رواية 30 يوم حياة 2 الفصل الرابع 4 بقلم أميرة أسامة
رواية 30 يوم حياة 2 الفصل الرابع 4 بقلم أميرة أسامة
رواية 30 يوم حياة 2 البارت الرابع
رواية 30 يوم حياة 2 الجزء الرابع
رواية 30 يوم حياة 2 الحلقة الرابعة
في صباح يوم جديد.
صحي الجميع بنشاط غير معتاد الفرحه مش سيعاهم
صحي البنات كلهم يجهزوا عشان يروحوا مع بعض الكوافير إلا منار اللي تحجتت بكذا سبب عشان متشوفش عامر وقت ما يجوا ياخدوهم….
الفرح…مكانش فالشارع المرادي كان في قاعه كبيره نظرا لان ايهاب كان ليه معارف كتير من بره المكان وكمان عامر اللي أبتدا طريق الشهره وكان في ناس كتير جايه تجامله وافق هيما علي طول ومعترضش لان دي كمان كانت رغبه منه أنه ميبقاش فالشارع…
صحيوا البنات وجهزوا
….
توته….بجد يا ادهم مش هتضايق لو روحت مع البنات وسبتلك احمد وكريم
ادهم…يابت انتي عبيطه انا اللي قايلك اصلا روحي واكيد مش مضايق انا عايز مراتي قمر ومش شايله هم اي حاجه وانا اصلا حلقت بليل ومش هعمل اي حاجه سبسهم هما نايمين ولو صحيوا هوديهم لامك زي ما قولتلك وانا عرفتها امبارح لو حد فيهم عيط هروح اخده الف بيه شويه لحد ما يسكت
توته….طيب هتعرف تلبسهم
ادهم….امك هتلبسهم وانا هظبطهم معاها متقلقيش
توته….طيب انا حاطه كل حاجه فالشنطه بتاعتهم مش ناسيه حاجه متقلقش
ادهم…ماشي ياقلبي يلا روحي البسي بسرعه زمان رحاب قربت تخلص يلا اخلصي.
توته…انا داخله اهو.
…….
هيما….مبروك يا عروسه
رحاب…بابتسامه جميله مبروك ياعريس مين يقول ان انا وانت نتجوز في يوم واحد 😒😒
هيما…ضربها علي قفاها يابت انتي تطولي يامعفنه تتجوزي معايا في نفس اليوم.
رحاب….بلاش تتغر كده وبعدين انا مبسوطه اني هبعد عن وشك انت هارتني وحطت ايدها علي قفاها
هيما…بضحك اتنيلي انتي تطولي تاخدي مني التحيه بتاعت كل يوم…
رحاب…بأبتسامه حزن بصراحه هتوحشني اوي
خدها هيما في حضنه اوي
يابت احنا مسافرين وبعدين متقلقيش اوعدك كل يوم اجي اديكي احلي تحيه😉
باسها من راسها ومسح دموعها مبروك يا احلي عروسه.
احمد العربي…صباح الفل ده ايه الرضا ده كله انا مش مصدق نفسي ده انتوا عاملين زي القط والفار علي طول
هيما…راح باس ايده صباح الفل يا حاج
خده احمد في حضنه وفضل يطبطب علي ضهره مبروك يا حبيبي
وخد رحاب في حضنه احمد العربي…انهرده بقي انا حاسس ان كملت رسالتي جوزت ادهم وانهرده بجوزكم مع بعض اخيرا هرتاح انا لو كده موت هبقي مطمن
رحاب…بلهفه متقولش كده يابابا والنبي
هيما….في ايه ياعم احمد انت هتقلبها دراما ولا ايه🤨
لا بقولك انهرده فرحنا يعني تبقي مبسوط وبعدين انت لسه شباب احنا لازم ندورلك علي عروسه عشان ترجع امجادك تاني
احمد….عروسه ايه يا ابن الكلب ما خلاص بقي
رحاب…هو ايه اللي خلاص بس انت لسه شباب طب ده انت اصغر من ادهم وهيما
احمد…يابكاشه
رحاب…حضنته بحب ربنا يخليك لينا يارب
هيما….بقول ايه ما تخلصي هتتأخروا يلا بقي
رحاب…انا خلصت خلاص
وجاهزه كمان.
