روايات

رواية 30 يوم حياة 2 الفصل السادس 6 بقلم أميرة أسامة

رواية 30 يوم حياة 2 الفصل السادس 6 بقلم أميرة أسامة

رواية 30 يوم حياة 2 البارت السادس

رواية 30 يوم حياة 2 الجزء السادس

30 يوم حياة 2
30 يوم حياة 2

رواية 30 يوم حياة 2 الحلقة السادسة

في صباح يوم جديد
ممطر وبارد.
صحي زين خرج من الاوضه بتاعته لقي الصاله فاضيه ومفيش حد والدنيا هاديه ولقي باب اوضه وعد مفتوح ومفيش حد جوه مشي براحه يدور علي والدته ووعد لقي صوتهم خارج من الاوضه خبط وفتح
زين….صباح الخير انتوا هنا
وعد…صباح النور تعالي يازين
زين….بقلق في ايه مالكم وبعدين اول مره اصحي ملاقيش حد محضر فطار يعني والبيت هادي
وعد…تعالي شوف خالتوا اللي مموته نفسها من العياط
زين….راح عليها بقلق في ايه يا امي مالك
مديحه..مسحت دموعها مفيش يا حبيبي
وعد….زعلانه عشان منه
زين…مالها منه
وعد…صحيت ملاقتهاش فضلت تعيط
خدها زين في حضنه في ايه يا مديحه وانا اللي قولت انك مبسوطه
مديحه….مبسوطه يازين وبدعيلها من قلبي بس لما صحيت ملاقتهاش قلبي وجعني كانت عامله حس فالبيت
زين….فعلا وحشتني الجزمه دي بس ادعيلها يا امي ربنا يسعدها
مديحه…يارب يا زين كل ما أفتكر ان انتوا كمان قربتوا تتجوزوا قلبي يوجعني واحس اني هبقي لوحدي
زين…لوحدك ابه بس يا امي متقوليش الكلام ده
وعد….مانا كل شويه اتحايل عليكي يا خالتو تيجي تعيشي معانا مش بترضي
مديحه….يابنتي مقدرش ابعد عن بيتي وانتوا كمان لازم يكون ليكم بيت خاص بيكم
زين…بزمتك يا أمي ده كلام
وهو انتي لما تيجي تعيشي معانا هتمنعينا من خصوصيتنا
مديحه…مش كده يا زين بس زي مانا زمان عشت حياتي وفرحت ببيتي وعد كمان لازم تجرب الاحساس ده وبعدين انا مقدرش اسيب بيتي ابدا انا بس كل ما احس انكم خلاص قربتوا قلبي يوجعني
زين…سلامت قلبك يا امي وبعدين بقي انتي لو مضحكتيش هطلع الوقت اجبلك البت منه واخدها من هيما قولتي ايه
مديحه…بأبتسامه حرام عليك اعتقه بقي
أبتسم زين ايوه كده مش عايز الابتسامه دي تختفي ربنا يخليكي لينا يا حبيبتي
مديحه…ويخليكم ليا يارب

 

 

 

 

زين…بقول ايه بقي انتي انهرده هتأعدي هانم كده وانا ووعد هنقوم نحضرلك الفطار أيه رأيك
مديحه…لا يا حبيبي انا قايمه اهو
زين…والله ما هيحصل انا قولت كلمتي خلاص ماشي ياوعد
وعد…ماشي وهحضرلك احلي فطار وكملت وهي متعمده تضحكها اصلا فطاري احلي من فطارك🙄
زين…مش اوي كده بدل ما نلبس فالحيطه انا وانتي ونعك الدنيا
مديحه…بضحك لا يا سيدي اوي كده وعد تربيتي وست بيت شاطره
زين…يعني اطلع منها انا
وعد راحت في حضن مديحه اه اطلع منها 😜
مديحه….اه احنا حرين مع بعض
زين…بحب ماشي يا ستي ربنا يهنيكم ببعض وبص لوعد 🤨🤨ادامي عالمطبخ
وعد….يلا بينا
………………..
يوسف…..صباح الفل يا روحيه
روحيه…صباح النور يا حبيبي
يوسف….بصدمه بتعملي ايه يا روحيه😳
روحيه….هكون بعمل ايه يا موكوس بحضرلك احلي فطار
يوسف…وده من امته ياروحيه انا اخر مره اوعي انك حضرتي الفطار كنت في ثانوي🤔
روحيه.ضربته علي دماغه وحيات امك اهي تريقتك عليا دي اللي صاده نفسي علي المطبخ😒
يوسف…بس ايه الفطار الجامد ده ياروحيه فول وبيض وبطاطس وطعميه
جبتي الحاجه دي منيني
روحيه….هو انا مقولتلكش🤔
يوسف…واللي خلق الخلق ما قولتيلي🤨
روحيه….روحت خدت من جيبك المفتاح وخدت شويه فلوس وخرجت جبت الفطار وجيت
يوسف بصدمه….يانهار اسود خرجتي لوحدك يا روحيه وكمان بتسرقيني😳
روحيه..ضربته بالعصايه اسرقك ده ايه ياواد انا بجبلك الطفح اللي هتطفحه
يوسف….ياروحيه حرام عليكي ياروحيه مش قولتلك لو عايزه اي حاجه تقوليلي وانا اجبهالك
روحيه…بحزن انا اتخنقت يا ابني نفسي اخرج واروح السوق واجيب الاكل تعبت من الراحه وتعبت من ان انت اللي تعمل كل حاجه اهو حاجه تسليني
يوسف…باس أيدها ياروحيه مقولتش حاجه بس اطلبي مني وانا اجبلك اللي يعجبك وتشاوري عليه او اقولك يوم اجازتي كل اسبوع اخرج انا وانتي نجيب حاجه الاسبوع كلها اللي انتي تحتاجيها وارجعك لحد البيت بس بلاش تخرجي لوحدك يا اما انا بموت من القلق لما بتخرجي ومبتعرفشيش ترجعي
روحيه…بزعل حاضر يا ابني الله يسامحه ابوك لما جينا من البلد كان كل مكان رجله علي رجلي مكنتش بعرف اروح مكان من غيره عشان كده بحس اني لما با أخرح مبعرفش ارجع
يوسف….لا يا ستي انا هاخدك ونلف الدنيا سوا وهرجعك ونروح نجيب حاجتنا بس اكون معاكي ياروحيه وهخليكي تعملي كل اللي في نفسك اتفقنا ياستي
روحيه…بأبتسامه طفوليه اتفقنا
يوسف….الفطار ريحته تجنن تسلم ايدك وحشني الاكل من ايدك يا اما
روحيه…بألف هنا يا حبيبي
يوسف…صحيح يا اما انتي خدتي مني كام🤨🤨
روحيه….جنيه

