رواية 30 يوم حياة 2 الفصل العشرون 20 بقلم أميرة أسامة

رواية 30 يوم حياة 2 الفصل العشرون 20 بقلم أميرة أسامة

رواية 30 يوم حياة 2 البارت العشرون

رواية 30 يوم حياة 2 الجزء العشرون

رواية 30 يوم حياة 2 الحلقة العشرون

خلص اللقاء ودع عامر وايهاب مني الشاذلي وخرجوا من الاستديو بعد لقاء جميل ومبهج..
عامر…كده تبوظلي المفجأه يا واطي
إيهاب…طب بزمتك مش مفجأه حلوه
عامر…والله انا اتخضيت لما شوفتك حسيت اني بحلم ومبقتش مصدق اصلا
إيهاب….مبروك يا عامر الحلم بيتحقق اهو يا خويا
عامر….حلمي وحلمك ان شاء الله قريب انا متفائل بجد
ايهاب….ربك كريم يا عامر واللي بيتعب بيلاقي
خرجوا بره
عامر…طب بقولك ايه بما انك حرقت المفجأه تعالي اما اوريك المفجأه التانيه
ايهاب…بضحك ايه هنطلع علي صاحبه السعاده إسعاد يونس
عامر….بضحك يسمع منك ربنا وعموما لا وقف ادام العربيه ايه رايك فالعروسه دي
ايهاب…عروسه ايه🤨
عامر….اللي واقفه علي الاربع عجلات دي
ايهاب….العربيه جامده طبعا
عامر…طب مفيش مبروك ولا ايه
ايهاب…ضرب دماغه بكف ايده ايه ده انت جبتها اه ياواطي😂😂
عامر…إستلمتها الصبح انا وزين ايه رأيك
إيهاب….اه والله الله اكبر جميله
عامر…طب امسك بقي كده المفتاح فتح عامر ايد ايهاب وحط فيها المفتاح وفتح الباب وركب
ايهاب…وحيات امك سواق النجم ماشي كله يهون عشان العروسه القمر دي
عامر….يلا بينا بقي انا حاسس اني مش قادر والجو سقعه
ايهاب…وانا كمان يلا بينا
…………
خرج صالح من المطبخ وهو معاه كوبايه يانسون
اعد جمب بوسي عالكنبه