هيما…طيب يلا بينا
نشوف منه
رحاب…تعالي يلا..
………
في بيت حاج سعيد تحديدا أوضه منار كانت اعده عالسرير سرحانه بحزن
نادت عليها فاطمه
خرجت منار من اوضتها
منار…بأبتسامه جميله وكأن مفيهاش اي حاجه صباح الفل يا بطوط
صباح الفل يابابا
سعيد….صباح الرضا يا حبيبت ابوكي
فاطمه…صباح النور يلا تعالي عشان نفطر
عادل…وانا مفيش صباح الخير
منار….احلي صباح يا دولا😍
اعدوا كلهم يفطروا مع بعض
فاطمه…مش كنتي روحتي مع البنات يا منار تتبسطي وتغيري جو يا حبيبتي
سعيد…صحيح مروحتيش معاهم ليه مانتوا كل مره مع بعض
سكتت منار ثواني كان عادل باصصلها وعارف السبب في رفضها.
منار….معلش والله مش قادره وبعدين اللي بيعمله الكوافير انا بعمله عادي ومش قادره افضل مقضيه اليوم فالكوافير خليني هنا احسن البس براحتي
فاطمه…انا بس عشان رحاب ومنه ميزعلوش منك انتي روحتي مع توته وشهد وبوسي
منار…لا يا حبيبتي متقلقيش مش هيزعلوا انا قولتلهم وهما مش زعلانين وبعدين كلها كام ساعه وابقي معاهم فالفرح عادي بقي يا بطوط
فاطمه…اللي يريحك يا حبيبتي
سكتت منار شويه وخدت نفس طويل ..بابا صحيح هو ممكن أنس يعدي عليا ياخدني واروح معاه الفرح ده بعد اذنك طبعا
بصوا كلهم لبعض.
سعيد..ممكن طبعا يا حبيبتي ماهو خطيبك.
عادل…طيب ما تخليكي معايا عشان نروح ناخدهم مع بعض من الكوافير
منار…بسرعه لا ما انا مش هروح عالكوافير انا هروح عالقاعه علي طول
عادل ..يعني انتي حتي لو روحتي معاه مش هتيجي عالكوافير
منار…بصتله وبعدت عينها بسرعه عشان ميحسش انها بتحاول علي قد ما تقدر انها تبعد عن عيون عادل اللي فاهمها
فضل عادل مركز في عينها بتركيز وهي بتتكلم.
منار….لا مش عايزه امشي في زفه و زحمه خليني اروح علي طول عالقاعه وبعدين الجو برد مش عايزه افضل الف فالشارع
وبردو انتوا عارفين انا من يوم ما اتخطبت لأنس وانا مخرجتش معاه ولا مره مش بشوفه غير فالشغل وبس وحاسه انه مضايق.
فاطمه…بحزن علي حال بنتها اللي معذبه نفسه وهلي حال عامر كمان.
فاطمه…ماشي يا حبيبتي اللي يريحك انا بس كان قصدي تتبسطي مع البنات
منار…لسه يا ماما الافراح جايه كتير فرح عادل وشمس
ومريم ويوسف يعني هنتجمع كتير متقلقيش
سعيد…ربنا يكتر افراحنا يارب يا بنتي المهم اللي تحسي انه مريحك اعمليه يا حبيبتي يلا الحمد لله
فاطمه…ما تاكل يا حاج
سعيد….الحمد لله شبعت يادوب الحق اتوضأ وانزل اصلي الضهر
عادل….وهو لسه مركز في وش منار..خدني معاك يا حاج هقوم اغير بسرعه وهاجي اصلي معاك وبعد كده هروح احلق
سعيد…يلا قوم يا ابني بسرعه
……….
في بيت صالح.
بوسي….صالح الفطار جاهز
صالح….قام صالح راح اعد يفطر في صمت.