 

 

 

 

يوسف…نعم جبتي كل ده بجنيه
روحيه….ايوه انا عارغه الحاجه غليت كده ليه انا حاسه ان البياعين سارقني🤔
يوسف….احيه كده وسارقينك امال لو كانوا سرقوكي بجد كنتي عملتي ايه لا اكيد خدتي فلوس اكتر وراح علي محفظته يعد الفلوس لقاهم مظبوطين ومعاه شويه فكه عرف انها خدت منهم
يوسف….الفلوس مظبوطه يا اما انتي متأكده انك خدتي جنيه
روحيه…ايوه والمسيح متأكده
يوسف….طب شاوري كده عالورقه اللي خدتيها
روحيه…لا انا مخدتش ورقه انا خدت من الفضه ده واحد
وقع يوسف من الضحك وهو مش قادر يكتم ضحكه
روحيه…بغضب وهي بتحذره بالعصايه بتضحك علي ايه ياولا😡
يوسف….انتي خدتي جنيه بجد يا اما بس السؤال بقي ازاي جبتي ده كله بجنيه سرقتي البياعين يا روحيه ولا ادهوالك عشان يخلصوا منك😂😂😂😂😂
روحيه…ويخلصوا مني ليه مش بنفعهم😏🤔
يوسف…تنفعي مين انتي خربتي بيتهم 😂 اقول عليكي ايه ياروحيه بكره هروح انا للناس دي واراضيهم واديهم حسابهم
روحيه…اهي طيبه قلبك دي اللي مطمعه فيك البقالين هتعيش وتموت موكوس🤔
يوسف…مش قادر يمسك نفسه من الضحك باس ايدها
يوسف….يلا يا تاعبه قلبي عشان ناكل روحي اعدي وانا هجبلك الاطباق عالتربيزه وهعملك احلي كوبايه شاي.
روحيه….ماشي
……………….
اما عند عامر قام من النوم وهو حاسس ان الصداع هيفرتك دماغه قام خرج من الاوضه لقي ابوه محضرله الفطار
عامر…صباح الفل يا عم حسني
حسني…صباح الخير يا حبيبي كنت لسه جاي اصحيك عشان تفطر
عامر….طب مصحتنيش ليه اساعدك
حسني…عارف انك تعبان واليوم كان طويل امبارح سبتك تريح
عامر…باس ايده ربنا يدك الصحه يا عم حسني
حسني…ويخليك ليا انت واخواتك وافرح بيك قريب مبقاش فاضل غيرك يا حبيبي
عامر….ايه يا عم حسني زهقت وعايز تخلص مني ولا ايه شكلك شايفلك شوفه 🤔
حسني…شوفه ايه يا أبن الكلب انا عايز أفرح بيك زي ما فرحت بأخواتك
عامر…بحزن غطي ملامحه ادعيلي يا بابا
طبطب حسني علي كتف عامر بحزن بدعيلك من قلبي يا ابني وعارف ان ربنا هيكرمك قريب وبكره تقول عم حسني قال
أبتسم عامر بحب لحسني وباسه من كتفه
حسني…يلا ادخل اغسل وشك وتعالي عشان نفطر
عامر….ماشي وهعملك احلي كوبايه شاي عشان ادامي ساعه وانزل
حسني…رايح فين
عامر….مش انا قايلك ان البنت اللي شوفتها فالمطار هتيجي انهرده تشوف الشقه ولو تمام هتكتب عقدها انهرده عم سعيد متفق معايا امبارح وهي فالطريق اصلا ساعه وتوصل
حسني….ماشي وانا هاجي معاك
عامر…طيب تمام
حسني…يلا خلص بقي الاكل هيبرد.
…………..

 

 

 

 

