روايات

رواية 30 يوم حياة 2 الفصل الخامس 5 بقلم أميرة أسامة

رواية 30 يوم حياة 2 الفصل الخامس 5 بقلم أميرة أسامة

رواية 30 يوم حياة 2 البارت الخامس

رواية 30 يوم حياة 2 الجزء الخامس

30 يوم حياة 2
30 يوم حياة 2

رواية 30 يوم حياة 2 الحلقة الخامسة

خرج عامر من القاعه راح الحمام يغسل وشه عشان حاسس ان حالته مش مظبوطه وحاسس بتعب في راسه اللي هتنفجر
دخل عامر الحمام فضل يغسل في وشه كتير بص لنفسه فالمراي وهي الميه بتنقط من وشه ومن جواه حاسس انه بيغلي.
عامر….انتي فين يامنار ازاي قادره تعذبيني بالشكل ده ليه بتوجعيني كده انا محبتش ولا هحب غيرك ارجوكي حسي بيا ارجوكي اطلعي من دماغي حته لو حبه بسيطه..خد نفس طويل وراح سحب كام منديل مسح بيهم وشه.
وخرج من الحمام
في نفس اللحظه اللي خرجت منها منار من الحمام
ولكن اتصدم و أتسمر مكانه أول ما شاف منار ادامه😳
في نفس اللحظه اللي
هي كمان شافته كان فاصل بينهم كام متر قليلين..
عدي بيهم الوقت ثواني دقايق او اكتر محسوش بالوقت وكأن الدنيا في لحظه وقفت بيهم وكأن العالم فضي من حواليهم
طال الصمت ووقفت الحركه
وكأن عيونهم بتقول كل الكلام وبتسبق خطوات رجليهم في حضن طويل أتمناه كل واحد فيهم..
عامر…
وحشتيني وحشتني ملامحك وحشني صوتك وحشتني ضحكتك وحشني جنانك حاسس اني بقالي زمن كبير اوييييييي ما شوفتكيش الدنيا ملهاش طعم من غيرك كل حاجه حلوه ملهاش طعم وانتي مش فيها عارفه يامنار انا أكتشفت اني بحبك من زمان اوي وانا مش حاسس أكتشفت انك كنتي جزء كبير اوي مني وانا مش عارف
أكتشفت اني كنت عايش عاش انتي عايشه جوايا نفسي اتكلم معاكي نفسي أقولك عاللي جوايا نفسي تديني فرصه أكدلك اني كنت بحبك يمكن من قبل ما انتي تحبيني يا منار نفسي تصدقي اني بجد بحبك مش مجرد انك صعبانه عليا
منار…سمعاني طيب سامعه قلبي انا قلبي واجعني اوي انا محتاجلك اوي محتاج وجودك جمبي انا تعبان من غيرك يا منار ارجوكي كفايه بعد مش قادر 💔
منار…وحشتني اوي ياحبيبي وحشتني يا احلي حاجه في عمري طول الوقت بهرب منك بس مش عشان مش عايزه اشوفك انا بهرب عشان انا مش حمل المواجهه يا عامر بهرب عشان كل ما اشوفك مش بفتكر اي حاجه غير يوم سفرك مش قادره انسي ان الشخص اللي اخترته بنفسي وحبيته يوجعني اوي كده مش قادره أنسي كلامك مش قادره انسي وجع قلبي اللي حسيته يومها ..عارف يا عامر الوجع اللي حسيته بعد ما سبتك وخرجت من المطار أسوء مليون مره من وجع قلبي بعد العمليه أصل وجع القلب لما بيبقي من غير تعب عضوي يبقي صعب اوي
يمكن كل تصرفاتك الوقت بتقول انك بجد بتحبني بس انا مش قادره أصدق اصل اللي يوجع يا عامر ميعرفش يحب…اوعي تفتكر اني بردهالك بالعكس ياحبيبي انا متمناش ليك اللي انا عيشته في بعدك بس اللي انكسر جوايا يوم ما جتلك صعب اي حد يحسه او يفهمه اوقات ببقي نفسي اقولك خلاص انا موافقه بس مبقدرش اليوم ده ذكري مبتتنسيش .انا قررت اني اعيش حياتي ياعامر وموقفهاش تاني علي اي حد حتي لو كان الحد ده أنت..

