رواية لم انساكي يوما الفصل الخامس 5 بقلم آية محمد

رواية لم انساكي يوما الفصل الخامس 5 بقلم آية محمد

رواية لم انساكي يوما البارت الخامس

رواية لم انساكي يوما الجزء الخامس

رواية لم انساكي يوما الحلقة الخامسة

حسام بعد عن ايمى
وقلها ممكن متبكيش تانى مبحبش اشوفك كده
-ايمى ابتسمت وهيا بتمسح دموعها وقالت خلاص اوعدك مش هبكى تانى
-حسام تحبى نخرج اى مكان مع بعض
-ايمى بابتسامه
طبعاً موافقه
-حسام طب يلا بينا
_~~~~
ريم خرجت جرى وهيا بتبكى ومش مصدقه الى شفتو والى سمعتو وبتقول فى نفسها
انا ازاى صدقت انو ممكن يفضل يحبنى بعد ده كله وفضلت مستنياه وفى الاخر طلع خاطب وبيحبها وانا زى الهابله مصدقه وبقول انو وعدنى ومستحيل يخلف وعده
وبتبكى بصوت عالى
كان المفروض اصدق كلام سلمى لما قالت انو كان حب مراهقه وانو هينسانى
وهيعيش حياتو ويتجوز
طلع عندها حق هوا نسانى فعلا
بس ليه عمل كده لما شافنى حست انو لسه بيحبنى لما حضني شوفت فى عينه حب ليا معقول مكنش حقيقى وبتنهار وسلمى بتكون واقفه وسامعه كلامها
وبتروح عندها وبتهدى فيها
-سلمى ريم متعمليش فى نفسك كده هوا مايستهلش دموعك دى هوا الى خسرك صدقينى انتى فى كتير بيحبوكى بس انت الى قافله قلبك لشخص ميستهلش وهوا خطب وعاش حياتو وانت كمان عيشى حياتك ومتوقفهاش عليه اثبتيلو انك انت كمان نستيه وعيشى حياتك اوعى تبينى لحد انك مكسوره او مجروحه كونى قويه وعيشى حياتك وافتحى قلبك صدقنى هتحبى تانى الدنيا مبتقفش على شخص واحد
ريم بصت على سلمى وهيا دموعها مغرقه وشها وبعدين قامت حضنها وقالت
-ريم
شفتى ي سلمى انتى فعلا كان معاكى حق انا كان لازم انساه فعلا مكنتش متوقعه انو هينسانى بالسهوله دى ويخطب فكرت انو مستانينى زى ما انا مستنياه وبيحبني زى ما انا بحبو لاكن محصلش
بتقول كده وهيا بتبكى فى حضن سلمى
– سلمى انا قلتلك انو سبع سنين العقل بيتغير فيهم والقلب كمان
وهوا اتغير وحب حد تانى وانتى كمان لازم تحبى حد تانى ومتفكريش فيه تانى اوعدينى ي ريم انك هتنسى الى اسمو حسام ده
ريم بعدت عنها وبصتلها
وقالت عندك حق انا لازم اشيلو من تفكيرى نهائى ومسحت دموعها وقالت انامش لازم اكون ضعيفه وزى ماهوا نسى حبنا اناكمان هنساه وهعيش حياتى وهحب حد تانى
سلمى ابتسمت
وقالت ايوا كده هيا دى ريم الى اعرفها وعالشان كده بقى هعزمك على حاجه نشربها ايه رايك
-ريم ابتسمت
وقالت وانا موافقه
سلمى
طب يلا بينا قبل ما حسن يوشفنا ومش هنشرب حاجه خالص وضحكت
ومشيو
-____~~~عند حسام وايمى كانو راحو كافيه عالشان يشربو حاجه وقاعدين يهزرو
وريم وسلمى دخلو نفس الكافيه لانو كان قريب من الشركه
وهما داخلين ريم شافت ايمى وحسام وهما قاعدين ووقفت
سلمى بصت عاليها تشوفها وقفت تبص على ايه لقت ايمى وحسام وهما قاعدين وباين انهم مبسوطين وبيهزرو
سلمى
تعالى نقعد ي ريم
-ريم
لا يلا نمشى مش هقدر اقعد فى نفس المكان
-سلمى
لا لازم تقعدى لازم يبان انو مش فارق معاكي وانو انت كمان نستيه زى ما هوا نساكى
ريم بصت عاليها وسلمى هزت راسها وقعدو
__~~
احمد خلص محضراتو وبدور على سلمى مش لاقيها رن عاليها
_~~
سلمى كانت قاعده هيا وريم الى باين عاليها الحزن
وتلفونها رن
– سلمى بخضه
يلهوى احمد بيتصل احنا مقلنلهوش اكيد دور عالينا ملقناش هقولو ايه دلوقتى
– ريم بهدوء
ردى قوليلو اننا كنا جاين لحسن وبعدين روحنا نشرب حاجه فى كافيه
-سلمى بتوتر
اه صح هقول كده
– سلمى
الو ايوا ي احمد
-فى الجهه التانيه
-احمد بزعيق
انت فين ي سلمى
-سلمى
انا قاعده فى كافيه بشرب حاجه كنت هعدى على حسن بس مروحتش
– احمد
اه طب هيا ريم معاكى
سلمى
بصت على ريم وقالت اه معايا وبعدين قالت بقولك ي احمد ما تيجى احنا لسه واصلين تعالى اشرب معانا حاجه وروحنا وضحكت
وريم بتبص عاليها جامد بمعنى مينفعش يجى بس سلمى مردش عاليها وقالت ها هتجى ولا لا
-احمد على الفون
