روايات

رواية ماسة في يد القاسي الفصل الثالث عشر 13 بقلم ملك رامز

رواية ماسة في يد القاسي الفصل الثالث عشر 13 بقلم ملك رامز

رواية ماسة في يد القاسي البارت الثالث عشر

رواية ماسة في يد القاسي الجزء الثالث عشر

ماسة في يد القاسي
ماسة في يد القاسي

رواية ماسة في يد القاسي الحلقة الثالثة عشر

التفتت عشق بصدمة لتجد رعدها ينظر لها بلمعة اشتياق لترتسم ملامح الحزن على وجهها وتعود مرة اخرى تجلس على المقعد معطية اياه ظهرها
تقدم رعد وجلس على المقعد الذي امامها
رعد : حبيبي زعلان مني ليه
بقيت عشق صامتة ولم تجيبه
رعد بإبتسامة : عشقي
عشق بزعل : انا مش عشق حد
رعد : لاء انتي عشقي وعشقي انا بس
نظرت له بطفولة ثم اعادت نظرها للكتاب
رعد : انا عارف انو اهملتك الفترة دي بس واللهي مهو بإرادتي كنت مشغول اوي بعدين انتي عارفة مكانتك بقلبي واني لا يمكن اقدر على زعلك طب تصدقي انو انا كنت اشوفك على طول
عشق بإستغراب : ازاي
اخرج رعد هاتفه وفتحه لها لتجد صورة لها وهي تضحك بطفولة وتخرج لسانها موضوعة خلفية لهاتفه
رعد : واللهي كنت كل شوية افتح الموبايل بس علشان اشوف ضحكتك الي بتوحشني على طول يا عشقي واول مخلصت من الي ورايا جيت هنا على طول من غير مفكر اصلاً انا بقيت مهووس بيكي
نظرت عشق له بدموع لترتمي بين احضانه بقوة
عشق : رعدي انا بحبك اوي
رعد وهو يدفن وجهه بشعرها : واللهي انا مش بس بحبك انا بعشقك
ابتعدت عشق بخجل وعادت مرة اخرى لمقعدها
اقترب رعد منها وامسك يدها وجعلها تستقيم ليحملها من خسرها ويدور بها : وبيلموني على حبي ليكي يا ناااااس واللهي العظيم بحبهااااا

 

 

تعالت ضحكات عشق الطفولية وهي تتمسك به جيداً
عشق بضحك : رعد يا مجنون نزلني
رعد وهو ينزلها : انا مجنون بيكي
عشق بإبتسامة خجولة : ربنا يخليك ليا يا رعدي
رعد : ويخليكي ليا يا حبيبة رعدك
عشق : هوا ابيه كنان مجاش ليه النهاردة
رعد : احم كنان وراه شغل كتير وهيروح متأخر
عشق : اها وانتَ اكيد مروح من الشغل تعبان خلاص روح يا حبيبي وانا هروح انام
رعد بإبتسامة :اه واللهي تعبان اوي بس شوفتك ريحتني بجد خلاص اشوفك على خير يا قلبي
ابتسمت عشق له ورفعت يدها مودعة اياه ليرسل رعد لها قبلة في الهواء ويذهب خارج القصر لتصعد عشق لغرفتها وترتمي على سريرها والابتسامة ترتسم على محياها من جديد تدعو الله ان يحفظه لها ويحميه من كل شر
…….***…….
صباح يوم جديد في مشفى الحديدي
فتحت ماسة عيناها ببطئ حاولت رفع يدها فلم تستطع نظرت بجوارها لتجد كنان متمسك بيدها بقوة ويضع رأسه عليها كان شكله جذاب جداً بشعره الذي يتساقط على وجهه بعفوية رفعت يدها الاخرى ووضعتها على وجهه تعيد شعره للخلف
فتح كنان عيناه عندما احس بتلك اليد الناعمة على وجهه لترتسم ابتسامة جميلة على محياه
انتفضت ماسة بقوة ورفعت يدها بسرعة عندما رفع رأسه
كنان بإبتسامة : صباح الخير يا قلبي
ماسة : صباح النور
امسك كنان يدها وقبلها بحنية : في حاجة بتوجعك يا حبيبتي
ماسة بهدوء : لاء مفيش
قطع حديثهم صوت طرقات الباب ليأذن كنان له بالدخول بعد ان عدل الحجاب الموجود على رأس ماسة
الطبيب بإبتسامة : صباح الخير
ماسة وكنان : صباح النور
الطبيب : ازيك النهاردة يا مدام
ماسة : احسن الحمدلله