 

 

 

 

عامر….هتقدري تبعدي عني يا منار وتعيشي حياتك💔

منار…هحاول اعيش ياعامر كفايه سنين عمري اللي ضيعتها في حبي ليك اصل الحياه تجارب ياعامر وانا جربت بس تجربتي معاك علمتني وقوت قلبي اصل اللي قلبه يتوجع وميموتش بيقوي اكتر وانا قويت ياعامر

عامر….هتقدري تقوي عليا يامنار وعلي قلبي هتقدري تعيشيني في عذاب طول عمري💔

منار…ياريت كنت اقدر بس انت عارف اني ماضعف من اني اشوفك موجوع. بس لازم اقوي علي نفسي واعيش حياتي يمكن مش قادره مفكرش فيك طب انت عارف حتي بعد ما اختفيت عن عينك طول الفتره اللي فاتت انت مكنتش بتختفي عن عيني مبطلتش اقف استناك يا عامر من غير ما تشوفني زي ما اتعودت من سنين مبطلتش انام غير وانا مطمنه أنك في البيت وكويس

عامر….سامحيني يامنار ارجوكي مكنتش اقصد اوجعك واوجع نفسي معاكي

منار….مسمحاك من قلبي يا اغلي من نفسي…💔

فاق كل من منار وعامر
علي صوت انس
أنس…ايه ده عامر حسني😳
عامر….بتركيز 😳😳😳 انس الراوي
انس….عامر وحشني ياض يخربيتك🙈😂😂
عامر….والله زمان يا ابن الل..
انس…الايه

 

 

 

عامر…يا ابن الرواي
انس…بالحضن يا صاحبي
حضن عامر وانس بعض وكل واحد فيهم مش مصدق انه شاف التاني
عامر…انت فين ياض مختفي ليه
انس…انا اللي مختفي بردو يا واطي من يوم ما اتخرجت معرفش عنك حاجه حتي رقمك كلمتك عليه كتير وكان بيرد عليا راجل كبير فالاول كنت مفكره ابوك بس بعد كده عرفت ان هو صاحب الرقم
وانا معرفش بيتك كل اللي اعرفه انك اعد فالسيده انت عارف اني عمري ما جيت عندك وبصراحه بعد كده فقدت الامل
عامر…فعلا رقمي غيرته من فتره كبيره وملاقتش غير شويه ارقام بسيطه من شله الجامعه والباقي اتمسح وحتي الشله مبقتش اشوفها
انس….كل واحد فينا اتلهي في حاله يا صاحبي المهم اني شوفتك انا فرحان اوي بجد
عامر…والله العظيم وانا كمان وحشني اعدتنا فالجامعه ووحشني الحفلات اللي كنا بنعملها مع بعض فالجامعه
انس….ياريت الايام دي ترجع كنا مكسرين الدنيا المهم قولي عامل ايه في حياتك وشغلك
عامر….بكره نازلي اول كليب
انس…طب احلف
عامر…والله العظيم
انس…مبروك يا صاحبي تستاهل كل خير
عامر….طب ايه مش هنرجع ايام زمان تاني
انس…هنرجع ابوها ياصاحبي
عامر….انت ايه اللي جايبك هنا بتحيي الفرح ولا
انس….لا يا عم انا معزوم هنا انت اللي بتعمل ايه
عامر…بعمل ايه هو ابه اللي بعمل ايه فرح اخويا و صاحبي انت بقي تبع مين ولا انت تبع فرح تاني
انس….بجد والله ايه الصدفه دي انا هنا تبع العرايس والعريس
عامر….باستغراب مين طيب
أنس…فرح ايهاب وإبراهيم
عامر…نعمممم ايهاب ده اخويا وهيما صاحبي ياض
انس….بضحك مش مصدق انا جاي هنا مع نسايبي ياعم وخطيبتي ايه واقفه هناك منار منار تعالي
وفاللحظه دي حس عامر ان الدنيا أسودت في عينه وحس انه فاضل شويه ويفقد الوعي تماما حس ان ضربات قلبه بتعلي اكتر وحس انه دايخ ومش قادر يقف
منار كان حالها ميختلفش عن عامر بعد ما سمعت كلامهم وعرفت ان هما صحاب من ايام الجامعه ودي كانت صدمه ليها…
……
قد يهدينا القدر صدفه تمحنا الحياه❣️ولكن يااااااه عالوجع عندما يهدينا القدر صدفه تبعدنا عن الموت خطوات بسيطه💔
…….

