رواية جريمة عشق الفصل الخامس والثلاثون 35 بقلم مريم نصار

رواية جريمة عشق الفصل الخامس والثلاثون 35 بقلم مريم نصار

رواية جريمة عشق البارت الخامس والثلاثون

رواية جريمة عشق الجزء الخامس والثلاثون

رواية جريمة عشق الحلقة الخامسة والثلاثون

نهاد :- يعني راح فين يا طاهر يابني ما تخبيش عليا
طاهر :- والله يا تيته زياد قالي هتيجي معايا بكره مشوار مهم قولتله مشوار ايه قالي هنروح لعاصم الصاوي وبس ما قاليش هيقابله فين ولما صحيت في الميعاد ما لقيتوش موجود نزلت ورحت بسرعه عند بيت عاصم الصاوي
وسالت البواب قالي خرج من الساعه ٩ الصبح وما صدقتوش وجريت بسرعه وطلعت العماره لحد باب شقته لقيت يافطه مكتوب عليها اسمه وخبطت كتير وفعلا مكانش موجود
طلعت جري على الشركه بتاعتهم الآمن قالو ان عاصم مجاش بقاله فتره و واخد اجازه مفتوحه
واتصلت على موبايل زياد انتظار ومش عارف اعمل ايه جريت على هنا قولت يمكن يكون موجود هنا
هدى بتطلم على وشها :-ابني ابني راح يا ناس اعمل ايه . اعمل ايه ابني واغمى عليها طاهر جرى عليها ونهاد وشالوها ونيموها في السرير وقعدو جمبها وبعد فتره فاقت وقامت لبست وجريت في الشارع ومحدش قدر عليها
نهاد قالت ل طاهر :-خلي فونك معاك وخلي عينك على هدى متسيبهاش وطاهر نزل جرى وراها هدى
نهاد بكت بحرقه ياترى انت فين يا زياد يا رب يا رب انت الحافظ كده يا زياد يا بني توجع قلبي و قلب امك استودعته عندك يا رب
———- بقلم Mariem Nasar
جاسر فتح عينيه كالعاده بيبص على حبيبته وهي كانت نايمه في حضنه وقرب منها وباسها وصحاها من النوم بكل رومانسيه
:-ملاكي قومي بقى انتي وحشاني قوي
ملك :- ايه يا جيسي بقى سيبني نايمه
جاسر :- جيسي يا بنتي عيب والله انا راجل قوي عيب الاسم ده في حقي
قومي يلا تعالي ننزل وحضرلك احلى فطار

 

 

ملك :- لا انا بدلعك بيني وبينك وباقولك جيسي
جاسر :- خلاص بما ان بيني وبينك يبقى جيسي . جيسي يا حلاوتك يا جيسي يا ابن عم جوس ههههه يلا بقى ننزل علشان انا جعان قوي من امبارح و هاعملك فطار عالمي
ملك :- ايه ده بجد
جاسر :- مش مصدقه طيب تعالى وقام واخد ملك ونزله على تحت
وجهزلها احلى فطار فعلا وجاسر كان شيف ممتاز لانه كان معتمد على نفسه وعلى طول مسافر واكلها ف بقها واخدها وطلعوا على اوضتهم يكملوا مسيرتهم
———-
أشرف :-هنا يا هنايا
هنا :-امم صباح الخير يابيبي
اشرف :- صباح العسل ايه يا بت انتي كل شويه تحلوي كده
هنا :- ميرسي يا بيبي
اشرف :- ميرسي يا بيبي لا ميرسي على واجب ياختي عارفه يا هنايا انتي كل حاجه فيكي حلوه بس لو تبطلي تتكسفي مني انا عايزك على طول زي امبارح كده فاجئتيني والله
هنا مكسوفة:- والله انا عملت كده علشان انت على طول مقموص
اشرف :- انا بتقمص يا هنا اخص عليكي انا لو اطول افضل جمبك مش هازهق انا بحبك قوي يا هنا بحبك يا بت
هنا قربت منه:- سوري يا بيبي مش قصدي . تعرف ان زعلك ده بيجنني ازعل يا قلبي براحتك وانا اصالحك و ضحكه مايصه
أشرف :- بجد طيب انا زعلان
هنا ابتسمت وقربت منه :-تعالى لما اصالحك وكملوا مسيرتهم وبتصالحه
————-