 

 

الطبيب : تمام انا هعملك شوية فحوصات علشان نعرف اذا تقدري تخرجي النهاردة او لاء
اومأت ماسة له ليبدأ الطبيب بعمل الفحوصات ليردف بعد قليل : لاء الحمدلله صحتك كويسة وتقدري تحركي ضهرك عادي بس لازم تفضلي مريحة ضهرك لمدة ساعتين تلاتة دلوقتي عشان نضمن سلامتك واهم حاجة مينفعش تحملي حاجة تقيلة او تتعبي نفسك عشان هيعود بأضرار على حضرتك ولازم حد يغيرلك على الجرح كل يوم
كنان بإبتسامة : انشاءالله يا دكتور
ابتسم الطبيب لهم ثم تركهم وخرج للخارج
ليطرق الباب مرة اخرى فأذن كنان له بالدخول ليدلف فهد للداخل
كنان : فهد
فهد : انا اسف علشان جيت من غير معاد ومن غيرك ما اعطيك علم بس كنت عاوز اطمن على ماسة. ليوجه نظره لماسة : الف سلامة عليكي يا ماسة
نظرت ماسة له بإستغراب : الله يسلمك
تنهد كنان بقوة : ماسة
ماسة : في ايه
كنان : احمد اتوفى امبارح وفهد ده يبقى ابنه
هوا كويس ومش ماخد طباع احمد نهائي
ماسة بصدمة : اتوفى
اومئ كنان لها لتتساقط الدموع من عينيها : ربنا يرحمه حتى لو مكانش ابونا واذانا كتير بس انا كنت بعتبرو اب ليا ومفكرتش ولا حتى ثانية اني اكرهوا . رفعت عيناها لتنظر لفهد التي تجمعت الدموع في عيناه : ربنا يصبرك يا فهد
تنفس فهد نفس عميق ليردف : انشاءالله انا بس كنت عاوز اتحمد ليكي بالسلامة واقولك انو انا اخوكي انتي ولجين . ليمد لها بطاقة تحمل جميع ارقامه يعني اما تحتاجي حد اول حد يخطرلك انا تمام
ماسة بإبتسامة وهي تلتقط منه البطاقة : حاضر خلاص انا بقى ليا اخ اسمه فهد كل ما احتاج حاجة هتصل بيه هوا
بادلها فهد الابتسامة : الف سلامة عليكي مرة تانية
ماسة : الله يسلمك يا ابيه
كنان بمزاح : انا كده اغير كلام كتير معاها ميحصلش مفهوم
فهد بضحك : ههههه مفهوم يفندم . صحيح وانا جاي كان الدكتور خارج من عندكوا اكيد كان بيفحصك انشالله خير
كنان : هيا كويسة الحمدلله وحكالنا تقدر تخرج النهاردة بس لازم تريح ضهرها لمدة ساعتين تلاتة وافضل اغيرلها ع الجرح
فهد بإبتسامة : الحمدلله يبقى اطمن وأنا خارج هروح الشركة محتجاني بقالي فترة سايبها ومش بهتملها خالص
كنان : ربنا معاك
رفع فهد يده مودعاً اياهم ليخرج بعدها مغلقاً الباب خلفه اعاد كنان نظره لماسة لتلتقي عيناه بعيناها لتبدأ ماسة باللعب بيدها بجمود
كنان : ماسة انتي لسا واخدة على خاطرك مني

 

 

