رواية معذبتي الحلقة الأولى 1 بقلم سهيلة سعيد

( شابين قاعدين ف نادي ، جوة البسين 2 ستات وولد وبنتين معاهم )

علي : مقلتليش صحيح عملت ايه ف التحاليل .. ودتهم للدكتور ؟

خالد : اه ودتهم ????

علي : وقالك اية ؟

خالد : مش هينفع نخلف غير ب حقن مجهري

علي : لا بجد ؟!!

خالد : والله .. كذة دكتور يقولنا كدة ????????‍♂️

علي : طب الحمدلله يعني ينفع الحقن بردوا ????

خالد : ايوة اه بس موضوع الحقن دة لسة طالع جديد وغالي اوى وانت عارف صاحبك ع الحديدة ????

علي : ي عم سيبها ع الله بس لما تنوي يحلها ربنا ????

خالد : ونعمة بالله

( يقربوا الستات والولاد )

منال : الماية حلوة اوي ????

هبة : مش هتنزلوا ولا ايه ؟

علي : نتغدى بس الاول

*( نوقف لحظة .. علي شاب غني ، هبة تبقا مراته وعنده ولد وبنتين مالك وحياة وحبيبة ، مالك عنده 9 سنين وحياة 3 سنين وحبيبة 4 سنين … خالد شاب ع اد حاله ، ظروفه بسيطة ومنال تبقا مراته ومعندوش اطفال وهو وعلي صحاب جدا .. نرجع تاني )*

( يطلبوا الاكل ويقعدوا ياكلوا ، ييجي الليل ، خالد ف بيته قاعد مع مراته )

منال : يعني قلت قدامه ومعزمش عليك ب الفلوس ؟؟

خالد : قالي سيبها ع الله ????????‍♂️

منال : ماشي ونعمة بالله بس دة طلع واطي اوى .. دة ع قلبه اد كدة فلوس ازاي ميدكش لو حتى عزومة ????

خالد : هو علي طول عمره حريص ع القرش ومبيطلعهوش ب الساهل ابداً ☝

منال : ي ساتر ع دي ناس .. انا هتكلم قدام هبة يمكن تقوله ????????‍♀

خالد : ولا تتكلمي ولا غيره احنا مش هندلل ولا هنشحت منهم خلصنا ✋

منال ب انفعال : خلصنا ايه ي خالد .. يعني مش هنخلف ????

خالد ب عصبية : قفلي ع الموضوع دة بقا ي منال ع المسا ????

( يقوم خالد يدخل اوضته ، ف بيت علي )

علي : اكيد طبعاً هساعده ف الموضوع انا مستني بس الاول يقرر هيعمله امتى

هبة : ايوة والنبي ي علي انت عارف ظروف خالد وحشة وكمان منال زنانة اوي ومبتسكتش ????

علي : عارف والله ومش هسيبه متقلقيش

( تعدي الايام ، علي ومراته وولاده ف مطعم بيتعشوا ومبسوطين وعمالين يهزروا ويضحكوا ، يخلصوا ويطلعوا يركبوا العربية ، علي سايق وجنبه هبة والولاد قاعدين ورا )

مالك ب زعيق : بطلي بقا ي بابااااا ????

علي : ايه في ايه ؟!!

مالك : خلي حياة تبطل عمالة تزق فيا كل شوية وبتفتح باب العربية ع فكرة ????

علي : لاااا ﻷ كدة ازعل منك ي يويو غلط كدة ي حببتي ل تقعي ☝

حياة : حاضر ☺

( بعد دقيقة بالظبط تقوم حياة تقعد ع رجل مالك )

مالك : ايييييه بقااا ????

هبة ب عصبية : وبعدين ي مالك بطل زعيق الله ????

حياة : ههههه ????

مالك : مش شيفاها بتعمل ايه ؟؟

هبة : حياة اقعدي مكانك بدل م هزعل منك ⁦☝⁩

حياة : حاضر ????

( تقعد حياة ، وفجأة تفتح باب العربية يتفتح ع الاخر من سرعة العربية والهوا ، يتخض الكل )

علي ب خضة : حياااااة ????

( يبصلها علي ومياخدش باله م السواقة يلاقي عربيات قدامه يفرمل بسرعة تقع حياة م العربية ع الطريق والعربيات تدوسها ويمسك مالك وحبيبة ف العربية ويصرخوا ، تخبطهم عربية من ورا من قوة الخبطة تتحدف هبة م الازاز وتتخبط دماغ علي ف الشباك وتتقلب العربية ويولع جزء منها ، يجروا الناس لانه طريق يطلعوا مالك وحبيبة والنار ماسكة ف مالك يطفوه بسرعة ويحاولوا يخرجوا علي ميعرفوش لان العربية متدمرة من قدام ، توصل الاسعاف وتاخد الكل ع المستشفى ، علي وحبيبة و مالك ف العناية وحياة وهبة ماتوا ، يوصل خالد ومنال المستشفى ، يدخل خالد ل علي ومنال عند الولاد )

خالد : حمدلله ع السلامة ????

( علي متدمر ومحروق وبيموت ، يشيل النفس من ع بؤه )

خالد : لا غلط كدة !!!

علي ب صوت مقطع : انا .. بموت ي خالد .. بنتي ومراتي .. ماتوا .. مالك .. وحبيبة .. ملهمش غيرك .. انا .. انا .. انا اصلاً.. كنت كاتب انك .. واصي ع ولادي .. لو جرالي حاجة .. خلي بالك منهم .. انا مكانش ليا غيرك .. وهما دلوقتى .. ملهمش غيرك .. دول امانة .. امانة ف رقبتك ي خالد ????