صالح…خدي يا حبيبي يلا اشربي ده معدتك هترتاح شويه
بوسي….لا مش عايزه قولتلك مش هقدر يا صالح
صالح….يلا اشربي بلاش دلع
نامت بوسي علي صدره بدلع لا مش عايزه
صالح..بابتسامه يابت عيب كده انتي عيانه ولو فضلتي تدلعي كده مش هرحمك
بوسي بأبتسامه علي فكره بقي انت قليل الادب
صالح…انا طب هو في احلي من قلت الادب
بوسي…ايوه في ياقليل الادب انت مبتشبعش كده خالص
صالح…منك لا مش بشبع
بوسي….طب بس بقي بطل قلت ادب والله معدتي تعبانه اوي
صالح…عشان طول الليل نايمه وراميه الغطا من عليكي وكل شويه اقلق بسببك بتتحركي في الثانيه 300 مره كأني نايم جمب طفله و خبط ورزع و تضربيني برجلك واقوم اغطيكي وانت ولا هنا
فضلت بوسي تضحك في حضنه علي فكره انت كداب انا نومي حلو
وطي صالح راسه يبصلها وهو رافع حواجبه مين ده انتي طب تصدقي بالله يا بوسي لا هصورك حتت فديو وهوريكي الملاك اللي بيبقي نايم جمبي
بوسي….افتري عليا كمان😒
صالح…ايوه انا مفتري🤨
بوسي…لفت أيدها علي وسطه بس بحبك
صالح…يابت اتلمي علي فكره بقي انتي شكلك مش تعبانه وبتكدبي عليا وهقوم اشيلك وادخل بيكي جوه
بوسي…بضحك والله ابدا انا معدتي تعباني من الصبح وطول اليوم اعده برجع
صالح…مكلمتنيش ليه صحيح
بوسي…مانا عارفه انك مشغول يا صالح وبعدين انا مكنتش تعبانه اوي يعني لما كنت برجع كنت برتاح
صالح….حاولي تدفي نفسك الجو وحش جدا اليومين دول
بوسي…برد اوي فعلا صحيح ايه حوار العاصفه ده
صالح…والله ما عارف بيقولوا في عاصفه جامده اوي يوم الجمعه
بوسي…الجايه دي
صالح …اه كمان 3 ايام بس ديما بيقولوا كده ومفيش حاجه بتحصل
بوسي…لا بس الجو فعلا وحش ربنا يستر
صالح…يارب امسكي يلا اليانسون اشربي🤨🤨
بوسي…هو انت مبتنساش ابدا
صالح…لا مبنساش يلا يابت بلاش دلع
بوسي…بدلع حاضر يا ساتر😒
………
في منزل زين كانت وعد اعده ادام الكتب بتاعتها بملل خبط زين الباب
وعد…ادخل
زين….حبيبي عامل ايه في المذاكره
وعد…تمام الحمد لله
زين…ايه محتاجه حاجه ولا ايه
وعد….لا انا خلصت اصلا
زين…امال حبيبي اعد كده ليه شكله مضايق
وعد…زهقانه
زين….من ايه يا قلبي وبعدين ادام خلصتي مخرجتيش اعدتي معايا تفكي شويه ليه.
وعد…عادي مفيش لقيتك مش ناديت عليا قولت يمكن عايز تأعد لوحدك😔
زين….قرب منها شدها من ايدها وقفت ادامه بقي بالزمه عشان مش ناديت عليكي ابقي عايز اعد لوحدي انتي عارفه ان مقدرش اعد من غير بنوتي صح
وعد….صح😔
زين…طيب يلا فكي التكشيره دي وتعالي نأعد مع بعض بره
وعد…سابت ايده وراحت اعدت علي كرسي المكتب تاني لا مش عايزه خلاص انا هراجع تاني وشويه وهنام
راح زين أعد أدامها علي ركبه مالك يا وعد ليه حاسس انك مضايقه بجد وفي حاجه خنقاكي
وعد…بعيون فيها دموع مفيش زين والله
زين…متحلفيش هو انا مش عارفك ولا لا
حاولت وعد تتحكم في دموعها لاكن معرفتش وفي اقل من ثانيه كانت انفجرت ومقدرتش توقف دموعها
زين اتصدم اول ما شاف دموعها بالمنظر ده
زين…وعد ايه ده في ايه مالك ياحبيبي
قام زين وقف وشدها في حضنه يحاول يسكتها وهي ابدا🙈🙈🙈
زين….طيب قوليلي انا زعلتك عملت حاجه ضايقتك
هزت وعد راسها بلا
زين…طيب منه زعلتك او مديحه كلمتك انهرده وقالت حاجه ضايقتك
هزت وعد راسها بلأ