 

 

 

قربت منار وهي مش عارفه ازاي مشيت الكام خطوه دول مش قادره ترفع عينها لعامر مش قادره تبتسم عشان تغطي علي وجع الصدفه اللي جمعتهم..ولا قادره تبين مراره اللقاء
اما عامر فا عينه كانت عليها مش قادر يستوعب اللي بيحصل حاسس ان حد بيقطع في قلبه بميت سكينه
أنس….أعرفك منار خطيبت بيتهيألي ادام الفرح ده يخصك يبقي اكيد تعرفها
عامر….بأبتسامه وجع طبعا اعرفها ومد ايده لمنار أزيك يامنار
منار..مدتله أيدها وهي فيها رعشه بسيطه وابدها متلجه وكأنها كانت موجوده بين ميت لوح ثلج
منار….ازيك ياعامر حمدالله عالسلامه.
رعشه بسيطه اصابت كل منهم لاكن مش رعشه برد ولا رعشه فالجسم لاكن كانت رعشه وقبضه في قلب كل واحد فيهم
مسك عامر ايدها بوجع ومش قادر يسيبها ولا منار عارفه تسحبها من شده ضغطه عليها..
ولاكن فاق عامر علي صوت انس وسحب ايده من منار بسرعه
انس…انت كنت مسافر ولا ايه
عامر….وهو لسه باصص فب عين منار …بص بسرعه لانس اه كنت في شرم وبعدها روحت الساحل يعني شويه هنا وشويه هنا شغل لحد ما مضيت اعقد اول البوم وان شاء الله بكره الكليب نازل متنساش تشوفه وبص لمنار كأنه بيقولها هي.
أنس…ربنا يوفقك يا عامر طب ايه اعد هنا ولا ايه
عامر…بحزن كنت ناوي أعد يا صاحبي بس مش عارف شكلي كده اتكتب عليا الفراق وهرجع تاني
انس…طب وترجع ليه ادام مضيت عقد
عامر…عادي ممكن اجي وقت الشغل واسافر لسه مش مقرر حاجه حاسس ان دماغي وقفت ورجع بص لمنار اللي كانت واقفه شبه الموتي ..صدرها بيعلي ويهبط نتيجه الصدمه والموقف اللي هي فيه.
انس…ياعم خليك البلد دي احسن من غيرها وعلي فكره انا كمان الايام الجايه عندي شغل مش يمكن نعمل حاجه مع بعض
عامر…بأبتسامه يلا ياسيدي وانا معاك
انس…ان شاء الله المهم هات رقمك عشان مايروحش مني تاني
عامر….ماشي اداله عامر رقمه وحد رقم انس
عامر…طيب انا هدخل بقي للشباب اصل عندي شغل
انس…اه بيستغلوك يعني 😂
عامر…كنت فاكر نفسي معزوم بس اتحكم عليا منهم اغنيلهم في فرحهم
انس…طيب جاي وراك
بص عامر لمنار بصه اخيره قبل ما يمشي..