 

 

عند طارق
طارق نايم بعمق ورنا خرجت من الاوضه وراحت تجهزله فطار علشان هي حاسه بالذنب تجاه طارق
وقالت كلها يومين وهافجاءك يا طارق عموما كويس انا اخدت عليك شويه وجهزت الفطار و دخلت الاوضه وشايله الاكل وسابته على الترابيزه وقربت منه
رنا :- طارق
طارق : …….
رنا :- طارق قوم بقى وهزته جامد وزعقت طااااااارق
طارق :- ايه سيبني انام يا زفت انت
رنا :- زفت
طارق :- قووووووووووم
طارق اتفزع:- ايه . ايه انا فين انا مين انا هو انا ايه
رنا :-هههههههههههه انا فين انا مين قوم قوم الساعه عدت ١ الضهر انت في بيتك ياخويا وانت اسمك طارق السيوفي
طارق :- اوووف يا رنا خضتيني في عروسه تصحي عريسها كده وبعدين ما تسيبيني نايم هو انا ورايا ايه هاقوم اعمل ايه يعني
هو طبعا مش قصده حاجه بس رنا اخدت الكلام عليها وقامت
:-ماتعملش حاجه نام خليك نايم انت حسستني انك اتجوزت واحده ملهاش لازمه الاكل عندك اهو لما تجوع كل انا طالعه بره دي عيشه تقرف وسابته وخرجت بره الاوضه
طارق مصدوم:- ايه البت دي هو انا كل شويه اصالح فيها لما اقوم اشوفها رنا يا رنا انتي يا بت
عند آدم
———- بقلم Mariem Nasar

 

 

 

مريم نازله على ركبها بتطهر الجرح وآدم قاعد على السرير آدم وقف :- مريم
مريم رفعت عيونها بدموع :-نعم يا قلب مريم الف سلامه عليك
آدم :- انتي طاااالعه زي القمر النهارده .
وبعد عنها خطوتين وعلا صوته على عاصم وانت وحياة امك ما هاسيبك وهشرحك ورب الكون لاشوهلك وشك يا عاصم الكلب وديني ورحمة امي لاقتلك
ومريم واقفه مش فاهمه حاجه
…….
اما عند عاصم هجوم كبير عليهم وعربيات جت كتير وبودي جاردات وكانوا اكتر من سبع عربيات وسلاح وهجموا على عاصم اللي جم عليه على غفله
وعاصم جه يهرب ولكن مسكوه
بيتر :- هاتوا الكلب ده وارموه في المخزن لحد ما نشوف الرائد آدم هيتصرف معاه ازاي وهاته الواد ده علشان نشوفله جرحه ونبعته على المستشفى ونشوف آدم هيعمل ايه
(طبعا عايزين تعرفوا ايه اللي حصل عنيه حاضر هاقولكو )
فلاش باك
————
بيتر قاعد في البيت ومالوش مزاج ينزل الشركه علشان مراته جت من السفر ووحشاه اووي وديف ابنه ماسك فون بيتر وبيلعب جيمز اللي موجود على الفون
بيتر : ديف يا حبيبي سيب بقى فوني شويه والعب على التاب بتاعك هو فوني عليه سكر يعني
ديف : يا بابا هو انا عارف العب اي حاجه فونك كل ثانيه يبعت رسايل على الواتس وعلى رقمك لما زهقت
بيتر : رسايل طيب تعالى هات الفون اشوف مين علشان في مناقصه وكنت منتظر رساله
.