في منزل ادهم كان واقف فالمطبخ بيحضر فطار وواقف يغني ومندمج
كتروا من الحب تلاقوا تلاقوا في الظلمه الف قمر
دخلت توته عليه المطبخ فالوقت ده وهي مبتسمه بحب وظاهر عليها النوم
قربت منه لفت ايدها حوالين وسطه ورفعت وشه ليه بحب وهي بصاله ومبتسمه وهو بيغني ومندمج في تحضير الفطار
أدهم….بنحب ياناس نكدب لو قلنا مابنحبش😉
توته…تيرا را
بنحب ياناس ولا حدش في الدنيا ماحبش
والدنيا ياناس من غير الحب ماتنحبش
أدهم….صباح السكر وقرب من شفايفها في بوسه سريعه
توته…صباح الجمال ايه الروقان ده كله
أدهم….أبدا مش عارف قايم مبسوط قولت اخضر احلي فطار لاحلي توته فالدنيا
توته….ده ايه الدلع ده كله
أدهم…تصدقي انك مفتريه يابت انا علي طول بدلعك
توته…في دي بقي عندك بس ايه الرومانسيه دي كلها اخر مره شوفتك واقف فالمطبخ يوم صباحيتنا
رفع ادهم حاجبه بغيظ….🤨طب بلاش تفكريني عشان مزعلكيش
ضحكت توته بحب ليه بس
ادهم ..يابت انتي يومها رفعتي عليا السكينه
توته…الله مش انت اللي فتحت النيش وبعدين اهي جت بفايده من يومها بتمشي جمب النيش تديله ضهرك ومبتمشيش من جنبه
ادهم…مانا بصراحه مش مستغني عن عمري اصحي الاقي نفسي بتحاسب
توته…حطت راسها علي صدره بضحك بعد الشر عليك
رفع ادهم وشها ليه.بنظره حب
ادهم…مبسوطه معايا ياتوته
توته….يااااه يا ادهم انت بتسأل انا قبلك مشوفتش دنيا ولا حتي عرفتها انا بعتبر نفسي أتولدت من يوم ما اتجوزتك عارف يا أدهم انا مل يوم بعيشه معاك وفي حضنك بحس نفسي اني لسه عروسه جديده
أدهم…طب مانتي لسه احلي عروسه فالدنيا انتي معندكيش مرايات في بيتكم ولا ايه طيب أقولك علي اعتراف صغير
توته…قول
من بعد ما اتجوزنا كل يوم بحس اني كنت حمار عشان كنت كل شويه بأجل الجواز
توته….متقولش علي نفسك كده
أدهم….بحب بس انا حقيقي حمار بزمتك في حد يأجل النعمه.
توته….بدلع تؤ تؤ🙈
أدهم…حضنها اوي ما تيجي أقولك موضوع سريع كده ولسه هيقرب من شفايفها
عيط كريم وبعدها احمد
أدهم…🙄اللي سمعته ده بجد ولا تهيؤات

 

 

 

 

توته….بضحك لا بجد يا أدهومتي
أدهم….أدهومتك ايه وبتاع ايه اه ياولاد الكلب يا زنانين مش عارف أختلي بمراتي شويه😡
توته…وهي بتضحك🤭 ماتقولش علي حبيبي كده
أدهم…..طب يلا يا ختي روحي شوفي ولاد الزنان ده
وانا هحط الفطار بره
توته….ماشي يا زنان😉
أدهم…فرخانه انتي هااا
توته…هزت راسهأ وهي بتغيظه😜
ادهم…ماشي ياتوته وربنا ما هرحمك بليل
…………..
عدي وقت طويل.
عامر….مبروك ياسهر
سهر…الله يبارك فيك ياعامر
حاج سعيد…مبروك يا بنتي ربنا يجعلها قدم السعد عليكي
سهر….يارب يا حاج سعيد
حسني….مبروك يا بنتي من انهرده بقيتي واحده من اهل الحاره زيك زي بناتنا واي حاجه تحتاجيها تطلبيها مننا نورتي السيده كلها
سهر…بفرحه السيده منوره بأهلها.
عادل….ان شاء الله بكره هسجلك العقد في الشهر العقاري ومتقلقيش كل حاجه تمام
سهر…انا بشكرك يا أستاذ عادل وبجد انا تعبتكم كلكم معايا
حاج سعيد متقوليش كده يا بنتي احنا بقينا اهل هستأذن انا بقي عشان العصر علي آذان خلاص
حسني…خدني معاك يا حاج سعيد نورتي بيتك وعيادتك يا بنتي
سهر…ربنا يخلي حصرتك
عامر….اظن انا نفذت وعدي اهو فاضل وعدك انا اول كشف
عادل….بضحك انت حاجز من الوقت اول كشف😂
سهر…وانا كمان يا سيدي عند وعدي
عامر….بكره الصبح بأذن الله هيجيلك العمال عشان يبنوا الحيطه زي ما قولتلك
سهر….ان شاء الله انا بس كنت عايزه اعرف فين السوق اللي هنا او بتشتروا حاجتكم منين وبعدين لو مفيهاش رخامه يعني انا معايا مبلغ كده علي جمب بسيط محتاجه اجيب منه شويه عفش بسيط للبيت زي ما انت شايف ده عالارض يعني سرير صغير دولاب تلاجه بوتجاز
عامر…تمام لو حابه تجيبي كل ده انهرده اروح معاكي
سهر..ياريت لو مش هعطلك او حتي تقولي فين واروح انا
عامر…تروحي فين انتي انتي عارفه حاجه هنا
عادل….وانا عندي اقتراح لو هيعجبك تمام مش هيعجبك اللي يريحك
سهر…اتفضل طبعا

 

 

 

 