زين…طيب حد من صحابك قوليلي ياوعد في ايه انا سايبك الصبح كويسه وانتي مخرجتيش خالص يبقي ليه العياط ده كله
فضلت وعد تعيط وهو واخدها في حضنه وقلبه واجعه علي عياطها الهستيري ومش عارف ايه سببه
فضل زين يلعب في شعرها ويطبطب علي ضهرها بحب
لحد ما حس ان عياطها هدي خالص ومفيش غير صوت لاثر عياطها
زين…حبيبي هديتي شويه
هزت وعد راسها براحه وهي لسه جوه حضنه
رفع زين وشها ليه وهو واخدها في حضنه
زين….بصوت هادي ممكن اعرف بتعيطي ليه شايفه وشك عمل ازاي من كتر العياط
وعد…بصوت باكي مفيش
زين…هو ايه اللي مفيش يعني انتي عايزه تعرفيني ان العياط ده كله من غير سبب طيب انا جيت علي نفسي بالعافيه وحاولت اتمالك نفسي لحد ما اعرف ايه اللي عامل فيكي كده عشان تقولي مفيش
وعد….والله مفيش صدقني انا بس حسيت اني مخنوقه اوي وفي حاجه ضغطا عليا اوي
زين….اكيد في سبب ياحبيبي مش لوحدك كده انا سايبك الصبح كويسه ومن ساعت ما جيت وانتي ساكته ومكلتيش كويس وقومتي دخلتي اوضتك متحججه بالمذاكره قولت اسيبك
وعد….والله يا زين مفيش انا نفسي مش عارفه مالي
زين….بضحك عشان يضحكها ماهو عياطك ده سببه حاجه من الاتنين يا اما ضغط مذاكره وعشان الامتحانات قربت او هي الهرمونات بتاعت كل شهر😉
ضربته وعد بايدها علي صدره علي فكره انت قليل الادب خبت وشها في صدره
ضحك زين ولف ايده عليها بحب وهو بيبوسها من راسها
يبقي انا صح
زين…بصي يا ستي انا عارف انك مضغوطه الفتره دي جامد ومحتاجه تغيري جو ايه رأيك لو الجو حلو بكره نخرج انا وانتي خروجه تجنن تخرجي فيها كل الزعل والضغط اللي فيكي ده
زين….ايه رأيك
وعد….خرجت من حضنه لا انا خلاص بقيت كويسه خليك عشان شغلك
زين…في داهيه الشغل المهم مشوفكيش في الحاله دي انتي مش عارفه انا ببقي عامل ازاي لما بتعيطي او تتعبي
وعد….صدقني بقيت احسن والله
زين…ماشي بس هتبقي احسن اكتر بكره الصبح تقومي تذاكري شويه عشان علي العصر كده هنخرج انا وانتي مع بعض اتفقنا
وعد…اتفقنا
مسح زين أثر الدموع اللي علي وشها
زين….وبعد بكره عايزين نعزم العيال كلهم عندنا ايه رأيك هيبقي خميس بقي وسهره نسهر سوا وانا هجيب عشان من بره متعمليش اي حاجه عشان طول اليوم تذاكري ومتضيعيش اليوم عالفاضي اتفقنا
وعد…ماشي
زين…والوقت بقي يلا روحي خدي شاور دافي كده يخرج الطاقه السلبيه اللي فيكي دي وانا هروح اعمل عشان يجنن ليا انا وانتي وبعدها نأعد نلعب مع بعض
ضحكت وعد…نلعب ايه
زين….اه نلعب مالك مستغربه كده ليه مش بلعب معاكي علي طول انتي والبت منه هنلعب كوتشينه الشايب
وعد…بابتسامه لا بلاش الشايب انت علي طول تغلبني وتحكم عليا
زين….هخليكي انتي تغلبي يا ستي اتفقنا
وعد…اتفقنا
زين…يلا خدي هدومك وانا هروح احضر العشا
وعد…بحب ربنا يخليك ليا يازين
زبن…بحب ويخليكي ليا يا بنت عمري باسها من راسها وخرج راح عالمطبخ
……….
وصل ايهاب وعامر الشارع كان الشارع هادي واغلب المحلات قفلت حتي القهوه عشان الجو كان متغير
ايهاب…حمد الله عالسلامه
عامر…الله يسلمك بقولك ايه عايزين نشوف جراچ فاضي نركن في العربيه العيال الصغيره هنا هيهروها تنطيط
ايهاب….بكره اكلملك الواد سيد صاحب الجراچ اللي ورانا ولو كده نركنها عنده من بكره
عامر….خلاص ماشي يلا اطلع بقي زمان رحاب هتشد في شعرها
ابهاب…انت بتقول فيها دي اتصلت بيا ولا ميت مره تستعجلني
عامر…طب اطلع قبل ما ترفعك
ايهاب….ماشي مش عايز حاجه
عامر…سلامتك يا خويا
ايهاب…تصبح علي خير
عامر…وانت من اهل الخير
طلع عامر عالبيت
هو وعامر
دخل عامر البيت اعد عالكنبه بتعب جاب رقم عادل
عامر….الوووو
عادل…ايه ياض عامل ايه
عامر…بخير الحمد لله انت عامل ايه