 

 

آدم ركن العربيه وعاصم بيحرق ف دمه آدم سابه يتكلم
و بيفكر يعمل ايه فكر يا آدم فكر
فكر في طارق وجاسر واشرف بس دول عرسان واكيد نايمين طيب فكر يا ادم فكر فكر انت لا يمكن تخسر مريم فكر علشان خاطر حبيبتك
ايوه بيتر . بيتر هو الحل و فتح الواتس و بعت رسايل
(بيتر انت فين . بيتر بسرعه رد انت فين انا واقع في ورطه حياة مراتى وعيل صغير في خطر بيترررر رد
اوووووف مش عارف اتصل لو قفلت هيأذي زياد)
آدم بغيظ ااااه يا ابن الكلب . يا ابن الكلب ورحمة امي ما هاسيبك والله ما هاسيبك
فتح الواتس تاني رد يا بيتر رد انا مش عارف اتصل عليك رد انت المفروض صاحي دلوقتى رد
ولسه هيقفل الواتس وشاف بيتر انه شاف الرساله
بيتر :-بقلق خير يا آدم وخطر ايه
آدم :- الحمد لله اسمعني بص يا بيتر عاصم الصاوي ابن عم جاسر عارفه
بيتر :- ايوه الل متعور ف وشه دا شفته في الفرح
آدم :- ايوه طيب هو دلوقت خاطف عيل صغير يخصني في قضيه مهمه وهو على الطريق الصحراوي هو دلوقت معايا على الفون وما ينفعش اقفل وبيهددنى
بيتر بغيظ:- هددك بايه الكلب ده

 

 

آدم :- مش وقته هشرحلك كل حاجه بعدين دلوقتى انا مش قدامي غير ساعه واحده يا بيتر ساعه وهخسر كل حاجه
اسمع عاصم واخد الولد على الطريق الصحراوي زي ما قلتلك هابعتلك دلوقتي الرقم اللي هو بيكلمني منه وحدد المكان فين بالظبط وابعت البودي جارد
هما هناك ٦ رجاله ٤ منهم بودي جارد خاص
بيتر :-حاضر حاضر
آدم :- واسمع يا بيتر من غير سلاح انا عايز عاصم حي مش عايز فيه خدش واحد وفي عيل صغير معاهم اسمه زياد
عاصم عوره خدوا على المستشفى و تجيبهولي ارجوك يا بيتر مش عايز اي غلط
بيتر :- ما تخافش انا ف ثوانى هتحرك
آدم :- اه وخد معاك عربيات وبودى جارد كتير . كتير يا بيتر مش عايزو يفلت ارجوك انا لازم اشوف عاصم قدامي النهارده
بيتر :- ماشي ماشي ابعتلى الرقم وخليك معايا على النت هنتواصل انا وانت
آدم :- تمام الرقم اهو ….. انا هاحاول اعطله وقبل ما توصل بخمس دقايق عرفني علشان اتصرف انا هافضل ماسك الفون في ايدي و هانتظر رسالتك يلا يا بيتر بسرعه اتحرك مفيش وقت
بيتر :- حاضر سلام.
بيتر لبس بسرعه ونزل واتصل بالامن اللي في الشركه والبودي جارد وكله يجمع في العنوان اللي هيقولهم عليه
وبيتر في خلال دقايق عرف مكان عاصم فين بالظبط وعرف الرجاله ورايحين على الطريق
وآدم اتحرك بالعربيه
عاصم بيشتم في آدم و بيجرح في زياد علشان يضغط على آدم ويطلق مريم بسرعه
عاصم سامع كلام مريم ل آدم وشاط وكان عايز يولع في آدم ومن غيظه خبط زياد بالحديده على رجله
وزياد بيصرخ بيترجى في آدم

 

 