بوسي مضايقه من طريقته وعايزه تكلمه بس حاسه ان كرامتها هتضيع لو كلمته خصوصا ان هي كمان مضايقه من طريقته.
بوسي….احمممم صالح لو مش عايزني اروح ومحتاج اي حاجه انا هأعد
صالح وهو بياكل ومش باصصلها لا روحي انا مش محتاج اي حاجه
بوسي…وهي بتاخد نفس وبتحاول تضغط علي نفسها
بوسي…يعني عشان الغدا هتاكل ازاي
صالح…متشغليش بالك انا هتصرف وبعدين عادي هاكل مع امي تحت
بوسي…اللي يريحك
خلصوا فطار وهما ساكتين
قامت بوسي شالت وظبطت الدنيا ودخلت لبست وخرجت
بوسي…انا هنزل اعدي علي شهد البنات نازلين خلاص
صالح…استني يابوسي لحظه
فرحت بوسي انه اتكلم اخيرا
بوسي…نعم في حاجه
طلع صالح فلوس من جيبه خدي دول خليهم معاكي
بوسي…ايه دول
صالح…عشان يبقوا معاكي لما تروحي الكوافير تعملي الانتي عيزاه
بوسي…انا معايا
صالح..مليش دعوه باللي معاكي امسكي الفلوس دي
بوسي..خدتهم منه من سكات…شكرا
صالح…العفو
ودخل علي الاوضه و سابها واقفه لوحدها..
بوسي…شكلك هتتعبني يا صالح 😔
………….
اتجمعوا البنات كلهم بفرحه تحت في الشارع وبعد وقت بسيط كانوا مشيوا
………….
زين…بقول ايه حد عايز مني اي حاجه انا عايز ادخل انام ساعه
ادهم…تنام ايه ياجدع انت مالك الساعه داخله علي واحده الضهر
ايهاب….انا رايح احلق حد عايز حاجه
هيما….انا كمان جاي
زين…انا مش قار وبعدين لسه بدري مفيش حاجه اعملها
جه عامر من بعيد وطبعا مش بعيد عن عين اللي كانت بتستناه ديما علي الشباك.
عامر…صباح الخير واقفين كده ليه.
زين….مفيش كنا بنركب البنات عشان يروحوا الكوافير
عامر…ايه ده نزلوا كنت عايز اشوف البت شهد وحشتني ومشوفتهاش من يوم الفرح
صلاح…علي فكره زعلتنه منك انت واخوك وابوك
ايهاب….ياعم انتوا لسه عرسان وسايبنكم براحتكم وبعدين انت عارف ابويا بيتحرج يعني دي هبله هبقي اصالحها
صلاح…دي هي زعلانه منك انت اكتر عشان انت فرحك بعدنا علي طول وهتتلخم
ومش هتجلها بيتها
ايهاب…دي عبيطه لا طبعا هجيلكم وانتوا هتجولي بس نخلص من اللخمه اللاحنا فيها دي
ادهم…جوازك من اختي لخمه ياض تصدق هرجع في كلامي ومش هجوزهالك..
ايهاب…يلا ياعم هيما ده الوقفه مع اخوك هتخسرني الجوازه
زين…لعامر استني لما نشوف اخوك اللي مكشر عالصبح ده
عامر…ياعم ولا مكشر ولا حاجه بس الكليب أتأجل لبكره مش هينزل انهرده
زين…طيب وفيها ايه
يوسف…اه صح وايه يعني عالاقل نعرف نحتفل بيك ياض انهرده فرح وهنفضل طول اليوم مشغولين و مش مركزين.