 

 

 

عامر….مبسوط اني شوفتك يا منار
بصتله منار وهي خلاص مش قادره….انا مبسوطه اكتر
عامر…يلا بعد أذنكم
انس….بأستغرال من طريقه عامر اللي اتحولت اول ما شاف منار ومن منار اللي كانت واقفه باين عليها الصدمه.
أنس….انتي كويسه
منار…بأبتسامه مزيفه اه الحمد لله
انس…كنت بدور عليكي لقيتك اتأخرتي فالحمام قولت اجي اشوفك
منار…لا بس كان زحمه شويه
انس…انتي متأكده انك كويسه يا منار
منار…ابوه با انس انا تمام يلا ندخل بقي عشان ماما وبابا ميقلقوش عليا
أنس….ماشي يلا.🤨🙄
………
الشباب كلهم كانوا واقفين مع بعض كلهم بيرقصوا
دخل عامر زي اللي جواه حرب والشرار بيطلع من عينه
راح عليهم ودخل وسطهم سحب ايهاب بعيد وراح وراهم صحابه اللي حسه ان في مشكله
ايهاب…في ايه يا ابني
زين…عامر في مشكله ولا ايه
يوسف…ماله ده
زين…مش عارف
وقف عامر في حته بعيده عن الرقص شويه
ادهم…في ايه ياشباب
عامر….انت كنت عارف ان انس الراوي يبقي خيطب منار
ايهاب…يعني ايه مش فاهم اه عارف ان اسمه انس
عامر…مقولتليش ليه
ايهاب…اسمه هيفرق معاك ياعامر

 

 

 

زين…في يا عامر فهمنا
عادل…في ايه ياجماعه مالكم مالك يا عامر
عامر…رد عليا يا ايهاب كنت عارفه شوفته
ايهاب….انا عارف اسمه اه بس مشوفتهوش الخطوبه كانت فالبيت تلبيس شبكه بعد ما قرأو الفاتحه مكنش في احتفال يعني
عادل….احنا معملناش فرح يا عامر
عامر…عارف يا عادل بس أنا بسأله كان عارفه وبعدين مين اللي عزمه
عادل…لو مضايق من وجوده با صاحبي انا ممكن يعني
قاطعه عامر…لا يا عادل انا مقصدتش كده ولا انا عيل صغير عشان اطلب كده ويمكن كنت اطلع عيل لو كان خطيب منار حد تاني غير انس
ايهاب….انت ايه مشكلتك معاه انت شوفته
عامر…اه يا خويا شوفته
ايهاب….طب ايه ماله
عامر….انس الراوي ياايهاب مش فاكر الاسم ده
زين…بصدمه انت تعرفه ياعامر
هيما…في ايه ياجدع ما تنطق
عامر…بأبتسامه وجع ده صاحبي كان اكبر مني بسنه فالجامعه كنا مع بعض علي طول كنا شله كبيره وانا وهو كنا اقرب اتنين لبعض بحكم اننا كنا بنغني مع بعض ديما في اي حفله تخص الجامعه
ايهاب…بصدمه. انس صاحبك هو ده انس الراوي اللي كنت بتقول علي طول انك رايح وجاي معاه
عامر….اه يا خويا شوفت الصدفه طلع صاحبي يا ايهاب طلع صاحبي ياعادل
سابهم عامر وخرج من القاعه بسرعه
يوسف عامر استني ياعامر
ايهاب…زين روح وراه متسبهوش والنبي
عادل…تعالي يازين بسرعه
خرج وراه زين وعادل ويوسف
صالح….في ايه يا ايهاب اخوك ماله
ايهاب…الحقوه والنبي يا صالح حاولوا تهدوه
صلاح…طيب ماله
حكالهم ابهاب بسرعه وخرجوا وراه ومعاهم ادهم.

 

 

 

 