عادل….الحمد لله
عامر…كنت نايم ولا ايه
عادل….لا لسه منمتش بجهز ورق عشان عندي محكمه الصبح وكنت براجع الورق قبل ما انام
عامر…طيب تمام مش هعطلك بقولك ايه هقولك علي حاجه لو مش موافق اعتبرني مقولتش
عادل…خير ياعامر في ابه قلقتني
عامر…لا مفيش قلق ولا حاجه انهرده الصبح انس اتصل بيا يعزمني علي عيد ميلاده
عادل…اه ما هو كان قايلي بس انا مش هقدر
عامر…ماهو قاللي المهم قولتله تمام فا طلب مني بما انه بكره برده عنده شغل يا دوب يخلص اخر النهار هيطلع علي بيتهم عشان يجهز ومش هيبقي في وقت يجي يجيب منار فاانا قولت اقولك لو معندكش مانع اخدها معايا انا وانا رايح
عادل….مفيش مانع يا صاحبي طبعا بس هي هترضي
عامر….الكلام الصبح كان ادامها ومعترضتش انا قولت اقولك انت الاول وبكره اعرفها اني هستناها قبل المعاد
عادل…تمام يا صاحبي مفيش مشكله طبعا خلي بالك منها بس
عامر….متقلقش يا صاحبي
عادل…صحيح انت كنت فين طول البوم مشوفتكش انهرده خالص
عامر…لا خليها مفجأه بقي
عادل…الله بتعمل مفجأت من ورانا ولا ايه
عامر…يعني حاجه بسيطه كده هتعجبكم وعموما هقولكم عليها بعد بكره
عادل….ماشي ياعم مفجأتك كترت صحيح زين قاللي انكم استلمتوا العربيه انهرده الف مبروك
عامر…الله يبارك فيك خدناها الصبح بكره وانت نازل شوفها هتلاقيها ادام الليت
عادل…خلاص ان شاء الله بس مش هينفع ركنتها كده لازم جراچ
عامر…مانا لسه قايل لايهاب قاللي هيقول لسيد اللي بتركن انت عنده
عادل….انا هقوله الصبح واخلصلك الحوار ان شاء الله
عامر…ماشي يا صاحبي يلا شوف اللي وراك
عادل….خلاص ماشي يلا تصبح علي خير
عامر…وانت من اهله
……………
ايهاب….خلاص بقي يا رحاب قولتلك كنت في مشوار
رحاب….مشوار ايه يا ايهاب ده كله الوقت اتأخر والشارع تحت هادي وانت مره ترد وعشره لا وشويه تكنسل وشويه اتصل مقفول
ايهاب….قرب منها طب خلاص بقي حقك عليا انا ياستي عاملك مفجأه بس مش هتعرفيها غير يوم الخميس
رحاب…مفجأه ايه
ايهاب…يعني بزمتك لو قولتك هتبقي مفجأه يلا بقي حضري العشا هموت من الجوع وافردي وشك ده
رحاب…ماشي يا ايهاب بس بردو مخصماك
ايهاب…حضري العشا وهدخل اخد شاور وبعدين اصالحك😉
رحاب….علي فكره بقي انت قليل الادب وانا مش هتصالح يا ايهاب
ايهاب….لا هتتصالحي وهعرف اصالحك كمان يلا روحي بقي
رحاب….رخم😔
ايهاب….بحبك يا مجنونه
أبتسمت رحاب غصب غنها ودخلت عالمطبخ تحضر العشا
……..
زين….شبعتي
وعد…الحمد لله
زين…طيب يلا بقي نلعب