عامر…ياعم عادي مش فارقه معايا والله
ايهاب…ولما مش فارق معاك مكشر ليه
عامر…عشان انت عارف ان اكتر حاجه بتضايقني عدم الالتزام فضلنا مأجلينه بسبب حوار المونتاچ وكل يوم يطلع عذر شكل والمفروض اخر كلام كان انهرده وبردو اتأجل علي انه بكره اخر كلام
زين…طيب خلاص مفرقتش ومش يمكن ده احسن ليك والمراجعه عالكليب دي هتخرجه بأحسن شكل
يوسف…زين عنده حق انت غنيت وعملت الكليب وكل اللي عليك سيبهم بقي هما يعملوا اللي عليهم ده شغلهم وهما فاهمينه اكتر منك
عامر…ياعم مانا سايببهم وعلي الله ينزل بكره بقي
ادهم….ان شاء الله هينزل ويكسر الدنيا ونقول صاحبنا بقي مشهور
عامر…بأبتسامه…يارب يا أدهم
عامر….بقول ايه انا طالع انام شويه مش قادر من بدري وانا بره عشان اقدر افوق كده لبليل
هيما…بقولك ايه انا عايزك تخربها انهرده
عامر
…متقلقش هطربقها علي دماغك🙄
هيما…وحيات امك
عامر….بضحك سلام مؤقت يا مقاطيع
زين…سلام انا داخل انا كمان
يوسف…وانا هدخل اشوف روحيه احسن تكون صحيت
طلع عامر البيت ودخل علي اوضته كان حاسس انه محنوق ومضايق وفي حاجه مضيقاه اوي حتي موضوع تأجيل الكليب فضل يتعصب مع بتوع المونتاچ لاكن هو كان واثق انه بيتلكك ومش ده السبب هو الوحيد اللي كان عارف السبب.
دخل خد شاور وخرج راح علي سريره طلع رقم منار وفضل باصص علي أسمها شويه واخيرا داس أتصال واستني الرد
أتصل عليها فضل يرن كتير لحد ما فصل ومجاش اي رد
حاول مره واتنين وتلاته لاكن من غير اي فايده.
عامر…حرام عليكي بقي بتعملي فيا كده ليه حرماني من صوتك وحرماني من اني أشوفك حرماني من كل حاجه توصلني بيكي بتعاقبيني علي ايه انتي عقابك ليا اقسي يا منار
جاب صورتها اللي رسمتها يوم الرحله وفضل يمشي أيده عليها بأبتسامه حزن..
وسرح…
فلاش باك.
طلع عامر يخبط علي شقه حاج سعيد فتح عادل.
عادل…عامر انت جيت امته
عامر…حضنه وسلم عليه لسه جاي حالا من السفر عليكم قولت اطلع اطمن علي منار عرفت انها خرجت امبارح من المستشفي
عادل…طيب ادخل واقف كده ليه تعالي بس
فاطمه…ازيك ياعامر ازيك ياحبيبي
سلم عليها عامر وسلم علي حاج سعيد
سعيد….مش غلط عليك نزولك كل شويه ده يا ابني انت من يوم ما منار خرجت من المستشفي وانت رايح جاي
عامر….لا ياحاج سعيد انا بكره وبعده عندي اجازه متقلقش
فاطمه…طب قولي تشرب ايه لحد ما اجهز الغدا
عامر…لا مش عايز اي حاجه ولا حتي عايز غدا مش قادر والله
فاطمه….والله ابدا هتتغدي معانا واياك تكسفني
حاج سعيد….خلاص بقي دي حلفت
عامر…ماشي كلامك يا بطوط
بس مش عايز اشرب حاجه بس لو لازم يبقي كوبايه مايه
فاطمه…عيني راحت فاطمه بسرعه ورجعت
شرب عامر…
عادل…عامل ايه فالشغل
عامر…كل تمام الحمد لله
المهم منار عامله ايه الوقت
فاطمه….خايفه عليها والله ياعامر يا ابني
سعيد…الدكتور قال ان هي عدت مرحله الخطر الحمد لله بس قال نبعدها عن التوتر والضغط العصبي واي حاجه ممكن تضايقها توصلها للحاله دي تاني
عامر…بعد الشر ان شاء الله هتبقي كويسه
فاطمه…يارب يا عامر ادعيلها
عامر….متقلقيش يا بطوط هتقوم وتبقي كويسه وتفرحنا
عادل كان اعد ساكت
فاطمه…هقوم اشوف الاكل وارجعلك تاني
عامر…استني يا بطوط انا عايزك تسمعي اللي انا جاي عشانه
بصوله كلهم بتركيز
سعيد…خير يا ابني
فاطمه…اعدت تاني خير يا حبيبي
عامر…بتوتر انا جاي وليا طلب عندكم ومش عايزكم تكسفوني
سعيد…خير يا ابني قلقتني
عادل…في ايه يا عامر
عامر…انا عارف ان يمكن ده مش وقته خالص وعمري ما تخيلت اني اعمل خطوه زي دي خصوصا بعد وفاه كيمو…بس انا جاي انهرده طالب ايد منار منك يا حاج سعيد ومنك يا عادل طبعا
بصوا لبعض كلهم و اترسمت الابتسامه علي ملامح فاطمه وسعيد وعادل
سعيد…بأبتسامه انا مستغرب انك غيرت فكرتك عن الجواز اكتر ما انا مستغرب انك طالب ايد منار
عامر…طب ايه قولي رأيك
سعيد….انا مليش رأي يا ابني
ده رأيها.