…..وكل ده كانت تحت عيون منار اللي خلاص مش قادره تمسك دموعها اكتر من كده
وعد…منار انتي كويسه
منار….وعد انا عايزه امشي
وعد…تمشي ايه انتي عبيطه لسه الفرح شغال في ايه
منار…طيب خوديني من هنا شويه انا حاسه اني هموت
وعد…طيب طيب اهدي بس
وعد….بابتسامه أنس معلش ممكن اخد منك منار شويه
أنس…طبعا ياوعد اتفضلي
وعد…تعالي يا منار
زين….انت يا جدع ما تستني هنا
يوسف…يا عامر اصبر بقي هنفضل نجري كتير كده
وقف عامر وهو بيمسح دموعه اللي خانته بسرعه
لاكن كان باين علي عينه
عامر…سيبوني لوحدي يا زين ارجعوا انتوا
يوسف…اهدي بس ياعامر الله يخليك
عادل…عامر انا مش عايز اشوفك كده
عامر….عشان خاطري سيبوني لوحدي انا همشي
جم الشباب كلهم فالوقت ده
ادهم…انت عبيط ياض تمشي فين انت ناسي ان ده فرح اخوك
عامر…مش قادر يا ادهم
زين…هو ايه اللي مش قادر ما عنك ما قدرت تسيب اخوك يوم فرحه وتمشي
عادل….براحه يازين انت وادهم عامر اهدي شويه مينفعش تسيب فرح اخوك مينفعش تحسسه انه واقف مكسور يا صاحبي احنا كلنا حواليه بس انت اخوه ياض
عامر…بدموع ورحمه كيمو يا عادل مش قادر انتو مش حاسين بيا اختك كسرتني يا عادل كسرتني لما عاقبتني علي حاجه مليش ايد فيها كسرتني لما خوفت اخسرك انت وكيمو كسرتني لما رفضتني وحبت تردهالي مع اني مكنتش قاصد كسرتني لما بعدت عني وحاولت تختفي كل مانا اظهر ومدتنيش اي فرصه كسرتني لما اتفجأت بيها مخطوبه لصاحبي وكمل بدموع اكتر وكسرتني يا عادل لما شوفتها ماسكه في ايده وانا عارف ان قلبها واجعها وهي بتتظاهر انها بقت احسن لما بعدت عني كسرتني وانا شايف في عينها انها لسه بتحبني وان قلبها معايا انا مش معاه هو
بصوا كلهم لبعض وخافوا عادل يزعل من كلامه
فا حبوا انهم يفوقوه عشان ميخسروش بعض

 

 

 

ادهم…عامررر في ايه انت دريان باللي بتقوله
زين…عامر شكله اتجنن ومش حاسس باللي بيطلع منه
صالح….عادل متاخدش علي كلامه انت عارف عامر ميقصدش
عادل…بحزن. سيبوه سيبوه يقول كل حاجه جواه اوعوا تفكروا اني ممكن ازعل منه عالكلام اللي قاله عامر مغلطش في ولا حرف ويمكن ده اللي واجعني بجد عارف ان منار بتحب عامر وعارف انها اتخطبت لانس عشان تثبت لنفسها انها قادره تعيش من غيره بس منار مش قادره تخبي اللي انا شايفه في عينها بص ياعامر انا هقولك كلمتين ادام صحابنا كلهم والمفروض ماقولهمش اصلا لنا واثق ان منار مش هتكمل يا صاحبي مع انس مش عشان هو وحش لا عشان قلبها معاه هو اعتبر الفتره الانتوا فيها دي فتره صعبه بتمروا بيها لاكن هتتحل وواثق انكم هترجعوا بس انت اهدي عشان خاطري الحاله اللي انا شايفك فيها دي كأنها بتتعاد من تاني ادامي عامر في تفاصيل كتير حصلت لمنار من بعد العمليه انت متعرفش عنها حاجه في تفاصيل اكتر
هي مرت بيها واتوجعت اوي انت متعرفهاش سيبها يا عامر يمكن انت صح في كل حاجه بس هي بنت واتوجعت سيبها تحس انها بترجع زي الاول واديها فرصتها انها تقول اني بقيت كويسه
عامر….ولو بقت كويسه ماهي هتبعد عني
عادل…بالعكس منار مشوشه خالص خصوصا بعد ما انت رجعت خالص وقولت هتكمل هنا مشوشه بعد ما شافتك انهرده وانا واثق انها هتأعد مع نفسها ولازم هتاخد قرار صح بس تكون وخداه من قلبها ياصاحبي وانا عارف هي هتختار ايه
زين….طبطب علي عادل بحب..وبص لعامر اظن مافيش بعد كده عارف ياض يا عامر لو منه اللي مكان منار وسمعتك بتقول اللي قولته ده كنت قتلتك احمد ربنا انها جت في عادل
ادهم…فك يالا بقي ومتضيعش فرحه اخوك
يوسف…ايوه يا عامر انت طلعت فيه جامد
عادل…علي فكره ايهاب فهلا مشافش انس ولا مره هو اصلا مجاش الحته علي بعضها غير مرتين مره ساعت الشبكه ومره اتعزم عندنا وباقي الوقت منار مبتخرجش معاه اصلا هو كده كده معاها فالشركه بس مش بترضي تخرج معاه.
صالح…يلا ياض ادخل راضي اخوك وهيصله
عامر….حاضر بس معلش سيبوني بس شويه والله العظيم هدخل وراكم علي طول هظبط نفسي بس وادخل
زين….عشان تمشي ها🤨
عامر…متقلقش انا مش عيل وامسك المفتاح اهو بتاع العربيه خليه معاك عشان تصدق
زين…بضحك وحياه امك ماانت ممكن تاخد تاكسي
عامر…أبتسم انت عايز ايه
زين…أبتسم ولا حاجه خلاص خلي المفتاح معاك ويلا مستنينك