بقيت صامتة ولم تجيب
كنان : انا بوعدك يا ماستي هخلي حياتك كلها فرح ومش هخلي الحزن يقرب منك من دلوقتي
هنعيش حياة محدش حلم بيها
ماسة بسخرية : ومين المجنون الي قالك هكمل حياتي معاك مش كنت واخدني انتقام علشان احمد ببايا اهو احمد مات وطلع مش ببايا يعني انت كنت ظالمني تطلقني وتسبني اكمل حياتي لوحدي وكتر خيرك وانا هنسى اني اعرفت واحد اسمه كنان وحبيتو
كنان بعصبية : الكلام ده مسمعهوش منك تاني انتي هتفضلي معايا وليا ومفيش اعتراض انا بعترف اني اغلطت بمعاملتي ليكي بس مفيش انسان معصوم عن الغلط وانتي مش هتنسي حد اسمه كنان لأنو انا كمان بحبك ومش مستعد استغني عنك مفهوم يا ماسة
هزت ماسة رأسها دليل الرفض : مقدرش يا كنان مقدرش كل ما ابص ليك بفتكر كل الي عملتوا بيا كل كلمة قتلتني بيها كل لحظة ذلتني بيها مقدرش اكمل معاك
كنان بإعتراض والدموع تتجمع في عيناه : ماسة ارجوكي متقوليش كدة انا هنسيكي كل الي حصل وكل الذكريات دي هتتغير وهتبقى حاجة تانية خالص انا بوعدك يا ماستي انتي بقيتي كل حاجة ليا واللهي العظيم انا حبيتك من اول يوم شفتك بيه بس كنت غبي لما كملت انتقامي ومهتمتش لقلبي الي كان بينبض بإسمك وعزة جلالة ربنا قلبي كان بيوجعني كل ما اقول كلمة تجرحك وتكسر قلبك ماستي سامحيني ارجوكي
رفعت ماسة يدها ومسحت دموعه : انشاءالله يا كنان انشاءالله
كنان بفرحة : يعني هتعطيني فرصة
قطع حديثهم رنين هاتف كنان ليجد المتصل ليل فيجيب
كنان : ايوة يا ليل في حاجة
ليل بمزاح : نفسي مرة بس تتكلم معايا وكأني صاحبك مش واحد بيجبلك الاخبار
كنان بضحك : انجز ياض في ايه
ليل : لجين عاوزة تكلم ماسة
كنان : تمام هديها الموبايل . ليرفع الهاتف عن اذنه ويمده لماسة
ماسة : في ايه
كنان : لجين عاوزة تكلمك
التقطت ماسة الهاتف بلهفة لتردف : لجين حبيبتي
لجين بعد ان اخذت الهاتف من ليل : ايوة يا حبيبتي ازيك
ماسة : انا كويسة الحمدلله
لجين : كنت قلقانة عليكي معرفش ليه
ماسة بإبتسامة : متقلقيش يا حبيبتي
لجين : انا هآجي ازورك انشاءالله المرة الفاتت ملحقتش اشوفك واقعد معاكي
ماسة بهدوء : انشاءالله هنشوف بعض قريب خدي بالك من نفسك يا لجين
لجين : حاضر يا حبيبتي وانتي كمان خدي بالك من نفسك
ماسة : انشاءالله يلا يا حبيبتي انا هسكر عاوزة حاجة
لجين : لا يقلبي ربنا معاكي
ماسة بإبتسامة : سلام
لجين : سلام يحبيبتي

 

 

 