عادل….انا ليا واحد معرفه عنده معرض قسمين قسم في كل الموبيليا اللي ممكن تحتاجيها في الفرش وقسم تاني في أجهزه كهربائيه وكلها بنص التمن.
عامر…ازاي بنص التمن هي مستعمله
عادل….اه مستعمله بس استعمال نضيف جدا مش بيقبل بأي حاجه وكمان في حاجه بتبقي نازله في معارض كبيره وفيها عيوب بسيطه فا بتنزل من تمنها. وبردو الاجهزه اللي بتفضل وبينزل احدث منها بتبقي نص التمن عشان موديلات قديمه وكده فهمتوا
سهر…طيب ده حلو اوي ياريت يا استاذ عادل
عامر…طيب قولي فين مكانه عالاقل نجبلها الحجات اللي هتحجها ضروري الوقت زي السرير دولاب عشان هدومها اجهزه مهمه هتحتاجها
عادل…طيب انا فاضي تعالوا يلا انا هوديكم
سهر….انا تعبتكم معايا بجد
عادل…مفيش تعب ولا حاجه
عامر…متقوليش كده يا سهر انتي بقيتي مننا يلا بينا صحيح ألاول أتأكدتي ان شنطك كلها فوق
سهر…اه اطمن كله تمام
عادل….طيب بلا بينا
……..
مشي عامر وعادل وسهر وراحت معاهم عيون منار🥺
……..
في بيت صالح..
بوسي كانت نايمه في أوضتها صحيت الصبح حضرت الفطار وفطرت هي وصالح من غير كلام كانت واخده برد وحاسه انها تعبانه فا بعد الفطار رجعت تاني علي اوضتها…
وصالح اعد بره زهقان مش لاقي حاجه يعملها هو وبوسي شبه مش بيتكلموا خالص ده خامس يوم جواز ليهم ومفيش اي جديد بينهم فا قرر صالح انه ينزل الشغل مع ابوه وميسبهوش لوحده وفنفس الوقت يضيع الملل والضغط اللي هو فيه..
أتصلت سهير علي صالح.
فتح صالح الخط
صالح….ايه ياسوسو عامله ايه
سهير…ازيك يا صالح عامل ايه
صالح…بخير الحمد لله انتي عامله ايه انتي وشمس
سهير…بخير يا حبيبي الحمد لله
صالح….ايه يا سوسو مبتجوش ليه تسهروا معانا
سهير…انتوا لسه عرسان جداد يا حبيبي لما تقدموا شويه بقي
صالح…بضحكه سخريه جداد ايه وقدام ايه ياسوسو انتوا تيجو اي وقت
سهير….ديما عامر يارب يا حبيبي بحسك بقولك يا صالح والنبي
صالح…قولي ياسوسو
سهير…بكلم البت بوسي مبتردش هي كويسه
بوسي….اه الحمد لله بخير هي نايمه في اوضتها استني اصحيهالك
سهير….لا خلاص يا حبيبي سيبها نايمه انا اصلي مكلمتهاش انهرده وبعدين كنت عايزه اعرف حاطه علب الصبغه فين خلاص مش مهم سيبها نايمه وهسأل توته
صالح…ماشي يا سوسو عموما لما تصحي هخليها تكلمك
سهير…ماشي يا حبيبي يلا مش عايز حاجه
صالح…سلامتك يا سوسو مع السلامه
سهير…سلام
قفل معاها صالح المكالمه.

 

 

 

 

صالح…بأستغراب البت دي نايمه بقالها كتير صحيح من ساعت ما صحيت حضرت الفطار ورجعت نامت تاني
بس شكلها تعبان 🤨ولا تعبانه ولا حاجه دي بتدلع
مسك الريموت وفضل يقلب فالتلفزيون بملل عدي حوالي ساعه إلا ربع وهي لسه نايمه
صالح…اما اشوف البت دي بتعمل ايه
دخل صالح الاوضه وقرب منها وهي راحه في سابع نومه وماسكه الغطا عليها مش مبين منها غير وشها وشعرها
قرب جمبها يهزها براحه
صالح…بوسي بوسي بت يابوسي
بوسي…اممممم
صالح….امك كلمتك من شويه مردتيش عليها ليه الموبايل جمبك
بوسي……….
صالح…بوسي انتي سمعاني شال من عليها الغطا وقرب ايده من خده عشان يصحيها
صالح…بوسي بو….😳يانهار اسود دي مولعه
اعد صالح جمبها بسرعه وسحبها ليه حط راسها علي صدره وفضل يخبط علي وشها
صالح…بوسي بوسي مالك ردي عليا
بوسي…اممممم
رجعها تاني عالسرير وجري عالمطبخ جاب طبق وحط فيه مكعبات تلج كتير وميه صاقعه وفوطه صغيره وجري تاني عليها
اعد جمبها عصر الفوطه وحطها علي راسها
أنكمشت بوسي في نفسها من تأثير الميه الصاقعه
كرر صالح الخطوه دي كذا مره وقام بسرعه لبس ونزل جري يشوفلها دكتور بسرعه
قابله ادهم اللي كان بيشتري حاجه من السوبر ماركت وراجع تاني عالصاله
ادهم…في ايه يالا بتجري كده ليه
صالح…بوسي تعبانه يا ادهم ورايح اشوفلها دكتور
ادهم…يانهار اسود مالها عملت فيها ايه ياض
صالح…هعمل فيها ايه انت كمان دي صحيت الصبح عملت الفطار وكلت لقمتين ودخلت تاني كملت نوم ومن الصبح وهي فالاوضه لما قلقت عليها دخلت اشوفها لقتها مولعه فضلت افوق فيها مش دريانه بالدنيا عملتلها كمادات تلج وهروح بسرعه اشوفلها دكتور
ادهم….طيب تعالي انا جاي معاك امها او توته يعرفوا
صالح…لا لا امها سألت عليها من شويه قولتلها نايمه وتوته متكلمتش
ادهم…طيب يلا بسرعه

 

 

 

 

فضل ادهم وصالح يدوروا علي دكتور مكانوش لاقين الجو كان برد والدكاتره اللي يعرفوهم مش موجودين
صالح…هنعمل ايه ده مفيش ولا دكتور
ادعم…بقولك ايه تعالي نشوف الصيدليه اللي هنا فيها دكتوره شاطره توته بتتعامل معاها للعيال
صالح…طيب يلا بسرعه
دخلوا عالصيدليه
صالح…سلام عليكم
ادهم…ازيك يا دكتور
الدكتوره…اهلا يااستاذ ادهم عليكم السلام خير
صالح…دكتور انا مراتي تعبانه اوي لفيت عشان اشوفلها دكتور مفيش حد خالص تقريبا عشان الجو ده محدش فالعياده
الدكتوره….طيب هي عندها ايه
صالح…مش عارف والله بس هي حرارتها عاليه جدا ومش دريانه اصلا بحد انا عملتلها كمدات بس بردو في دنيا تانيه
الدكتوره بصت للشاب اللي بيساعدها…حمزه هروح مع الاستاذ شويه وراجعه خلي بالك من الصيدليه
حمزه…تمام يا دكتور
صالح…شكرا يا دكتوره ربنا يخليكي
الدكتوره…ثواني بس اجيب حقنه للسخونيه وجايه معاك هلي طول
ادهم…براحتك يا دكتور
عدي وقت بسيط كانت الدكتوره راحت معاهم
وادهم فضل فالصاله
بعد ما خلصت
خرج معاها صالح بره
صالح…خير يا دكتوره
الدكتوره…ابدا هي واخده دور برد شديد شويه وحرارتها عاليه جدا 40 ادتها حقنه وان شاء الله هتنزل الحراره وكتبتلك روشته تجبهالها ومتقلقش ان شاء الله هتبقي كويسه وممكن تحتاج حقنه تاني بس هتتاخد متأخر هي كل 12 ساعه الوقت الساعه 4 ونص يعني المفروض تاخدها الفجر كده لو انا لسه موجوده هعدي عليك واديهالها
صالح…مش مشكله انا بعرف ادي حقن وامي كمان بتعرف اي حد فينا يديهالها
الدكتوره…طيب كويس اوي لو مشيت معلش اديهالها انت وبكره بأمر الله هعدي عليك اشوفها
صالح…ربنا يخليكي يا دكتوره معلش تعبتك معايا
الدكتوره…لا مفيش اي حاجه ربنا يطمنك عليها
حاسبها صالح ونزل تاني مع ادهم والدكتوره يجبلها العلاج
صالح….روح يلا انت عالصاله بقي
ادهم….ماشي اديها العلاج بقي ولما اخلص بليل هبقي اجي انا وتوته نشوفها
صالح…ماشي يا ابو كريم هطلع انا بقي بسرعه
ادهم…ماشي يا صاحبي
طلع صالح جري