وآدم في الاوضه مع مريم قاعد ع السرير وفاتح الفون على محادثه بيتر
واخيرا جت رساله المنتظره ان بيتر شاف عاصم و كان بيضرب في زياد وخبطه بالحديده في رجله لكن بيتر اخد سلاح معاه علشان مش ضامن ايه اللي هيحصل
ونزل بيتر ورجالته وضربو نار من قدام عربيه عاصم والناس اللي معاه خافوا من الهجوم هما مش عاملين حسابهم ع كدا علشان مفكرين انه عيل صغير وبس وركبه عربياتهم ومشيوا بسرعه
عاصم شافهم وشتم آدم وهو معاه ع الفون وحط زياد في العربيه وبيشغل العربيه وبيرجع لورا
بيتر ضرب نار على كاوتش العربيه وجريو عليه وعاصم فتح الباب وبيجري والحرس جابوه من قفاه واخدو عاصم على المخزن
وكمان بيتر أمر ان زياد يروح على المستشفى وفي الوقت ده كان آدم سامع ضرب النار وانهم مسكو عاصم
وآدم ساب مريم وزعق ل عاصم واستحلف ان هو هيلعبلو في وشه البخت
ف الوقت الحالي
—————- بقلم Mariem Nasar
آدم رمى الفون وشال السماعه وكسر كل حاجه على التسريحه
ومريم واقفه خايفه لما سمعت تهديده ل عاصم و حاسه ان في خطر كبير على آدم وخافت من عصبيته لكن راحت على آدم
:-حبيبي اهدي في ايه مالك؟؟؟
آدم ماردش عليها وسابها علشان يروح ينتقم من عاصم
مريم شافت شكله وبينهج وعينيه زي الدم
جريت عليه
:-آدم استني استني ووقفت ورا باب الشقه مش هتنزل وانت متعصب كده
آدم :- اوعى يا مريم من وشي هتندمي انا دلوقتى مش آدم
مريم :- لا ارجوك بس اهده اسمعني طيب

 

 

آدم قاطع كلامها و شدها من دراعها وزقها وكانت هتقع لولا مسكت ف الكرسي ووقعت على ركبها اااه
آدم بص وراه وشاف مريم كانت هتقع جرى عليها :-مريم . مريم حصلك حاجه
مريم فكرت بسرعه وقالت تستغل الوقت علشان آدم وشه ما بيبشرش بالخير
مريم :- اااه لا انا كويسه لو سمحت قومنى
آدم مسكها من دراعها وب يقومها مريم مثلت انها داخت و هيغمى عليها واترمت ع آدم على هيئه اغماء
آدم :- مريم . مرررريم آدم شال مريم ونيمها على السرير وبيحاول يفوقها ومريم مش عارفه تمثل قوي وحاولت تفوق قالت
ادم وفتحت عينيها آدم
آدم :- انتي كويسه
مريم :- حاسه ان دايخه اوي لو سمحت تعال جمبي حاسه اني بطني بتوجعني وحاسه اني مش كويسه
آدم قام من ع طرف السرير وراح جمبها واخدها على صدره:- انا اسف والله بجد اسف
يا مريم ارجوكي علشان خاطري لما ابقى متدايق ما تقفيش قدامي لو سمحتي انا جوايا نار وعايز امشي دلوقتي
مريم قربت منه وباسته في شفايفه وحاولت تقرب منه لكن آدم ماستجبش ورفض دعوتها لأن كلام عاصم على مريم بيغلي في دماغه
بيتر اتصل على آدم
وآدم رد :- معاك يابيتر
بيتر:- ايوه يا آدم
احنا رايحين على المخزن وهنسيب عاصم هناك مع الرجاله بتاعتي لحد ما انت تشوف هتعمل ايه وزياد بعته في العربيه على المستشفى و نبهت عليهم ما يخرجش غير بأمر منك
آدم :- تمام سيب عاصم في المخزن واربطوه كويس وما حدش يقرب منه يا بيتر عاصم ده بتاعي انا وكمان ممنوع يشرب ولا ياكل وكمان يربطوه في مكان كله شمس عايزو يولع في نفسه لحد ما اشوف ابن الكلب ده
بيتر :- تمام ماشي بس ممكن افهم كل ده ليه