عامر….متقولش كده يا حاج سعيد انت الخير والبركه
سعيد….ماهو انا هقول رأيي لو العريس اللي متقدملي ده وحش ساعتها هقول رأيي وانصح بنتي لاكن انت يا عامر معنديش رأي فيك ياحبيبي انت تربيتنا وعارفين اصلك من فصلك يعني انا عن نفسي معنديش اي مانع
عامر….باس ايد حاج سعيد بفرحه وبص لعادل وفاطمه
عامر…طيب وانت يا عادل وانتي يابطوط
فاطمه….انا موافقه طبعا انت عارف غلاوتك عندي
عادل…وانا موافق يا صاحبي طبعا ابويا قال كل الكلام.
سعيد…كده مفيش غير رأي منار ولو وافقت يبقي علي خيره الله
عامر…باحراج طيب مانسألها
فاطمه…بضحك شوف الواد مستعجل ازاي
عامر….ضحك وسكت
سعيد….طيب مش لما تشور ابوك واخواتك
عامر….اكيد طبعا بس اعرف رأيها ورأيكم الاول وبعدين ابويا ما هيصدق واخواتي انت عارف يا حاج سعيد بيحبوا منار ازاي
سعيد….طيب روحي يافاطمه ناديها لو صاحيه ولو مش قادره تيجي لبسيها واحنا هنجلها جوه
فاطمه…ماشي
دخلت فاطمه بلغت منار انها تيجي تسلم علي عامر عشان جاي يطمن عليها
رفضت منار وقالتلها تقول انها نايمه
فاطمه صممت تخرج خصوصا ان دي رغبه والدها خرجت منار مع فاطمه بالعافيه
قام عامر بصلها نظره هي اللي فهمتها
عامر…ازيك يامنار
منار…بخير
عامر…حمد الله علي سلامتك
منار…الله يسلمك
حاج سعيد…اعدي يا حبيبتي
اعدت منار جمب ابوها
سعيد…منار عامر جاي وطالب ايدك ايه رأيك
بصت منار لابوها وهي مصدومه مش عارفه تفرح ولا تزعل ولا توافق ولا ترفض كانت في مليون صراع داخلي جواها
عادل….قولتي ايه يامنار
بصت منار لعادل ابتسملها وفضل يهز راسه بأبتسامه عشان تقول ايجابتها علي سؤال سعيد ..
منار…..وقفت وهي باصه بعيد عن عين عامر وعادل عشان متتأثرش بأي حد فيهم.