خالد : اهدى بس ومتقولش كدة بكرة تقوملهم ب السلامة ان شاء الله ????

( تدخل منال مسندة مالك ، بطنه ملفوفة ودماغه )

خالد : ايه الي جابه هنا دة !!!

منال : مصمم يشوف بباه ????

( يدخل مالك يقرب ع بباه يمسك ايده ودموعه عمالة تنزل )

علي : بس متعيطش .. مافيش راجل .. يعيط .. متخافش .. عمك خالد .. هياخد باله منك .. متقلقش .. انتوا امانة .. ف رقبته .. لازم .. لازم تسمع كلامه .. انت خلي بالك من اختك .. دي الي بقيالك .. حطها ف عنيك .. اوعى تزعلها .. اوعي تضايقها .. متخليش حد .. يضايقها .. خد بالك منها ي مالك ????

مالك : حاضر ????

علي : انت الراجل دلوقتي .. انت .. ااه ………

( يسكت علي ، يتخضوا )

مالك : بابا .. باباااا ????

خالد : نادي اي دكتور بسرعة ????

( تجري منال ع برة )

مالك : بابا رد عليا والنبي ????

( يدخلوا الدكاترة يطلعوهم برة ، بعد شوية يطلعوا )

الدكتور : البقاء لله ????

خالد : مات ????

مالك ب صريخ : بابااااا

( يجري مالك ع جوة ميلحقوش يمسكوه ، يترمي ع الارض ويمسك ايده بباه )

مالك ب عياط : باباااا .. متسبنيش والنبي .. قوم ي بابا .. قوم والنبي متسبنيش .. متسبنيش لوحدي انا خايف ????????

( يدخل خالد يشده منه )

مالك : والنبي ي عمو خالد والنبي صحيييه ????

( ياخده ف حضنه ، يعدي الوقت ، يتعمل العزا وتعدي الايام ، خالد ومنال والولاد قاعدين ف ڤيلا علي )

خالد : اهو كنا عاملين حساب الخلفة جالنا عيلين ع الجاهز ????????‍♂️

منال : نعم .. عيلين ايه ؟؟

خالد : مالك وحبيبة

منال : لا بقولك ايه انا عاوزة اخلف ويبقا ليا عيل من لحمي ودمي انا يخويا ✋

خالد : مش اتكلمنا ف الموضوع دة قبل كدة وقفلناه ????

منال : كان زمان الكلام دة ي حبيبي لكن دلوقتى انت ف ايدك ملايين

خالد : دي فلوس ولاد علي مش فلوسي انا ????

منال : بس انت الي واصي عليهم دلوقتى .. عايش ف بيته وماسك شغله وبتربيله عياله كمان .. يبقا نفكر ف حياتنا بقا مش هيحصل حاجة يعني لما يتاخد من فلوسه دي كام الف نعمل بيهم العملية ????

( يسكت خالد )

منال : فكر فينا بقا شوية وبعدين بكرة الفلوس دي تذيد وتكبر م انت الي بتشغلها دلوقتي .. قلت ايه ؟؟

خالد : سبيني اقلبها ف دماغي طيب

منال : انت لسة هتقلبها الوقت بيعدي واحنا بنكبر ي خالد مبنصغرش ي حبيبي ????

خالد : طيب .. ماشي ????

منال : ربنا يخليك ليا ي رب ☺

( تحضنه )

منال : العيال الي فوق دول بقا تاخدهم كدة توديهم اي ملجئ

خالد : ملجئ !!!!

منال : ايوة ملجئ

خالد : ملجئ ايه انتي جرا ل مخك حاجة ي ست انتي ????

منال : م انا لما اعمل العملية دى هبقا حامل كدة ان شاء الله ومش حمل بقا تربية عيال هاخد بالي منهم ولا م الي ف بطني ????????‍♀

خالد : ي ستي ملكيش دعوة بيهم انا هتصرف

منال : لا مش هيقعدوا هنا كلها كام سنة والولا يشد حيله ويكبر ازاي اقعد انا وهو ف بيت واحد يعنى انت مش خايف عليا ولا ايه ????

خالد : انتى هبلة ي ست انتي دة عيل ????

منال : بقول لما يكبر ????

خالد : انتى عارفة ان علي مربي ولاده احسن تربية

منال : الكلام دة لما كان عايشلهم ي حبيبي لكن احنا دلوقتى مش هنعرف ناخد بالنا منهم فهمت .. وكمان افرض بقا خلفت بنت يقعد يبصبصلها ولا تحصل مصيبة واحنا مش حاسين كمان .. م هما ف بيت واحد بقا ????

خالد : يخربيت زنك ???? يعني انتى عاوزة ايه دلوقتى ؟؟

منال : تاخدهم توديهم اي ملجئ لحد م يتموا السن القانوني ساعتها بقا تروح تديهم فلوسهم وحقهم وخلصنا كدة ????

خالد : طيب سبيني افكر ف الموضوع دة الاول

منال : مش محتاجة تفكير خلينا نفضى ل نفسينا بقا ????

خالد : طيب ????

( ف اوضة مالك وحبيبة ، حبيبة بتلعب ومالك قاعد ف الارض جنبها ، ماسك صورة ليه هو وعيلته ، تنزل دموعه ، يمسحها ، يدخل خالد )

خالد : لسة صاحيبن ؟

( يشاوروله ب اه )

خالد : طب يلا قوموا البسوا

مالك : ليه ؟

خالد : هوديكوا مكان هتحبوه وفيه ولاد كتير تلعبوا معاهم بدل م انتوا زهقانين هنا

مالك : بس احنا مش عاوزين نمشي ????

خالد : لو معجبكوش المكان هرجعكوا تاني .. يلا خلصوا هستناكم تحت