 

 

آدم :- لما اجيلك هافهمك كل حاجه وقفل مع بيتر
وبص ل مريم:- انتي كويسه دلوقتى ممكن انزل بقى
مريم زعلت بجد من آدم علشان رفض دعوتها وكرامتها اتهانت :- لا شكرا اتفضل انت
آدم قام وخارج ومريم قامت متدايقه ورزعت باب الحمام وراها ودخلت تعيط فيه هي مش عارفه بتعيط ليه
بس هي هرمونات الحمل كده
وكان صوت عياطها واصل ل آدم اللي لسه واقف عند باب الاوضه وقبض على ايده وغمض عينيه
اهدا يا آدم هي حامل وكمان خايفه عليك عاصم خلاص اتمسك
والحمد لله مريم معاك وزياد بخير
اهدا عاصم مش هيطير المهم مريم دلوقتى واتنهد ودخل الاوضه تاني وخبط على مريم
:-افتحي يا مريم
مريم فتحت الباب وكانت دموعها في عيونها وسابته وراحت على المطبخ
وآدم راح وراها:- ممكن اعرف مالك
مريم :- ابدا ما فيش حاجه ياسيادة الرائد واتفضل روح ل بيتر صاحبك علشان تفضفض معاه وتعرفوا انت مالك وفيك ايه
وايه اللي مدايقك لان مراتك مش موجوده في حياتك و لو سمحت انا تعبانه وعايزه انام اتفضل روح انتقم وا ضرب واقتل
وانا هنا ما ليش اي حق اعرف اي حاجه ولا يهمك خوفي عليك وكمان ولا يهمك قلبي اللي هيقف من الرعب
ولا استخفافك بمشاعرى ما تشغلش بالك بيا اتفضل انت علشان ما تتاخرش على صاحبك
وسابته وعدت من قدامه ودخلت الاوضه ونامت على السرير وشدت الغطا
آدم للحظه افتكر ان مريم كانت واقفه لما كان بيهدد عاصم وكمان كانت في حضنه وهو بيتكلم مع بيتر وقاله هافهمك لما اقابلك

 

 

وافتكر لما مريم قربت منه وهو رفضها واتنهد:- والله يا مريم انا مبقتش عارف انا عايز ايه بس كل اللي عايزه انك تكوني في حياتي على طول
وكمان عايز اقطع من لحم عاصم
ودخل لمريم وراح قاعد على السرير وشال الغطا من عليها وقالها ممكن احط راسي على رجلك علشان اعرف احكيلك
مريم بقمصه اتعدلت وكان قلبها بيرقص ان آدم ما نزلش وهو متعصب
آدم نام وحط راسه على رجليها وهي بتمسد ع شعره وبدا يحكي كل حاجه ل مريم من اول قتل حسين الصاوي لحد النهارده ومريم مصدومه ودموعها نزلت
علشان هنا وكمان حسين وجاسر والاكتر زياد وابوه وعيطت
لكن لما آدم حكلها على شرط عاصم وانه عايز آدم يطلقها بالتلاته
هنا بقى مريم اتحولت وشالت راس آدم ووقفت و بتاخد نفسها بصعوبه
:- انت بتقول ايه ازاي واحد زي ده يبص ل مراة غيره لا لا ده مش انسان طبيعي ده عايز يستفزك ويضايقك وانت تروح تعمله مصيبه وبكده انت تتسجن لا انا لا يمكن اسيبك تروح ل عاصم ده وبتتكلم ونفسها تقيل انت تقدم الدليل ويتسجن لكن تروح لا
آدم :- اهدى يا مريم خدي نفسك يا حبيبتي اهدي تعالي اقعدي وقعدها على طرف السرير وهو جمبها ومريم كانت بتترعش
آدم :- يعني انتي عايزاني اسامحه على الكلام اللي قالوا عليكي يا مريم و انه قال ….. يعني وكمان عايزني اطلقك وكمان بالتلاته يعنى عايز يحرمنى منك العمر كله انا جوايا بركان يامريم
مريم :- انت مفكر انك لو كنت طلقتني ٣ مرات كان هيتحسب لا يا آدم طلاقك ٣ مرات معناه طلقه واحده بس
آدم :- بجد انا مكنتش اعرف المهم يا مريم انتي عايزاني اسامحه على الكلام اللي قاله وخصوصا انه يعني قال كلام ولع ف جسمى كله

