رواية توبة الفصل الأول 1 بقلم آيات إنصير

رواية توبة الفصل الأول 1 بقلم آيات إنصير

رواية توبة البارت الأول

رواية توبة الجزء الأول

رواية توبة الحلقة الأولى

حياة:ماتزعلش يا حبيبي بابا راجل كبير
عمر:وباتي وعمامي مش رجاله كبار ولا كيف؟؟ رابع مره يلزهم باتك ، احكي مع هلك وبعدها عاتبيني وقوليلي تعال اخطب خلاص ره والله تعبت وانذليت في جرتك
حياة:تمسح في دمعتها يلي نزلت لا إراديا ؛ نفهم من كلامك إنك تخليت عني وإستسلمت بسهوله هذي ؟
عمر:حياة أنا لأخر نفس في عمري حنحاول بس حتى إنتِ حاولي مع باتك لو باتك مازال مسكر راسه معناها مافيش نتيجه لجيتي مره أخرى لمربوعتكم!
حياة:عمر والله أسفه
عمر:لا تأسفي لا شي ؛أنا مش واخذ منك موقف أنا طيرتلي من تقليلت قدر باتي ،له ثلاث أيام مايكلم فيا واجعته لزت باتك له وتهزيبته قدام خوته
حياة:عمر أنا..

عمر:حياة خلاص صكري راسي واجعني وعندي خدمة بدري بنرقد
حياة:بس..
عمر:الله يربحك خلااص خلااص
حياة:تمام ؛تصبح على خير
عمر:وإنتِ من أهله؛ وسكرت ،عزقت التلفون بإهمال وطحت ع السرير وقعدت نفكر نقوللها إني سمعت القصه ؟ليش ماحكتلي هي ؟ليش خلتني نسمعها من باتي؟ وشن اندير في باتي يلي خيرني بينها وبين رضاه ؛ اففف أنا نحبها والله نحبها مستحيل نخلي الظروف تغلبني وياخذوها مني ،الصباح رباح تو نعرف كيف نتصرف بكرا
حياة:خاشه في صفحة عمر وانقلب نقرا في التعليقات ومره نخش ع الماسنجر ونقرا رسائلنا ،معقوله بفرقونا؟
طق طقق طقق
حياة:سكرت التلفون وحطيته تحت المخده وتغطيت ع أساس راقده؛
عزيزة:فتحت الدار وولعت الضي نوضي يابنيه اشربي سحلب
حياة:زدت تغطيت مانبيش توا عقبيلي تو نسخنه بعدين

عزيز:نوضي طيح سعدك أكثر ماهو طايح باتك وخوتك في الصاله وباتك قالي ديري سحلب وكلمي البنت وتعالن
حياة: باهي تو نلحقك
عزيزه:اسمعي وتيت صفرة السحلب أول ماتجي جيبيها معاك ع أساس إنتِ دايرتيه وما طوليش راهو ينقع ولا طيح فيه ذبانه؛ وطلعت وسكرت الباب وراها
حياة:صبيت بملل لفيت شعري وطلعت خذيت سفرت السحلب ودخلت عليهم بدون سلام لاشي طيرتلي منهم
نضال:كنك قالبه وجك ع باتي ولا عشان لزينه حبيب القلب يلي كل ساعه يدق ونحن نلزوو عليك لمهزب كل هو 😂
حياة:مريض؛
نضال:سكري فمك ولا انصبي نربيك يا كلبه

خليل:خبط عكوزه في الأرض اسسسس ،تحشمو معش تعاركو قدامي
حياة:بس يا بابا شوفه شن يحكي عليا
خليل:ضحك ضحكه بارده وع الجنب؛ مرات يطلع كلامه صح دوت إن راجل انلزو فيه أربع مرات ومزال يبيك ؛ وهو راجل غريب ومن وطن بعيده شن تفسريه بالله؟؟
حياة:كيف بنتواصل معاه ؛ بأرضينا ؟؟ ماعنديش تلفون راه
خليل:اممم اي اي صح ماعندكش تلفون هذا الشي الوحيد يلي ماسكني عنك ، بس لو نمسك عليك دليل واحد إنك تكلمي في رجاله ؛ نسلخك سلخ زي كبش العيد وبعدها نطلقك للكلاب وبهت في خوتها وابتسم عشان يكلنك
نضال:بعدها لكلاب جيعانات يا باتي😂
أحمد:نخلو راسك بس عشان نعلقوه قدام حوشنا، يقعد ماره
نضال:وين حوش خليل ال#### ؟ الناس تجاوب يلي معلقين راس بنتهم ع باب😂
حياة:أنا طارت نيتي بنوض لداري

خليل:قعمزي الموضوع يلي نبيك فيه مازال ما تكلمت عليه
حياة:قعمزت وقلبي يرجف من الخوف ؛أنا عايشه بين وحووش ، كمل كباية السحلب ومسح اشنابه بالمنشف يلي ديما معاه، ورفع اعيونه فيا وقال………
خليل:صالح كلمني وقال نبي نقرا الفاتحه ، عشان معش يجوها خطاب وتقعد محجوزه
عزيزه:متى بيجي؟
خليل:هو قبل يبي توا بس أنا قتله خليها شهر أخرى
حياة:نضت بعصبيه بس أنا مش موافقه؟
خليل:أنا مندورش في رايك موافقه ولا مش موافقه،المهم إن نسكرو ع الموضوع يلي له سنيين ونحمو خوتك
حياة:فقدت السيطره على أعصابي و………….