منار….انا اسفه يابابا اسفه ياعامر بش انا مش هقدر اوافق
فاطمه…ليه يامنار
سعيد…في سبب يا بنتي
منار….هو لازم اقول سبب عشان تقبل رفضي يابابا
سعيد….لا يابنتي مقولتش كده انتي عارفه انا عمري ما اجبرتكم علي اي حاجه بس اكيد في سبب
منار….مش موافقه بيتهيألي ده سبب كافي هو مش في قبول ورفض انا اخترت الرفض
عامر….منار ممكن اعرف سبب واحد وصدقيني هحترمه انتي مقولتيش سبب واظن محدش بيرفض كده وخلاص انتي حتي مقولتيش افكر
منار….انت عايز سبب يا عامر
عامر….بترقب بصلها ثواني واخيرا نطق…ياريت.
منار…بصتله وعلي وشها أبتسامه كلها وجع..
منار….سببي انك اخويا ياعامر ومش هقدر اشوفك غير اخويا وبس
عامر….بصلها بحزن وحس انها بتدياه نفس الكلمه اللي وجعها بيها حتي من غير ما يفكر زي ما طلبت منه او حتي يحاول
فاطمه….انتي وهو مش اخوات يا بنت بطني
عامر…مين قالك يا امي احنا متربين سوا وطول عمرنا اخوات مش كده ياعامر
بعد أذنكم
سكت عادل خالص واتأكد ان اخته بتحاول ترد جزء من كرامتها خصوصا بعد ما عرف منها اول ما خفت ان هي فعلا راحتله وهو قالها مش هيقدر وعرف ان زين خبي عليه عشان ميضايقش..
عامر…وقف طيب انا هستأذن بقي
سعيد…اعد يا ابني
فاطمه…انت قولت هتتغدي معانا
عامر…معلش يا بطوط خليها مره تانيه انا اصلا جاي تعبان
فاطمه…مش عيزاك تزعل هي من يوم العمليه وموت كريم وحالتها بقت وحشه اوي
سعيد….انا هأعد وهتكلم معاها احنا مش هنلاقي احسن منك يا عامر وان شاء الله هقنعها
عامر….ياريت يا حاج سعيد
سلام عليكم
الجميع…عليكم السلام
…..باااااااك.
عامر….مش هيأس يا منار وهفصل وراكي
💔💔💔💔
………..بقلم أميره أسامه
………عدي الوقت بسرعه
كبيره
ونزل الشباب مع بعض يركبوا العربيات عشان يروحوا يجيبوا العرايس والبنات من الكوافير
ادهم….استنوا اروح اجيب سهير والعيال منها
دخل ادهم كانت سهير جهزت ومعاها الولدين ملبساهم بدل وشكلهم يجنن
خرج بيهم
زين….ايه الحلاوه دي الله اكبر علي احلي عريسين
عامر…يالهوي ياناس عالحلاوه ماشاء الله
ادهم…ايه رأيكم مش بالزمه احلي من هيما وبوب
هيما….يالخوي ياناس علي حبايب عمهم العيال طالعين قمرات زي عمهم
زين…اتنيل انت هتقارن نفسك بيهم
عادل…ربنا يحميهم يارب هتعرف تسوق بيهم
ادهم…لا ما هي سهير هتيجي معايا
فاطمه نزلت فالوقت ده وسمعتهم
فاطمه…لا ياحبيبي سهير هتيجي تركب معانا العربيه الكبيره هي والعيال انتوا مجانين والعيال ملهمش فالزفه والجنان ده
سهير…انا بقول كده يا ادهم هما معاهم مكان وانا بصراحه اخاف اركب معاكم فالزفه مش مستغنيه عن روحي ولا عالعيال يا خويا
ادهم…بقي كده يا ياسوسو يعني مستغنيه عني
سهير…لا ياخويا بعد الشر عنك بس اخاف تفرمل عيل منهم يتخبط احنا مش ناقصين
ناريمان…خليهم معانا احنا احسن وانت روح خد مراتك
مديحه….اه يا ادهم هما ممكن يعيطوا يلخموك بلاش والنبي واحنا هنسبقكم عالقاعه
زين…انا رأيي كده احسن
ادهم…خلاص معنديش مشكله
خرج يوسف وروحيه.