 

 

 

 

عامر…ماشي
صلاح…متتتأخرش وحيات امك مفيش مغني غيرك فالبلد ولا ايه
عامر….لا يا خويا في كتير
يلا ادخلوا بقي هيما وبوب لوحدهم
ادهم….ماشي متتاخرش.
دخلوا الشباب وسابوه لوحده
أعد عامر علي كرسي حط ايده علي وشه بحزن وبيحاول يسترجع نفسه عشان يقدر يدخل
……..
وعد….منار استني استني يا منار في ايه يا بنتي قوليلي مالك
منار…بانهيار طلع صاحبه يا وعد طلع صاحبه
وعد…هو مين ده انا مش فاهمه حاجه ممكن تهدي عشان متتعبيش
منار….انا تعبت من الجمله دي بطلي عياط عشان متتعبيش اسكتي عشان متتعبيش بلاش حزن عشان متتعبيش بلاش تتحركي عشان متتعبيش تعبت تعبت والله تعبت ياوعد حطت ايدها علي قلبها وهي بتخبط عليه جامد التعب الحقيقي مش في ده بس التعب الحقيقي في روحي في النفس اللي بتنفسه حتي قلبي تعبه الحقيقي مش في حتت عمليه يا وعد تعبه الحقيقي في عامر في حبي ليه في حاجه اتمنتها ومتحققتش ومع ذلك كنت راضيه يا وعد كنت بقول عادي يكفيني حبه اللي في قلبي بس يفضل انا كنت علي اتم الاستعداد اشوفه بيتجوز ومضايقش بالعكس والله كنت هفرحله من قلبي بس هو السبب يا وعد هو اللي خلاني اروحله واقوله اللي جوايا اللي حاربت سنين نفسي وقدرت امنعها انها تداري عالحب ده مدانيش اي فرصه وقرر يمشي مقدرتش قلب مطاوعنيش اسيبه ولا روحي طاوعتني اسيبه يمشي وياخدها معاه وبكل جبروت قاللي مش بحبك واني اخته
وسكتت ثواني وهي حاطه ايدها علي قلبها ودموعها نازله بتجري. معذور مقدرش ألومه اصل الحب مش بأدينا ياوعد…دي حاجه كده غصب عننا بس اللي واجعني انه مدانيش فرصه اخليه يحبني مدانيش فرصه احاول انجح علاقتنا مدانيش فرصه اقوله اني مش اختتتتك💔

 

 

 

 

