رواية قدري الأجمل الفصل السادس 6 بقلم شاهندة إمام

رواية قدري الأجمل الفصل السادس 6 بقلم شاهندة إمام

رواية قدري الأجمل البارت السادس

رواية قدري الأجمل الجزء السادس

رواية قدري الأجمل الحلقة السادسة

بعد أقل من نص ساعه بدر ورقية سمعو صوت عالي بره طلعوا برا يشوفو مين
_برا عند البوابه
بدر : حازم
رقية: نهال
حازم من عند عربيتو: وانتِ مالك يابت انتِ
نهال: وأنا مالي ازاي بقا تخبط عربيه الراجل ومش عايزني اتكلم
الراجل: خلاص يابنتي العربية مش حصلت لها حاجه
نهال: استني يا راجل يا طيب انتِ أنا هجبلك حقك
الراجل: خلاص يابنتي مفيش حاجه حصلت الحمدلله حصل خير وأنا سامحتو والراجل طلع مُحترم
حازم: شُكراً ياحج
نهال: مُحترم ايه دا واحد حيو”ان
حازم: ماتلمى لسانك يابت انتِ
نهال: ولو مش لميتو هتعمل ايه يعنى

حازم بيقفل الباب بغيظ: هعمل ايه يعني غير انى اربيكي
_حازم بيجري عشان يمسكها بس بدر مسكو ورقية راحت لنهال
حازم بغيظ: سيبني يا بدر
بدر: خلاص مينفعش اللي انت بتعملوا دا
نهال: لا سيبو يا بدر بيه لما نشوف هيعمل ايه
رقية: اسكتي يا نهال انتِ مش شايفه شكلوا عامل ازاي
بدر بصوت عالي: خلاص انت وهي ايه اللي بتعملوا دا رقية خديهم كُلهم علي المكتب بتاعي علي ما أخلص الموضوع دا
رقية: حاضر
_رقية اخدت نهال وحازم علي المكتب بتاع بدر
بدر: حصل حاجه لعربيتك
الراجل: لا يا بيه هو خبط فيها بس محصلش حاجه والراجل اعتذر وأنا سامحتو بس هي مسكتتش
بدر وهو: لو حصل اي حاجه لعربيتك أنا موجود وانتِ عرفت المكان
الراجل: شُكراً يابيه سلام
بدر: مع السلامه
_الراجل مشي وبدر دخل المكتب
_في المكتب
بدر: ممكن افهم ايه اللي انتو عملتوه برا
حازم: دي بت لسانها طويل ياعم
نهال: ماتلم نفسك أنا ساكته من الصبح
حازم بضحك: مين دي اللي ساكته من الصبح أمال صوتك اللي كان عامل زي سرينه الاسعاف دا كان ايه
_بدر ورقية ضحكو غصب عنهم
نهال: أنا محترماك عشان بدر بيه
حازم: ولا تقدري تعملي حاجه
بدر: خلاص انت وهي ايه ناقر ونقير ايه اللي حصل

حازم: أنا كُنت داخل بالعربية عندك عند البوابه بالظبط بطلع التليفون عشان اتصل عليك اقولك انا برا التليفون وقع تحت نزلت اجيبو خبط من غير ما اقصد فى عربيه الراجل اعتذرت له والراجل طلع طيب واتقبل الاعتذار والحمدلله العربيه مش حصلت لها حاجه هي تسكت لاااا طلعت من العربيه وفضلت تزعق ولحد ما انت طلعت
بدر: هو دا اللي حصل يا أنسه نهال
نهال: ايوه
بدر: طب مش الراجل اتقبل الاعتذار ليه عملتي الدوشه دي كلها
نهال: مش عارفه بصراحه كُنت حابه أهزئو
حازم: يا عم صدقني دي بنت تعبانه في مخها
نهال: مش هرد عليك
بدر: خلاص روحي يا رقية خُدى صحبتك علي اوضتك
رقية: خلاص حاضر
_رقية اخدت نهال علي اوضتها
بدر: وانت جاي ليه مش كُنت لسه معاك
حازم بهزار: اصلك وحشتني
بدر برفعه حاجب: والله اخلص عايز ايه
حازم: مفيش ياعم الشله كلها طالعه الساحل الاسبوع الجاي كده هتطلع معانا ولا ايه
بدر: هفكر وأرد عليك
حازم: خلاص تمام
بدر: علفكره المفروض كُنت تسكت عشان هى تسكت
حازم: ياعم البت اعوز بالله من لسانها ايه دا
بدر: عشان كده كان المفروض انك تسكت
حازم: والله أنا مش عارف البت دي ازاي صحبه رقية رقية هاديه اما هي اعوز بالله
بدر بضيق: خلاص يا حازم
حازم بإستفزاز: بتكلم بجد والله رقية دي بسكوته كده
بدر بضحكه صفرا: كلمه كمان وهخليك تروح العنايه المُركزه
حازم بضحك: بدر اسألك سؤال
بدر: اخلص أسأل