________________________
وسام:يدخل في الشناطي، اهو تركيا ومشانيلها راضيا تو؟
نور:بتطنيش توا تبدا تعايرني كل دقيقه شلتك التركيا شلتك تركيا وتندمني إني مشيت، راهو مانكش داير حاجه كبيير ناس تعدي ل أمريكا وفرنسا
وسام:إنتِ خيرك سلبيه ، ليش بدل هالهزايب شكرتيني ولا قلتيلي كلام حلوو وبعدين ماتنسيش إن تركيا كانت اقتراحك ؟
نور:اي صح أنا اخترتها قلت ع قد حالك إنت يالله تركيا تقدر عليها
وسام :تجنب كلامها الجارح ، وطلع الهداية بعدين انزلي لأمي وخواتي ومديلهن الهداية ع أساس إنت يلي جايبتيهن
نور:بفضوول فتحت الهداية وفتشتهن وحده وحده؛
وسام:يستنى فيها تعطي رايها❤
نور:اعع ذوقي مستحيل يسمحلي نشيلهن وبعدين أنا تعبانه من الطياره ونبي نرقد خوذ هدياك وانزل بروحك ، ودخلت الحمام
وسام:لم الهداية يلي بهدلتهن ونزل لحوش أمه وبدا يدق ع الباب وهو متحمس دقائق وفتحتله أخته نجاح
نجاح:حضناته وبفرحه وسااام متى روحت؟؟

وسام:مالياش ساعه، أمي قاعده؟؟
نجاح:أي خش تلقاها في الصاله
مبروكه: يانجاح وين رحتي تعالي غيريلي القناة
وسام: نغيرها لك أنا عادي؟
مبروكه:التفتت بصدمه؛ ولدي متى روحت ؟؟
وسام:حب ع راسها وقعمز جنبها مالياش ساعه ؛ قولي كيف حالك يا أمي وشن جو أباري السكر معاك؟
مبروكه:لا الحمد لله بخير؛ كيف حال مرتك وخيرها ما جت مرايفه عليها واجد
وسام:تبي تنزل بس ما خليتها عشان رجعت من الطياره قتلها تريحي شوي
مبروكه:لا أحسن ما درت ما تخليهاش تسوي الليله عشاكم عندي
وسام:ابتسم نجيها الحنونه يارب❤

نجاح :بفضول شن فيهن الأكياس هذينا؟؟
وسام: هذين هديه لك ولأمي وهذي لرهف لما تروح من المدرسه عطوها لها، هي أنا نستأذن
مبروكه :وين ياولدي مازلت ماشبعت منك
وسام:اعذريني يا أمي تعبان من الطياره نبي نريح اشوي قبل ما يأذن المغرب
مبروكه:معذور يا ولدي معذور
نجاح:راك تنسى بيش تنزلو اتعشو معانا
وسام:إن شاء الله طلعت منهن ورقيت لشقه لقيتها تكلم في صاحبتها زي العاده قعمزت نستنى فيها متى تسكر عشان نحكي معاها

نور:ههه تصدقي يا سوسو كلا خطيب بسمه يضحك طنجره ولقت غطاها حوول هم الإثنيت ،هههه أي نذكر فيها يوم يلي قعمزت جنبنا ولزيتيها ديما بنتها صنان تفحفح من بعيد ههه
وسام:بعصبيه سكري أم التلفون نبي نحكي معاك
نور:سوسو بعدين نكلمك حبيبتي تم هي مع السلامه،
وسام:ليا ساعه نستنى فيك اهي تسكر اهي تسكر شي
نور:خيرك شن تبي.
وسام:نبي نرقد ساعه وقبل مايأذن المغرب وعيني واها قبل ماننسى عشانا لوطه عند أمي
نور:افف حلهن تلقنا مالناش ساعه مروحين ، مايقولنش عرسان نخلوهم ع راحتهم شويه
وسام:هذا اسم قدر يا مفجوعه ، وتغطا بالبطانية انوض نلقاك لابسه بدون مشاكل أحسن لي ولك،

_____________________
مريم:ميمي
ماريا:ع تلفون هم؟
مريم:نطلب منك طلب ماترديني
ماريا:بضجر اافف إنتِ ديما بطلباتك
مريم:الله يربحك أخر طلب
ماريا :اطلبي ياستي هي؟
مريم:نبي نعدي مشوار قصير هك ولما نروح نلقاك دايره سنابون خاطري فيه من أول أمس😩
ماريا:والمشوار هذا وين معاطي وجه اليوم جمعه وماعندكش عمل ؟
مريم:حسام يبي يشوفني

ماريا:وإنتِ زي الهبله كل مايقولك مرايف عليك تمشيله راهو مش كان قريتو الفاتحه معناها خلااص تاخذو غايتكم ؛وبعدين تعالي هنا أمي موافقه؟؟
مريم:أمي قتلها ماشيه ل صحابتي فاطمه
ماريا:وتكذبي زياده؟؟
مريم:بترجي الله يربحك يا ميمي ساعديني والله مش حنطول بالكثير ساعه
ماريا:هالتيس هذا لاقي إن ماعندك بات ولا خوت زاط فيك وإنتِ تهزي في راسك يا مهزبه
مريم:تمت محاضرتك؟ ماتنسيش إن هذي حياااتي وأنا حره وأرجوك معش تدخلي وخذت شنطتها وطلعت

_______________________
ماريا لو تعرف شن بيصير لأختها أكيده مش حتخليها تمشي بس الله غالب🤷‍♀️
حياة قصتها كبيرره وفيها ثأر فهلل ممكن عمر يتمسك بيها لنهايه أو يطلع بدري بدري أحسن ويسمع كلمة باته🤷‍♀️
وسام بيسكت لتصرفات نور ولافي قنبله موقوته حتفجر 🤷‍♀️

يتبع …

لقراءة الفصل التالي : اضغط هنا

لقراءة جميع فصول الرواية اضغط على ( رواية توبة )