 

 

 

لقاها لسه نايمه
ولسه حرارتها منزلتش اوي فضل يعملها كمادات لحد ما فاقت وابتدت تفتح عينها
حست بحاجه تقيله فوق راسها لسه هتسحبها
صالح…بوسي انتي كويسه
بوسي…في ايه وايه اللي علي راسي ده
صالح…مفيش انتي كنتي مولعه ومش دريانه بالدنيا وجبتلك الدكتوره قالت انك واخده دور برد
بوسي حاولت تقوم ساعدها صالح وحطها مخده ورا دهرها مسك ايدها انتي كويسه حاسه بحاجه
بوسي….مصدعه اوي وبردانه
صالح….استني اجبلك روب ولا حاجه تحطيها عليكي راح صالح جبلها روب ولبسه لها ورجع غطاها
صالح…انتي كنتي بتتنفضي جامد انا مغطيكي ببطانيتين
بوسي….بردانه اوي
صالح….طيب اشغلك الدفايه
بوسي….اه
راح صالح جاب الدفايه وشغلها جمبها وقفل الستاره بتاعت الأوضه كويس
صالح…هروح اغير الميه دي عشان التلج ساح وهعملك حاجه دافيه تشربيها واحضرلك الاكل
بوسي….لا بلاش تلج مش قادره جسمي بيترعش جامد ومش عايزه اكل مش جعانه
صالح…لا لازم تاكلي الدكتوره مأكده عليا وانا بجيب منها العلاج عشان ده مضاد حيوي وتقيل
بوسي…لو كلت هرجع حاسه ان معدتي بتوجعني
صالح…مش مهم كلي ورجعي ولا يهمك المهم تاكلي عشان اديكي العلاج هو اللي هيفوقك هروح اعملك حاجه دافيه الاول وارجعلك حط عليها الغطا كويس وسابها وراح عالمطبخ
مسك الفراخ اللي كانت مطلعاها غسلها وقطعها وحطها فالحله عشان تتسلق
وعملها يانسون وحط تلج تاني فالطبق ورجعلها
صالح…عملتلك يا نسون اشربيه لحد ما الاكل يتعمل
بوسي….وهي بتترعش جامد انا هقوم اعمل الاكل متتعبش نفسك
صالح…اتعب نفسي ايه الاكل خلاص عالنار وبعدين انتي تعبانه متتحركيش
رجع تاني حطلها التلج وهي بتترعش اكتر
بوسي…صالح شيل الفوطه مش قادره بردانه اوي
صالح…بردانه ايه بس انتي متغطيه بكذا حاجه ولابسه كويس ولابسه روب انتي فيكي ايه متقلقنيش عليكي
أبتسمت بوسي خايف عليا ياصالح
صالح….وهو بيفتكر انه كان زعلان منها
اكيد يعني اكيد هخاف عليكي

 

 

 

 