مشي مشي وسابني ياوعد
ورجع بعد ما كنت بين الحياه والموت وقاللي انه مستعد يدي فرصه لعلاقتنا
غبيييييي فكر كلامه هيحيي فيا قلبي اللي مات فكر انه بيساعدني اعيش ميعرفش ان كلامه ده موتني الف مره ياريته كان قاله يوم ما روحتله المطار وكنت بترجاه
لا انا صعبت عليه يا وعد صعبت عليه وانا نايمه وتعبانه صعبت عليه وهو شايفني بموت ميعرفش ان عدم وجوده في حياتي هو لوحده موت يا وعد غبيييي زعلان الوقت اني برفضه زعلان اني ببعد زعلان اني بعيش حياتي زعلان اني مش بحاول اشوفه عشان كل ما بشوفه بحس اني بموت من تاني
وعد…طيب ممكن تهدي والنبي اهدي عشان خاطري😭 هو حصل حاجه طيب بينكم
منار ..حصل انه موتني لتاني مره يا وعد موتني وانا بشوف في عين عامر لاول مره في حياتي وجع وكسره متمنتش عمري كله اني اشوفهم حصل انه يوم ماشافني بعد كل الفتره دي وعرف اني اتخطبت اطلع اتخطبت لصاحبه حصل ياوعد اني شوفت و لاول مره في عينه حب ليا بجد
وعد….طيب خلاص سيبي انس ادام متأكده من حبه ده
منار…لا يا وعد مش هينفعش عشان حتي الحب اللي شيفاه في عينه ده لسه قلبي مش مصدقه
لاول مره ياوعد تحس ان العقل في رحمه عن القلب
العقل عند كل الناس بيفكر والقلب بيحس
لاكن انا قلبي موته عامر بايده وخلاه يفكر الف مره قبل ما ياخد اي خطوه مبقاش يصعب عليه اي حد عقلي بيقولي بيحبني وقلبي رافض الفكره
وعد….طيب بص الوقت اهدي عشان خاطري ارجوكي اهدي خلينا نعدي اليوم ده وانا بكره هكون عندك هاجي اخدك ونطلع فوق مع بعض السطح نتكلم بهدوء عشان محدش ياخد باله ارجوكي
حست منار انها مش قادره اعدت عالكرسي وهي ماسكه قلبها
وعد…انتي كويسه والنبي قولي اه
منار…متخافيش ياوعد انا بخير

 

 

 

 

وعد….طيب انتي بوظتي الميكب خالص حاولي تهدي بقي عشان شكلك باين خالص انك معيطه مش هينفع تدخلي كده
منار….مبقتش تفرق شكل يا وعد خلاص كله بقي عادي
وعد…بلاش عبط وبلاش الكلام ده ولازم تقوي شويه بس متقويش علي نفسك يامنار بلاش يوم ما تفوقي تفوقي علي نفسك احنا قلبنا اضعف من اننا نيجي عليه يامنار
منار…بدموع انا تعبانه اوي💔
وعد…عارفه عارفه والله ومش قادره اشوفك كده💔🥺
فاللحظه دي كان عامر داخل جوه وشاف وعد وهي وخداها في حضنها
حس ان قلبه وجعه اكتر عشان هو عارف انها بتتعذب زيه بالظبط لاكن بتكابر
راح عامر عليهم بخطوات بطيئه
لحد ما وقف ادام وعد
وعد…😳😳
منار….كان نفسي الوقت يكون كيمو عايش انا محتجاه بجد محتجاه اوي هو الوحيد اللي كان هيحس بيا
وعد…🥺🥺🥺
حط عامر ايده علي كتفها
عامر….مش انتي بس يا منار انا محتاجله
رفعت بسرعه وشها وبصتله وسكتت
عامر….بملامح حزينه بطلي عياط
منار…عامر
عامر… بتعيطي ليه
وعد…ابدا ابدا هي بس افتكرت كيمو يعني
عامر….ربنا يرحمه بس كيمو بس هو اللي انتي محتاجاه
منار…بصتله وسكتت ولسه دموعها نازله.وماسكه في ايد وعد جامد خايفه انها تسيبها وتمشي معاه لوحدهم..
عامر….اوقات كتير يامنار لما حد غالي عننا بيموت بساخد معاه كل حاجه فينا لدرجه اننا لما بنفتكره ويجي علي بالنا لو الشخص ده ميت وهو تعبان بننسي واحنا بندعيله وبنقول ربنا يشفيه بدل ربنا يرحمه واوقات لما الشخص ده بيوحشنا ونفتكر انه مات مبنقدرش ندعيله بالرحمه عشان منفكرش نفسنا انه مات مع ان دي دعوه هو بيبقي بيتمناها من قلبه اننا ندعيله بيها…اوقات كتير لما بنتوجع او يحصلنا اي موقف نتمني وجود الشخص ده ونحس اننا محتاجينه💔…الفراق صعب يا منار بس عارفه ايه هو اصعب فراق بيوجع ويكسر ويألم بجد لما تحتاجي وجود حد ويكون هو عايش لما تتمني وجود شخص وهو عايش فراق الميت اهون من انك تشتاقي لشخص لسه عايش علي وش الدنيا..
قرب عامر ايده من خدها مسح دموعها وهي كأنها مغيبه سمعاه وحاسه بيه وبلمسته وساكته وعد كانت واقفه ماسكه ايدها ودموعها نازله في صمت.