وعد…يلا
ابتدوا يلعبوا كوتشينه لعبه الشايب ولحسن حظ وعد الشايب طلع مع زين
فضلت طول الجيم تغيظه😜 عشان مطلعش معاها وفي اخر ورقه سحبتها منه سحبت الشايب
وعد….😳😳
فضل زين يضحك علي صدمتها ألبسسسس
وعد…علي فكره بقي انت غشاش وانا مش هلعب قامت وقفت شدها من ايدها بضحك…اااه عايزه تعربي من العقاب لا يا ماما انتي بتصيعي عليا
وعد…بضحك علي فكره انا مش هتعاقب مليش دعوه
زين…هو مش جالك ولا هو لعب عيال
وعد…انا عيله 😂
زين…وانا اعيل منك وهعاقبك
وعد بقله حيله ماشي بس بردو انت غشاش وقاصد تدهولي😔
زين…هو انا اللي سحبته ولا انتي
وعد…انا
زين…بضحك طيب يبقي غشاش ازاي

وعد…عشان كل مره علي اخر لحظه لازم تديه لاي حد وعمري ما عرفت اعاقبك
زين….انتي اللي مبتعرفيش تلعبي😂
وعد…انت رخم
زين….كمان بتشتمي ده انا هعلقك يلا جاهزه للعقاب
وعد….بقلق ربنا يستر
زين….عشان انتي حبيبتي بس هختارلك عقاب سهل
وعد….ايه هو
زين…لا هو العقاب هيبقي كده هاتي ورقه وقلم
جابت وعد ورقه وقلم قطع زين 3 ورقات وفضل يكتب حاجه ويطبق الورق
حطهم في ايده وفضل يحركهم ورماهم ادامها عشان تختار
زين…يلا اختاري ورقه بس بشرط اللي هيطلع هتنفذيه اتفقنا
وعد…اتفقنا مع اني مش مطمنالك ربنا يستر فضلت وعد تمشي ايدها عالورق واختارت واحده
زين…افتحيها
فتحت وعد الورقه براحه ومعالم الصدمه اترسمت علي وشها 😳😳 لا يمكن
زين…بضحك طلع ايه
وعد …رفعت الورقه ادام عينه كانت مكتوب عليها
((بوسه))😉
زين…مليش فيه
وعد…هو ايه اللي ملكش فيه يا قليل الادب استحاله
زين…مليش دعوه
وعد…والله ابدا مش لاعبه انت قليل الادب
زين…بضحك طيب خلاص هتختاري تاني ودي اخر مره
وعد….ماشي

حرك زين الورق ورماهم لتاني مره اختارت وعد بتركيز ولتاني مره يطلعلها نفس العقاب
زين…يابركه دعاكي يا مديحه
وعد…بضحك علي جثتي مليش دعوه فضلت وعد ترفض وتعيد اكتر من خمس مرات والاخيره كام زين قال مفيش لعب تاني هتنفذ اللي هيطلع
وافقت وعد ولاخر مره طلعلها العقاب نفسه
وعد…علي فكره بقي ده مش عقاب دي قلت ادب
زين…انا عقابي قليل الادب احمدي ربنا انها جت علي بوسه
وعد…كب انا عندي فضول بقي اعرف ايه اللي مكتوب فالورق
ضحك زين وفضل باصص عليها وهي بتفتح الورق ومعالم الصدمه علي وشها
وعد….😳😳😳اه يا قليل الادب يا غشاش انت بتضحك عليا يا زين
فضل زين يضحك
وعد….انت كاتب الورق مله نفس العقاب
زين…احمدي ربنا انها جت علي بوسه يلا نفذي
وعد…ده بعينك
زين…هكتفك وهاخدها بالعافيه
وعد…متقدرش قامت وعد عشان تهرب بس زين كان اسرع منها وقفت وعد ضهرها للحيطه حاوطها زين بايده
وعد…بضحك زين احترم نفسك وبلاش قلت ادب
زين…بصوت جذاب انا قليل الادب
وعد….زين هزعل منك
زين….هصالحك😉
وعد…بضحك بلاش رخامه بقي
فضل زين يقرب منها حست وعد بتوتر
وعد…زين اسمع بس هقولك اااااا قطع كلمتها زين لما قرب من شفايفها بهدوء
حست وعد انها هتفقد السيطره علي نفسها وهتقع من ايده
مسكها زين من وسطها وبعد عنها بعد وقت بسيط
اتحول وش وعد للون الاحمر وفضلت باصه علي صدره مش قادره ترفع عينها فيه من كتر الاحراج.
زين….بحبك يا وعد والله العظيم بحبك ضمها لحضنه بحب ومسكها من أيدها راح اعد بيها عالكنبه شغل التلفزيون وهي ساكته محرجه مش عارفه تتكلم
وهو بيضحك عليها
وعد….بتضحك علي ايه 😔
زين…علي حبيبي اللي بيتكسف ده
وعد…رخم
زين….شدها لحضنه وهو ساكت وفضلوا يتفرجوا مع بعض علي فيلم لحد ما راحوا فالنوم😍😍😍
………..
في صباح يوم جديد
جريت الساعات بسرعه
لبست وعد وزين وخدها وخرجوا وهي متعرفش هتروح فين لان زين قالها عاملك مفجأه❣️
……..
اما عند عامر
اتصل بمنار
فضلت منار متردده فالرد لاكن حسمت امرها خصوصا بعد ما عادل قالها عن مكالمه عامر ليه وطلبه انه بروح معاها فا عرفت ان مفيش مفر…فقررت ترد