اعد صالح ورا ضهرها ورفعها شويه ورجعها تاني تنام علي صدره
بوسي…انت بتعمل ايه
صالح….ولا حاجه بزود الحراره بتاعت جسمك عشان تدفي اكتر ريحي شويه ونامي
نام بوسي علي صدره ودي كانت اول مره يقربوا من بعض ويلمسوا بعض خصوصا انهم من يوم ما اتجوزوا صالح بينام في اوضه الاطفال.
فضل صالح يمشي ايده علي كتفها بسرعه عشان يحسسها بالدفا…وفضلوا كده مده مش بسيطه ونامت بوسي علي صدره
فضل صالح يمشي ايده علي شعرها بحب وباسها من راسها وهو بيكلم نفسك
صالح..بحبك يا بوسي بحبك يا ام دماغ عايزه الحرق هفضل وراكي لحد ما تتعدلي يا بوسي بعد وقت بسيط ابتدا جسمها يرجع لطبيعته ويهدي من الرجفه اللي اصابته وحرارتها نزلت كتير
رجعها عالسرير براحه وراح يجبلها الاكل ورجع صحاها وأكلها بأيده واداها الدوا
صالح…عامله ايه الوقت
بوسي….الحمد لله احسن كتير
صالح…ان شاء الله العلاج هيعمل مفعول
بوسي….انا دماغي بتوجعني اوي
صالح…معلش هو البرد كده بقولك ايه انا هقفل الدفايه شويه عشان متتعبيش الاوضه سخنت اوي وانتي وشك احمر خالص
بوسي….ماشي أقفلها انا حاسه اني بقيت حرانه
صالح…طيب ريحي شويه لو عايزه وانا هقوم اشيل الحاجه دي كلها وادخل اخد دش شويه كده هنزل تحت فالشارع واطلعلك بسرعه
بوسي…مسكت ايده بسرعه رايح فين
بص صالح علي ايدها بأبتسامه ورجع بصلها
سحبت بوسي أيدها منه بسرعه
صالح….ابدا بس عاملين مفجأه صغيره لعامر
بوسي…باستغراب عامر ماله ومفجأه ايه
صالح…أبدا الكليب بتاعه نازل انهرده كلها ساعتين ولا حاجه وينزل ويوسف كلمنا قالنا هيعمله مفجأه فالشارع هو في مشوار وراجع وعايزينه لما يجي يتفاجأ
لما اجي انزل لو حسيتي انك اتحسنتي ابقي اتفرجي من البلكونه
بوسي….بأبتسامه ماشي
صالح يلا هسيبك ترتاحي شويه هدخل الصنيه واغسل الاطباق وادخل اظبط نفسي وهرجعلك
بوسي…صالح
صالح…نعم
مسكت بوسي ايده بزعل🥺انت لسه زعلان مني
صالح…ابتسملها أبتسامه بسيطه مش وقته الكلام ده يابوسي بعدين
هزت بوسي راسها براحه سابها صالح وخرج وهو بيتنهد…وحياه امي لاربيكي يا بوسي واخليكي تقولي ان الله حق🤨🤨
……………..
عدي الوقت بسرعه طلعت مديحه ومعاها ستات الحاره زي ما متعودين يطمنوا علي منه ويباركولها واطمنوا علي رحاب
وبعد شويه جهز الشباب ونزلوا الشارع ونزل هيما وايهاب بالعافيه بعد ما هيما فهم منه عالمفجأه وايهاب فهم رحاب
زين…انت نازل وسايب اختي ياض بوم الصباحيه
هيما…متخلنيش اشتم خليني محترم مش انت اللي مكلمني قايللي عالمفجأه دي
ايهاب….لا والفقر ده جاي الكليب بتاعه ينزل يوم صباحيتنا عيل رخم😂😂
ادهم…مش هو اللي اتأجل كذا مره هو ماله
هيما…المهم هو فين زفت الطيب المطرب العاطفي ده
زين…بضحك كلمت عادل وقاللي راجعين خلاص

 

 

 

 

وبعدين العربيه اللي كانت جايبه الحاجه بتاعت الدكتوره سبقاهم وموقفله ناس هناك اهو يساعدوهم في شيل الحاجه..
صلاح….هي خلاص كتبت العقد
زين…هيفضل طول عمره غبي بقولك عربيه الحاجه اللي جابتها والاجهزه جايه تبقي مكتبتش العقد يارب الصبر من عندك
صالح….معلش اصله غبي
ادهم….بوسي عامله ايه الوقت يا صالح
صالح…احسن شويه الحمد لله
زين…مالها بوسي
هيما ..في ايه مالها
صالح…ابدا كانت مولعه الصبح وبتخرف وجبتلها الدكتوره وادهم كان معايا
زين…طب مقولتوش ليه
صلاح….نعم يعني في بيت واحد وانا اخر واحد اعرف
هيما…اتنيل يعني احنا اللي عارفين
صلاح…طيب هي عامله ايه الوقت
صالح…احسن والله
صلاح….لما نطلع هبقي اجي ابص عليها انا وشهد
صالح…تنوروا ياعم
…….
اما عند منار فكانت راحه جايه وحاطه صوابعها في بوئها بغيظ وحاسه انها مضايقه بسبب وجود سهر مع عامر
حاج سعيد..منار منار
خرج منار لوالدها
منار…ايوه يابابا
سعيد…والنبي يا بنتي اعمليلي شويه شاي
منار…حاضر يا بابا عيني
دخلت منار غابت حوالي خمس دقايق ورجعت اتفضل يا بابا عايز حاجه تاني
سعيد….مروحتيش ليه مع امك يا حبيبتي تشوفي صحابك
منار….مانا مبعرفش اطلع تاني يوم جواز كده يابابا بتحرج بصراحه بنروح بعدين كلنا مع بعض
سعيد…عقبال ما افرح بيكي يارب يا حبيبتي
منار…ربنا يديك الصحه يا حبيبي
سعيد…مش ناويه تقلعي الاسود بقي يابنتي انتي لسه صغيره
منار….مش عارفه والله يابابا كل ما بحاول مبقدرش وبعدين ماهي ماما لسه لبساه
سعيد…يابنتي امك كبيره انتي لسه صغيره وبعدين الاسود حرام يا حبيبتي اقلعيه يا منار عيشي حياتك يا بنتي متنكديش علي نفسك كيمو لو كان عايش كان زعل منك اوي ده كان اكتر لون بيكرهه
منار…بدموع ربنا يرحمه حاضر يابابا هحاول
سعيد…ماشي بالمناسبه خطيبك كان بيكلمني من شويه بيسلم عليا وانا عزمته يجي يتغدا معانا بعد بكره
منار…بضيقه طب ليه يابابا
سعيد…هو ايه اللي ليه يابنتي الجدع مدخلش بيتنا غير مرتين مره يوم ما لبسك شبكتك ومره بعد الخطوبه اتعظم عندنا مره وامبارح لما جه خدك كان واقف تحت مطلعش عيب يا منار ده خطيبك
منار…اللي تشوفه حضرتك يا بابا
سعيد…منار انتي بتحبي أنس
سكتت منار وبصت بعينها الناحيه التانيه
سعيد…سكتي ليه يابنتي
منار….انس كويس يابابا شاب محترم بتاع شغل بجد يعني عرفته اصلا من الشركه وبعدها عرفت انه صوته حلو وبيغني فالاوبرا وفي كذا مكان مع شغله طبعا فالشركه
يعني مجتهد ابن حلال جدع راجل في مميزات كتير

 

 

 

 