اغلقت ماسة المكالمة واعطت الهاتف لكنان
ليلتقطه كنان منها بإبتسامة
ماسة : انا عاوزة هدوم عشان اقدر اروح بيهم
كنان وهو يقف : حاضر يا حبيبتي انا هبعت حد يشتريلك هدوم دلوقتي
ماسة : لا لا مش عايزاه يشتريلي انا عوزاك تحبلي من البيت
كنان بإستغراب : ليه بس
ماسة : كدة في كتير لسا ملبستهمش وانا مبرتحش لذوق حد
كنان بإبتسامة : حاضر يا حبيبتي انا هروح البيت اجبلك الهدوم وارجع على طول
اومأت ماسة له ليخرج كنان للخارج ويشير لأحد حرسه
الحارس : اوامر يا باشا
كنان : توقف هنا ع الباب ومش عايز حد يدخل غير الممرضة والدكتور اذا كان في حاجة ضرورية مفهوم
الحارس : مفهوم يا باشا
وضع كنان النظارة على وجهه وتوجه لسيارته منطلقاً للشقة التي كانت ماسة تجلس بها
…….***…….
في منطقة فارغة في وسط الصحراء كان يجلس على المقعد وينفث الدخان بحقد : واخيراً هعمل الي كنت مستنيه من زمان وعزة جلالة ربنا لربيك واخليك تندم على الي عملتوا بيا . لينظر للشخص الذي يجلس امامه : هوريك قريب اوي انو محدش يقدر ليا
الشخص بإبتسامة : اكيد يا صاحبي ده انت الاساس بس مقولتليش هتعمل ايه
مجهول : هعمل الي بحياتو متمنى انو يشوفوا بيوم
الشخص بتشويق : ايه ده انا بقيت متشوق اوي اعرف عاوز تعمل ايه اصلِ محدش يقدر يوقف قصادك
ارتسمت على محياه ابتسامة تحمل خلفها حقد كبير وتوعد لذلك الشخص
…….***…….
تقدمت الممرضة اية من غرفة ماسة ليوقفها الحارس : عاوزة ايه
اية : هوصل الاكل للهانم
اومئ الحارس لها لتدلف اية للداخل والابتسامة ترتسم على محياها : ازيك يا ماسة
ماسة بحزن : تعبانة من حياتي كلها
جلست اية بجوارها لتردف بإستغراب : ليه انا الي شفتوا من كنان باشا خوف وقلق كبير عليكي اول مجيتي المستشفى وكنتي متصابة

 

 

ماسة ببكاء : انا تعبت واللهي العظيم تعبت اتخيلي كنان كان موهمني انو بيحبني وانو هيعيشني احسن عيشة ومن الكلام ده وليلة الفرح يفاجئني انو واخدني علشان عاوز ينتقم من ابويا ومن وقتها حياتي بقت ذل وكل يوم يضرب بيا ويسمعني كلام محدش يقدر يستحملوا انا تعبت هه لا وبالاخير طلع الي كنت فكراه ابويا مش ابويا جوز امي شايفة الدنيا بتلف بيا ازاي بعد معرف انو مش ابويا اعترف انو بيحبني وبقى عاوز يعيش معايا ومش بيقدر يعيش من غيري بس انا مش قادرة كل ما اشوفوا بفتكر كل الي عملوا بيا اساساً انا حياتي ملهاش لازمة كان كل خوفي على اختي لجين ودلوقتي بقت عاايشة حياتها مع جوزها ومبسوطة معاه وده الي كان بيهمني . لتكمل بشهقة كنان انا مش قادرة اسامحه واللهي العظيم مش قادرة ارجع معاه واعيش طبيعي وانسى كل الي حصل زمان انا عاوزة اهرب في مكان محدش يعرفني بيه خلاص عاوزة ابدأ حياتي من جديد
كانت الدموع تسيل على وجه اية وهي تستمع لها ولألمها اقتربت منها واحتضنتها بقوة : ياااه ده انتي شفتي بحياتك كتير
بادلتها ماسة الحضن وهي تبكي بقوة
لتردف اية فجأة : ماسة انا هساعدك
ابتعدت ماسة عنها لتردف بشهقة : ازاي
اية : انا متجوزة وجوزي طيب مفش زيو وبيحبني اوي ومبيرفضليش اي طلب هاخدك تقعدي معانا قد ما انتي عاوزة حتى لو على طول انتي من النهاردة بقيتي اختي وتحت مسؤليتي
ماسة : لاء انا مش هقدر اتقل عليكوا اساساً انتي متعرفنيش كتير ايه الي يضمنك اني صادقة
اية بإبتسامة : الصادق بيبان من لمعة عنيه وانا مصدقة كل كلمة قولتيها وهاخدك معايا ومش عايزة رفض
نظرت ماسة لها بإبتسامة لتميئ برأسها علامة القبول : ازاي هتخرجيني وفي حرس برا وغير كدة انا مش عاوزة اذيكي او اعرضك لأي حاجة وغير كدة انتي ممكن تخسري شغلك
اية : انا مش هخسر شغل ولا حاجة وهما مش هيعرفوا انك معايا
ماسة : بس ازاي اكيد الملف بتاعك فيه عنوان بيتك
اية : هوا فيه عنوان بيتي بس القديم انا وجوزي نقلنا في بيت تاني قبل يومين ومحدش هنا يعرف هوا فين
احتضنتها ماسة بقوة : انا مش هنسالك المعروف ده
اية : طب هنبدأ بالخطة دلوقتي انا هخرج ومفيش حاجة علشان ميشكوش بيا اول ما اخرج انتي تقربي من الباب وتصرخي يالي برا تعالي او حاجة زي كدة وهوا هيقلق وهيدخل على طول بس هتصرخي بصوت الحارس الي برا بس هوا الي يسمعو واما يدخل هدخل وراه على طول واعطيه ابرة منوم لفترة قصيرة بحيث يغمى عليه بس مش هنأذيه وهجبلك هدوم ممرضة تخرجي بيهم وتباني انك ممرضة زيهم وانا هخرج قبلك لوحدي واستأذن المدير انو امي تعبانة وعوزاني ومفيش حد عندها وتكوني انتي واقفة على المستشفى من برا بتستني بيا تمام
ماسة بإبتسامة : ايه الدماغ الخطير ده
اية بضحك : علشان تعرفي انا مفيش مني اتنين
ماسة بإبتسامة : فعلاً مفيش منك اتنين ما افتكرش انو لو حد تاني مكانك كان هيساعدني انا متشكرة جداً
اية وهي تذهب لدرج وتخرج منه ملابس ممرضة وتمدهم لماسة : مش وقت شكر قومي بسرعة غيري هدومك
التقطتهم ماسة وذهبت لحمام الغرفة لتخرج بعد قليل بعد ان ابدلت ملابسها
اية بحماس : تمام يلا نبدأ

