام 
خرجت ميرفت من المكتب و محمود اتصل بمحمد 
محمود : تمام يا حب اللي عندي نجحت في الاختبار 
محمد : تمام ي محمود يلا اسيبك علشان البشمهندسه عائشة جايه 
????عند عائشة و محمد????
محمد : اتفضلي يا آنسه
عائشة…خلصتي الملف
عائشة: اه حضرتك وشرحت اللي عملته في الملف ..وبس كدا حضرتك
محمد : تمام يا قلبي شرحك عسل 
عائشه بغضب : انت ازاي تقولي كدا عيب عليك …وخرجت
واتصل بمحود 
وقال كدا هم نجحو في الاختبار وبالشكل دا نثبتهم في الشغل 
محمود : والله انت عليك حاجات بي ماشي …بس هم كدا اخدو فكره مش كويسه عننا
محمد : اه والله عندك حق اكيد نقولهم…يلا بقى يا رعاية علشان ورانا شغل 
وقفلو مع بعض وراح محمد ل عائشة وشرحلها كل حاجه وكذلك الأمر مع محمود
 “اظن كدا فهمتو الاختبار اللي اتفقو عليه ” 
وكان رد عائشة …..
عائشة : بس حضرتك عديت الخطوط اللي بينا حتى لو اختبار …بس حصل خير
محمد : انا فاهم واسف جدا 
عائشة : طب انا خلصت الشغل اللي عليا ممكن أروح يا بشمهندس
محمد : اه اكيد اتفضلي
عائشة : تمام بعد اذن حضرتك 
محمد : اه آنسه عائشة متنسيش في اجتماع بكرا 
عائشة: أن شاء الله اجي على الوقت 
ونزلت عائشة بس وهي نازل ألم رجلها زاد عليها بس كملت
 وشافتها ميرفت وراحت عندها
ميرفت : السلام عليكم ازيك يا عائشة ..انا ميرفت موظف جديده ودا أول يوم ليا كمان
عائشة : وعليكم السلام …يارب ميكنش اتعمل فيكي الاختبار اللي حصلي
ميرفت : لو والله يا اوختشي اتعمل فيا بس انا مسكتش ????
عائشة : ايوا بقى 
ميرفت : هو انتي منين يا عائشة
عائشة : من …. وانتي
ميرفت :. اوباااا بجد نفس المنطقة
عائشة : بجد طيب يلا نروح ما بعض 
ومشيو وهم الاثنين وطبعا فرحت عائشة متتوصفش لأنها صاحبت ميرفت وكمان هيروحو ويجو مع بعض كل يوم 
????في بيت محمد و محمود ????
محمود : والله فكرتك كانت هتودينا في داهيه يا ابن المجنونة
محمد : اهم حاجه النتيجة يا ظريف …اي نعم اتحرجنا شويه بس اشطاا عادي
محمود : شويه .. ياخي دا انا كنت في نص هدومي وهي بترد عليا ????
لمياء جدة محمد : ايه يا حبايبي صوتكم عالي يعني
محمد و محمود في صوت واحد : لوماااا العسل وحشتينا ..وحضنوها
“عادي يا جماعه بيدلعو جدتهم”
لمياء : اي كلو بعقلي حلاوة ومش هتقولو الموضوع 
محمد : واحنا نقدر يا جميل انت.. انا مخبيش على قلبي حاجه
محمود : طيب انا مليش في الرومانسية دا ..اخلع انا بأي يا بيبي
محمد : شايفه الواد يا لوما بيقولي اي
لوما : هههه ربنا يحفظكم لبعض
????نروح بقى ل عائشة???? 
بحب انا قعدة العيله دي 
عائشة كانت وصلت وغيرت هدومها وكلت وقاعده مع اهلها
احمد والد عائشه : احكيلنا بقى عملتي ايه في الشغل
خديجه : اه قولي قولي عايزه اعرف يلا يلا احكي يلا
عائشة : طيب سيبي المايك شويه علشان اتكلم 
احم ..احم المايك شغال 1 2 3 اه شغال  طبعا يا سيادة المستمعين الكرام اليوم حدث تاريخي طبعا لاني اشتغلت مشاء الله عليا اللهم لا حسد يعني 
اول ما رحت كنت متأخر شويه فا وانا طالعه السلم اتكعبلت وقلت اااااه يا رجلي وقمت تاني طلعت طبعا قابلني سيادة المدير الرزل واداني ملف ملياان ورق وقال ايه خلصيه في ساعتين
احمد : وانتي عملتي ايه سكتي طبعا 
عائشة : انت تعرف عني كدا برضو يا حج بابا انا مبقاش اش اش احمد لو ما اتكلمتش
خديجه : اوعي تكوني غلطي و مشوكي من الشغل
عائشة : لا لا مش للدرجه انا بس قلتله ..نعممم في ساعتين ليه انا روبوت حضرتك وبس كدا
هروح انام علشان اصحى بدري مين عايز المايك
خديجه : اه انا انا ..غوري يا بت فصلتيني روحي نامي 
عائشة : شايف يا بابا بتقول ايه ..بس على العموم انا مش هرد انا احسن من كدا
احمد : ههه يلا يا بت منك ليها على النوم علشان تصحو بدري ..تصبحو على خير
خديجه و عائشة : وانت بخير يا احلى حجوج
ونام البيت كلو بي اللي مكنش متوقع اللي هيحصل بكرا عائشة …..
يتبع…..
لقراءة الفصل الثالث : اضغط هنا
لقراءة باقي فصول الرواية : اضغط هنا
نرشح لك أيضاً رواية غرام الوتين للكاتبة سمسم

اترك رد