حازم: انت بتحب رقية
بدر: مش عارف
حازم: يعني ايه
بدر: مش عارف حبيتها ولا لا بس من جوايا عايزها جمبي مش عايزها تسيبنى
حازم: اعترفلها
بدر: مش دلوقتي هعترف بس في الوقت المناسب
حازم: طيب همشي سلام
بدر: سلام
_عند رقية ونهال
رقية: اللي انتِ عملتيه مع حازم دا غلط
نهال: دا بنى ادم مُستفز
رقية: هو مش عمل ليكِ حاجه هو اعتذر للراجل والراجل طلع كويس انتِ بقا عملتي الدوشه دي ليه
نهال بضحك: مش عارفه بقت حبيت ازعق فيه اوي وكُنت مبسوطه خالص
رقية بضحك: والله انتِ مجنونه
نهال: ما أنا عارفه طب يلا خُدى المذكرات اهي لو في حاجه مش مفهومه اتصلي عليا سلام
رقية: خلاص تمام سلام
_نهال طلعت برا القصر وركبت تاكسي وراحت السكن بتاعها
حازم كان وراها بالعربية بتاعتو بيراقبها وعرف السكن بتاعها
حازم: والله قمر بس لولا لسانها الطويل دا بس كويس عرفت السكن بتاعها
_في الليل
_في قصر بدر علي السُفره رقية بتأكل كاميليا وبتضحك معاها وبدر مبتسم ليهم
كاميليا: أنا بحب روكا أوي يا بابي
بدر بيبص لرقية: وهي كمان بتحبك يا حببتي
كاميليا: حتي كمان طريقه اكلها حلوه اوي
رقية: وأنا كمان بحبك أوي يا كوكي وهفضل أأكلك كدا
رقية لبدر: بدر بيه أنا….

بدر: احنا قولنا إيه أنا قولت قولى بدر من غير بيه
رقية: طيب يا بدر أنا عايزه انزل لاهلي اجازه
كاميليا بزعل: هتمشي وتسبيني
رقية: لا أنا هروح وأقعد معاهم يوم وارجعلك تاني
بدر: دول اهلك وانا مقدرش امنعك عنهم تحبي تروحي امتي
رقية: ينفع بكرا
بدر: زي ما تحبي كنت حابب اقولك حاجه
رقية: اتفضل ايه هي
بدر: هخليهم يخلو اوضتك فوق في الجناح بتاعي جمب اوضه كاميليا
رقية: لا عادي أنا ممكن اقعد في اوضتي عادي
بدر: لا هيبقي تعب عليكِ من تحت لفوق وكده ف دا احسن حال أول ما ترجعي من عند اهلك هتلاقي اوضتك جاهزه
رقية: زي ما تحب يا بدر
بدر ابتسم: مكنتش أعرف ان إسمي بيتقال حلو كدا
رقية بإبتسامة خجل: شُكراً
بدر: تصبحي على خير
رقية: وانت من اهل الخير
_طلع بدر اوضتو
رقية: يلا يا كوكي عشان تغسلي ايدك وأسنانك وتنامي بكرا في حضانه
كاميليا: ماشي يلا بينا بس هتحكيلي حدوته
رقية: حاضر يلا بينا
_بعد فتره في اوضه كاميليا
رقية بتبوس خدها: وكده خلصت الحدوته حلوه
كاميليا: حلوه أوي

رقية: طب يلا تصبحي علي خير
كاميليا: بكرا متمشيش غير لما اشوفك
رقية بإبتسامة: حاضر يا كوكي متقلقيش أنا مقدرش امشي من غير ما اشوفك يلا تصبحي على خير
كاميليا: وانتِ من اهل الخير
_مشيت رقية علي اوضتها
_صباح اليوم التالي وووو……

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية قدري الأجمل)