 

 

ذهبت اية وامسكت ابرة وبدأت وضع الدواء بها ثم اخبئتها بين ملابسها وخرجت للخارج مغلقة الباب خلفها لتذهب ماسة امام باب الغرفة لتصرخ : يالهوي الحقوني الحقوني
استمع الحارس لصوت الصراخ ليفتح الباب ويدلف للداخل بسرعة فيتلقى تلك الابرة في عنقه جعلته يرتمي ارضاً لتقترب منه ماسة واية ويبدأو بإزاحته للداخل حتى نجحوا
اية : يلا بسرعة انا هروح اطلب الاذن وانتي اخرجي ورايا على طول ووقفي سيارة مسافة مجيلك
اومأت ماسة لها لتخرج اية متوجهة لغرفة المدير وتخرج خلفها ماسة وهي تنظر ارضاً كي لا يتعرف عليها احد خرجت ماسة من المشفى لتوقف احد السيارات وتركب بداخلها بسرعة
السائق : على فين يا مدام
ماسة : استنى شوية بس صاحبتي هتيجي دلوقتي
اومئ السائق لها لتمر خمس دقائق دون ان تخرج اية لتردف ماسة بقلق : معقول المدير يكون موافقش
اية بإبتسامة وهي تفتح الباب وتدلف للداخل : لاء وافق جتو الاقرف بس بعد مية ترجاية
انتفضت ماسة : يابت خضتيني
اخرجت اية لسانها لها بطفولة لتضربها ماسة بخفة : بس يا كلبة البحر
السائق بتأفف : ماتيلا يا بت انتي وهيا ايه هنكملها حواديت عاوزين تروحوا فين
اية بقرف : في ايه يا عم الحاج هعطيك العنوان اهو
السائق وهو يعدل قميصه : حج ايه يختي واضح انك مبتشوفيش انا لسا شب صغير وكل البنات تترمي تحت رجليا
كتمت ماسة ضحكتها لتردف اية بقرف : ماشي يا شب يا صغير ممكن تاخدنا على ****
ابتسم السائق بغرور : اكيد يا انسة
اية : مدام يا اخويا مدام
السائق وهو يحرك السيارة بسرعة : يالهوي المدام انا تأخرت عليها ومجبتش اللحمة اااه يادي يا انا النهاردة هتنام ع الارض يا محسن
تعالت ضحكات الفتيات على هذا السائق ليعم الصمت بعد قليل في السيارة وتسرح ماسة في عالمها الحزين بينما اخرجت اية هاتفها وارسلت رسالة لزوجها تنص كل ما حدث مع ماسة ليجيبها زوجها بعد ثواني : تنورنا يا حبيبتي وهيا بقت اختي انا كمان
ابتسمت اية براحة لتلفت وتنظر لماسة لتجد الدموع تتجمع في عيناه وضعت يدها على يد ماسة لتلتفت ماسة لها
اية : خلاص يا حبيبتي انسي بقى
اومأت ماسة لها : انشاءالله يا اية
توقفت السيارة بعد فترة امام بيت جميل متواضع لتنزل الاثنتان بعد ان دفعوا الاجرة
ويتوجهوا امام البيت واية تسند ماسة في السير بدأت اية تطرق الباب ليفتح بعد ثواني شاب جميل
الشاب : اهلين يا حبيبتي
اية بإبتسامة : اهلين يا جو