منار…الووو
عامر…كنت هفقد الامل انك تردي علي فكره
منار…يعني لو مكنتش رديت كنت هتعمل ايه
عامر…بابتسامه ابدا كنت هتصل تاني وتالت لحد ما تردي اصلي رخم
أبتسمت منار غصب عنها
عامر….جهزتي ولا لسه
منار…لسه هبتدي اجهز
عامر…ماشي وانا هجهز وهتصل بيكي مش عايز تأخير
منار…علي فكره ممكن تروح لوحدك لو مستعجل
عامر….انا مش هروح غير معاكي وانتي مش هتروحي غير معايا انتي فاهمه ويلا بقي لو سمحت روحي اجهزي سلام
قفل عامر من غير ما يديها فرصه ترد ابتسمت منار وهي من جواها مضايقه من اللي بيحصل حاسه انها أبتدت تسامح عامر قلبها مش مطاوعها عالبعد اكتر من كده وفي نفس الوقت مش عارفه تعمل ايه مع انس اللي كل حاجه بيعملها تقول انه ميستاهلش انه يتجرح لاكن قررت منار انها تدي نفسها اخر فرصه تحسم فيها أمرها
وتاخد قرار هيغير كل حاجه
…….
وصل زين ووعد ادام مدينه ملاهي كبيره
وقفت وعد مصدومه وعلامات الفرحه مرسومه علي وشها وبسرعه اتحولت لطفله
وعد….زين احنا هندخل الملاهي دي
وقف زين باصصلها بابتسامه والسيجاره في بوئه
اه هندخل هنا ايه رأيك في المفاجأه دي اتنطتي بقي والعبي وهرجي كل الطاقه اللي جواكي
وقفت وعد تتنطط بفرحه وبدون أنذار نسيت خالص وعد نفسها لما نطت واتعلقت في رقبته بفرحه انا بحبك اوي يا زين
زين….بضحك بتعملي ايه يا مجنونه الناس هتشوفنا
نزلت وعد بأحراج وهي بتضحك انا مالي انت اللي فجأتني وبصراحه المفجأه عجبتك
زين…بغمزه طب ما تتفاجئي
وتجيبي بوسه
وعد….علي فكره بقي انت سافل
زين…بضحك اه انا سافل ويلا بقي ندخل بدل ما اعملها هنا ادام الناس كلها
وعد…وعلي ايه يلا بينا
دخلو مع بعض وعد من فرحتها كانت بتجري وهي بتشده من ايده يتنططوا من لعبه للعبه زين كان مبسوط وهو شايف ضحكتها وحس انه اصاب الاختيار الصح لما اختار الملاهي فضلوا يلعبوا كتير من غير تعب طاقه النشاط اللي كانت جوه وعد ما تقولش ان هي كانت مضايقه قبلها بيوم ومنهاره من العياط
……..
خلص عامر لبس وجهز اتصل علي منار عرفها انه هينزل يستناها تحت وفعلا نزل ودقايق بسيطه ونزلت منار وهي قلبها مش مبطل دق ومش عارفه ازاي هتخرج معاه لوحدهم وتأعد معاه فالعربيه ودي كانت اول مره تخرج فيها منار مع عامر لوحدهم
اول ما شافها عامر فضل باصص عليها وهي بتنزل ابتسامه جذابه علي وشه عينه ما رمشتش لحظه لحد ما وقفت ادامه
قرب منها
عامر….ازيك يا منار
منار…حاولت تبعد عن نظراته لاكن هي كانت مشتاقه اكتر منه
منار…الحمد لله
عامر…بحب يلا بينا
منار….بتنهيده كلها شوق يلا
فتح عامر باب العربيه لبها ركبت وراح ركب هو كمان وخرجوا مع بعض من الشارع
فضل الصمت دايم بينهم شويه لاكن كسره اخيرا
عامر…وحشتيني
ارتباك وتوتر دقات قلب مشاعر متلغبطه حست بيها منار بعد ما سمعت جملته
بصتله منار بعيون بتخبيها الدموع…لاكن حاولت تتجاهل جملته .
منار…مبروك عالعربيه
عامر….مع انك بتهربي بس ماشي قوليلي عجبتك
منار…ماشاء الله حلوه اوي
عامر…بجد
منار…والله جميله بجد انت تستاهل كل خير
عامر…كان نفسي انتي اول واحده تركبيها بس ايهاب الرخم سبقك امبارح
ارتبكت منار ملقتش حاجه تقولها غير انها ابتسمت فتحت شنطتها وطلعت منه مصحف صغير ادتهوله ودلايه فضه علي شكل المصحف مكتوب فيها سوره ياسين تتعلق عالمرايه
بصلها عامر بابتسامه وسكت