 

 

 

و لو واحده جت قالتلك انا بحب آدم سيبه ليا هتعملي ايه
مريم :- هعمل ايه هستخدم عقلي هاقعد كده وافكر في حل ما انا لو ضربتها وبهدلتها انا هطلع وحشه في نظر الكل لكن لو استخدمت عقلي ساعتها هعرف اجيب حقي وكمان وانا بضحك
آدم بعدم فهم :-ازاي ؟!!
مريم :- يعني لو واحده قالتلى سيبي آدم علشان بحبه هي قصده تضايقني و تنرفزني
هي لو عارفه ان آدم عايزها مش هتفكر تقولي لان القرار في ايد آدم
انا بقى اثبتلها العكس اللي هو ايه
اني اضحك في وشها واستهزء بيها وكمان اخلي اللي اصغر مني هما اللي يردوا عليها ويتعاملو معاها واتصرف معاها تصرف يوصل لعقلها اني اقولها انتي ااقل من اني اعمل اي حاجه او افكر حتى
واقولها انا اهو قاعده باتفرج عليكي والاصغر مني ب يهزقك
وحقى بيجيلى من غير مااحرق دمى
آدم للحظه جت في دماغه فكره:- يعني انتي قصدك اني اقلل من قيمت عاصم ده واخلي غيري يقلل من كرامته ويبهدله
مريم :- بالظبط وياسلام لو عاصم ده يضرب على ايد واحده ست ساعتها كرامته وكبريائه هيبقوا في الارض
آدم قام وقالها بحبك وباسها من شفايفها:- انا جتلي فكره هتخلي عاصم ده ما يسواش تعريفه
لكن ده مش معناه اني مش هنتقم لا . خلينا نتسلى الاول
مريم:- فكره ايه يا آدم
آدم :- بصي يا ستي انتي دلوقتى هتقومي تلبسي كده زي الشاطره بس قبل ما تلبسي تتصلي على هنا ورنا وملك وانا هاتصل على طارق واشرف وجاسر

 

 

واهم حاجه هنا تجيب الكام معاها علشان هنتسلي
بس اهم حاجه يا مريم ملك وهنا ورنا وجاسر واشرف ما يعرفوش ان عاصم هو اللي قتل حسين الصاوي علشان هما لسه عرسان مش عايزين ننكد عليهم
مريم :-طيب وطارق
آدم :- انتي ناسيه يا حبيبتي ان طارق عارف من زمان لكن انا نبهت عليه ما يقولش يلا بقى انا هاتصل عليهم كلهم وكمان هاقولك على العنوان اللي كلنا هنتقابل فيه
آدم قالها على العنوان وخرج في الصاله واتصل على
بيتر :- الو
آدم:- بيتر باقولك ايه عايزك ساعه كده وتجيب غدا ١٠ افراد
بيتر :- نعم هو حد قالك ان انا شغال عندك يالا
آدم :- اسمع بس انا هحكيلك على كل حاجه قشطه
بيتر :- قشطه ياخويا اليوم اضرب منك لله وقفلو
آدم اتصل على الكل
ومريم اتصلت واتفقوا انهم يتجمعوا في مكان معين لان في حاجه مهمه قوي زي اجتماع طارئ كده والكل لازم يحضر
جاسر:- يا ترى آدم عايزنا في ايه
ملك :- مش عارفه ياحبيبي لكن اكيد الموضوع مهم قوي لان مريم اكدت علينا وكمان مانتغداش ماعرفش ليه
جاسر :- اممم مش عارف طيب يا قلبي ادخلي البسي وانا كمان علشان المشوار بعيد شويه ملك :-حاضر يا حبيبي
———-بقلم Mariem Nasar