سعيد…كل ده انا عارفه يابنتي بس يامنار مش ده الرد عالسؤال يابنتي انا سألتك بتحبيه ولا لا قولتي مميزاته وده مش رد علي سؤالي اوقات المميزات مبتبقاش كفايه يا منار
منار…ايوه بس يعني شاب في كل المميزات دي اكيد ميترفضش واكيد مش كرهاه وإلا مكنتش وافقت عالخطوبه
سعيد….في شباب كتير كلهم ميزات يا بنتي بس مش معني كده اننا نحبهم كلهم واوقات القلب بيختار واحد مفيهوش نص الميزات دي ومع ذلك بنتعلق بيه وبنرضي بعيوبه
منار…تقصد ايه يابابا
سعيد…اقصد يامنار ان المميزات مش سبب قوي للحب الحب يابنتي بيبقي اقوي من كده بكتير حتي لو في عيوب اوقات اتنين بيسيبوا بعض والاتنين كويسين جدا لاكن مش حاسين بعض مفيش بينهم دفا حب في بينهم برود
منار…بأبتسامه بسيطه بس الانا اعرفه ان حضرتك وماما اتجوزتوا جواز تقليدي ومع ذلك ماما روحها فيك وانت كمان بشوف في عينك حب وخوف عليها لحد الوقت
سعيد…اللي بيني وبين امك يا منار عشره ورابط قوي مش موجود علي ايامكم زمان يا منار كان قليل اوي اللي يحب كانت اغلب جوازتنا صالونات زي ما انتوا بتسموها الوقت بس جيلنا بيختلف عن جيلكم جيلنا كان بمجرد ما الراجل والست بيتجوازو وبيتقفل عليهم بابا واحد كأنهم بالظبط خدوا علي بعضهم عهد انهم مش هيبعدوا ابدا غير بموت واحد فيهم كانت العشره بالنسبالنا اقوي بكتير اوي من الحب اه كان بيحصل مشاكل وخناق وخلافات في وجهات النظر بس كنا بنقدر نعدي ومان في بينا تفاهم نقدر نمحي بيه اي زعل الست لما كانت تزعل من جوزها مكانتش تسيب اوضتها ولا سريرها حتي الغطا كان بيجمعهم كانوا يزعلوا ويتخانقوا ويغضبوا ويثوروا لاكن اخر الليل بيتقفل عليهم باب اوضه واحد ويضمهم سرير وغطا واحد ويصحوا تاني يوم يصبحوا علي بعض بحب وينسوا انهم كانوا زعلانين لا عمرنا سمعنا علي ايامنا راجل بيضرب الست ويستقوي عليها ولا سمعنا عن ست واقفه ادام جوزها في محاكم غير زمنكم كل حاجه في مختلفه لو مكنش الاتنين بجد متفاهمين وبيحبوا بعض بجد وبينهم احترام مش هتكمل حياتهم عشان زب ما قولتلك الغضب عندكم اسرع …احنا كنا بنقدر نتحكم في غضبنا كانت الست مترفعش صوتها في جوزها وتسيبه لحد ما يهدي ومتكبرش الخناق بعصبيه وغلط ورد علي جوزها صدقيني مش عيب ابدا انك تسكتي وقت غضبه ولا تقليل من كرامتك انك سمعاه بيزعق ومتعصب وانتي مبترديش حتي لو انتي مش غلطانه عشان لما هيهدي ويأعد مع نفسه هيتكسف من نفسه انه جه عليكي وهيجي يعتذرلك لاكن العيب والتقليل اللي بجد من كرامتك لما تقفي تزعأب وهو يزعأ وتتعصبوا وتوصلبه بعصبيته انه يقولك لفظ وحش او يمد ايده ساعتها بتتكسر حاجه جوه الست مهما صالحها ووقتها بتكون الست فعلا هي اللي قللت من كرامتها لما دخلت معاه في المشكله وبدل ما كانت ممكن تجيبه بذكاء يصالحها ويراضيها ويكبرها لا المشكله هتكبر وتوصل للزعل ويبتدوا الناس تتدخل والكل يبقي عارف اللي بينكم وده مش صح…امك عمرها ما عملت اي حاجه زعلتني بيها كانت ومازالت ونعم الزوجه العشره خلتني مشوفش اي ست في عيني غيرها وحبي ليها بقي اقوي بكتير من اي حب اللي بينا عمر لا عمري زعلتها ولا عمرها وقفت قصادي…
عرفتي يامنار الفرق بين حب زمان والوقت يمكن انا راحل حاجج بيت ربنا كذا مره وعامل كذا عمره وبصلي الوقت بوقته ومبعديش اذان ولا صلاه فالمسجد حتي لو تعبان ومع ذلك مقدرش اقولك بلا حب بلا قرف وعيب وحرام الحب يابنتي مش حرام لاكن في حدود دينا وانا لنا سألتك عن انس ده مش عيب انا بس عايزك تختاري حب بجد يفضل معاكي طول حياتك عالحلوه والمره…وابقي مطمن عليكي بجد
منار….بأبتسامه انا بحبك اوي يا بابا
حضنها سعيد…وانا بحبك اكتر مع انك مجاولتيش علي سؤالي بس مش مهم المهم تدوري كلامي في دماغك صح واوزنيها يامنار واظن انتي فهمتي انا ليه بسألك وعشان اوصل لايه بالظبط شوفي يابنتي قلبك عايز ايه بس متلغبش عقلك اشركيهم الاتنين مع بعض هتوصلي للصح فهماني يامنار

 

 

 

 