منار….خليه فالعربيه ديما متشلهوش منها عشان ربنا يحفظك من الطريق ودي علقها هنا
خده منها عامر قرب منه وباسه وحطه ادامه عالتابلوه وعلق الدلايه مكان ما قالتله
وبصلها…دي اول هديه تجيلي عشان العربيه واحلي حاجه بيتهيألي هتجيني
منار….ملاقتش احسن من كلام ربنا يكون موجود معاك فالعربيه
عامر….منار انا محتاج اتكلم معاكي
منار….اتنهدت عامر انا
عامر…قاطعها مش عايزك تقولي اي حاجه عايزك بس تحاولي تسمعيني اعتبريني ياستي حد محتاج مساعدتك
منار…اتكلم ياعامر
عامر…لا مش الوقت خليها بعد يوم الخميس
منار…اشمعني بعد يوم الخميس
عامر…يعني في مفجأه يوم الخميس هنتجمع كلنا عند زين بكره يعني وهتعرفوها هو اكيد هو ووعد هيبلغوكم انهرده وان شاء الله هنتجمع وهتعرفوا المفجأه ووسط مانتوا بتشوفوا المفجأه في كلام لازم تعرفيه وبعدها يا منار هنتكلم بس اوعديني انك تديني فرصه للكلام واعتبري ان دي اخر مره هطلب منك الطلب ده وصدقيني يامنار بعد المره دي اي قرار هتاخديه مش هعترض ابدا عليه
بصتله منار بقلق تقصد ايه
عامر…اقصد ان بعد الاعده دي في حجات لازم تتحسم كفايانا وجع بقي وايآ كان قرارك هنفذه يامنار حتي لو كان في وجع اتفقنا
فضلت منار بصاله بشرود وفي حاجه في كلتمه مش مطمناها…هزت راسها بقله حيله لحد ما تعرف بكره…
منار…اتفقنا
كمل عامر سواقه للمكان اللي فيه انس وصحابه
………..
طلع صالح الشقه فتح بالمفتاح
فضل ينادي بصوته علي بوسي
صالح…بوسي…بوسي فينك يا قلبي
ولكن اتصدم صالح 😳😳😳
وفجأه🤔🙄😜😜😜

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية 30 يوم حياة 2)