يوسف …الله الله علي علي عرسان السيده زينب ايه الحلاوه دي
ادهم….كالعين لابوهم ياض
عامر…السؤال بقي لقيتوا فين بدل علي مقاسهم
ادهم…توته مسابتش مكان في مصر غير لما دورت فيه 🤣🤣
ايهاب…شكلهم يجنن وربنا عايز اكولهم
عايز….انا عايز اكل خدود كيمو دي ياناس
حسني…ياض قول ماشاء الله
عامر…هحسد ولادي يابا
حسني…بردو قول ماشاء الله
عامر…ماشي ياعم ماشاء الله حلو كده
سعيد…ربنا يطرح فيهم البركه يارب ويجعلهم ذريه صالحه
ادهم…يارب ياحاج سعيد طب ايه يلا بينا
الجميع يلا
ركبوا كلهم عامر كان طاير من الفرحه عشان خلاص هيشوف منار لاكن مكنش يعرف انها مشيت قبل ما ينزلوا بدقايق مع انس
وصلوا الكوافير ووراهم أسطول كبير من الشباب في زفه كبيره اوي
اخيرا خلصوا
دخل أيهاب وهيما للعرايس
وتنحوا لما شافوهم كانوا قمرات بمعني الكلمه.
فضلوا البنات يزغرطوا والاغاني فالكوافير علي اخرها هيما كان طاير من الفرحه وهو شايف منه وشايف اخته عروسه
ايهاب…راح حضن شهد اللي مشفهاش من يوم فرحه
وبعد وقت اخيرا خرجوا
كان في زفه واقفه ادام الكوافير كل واحد من الشباب كانت عينه علي حبيبته .من اول صالح اللي كان مضايق من بوسي بس كان من جواه مبسوط وهو شايفها زي القمر
ولا زين اللي كانت وعد زعلانه منه هو ومنه من اخر مره رخموا عليها.
وصلاح اللي شايف شهد كانها عروسه من تاني
ولا ادهم اللي حبه لتوته كل يوم بيكبر اكتر
ولاچو اللي بيعد الايام الباقيه عشان يتجوز مريم
ولا عادل…اللي كان بيتمني الايام تجري بسرعه عشان يحصلهم.
ولاكن حال عامر كان بيجمع بين كل دول لهفه وشوق وفرحه وحزن وتمني..ولاكن أبتدا كل ده يتلاشي لما فضل باصص علي اخر حد خرج من الكوافير وهي مكانتش معاهم.
ابتدوا الكل يركبوا وهو واقف مصدوم راحت فين معقول تكون مش هتحضر الفرح خالص عشانه معقول مش هيشوفها وهو بيحاول يهدي نفسه من يوم ما جه في فرح صالح وصلاح علي امل انه هيشوفها في الفرح
استحاله…وفلحظه فاض بيه
وراح لعادل… وزين
عامر…انتوا ماشيين خلاص
عادل…اه هيروحوا يتصوروا
زين….يلا عشان منتأخرش
وبدون اي مقدمات..
عامر…طيب منار هي فين مخرجتش ليه
بص عادل وزين لبعض
عامر…في ايه بتبصوا لبعض ليه كده اوعوا تقولوا انها مش هتحضر الفرح عشان متشوفنيش
عادل…لا ياعامر…بس هي
عامر…هي ايه
زين…في ايه ياعم هي سبقت علي هناك مجتش مع البنات اصلا عادي يعني
عامر…بس هي منزلتش معاهم يازين ما كلهم سبقونا عالقاعه
احتلت الصدمه ملامح عامر لما سمع رد عادل
عادل…هي راحت مع خطيبها يا عامر جه خدها قبل ما ننزل بشويه صغيره
عامر….بصدمه خطيبها ؟؟
هو جاي
زين…اه يا عامر ويلا بقي هنتأخر
بعد عادل بسرعه عشان يبعد عن عينه
وراح زين ركب بسرعه يهرب من نظرات عامر زي ما عمل عادل.وفي ثانيه كانوا في العربيات واتحركوا فاق عامر من شروده علي ايد ايهاب.
ايهاب…يلا ياعامر هنتحرك
عامر…بحزن طيب طيب يلا.💔
عدي وقت مش قصير.