أبتسمت منار بحب…فهماك يا حبيبي
سعيد….يلا انا نازل اصلي العشا وصحيح بأمر الله قررت انا وامك نعزم الكل هنا قبل ما نسافر للعمره يعني كا مباركه للعرسان الجداد كلهم وهنبقي نقول بردو لانس هو عمره ما اتجمع معانا. وبالمره نعزم الدكتوره الجديده
كشرت منار وشها.
سعيد…بنت محترمه ومجتهده وشكلها اصلها طيب وملهاش اي حد هنا غيرنا واهو تتعرف عليكم وتتعرفوا عليها
منار…اللي حضرتك تشوفه😔
سعيد….بأبتسامه يلا انا نازل
منار…سلام..
قفلت وراه ودخلت جري عالاوضه بتاعتها تبص من الشباك وتستني رجوع عامر عشان تشوف المفجأه اللي هما بيحضروهاله
يوسف….ايه رأيكم كده
في حاجه ناقصه
زين…لا كده تمام
كان يوسف اتفق مع بتوع الفراشه علقوا انوار كتير علي بيت عامر وجاب شاشه عرض كبيره علقوها علي واجهه البيت بتاع عامر
وسماعات دي چي كبيره
ادهم…هيتفاجئ لما يجي
وعدي وقت بسيط وظهرت ادامهم العربيه بتاعت الموبيليا والاجهزه الخاصه بسهر ووراهم عربيه فيها عامر وعادل وسهر
كانت لسه الاضاءه مقفوله وكل حاجه مش باينه
عامر….انتوا ايه اللي نزلكم يا مواكيس اطرقعتوا ولا ايه
هيما…اتلم ياض مين دول اللي اتطرقعوا
عامر…بضحك استنوا راجعلكم اشوف الناس دي بتطلع الحاجه
زين…طيب اخلص
عدي حوالي تلت ساعه طلعوا العمال الحاجه بتاعت سهر بسرعه وظبطوهالها كل حاجه في مكانها ومشيوا العمال
سهر….اخيرا الحمد لله
عادل…مبروك عليكي يارب يكونوا عجبوكي
سهر…اه والله اوي واسعارهم حلوه جدا الحمد لله
عامر…ايه الافتتاح امته بقي عشان مستعجل عالكشف😂
سهر…بضحك ان شاء الله هيكون خلال اسبوع او عشر ايام خلص تظبيط واجهز اوضه الكشف وكل حاجه وهشوف حد يشتغل معايا يعني بنت تنظم المواعيد تحجز كده يعني
عامر…علي خير يارب يلا هننزل احنا بقي عشان ترتاحي
عادل…بقولك ايه يادكتور ابقي بصي من البلكونه ها🙄
سهر…بابتسامه استغراب اشمعني
عادل…يعني مفجأه صغيره كده
عامر…لمين والله انا شاكك في وقفتهم تحت دي دول لسه عرسان
عادل…تعالي بقي بلاش رغي سلام يادكتور متنسيش
سهر…حالا اهو
…….
نزل عامر وقف وسطهم وهو رافع حواجبه وانتبه لاقي الكل واقف في شبابيك والبلكونات ومنار واقفه في شباك اوضتها لاكن بتحاول متبينش نفسها والابتسامه علي وشها.
عام …ها بقي ها في ايه وقفتكم دي مش مريحاني
زين…بضحك ابدا ولا حاجه
ادهم…عاملين عامله يا واد ياعامر
عامر…ايه مطرودين ولا ايه

 

 

 

 

صالح…صراحه اه كلنا مطرودين يظهر كده اننا ملناش غير بعض ياض ياعامر
مسك يوسف مايك
يوسف…وهو بيخبط عليه اس اس اس واحد اتنين تلاته الووو الووو الو
عامر….بضحك بتعمل ايه يامجنون وابه المايك اللي في ايدك ده
يوسف…في المايك بلاش رغي ياعم صدعتنا ياعل الحارره اظهروا يلا كله يطلع من الشبابيك يلا ياشباب البرد مش هينفعكم انزلوا هنا وسطنا اللحظه دي مبتتكررش كتير حسنه قليله تمنع بلاوي كتيره
فضلوا كلهم يضحكوا
عامر…انت بتشتحت يا چو في ايه
يوسف…عايز تعرف🤨
عامر….اه عايز اعرف 🤨
يوسف…طيب يلا واحد اتنين تلاته
وفجأه نورت الانوار في الشارع كله وكأنه فرح
عامر…بدهشه في ايه ياض انت هتتجوز انهرده ولا ايه 😳
يوسف….بلا ياشباب
وفجأه الشاشه نورت علي البيت بتاعه ومكنش واخد باله ان في شاشه اصلا
عامر…😳
وفجأه جت صورته واشتغل الكليب بتاعه والسماعات كلها كانت مسمعه الشارع وكل الشوارع اللي حواليهم
وهو مش مصدق ونسي خالص حوار الكليب هو عارف انه هينزل بس نسي الوقت اللي هينزل فيه واتشغل مع سهر.
وابتدوا صحابه يشيلوه والشباب كلهم اتجمعوا وفجأه الشارع اتحول وكأنه فرح والشاشه شغاله مفرجه الشارع كله عالكليب
جري صالح جابله كرسي وقف عليه وميك المايك والشباب والاطفال الصغيره بيلفوا حواليه وهو بيغني وحس فجأه انه كأنه في حفله
الكل بيصفر والستات تزغرط والكل بيصقف ومتفاعب معاه فرحانين بأبن حتتهم اللي اخيرا وصل لاول خطوه من حلمه واتشهر.
منار كانت واقفه دموعها نازله والابتسامه علي وشها وهي بتضحك من بين دموعها وطايره من الفرحه عشانه
البنات كلهم واقفين فالبلكونات حتي سعر اللي كانت مبتسمه بفرحه وحاسه براحه وأولفه وفا غير طبيعيه وسطهم
……..
خرجت روحيه وفضلت تلف مع الشباب والاطفال بفرحه وتصقف معاهم
وفضل عامر يغني
ويبص عالشارع كله ويرفع راسه للناس اللي بتشجعه بحب وهو عينه علي منار اللي لمحها واقفه
وابتسامتها ودموعها نازلين
وعلي غير العاده مجريتش واستخبت وكأنها اصلا مش معاه ولا هي دريانه من كتر فرحتها😍😍

يتبع…

اترك رد