 

 

التفت جو لماسة لترتسم ابتسامة على محياه : انا يوسف وبينادوني جو
ماسة : اتشرفت يا يوسف انا ماسة
يوسف : يلا على جوا عملتلكوا اكلة هتاكلوا صوابعكوا وراها
اية بحماس : الله الله ده جوزي بدأ يخرج مواهبوا مش كان جيتي من زمان يا ماسة
يوسف بصدمة : هوا انا مكنتش بهتم بيكي
اية بضحك : لاء يا جو انا بهزر
خرجت ضحكة خافتة من ماسة على مزاحهم
جو : يلا ع الاكل
ماسة : لا انا مش قادرة اكل حاجة انا تعبانة وعايزة استريح
اية : بس مينفعش يا ماسة انتي لازم تاكلي كويس
ماسة بحزن : متفرقش يا اية واللهي متفرق ع العموم انا متشكرة جداً على وقفتكم جمبي معروفكم ده مش هنساه طول حياتي
جو : ماسة انتي بقيتي اختنا وجزء من عيلتنا فاهمة يعني مفيش بينا شكر
ابتسم ماسة له لتردف : ممكن تقولولي اروح ارتاح فين
جو : مصرة مش عاوزة تاكلي
ماسة : لا انا بجد تعبانة ومش جعانة اما اجوع هخرج اكل لوحدي مش ده بقى بيتي
اية : اكيد يا حبيبتي خلاص تعالي هوديكي غرفتك
اومأت ماسة لها لتقترب اية منها وتسندها ويتوجهوا للغرفة التي خصصتها لها لتدلف ماسة للداخل وتخرج اية تاركة اياها على راحتها لتتمدد ماسة بخفة وتغمض عيناها وتبدأ الدموع تأخذ مجراها
…….***…….

 

 

في مستشفى الحديدي دلف كنان للداخل والابتسامة ترتسم على محياه اخذ وعد على نفسه ان يجعلها سعيدة طوال حياتها لتتجمد اقدامه بصدمة من منظر الحارس الملقى على الارض والسرير الفارغ من ماسة ليصرخ : مااااسة
بدأ الحارس يتحرك ببطئ ليفتح عيناه ويجد كنان امامه ليقف بسرعة : في ايه يا باشا
كنان بغضب وعيناه بلون الدماء : ماسة فين
الحارس بخوف : والله يا فندم معرف سمعت صراخ جوا وجيت بسرعة اشوف في ايه وفجأة اغمى عليا معرفش ايه الي حصل ومين الي عمل كدة
كنان بصراخ وهو يلكمه بقوة : هوا انا حاطك هنا ليه يا حيوان ليه انطق
الحارس بخوف : واللهي يا فندم ما تحركت من هنا ارجوك سامحني
كنان بصوت جهوري : اختفي من قدامك علشان لو فضلت هقتلك يا حيوان غوور
هرول الحارس من امامه
ليجلس كنان على الارض وهو يبكي ويضع يداه على وجهه : لييه يا مااسة لييه مش وعدتك هنسيكي كل حاجة ليه سبتيني
رحتي فين يا ماسة رحتي فين ارجعي ارجوكي حياتي من غيرك ملهاش طعم انا محتاجكك اوي ارجعي ياروح قلبي . ليقف والدموع في عيناه هجيبك يا ماسة هجيبك لو من تحت الارض هترجعي ليا وده وعد مني

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية ماسة في يد القاسي)

اترك رد