 

 

اشرف:- يلا يا هنا هنتاخر
هنا :- حاضر حاضر بدور على الكام مش فاكره سبتها فين
اشرف :- كانت اخر مره على المكتبه هاروح اجيبهالك وانتي اجهزي
هنا :- ميرسي يا قلبي وماتنساش تجيب التاب معاك ماعرفش ليه مريم مصممه اني اخدهم
أشرف :- ممكن يكون عاملين غدا جماعي كده وهتبقى قاعده ظريفه وحلوه كلنا مع بعض ونتصور بس انجزى علشان منتاخرش
هنا :- ثوانى واكون جاهزه
————
طارق :- يوووه يا رنا كل ده شاور لييييه بتستحمى لاسبوع قدام اخلصي بقى مزنوق
رنا خرجت :-ايه يا طارق انت كل حاجه عايزها في ثانيه كده كنت باخد شاور مهم وبعدين ما في حمام بره ولا ده عليه عسل
طارق :- يا عسل يا بت انا قولت كده علشان تطلعي انا عايز اعرف شاور ايه اللي في ساعه ده
رنا :-شاور يعني دش يعني بستحمى يعني بتليف ايه بلاش هابقى اروح عند ماما استحمى وارجعلك وخلصنا بقى علشان اتاخرنا
طارق :- تروحي عند امك تستحمى طيب يا ختي روحي علشان اجيبك نصين يلا يا بت قدامي علشان انا البسك هدومك
رنا :- هههههه
طارق :- بتضحكي على ايه انتي بتغظيني على فكره
رنا قربت منه:- يختي نانوسة عين امه وزعلان مني بس مهتم بيا انا يا خلاثي انا بحبك ياتى والله
طارق :- والمطلوب ايه يعني احط صباعي في بقى واضحك زي العيال
رنا :-هههههه انت ابني انا يا قلبي بس كخ طبعا ما ينفعش تحط صباعك في بقك قرف يييع
طارق بغيظ:- انتي يا بت انتي علشان بهزر معاكي مفكراني ضعيف لا انتي ما بتشوفنيش في شغلي ببقى اسد كده ف نفسي

 

 

رنا قربت منه ووقفت جمبه وحطت كوعها علي كتفه وبتلعب في شعرها :-عليا الطلاق راجل . راجل وحمينا طول العمر
طارق بصدمه:- عليكي الطلاق انا مش عارف متجوز العسكري امين طلاق مين يا بت. . يا بت هلعبلك في وشك
رنا باسته في خدوا بدلع :-لا يابيبي انا ماهونش عليك صح
طارق :- اللهم اخزيك يا شيطان طب تعالي هاتي بوسه بقى
رنا :- هههه يلا علشان اتاخرنا
طارق :- في ثواني هنكون هناك بس لازم ابوس واحضن الاول
رنا قربت منه باسته بوسه طويله وبعدها طارق حط جبهته على جبهتها:- انتي وحشتيني قوي يا رنا بجد مش قادر
رنا ف سرها غمزتله:- هانت يا عمري
———- بقلم Mariem Nasar
كلهم وصلوا في المكان اللي آدم قالهم عليه وسلموا على بعض وكان المكان عباره عن مخزن كبير جدا وفيه كراسي وترابيزات وكان في ترابيزه وكراسي للبنات
و ترابيزه وكراسي للشباب بيتر وطارق وجاسر واشرف قاعدين على طرابيزه آدم
وهنا وملك ورنا قاعدين على طرابيزه مريم
وكان المكان عتمه نوعا ما وبعدها آدم جه من وراهم :- اهلا باللمه الجميله والنور اشتغل
احب اقدملكم
عاصم الصاوي ——-

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية جريمة عشق)