راحوا اتصورا وفضلوا يلفوا بالعربيه في زفه كبيره
عامر كان ماشي وراهم زي المغيب والحزن مسيطر عليه
مدتلوش اي فرصه والفرصه الوحيده اللي كان مستنيها راحت بوجود خطيبها اللي حس بكرهه ليه من غير ما يشوفه ولا حتي يعرف أسمه.
وصلوا اخيرا القاعه
وخرج الجميع لاستقبالهم وسط زفه جميله الفرح مكانش في نفس لأي حد كانت الناس كتير جدا
ومن وسطهم عامر كان بيدور بعينه بجنون علي منار
لاكن مكانش لاقيها..
الشباب…كلهم كانوا مركزين علي عامر وحاسيين بيه وعارفين اللي جواه حتي البنات كانوا مشفقين عليه زي ما هما مشفقين علي منار
خلصت الزفه ودخلوا جوه
وخدوا العرايس منهم عشان الدخله بتاعتهم
الصمت عم عالقاعه وقف هيما وأيهاب أيدهم ورا ضهرهم كانت طلتهم تخطف الانظار الانوار اتقفلت واتبدل بأنوار خافته الدخان ملئ المكان اما العرايس فا كان كل مم منه ماسكه في دراع زين ورحاب ماسكه في ايد أحمد العربي😍
وفجأه أبتدأ العد التنازلي
1-2-3-4-5-6-7-8-9-10
زيرووووووووو
أتفتح الباب وسط شرارات النار والدخان والانوار الجميله…
واخيرا طلوا بالابيض مع منظر دخولهم لحد ما وصل كل واحد فيهم ادام عروسته
خد زين هيما في حضنه جامد
زين…بحزن باين علي نبره صوته
زين…حطها في عينك يا هيما
لو انا ليا غلاوه عندك اوعي تزعلها.
هيما…اعتبرها معاك يا صاحبي بالظبط اوعب تخاف عليها
بص زين لمنه..باسها من راسها وهي مبتسمه وعينها كلها دموع اوعي تزعليه يامنه حطيه في عينك ده صاحبي يابت
منه…هزت راسها وهي دنوعها خلاص هتنزل..قرب منها باس راسها واداها بأيده لهيما مبروك ربنا يسعدكم ومشي وهو حاسس انه حزين من قلبه..
……
احمد….انت عارف اني بحبك وعارف كمان ان رحاب دي واخده قلبي خلي بالك منها وحطها في عينك
ايهاب….متقلقش عليها ياعم احمد رحاب في قلبي
احمد….احترم نفسك ياض انا ابوها
ضحك ايهاب…وقرب خد احمد في حضنه جامد.
حط احمد ايده علي ضهر رحاب وقربها من ايهاب
ربنا يسعدكم ويديني العمر اشوف ولادكم
حضنته رحاب اوي واخيرا كل عريس مسك ايد عروسته
وراحوا عالمكان المخصص ليهم ياخدو شويه صور مع الناس الموجوده
وكل ده عامر بيدور لحد ما حس انه فقد الامل وحس انها مش موجوده او مشيت لاكن احساسه بوجودها مان اقوي.ومستسلمش انه يلاقيها.
خرج عامر من القاعه راح الحمام يغسل وشه عشان حاسس ان حالته مش مظبوطه وحاسس بتعب في راسه اللي هتنفجر
دخل عامر الحمام فضل يغسل في وشه كتير بص لنفسه فالمراي وهي الميه بتنقط من وشه ومن جواه حاسس انه بيغلي.
عامر….انتي فين يامنار ازاي قادره تعذبيني بالشكل ده ليه بتوجعيني كده انا محبتش ولا هحب غيرك ارجوكي حسي بيا ارجوكي اطلعي من دماغي حته لو حبه بسيطه..خد نفس طويل وراح سحب كام منديل مسح بيهم وشه..
وخرج من الحمام
في نفس اللحظه اللي خرجت منها منار من الحمام.
😳😳😳😳😳😳
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)