ماشى ابعتى العنوان اما اشوف اخرتها معاكم
وقفل
___~ فى الكافيه
ريم
انت ازاى تقوليلو يجى
سلمى
وفيها ايه ي بنتى هنشرب حاجه مع بعض وبعدين
هيوصلنا بدل مرمطه التكاسى دى~~~
حسام وايمى
كانو مندمجين فى الكلام ومش شايفين ريم بس ريم كانت قاعده وتبص عليهم بحزن
وهما قاعدين تلفون حسام رن وحسام رد عليه
وايمى
قعدت تبص على المكان وشافت ريم
وادايقت جدا لانها لاحظت انهابتبص عليهم بحزن فحبت تديقها اكتر واول ما حسام خلص المكالمه قامت ماسكه ايدو وحسام اتفاجئ وحاول يسحب ايدو منها بس هيا مسكها جامد وبتضحك
وحسام مش فاهم حاجه وبعدين حسام قام ساحب ايدو جامد وقلها مينفعش الى انت بتعمليه ده احنا قاعدين فى مكان عام الناس تقول ايه
____~~
ريم كانت قاعده بتبص عليهم وشافت ايمى وهيا بتمسك ايد حسام وفكرت انو حسام هوا كمان عمل كده ومقدرتش تتحكم فى نفسها وعينها اتملت دموع بس مسحتها بسرعه وقالت فى نفسها
انا مستحيل اكون ضعيفه هوا حب واحده تانيه وارتبط بيها ولا همو حتى مفكرش يسال عاليا لو كان بيحبنى فعلا كان سال بس خلاص كده انا هشيلو من دماغى وقلبى ومش هفكر فيه وزى ماهوا عمل انا كمان هعمل وهبين انو مش فارق معايا
فاقت من تفكرها على صوت سلمى وهيا بتشاور باديها قدام عينيها
-سلمى ايه ي بنتى سرحتى فى ايه وبعدن بصت على حسام
وقالت متفكريش كتير انت خلاص قررتى تنسيه يبقى لازم تبقى قد كلامك
– ريم معاكى حق انا خلاص معتش هيهمني تانى
___________^
احمد كان وصل الكافيه وسلمى شافتو وشورت ليه وراح عندهم
– احمد ينفع تمشو من غير ما تقلولى كده
– سلمى
اصل ريم كانت مدايقه شويه وقلنا نخرج
_
احمدبص على ريم
وبعدين قال
ريم انا اسف على الكلام الى قلتو بس صدقنى كان غصب عنى مقدرتش اشوفو بيحضنك واقف ساكت انا عارف انك ملكيش ذنب واسف انى زعقت ليكى
– ريم
لاعادى اى حد مكانك كان عمل كده وانا مش زعلانه
احمدابتسم
احمد كان هيسال ريم على حسام وبعدين سكت وفضل يبص عليها وسلمى لاحظت انو عايز يتكلم
– سلمى
عن اذنكم يجماعه هروح الحمام وارجع
__ بعد ماسلمى مشيت
– احمد بتوتر
ريم انا مش عايز احرجك بس يعنى انت فكرتى فى الموضوع الي قلتلك عليه
___~~
ريم كانت نسيت طلب احمد بسبب حسام والى حصل بس سكتت شويه وفكرت انها لازم تدى لنفسها فرصه تانيه يمكن تحب
واحمد فكر انها مش موافقه لما سكتت وقال
– احمد خلاص ي ريم لو مش موافقه عادى انا
بس ريم قاطعتو وقالت
لا عادى انا مش هلاقى انسان زيك وانا موافقه على طلبك وتقدر تكلم حسن فى اى وقت تحبو
احمد من الفرحه مبقاش مصدق ومسك ايدها بس انتبه لنفسو وسبها على طول وقال انا اسف بس انا مش مصدق بجد انك وافقتى
___
عند ايمى وحسام
ايمى طبعا كانت قاعده مركزه مع ريم وسلمى وشافت احمد وهوا داخل واول ما سلمى قامت ولقت ريم واحمد قاعدين لوحدهم قالت لحسام
– ايمى
حسام بص كده مش دى البنت الى كانت فى الشركه الى اسمها ريم ومين الى قاعده معاه ده مش نفس الشخص الى كان جاى معاها
حسام اول ما ايمى جابت اسم ريم التفت بسرعه وبص عليهم ولاقى فعلا احمد وريم مندمجين فى الكلام وادايق جدا واتعصب اكتر لما شاف احمد ماسك ايد ريم وعند النقطه دى اتجنن و مستحملش وقام بسرعه راح ليهم واحمد وريم قاعدين وسلمى جايه
و مره واحده قام حسام ماسك ايد احمدجامد وقاومو وريم مصدومه وايمى كذالك وسلمى مش فاهمه حاجه واحمد مستغرب
وحسام قام ضارب احمد بوكس وسلمى جريت عليه وريم انصدمت وحطت ايدها على بقها وحسام قال بزعيق وعصبيه انت ازاى تمسك ايدها كده
احمد قام وضربو هوا كمان وايمى كانت واقفه مصدومه ومستغربه فى نفس الوقت وجريت على حسام لما احمد ضربو
واحمد
قال بزعيق مماثل وانت مالك ولسه حسام هيرد ويضرب احمد ريم قامت واقفه قصادو وقالتلو وانت مالك واحد وخطبتو داخلك ايه انت~~~~

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية لم انساكي يوما)