 

 

 

 

عامر….كفايه دموع يامنار
محبش اشوفك كده ابدا ومسك ايدها باسها وكأنه هو كمان مش حاسس بوجود وعد..
عامر…هفضل احبك لاخر نفس في عمري قام وقف وبص لوعد. روحي معاها ياوعد ساعديها تظبط المكياچ وتشيل أثر الدموع دي و ادخلوا علي جوه علي طول
هزت وعد راسها بأبتسامه ليه
أبتسم عامر لوعد…بطلي عياط انتي كمان🤨
ابتسمت منار من بين دموعها. وفضلت عينها عليه لحد كا اختفي
وعد…حرام عليكي يامفتريه طب والله العظيم بيحبك
منار….خدت نفس طوييييييييل كله وجع خلينا ندخل نظبط المكياج ده
وعد…ماشي يلا
………….
بعد وقت بسيط خلصت منار ووعد ودخلوا عالقاعه اللي كانت والعه من عامر وكأنه ردت فيه روحه بعد ما اعد ادامها وكلمها ولمسها بعد ما حس ان عيونها بتقوله متسبنيش انا لسه بحبك
كان بيغني بكل حب الكل كان فرحان وطول الوقت عينه رايحه جايه عليها وهو بيغني ومن جواه مقرر انه مش هيستسلم ابدا وهيرجعها ليه غصب عنها❣️
خلص الفرح اخيرا
وروحوا كلهم
هيما….بحب اخيرا خدتك من اخوكي
منه…باحراج ماله اخويا
هيما…ماله ده طلع عين اهلي بس خلاص خدتك منه
منه…علي فكره محدش يقدر ياخدني من اخويا
هيما..وهو بيقرب منها لا بس انا اقدر وخدتك يامنه
منه…انت عايز ايه
هيما…عايز ايه بالزمه ده سؤال في ليله زي دي
منه…لا ماهو اسمع بس انا هقولك حاجه
هيما قرب منها مره واحده وشالها بين ايده

 

 

 

هيما…قولي ياقلبي
منه…نزلني ياهيما انت لتعمل ايه
هيما…مش قولتي هقولك حاجه
منه…لا وانا تحت مش وانت شايلني
هيما..وهو بيغمزلها اصل انا سمعي تقيل فا قولت اقربك مني عشان اسمع
منه…بابتسامه علي فكره انت قليل الادب
هيما….بقولك ايه
منه…ايه
هيما…ماتيجي اوريكي قله الادب جوه
منه….هيما احترم نفسك
دخل هيما الاوضه وقفل وراه
تعالي بس وانا هبقي محترم😂😉😉😉
ونسبهم مع بعض
اما عند رحاب وبوب
رحاب…بقولك ايه ابعد عني اياك تقرب مني
ايهاب…يابت في ايه مالك انتي شوفتي عفريت
رحاب…لو قربت مني هموتك
قرب منها ايهاب بسرعه ورجعها للحيطه موتيني كده
رحاب…ابعد يا ايهاب
ايهاب…قرب من خدها باسها
رحاب…بقولك ابعد فضل ايهاب يبوسها من رقبتها ومن جميع تقسيمات وشها
رحاب…علي فكره انت مش مؤدب
ايهاب…بس بحبك
بدون مقدمات…لفت رحاب ايدها علي رقبته وانا بحبك اوي
أبتسم ايهاب بحب…وشالها ودخل علي اوضتهم
❣️❣️❣️❣️❣️

يتبع…

اترك رد