روايات

رواية نغم العاصم الفصل الحادي والعشرون 21 بقلم هاجر محمود

رواية نغم العاصم الفصل الحادي والعشرون 21 بقلم هاجر محمود

رواية نغم العاصم البارت الحادي والعشرون

رواية نغم العاصم الجزء الحادي والعشرون

نغم العاصم
نغم العاصم

رواية نغم العاصم الحلقة الحادية والعشرون

“في بيت كامل”
وبعد شهر، كانت وعد في زياره لأهل سيف بعد ما عزمتها فريده على يوم تقضيه معاها من اوله لأخره، وبعد ما اليوم خلص مسكت فريده في وعد وقالتها تقعد معاها كمان يومين واتصلت بنغم وحياة عشان يقضوا معاهم اليومين دول، وفي مره وهما قاعدين مع بعض اتصل عاصم بنغم يبلغها انه في الطريق عشان ياخدها وقفل معاها، فسألت وعد نغم بلهفه: هو سيف راجع معاه؟!
ابتسمت نغم وقالت: اه
وعد: طيب
ورجعوا يتكلموا مع بعض تاني، وفجأه لقوا سيف داخل عليهم ومعاه المأذون ووراهم عاصم وحسام اللي ميتين من الضحك عليه، فبرقت وعد من المفاجأه وسألت: لمين ده؟
فردت نغم عليها بضحك: ليكي
فبصت وعد لنغم: انتو متفقين عليا بقا
حياة ونغم في صوت واحد: اه
وضحكوا كلهم عليها
وعد: ليا ايه؟ هو امر واقع خلاص
فشدها سيف من ايدها وقعدها قدامه ومسك ايدها وقال: اه بالعافيه وامر واقع، كفايه تقل بقا
وبص للمأذون وقال: اكتب ياعم وهي ف الصدمه دي
وفجأه لقت المأذون بينهم بيكتب الكتاب، والكل بيضحك عليها وبيبارك لهم، ولما خلص المأذون كتب الكتاب قام سيف وحضنها قدام الكل وقال لها: خلاص بقيتي بتاعتي رسمي
وعد: هقول لك غير مجنون
سيف: اتعدلي بدل ما اروقك، المرادي بجد
وعد: خلاص، خلاص هات حضن تاني بقا (بقا جوزها خلاص يا صيع😂)
سيف: ايوه كده (عالم مابتجيش غير بالعافيه😍😂)
وبعد كام يوم رجع سيف شغله مع عاصم.
******************

 

 

“في بيت عاصم”
اتصلت نغم بوعد بعد ما عاصم وسيف رجعوا شغلهم، عشان تحاول تصلح سوء التفاهم اللي حصل بين سيف ووعد
نغم: ايه اللي حصل يا وعد
وعد: الغيره يا نغم
نغم: مين فيكم
وعد: انا طبعا
نغم: حصل ايه طيب؟
وعد: ابدا، سيف عزمني على حاجه نشربها سوا واول ما دخلنا الكافيه وقعدنا لقيت بنتين قاعدين منزلوش عينيهم من عليه، ونظرات وابتسامات
نغم: وبعدين
وعد: يدوب قومت ودخلت الحمام ورجعت لقيت واحده قاعده جنبه وبتتكلم معاه
نغم: يا خبر، وعملتي ايه؟
وعد: اتجننت وجبتها من شعرها وسيف جابني من عليها بالعافيه واتخانقت معاه
نغم: ينهارك ابيض
وعد: اللي حصل بقا، ومن ساعتها اخوكي زعلان
نغم: عنده حق
وعد: انتي كمان
نغم: طبعا، لأن سيف قال لي انه كان بيزعق لها وكمان كان عايز يمشي بس انتي اللي اصريتي عالقعده
وعد: عاوزه الحق كنت بغيظ فيهم، لما لقيتهم متنحين لسيف، وكمان هو كان مبسوط من اللي بيحصل، وكل شويه كان يبين حبه ليا قدامهم ويبصلهم ويغيظ فيهم معايا
نغم: يعني مظلوم اهو
وعد: ايوه بس اعمل ايه معرفتش امسك نفسي
نغم: يبقا الحل ايه؟
وعد: يتصالح
نغم: برافو عليكي وده ازاي؟
وعد: انا جاتلي فكره
نغم: ها؟
وعد: سيف عيد ميلاده كمان عشر ايام، ايه رايك لو عملتله مفاجأه ونحتفل به واقول اني جبت فستان الفرح
ضحكت نغم وقالت: وهو ما هيصدق يعمل الفرح في ساعتها، بس والله فكره
وعد: طيب جهزي نفسك بكره هننزل ندور عليه
نغم: ماشي
******************

 

 

وتاني يوم الصبح، جهزت نغم واستنت وعد تعدي عليها عشان يروحوا مع بعض يختاروا الفستان، وفعلا حضرت وعد واخدت نغم ونزلوا يلفوا عالمحلات، وبعد خمس ساعات من اللف قالت نغم وهي بتاكل سندوتش لوعد بتعجب: ايه يا وعد مفيش حاجه عجباكي خالص
وعد: لا، بصي فاضل محل اهو يمكن الامل فيه
نغم: يارب
ودخلوا المحل واخيرا وعد لقت فستان فرح تحفه ومقفول زي ما سيف بيحب، واول ما نغم شافتها به قالت: جميل اوي
وعد: هيعجب سيف؟!
نغم بحماس: طبعا، استني اصوره وابعتهوله
وعد: لا احنا قولنا مفاجاه
نغم: ماشي، يلا بينا احسن انا جوعت اوي
وعد: ايه يا بنتي انتي مش لسه اكله سندوتش
نغم: معرفش اليومين دول باكل كتير
وعد: حامل ولا ايه؟
نغم: مش عارفه، شكلي كده
وعد: طيب ما تيجي تكشفي بالمره وتبقا مفاجاه لعاصم
نغم: والله فكره، يلا بينا
وبعد ما حجزوا الفستان، خرجوا من المحل راحوا ياكلوا، وبعد ساعه راحوا لعيادة دكتوره نساء عشان يكشفوا على نغم، وبعد ما الدكتوره خلصت كشف على نغم قالت بابتسامه ليهم: مبروك يا مدام
نغم بفرحه: بجد؟
الدكتوره: طبعا بجد وشهر ونص كمان
وعد بفرحة كبيره: الف مبروك يا نغم
نغم: الله يبارك فيكي
وصفت الدكتوره شوية ادويه لنغم وقالتلها: خلي بالك من نفسك، والراحه مهمه الفتره دي، والادويه دي بانتظام
نغم: حاضر يا دكتوره
وعد: شكرا يا دكتوره عن اذنك
الطبيبه: اتفضلوا
وخرجوا من العياده وهما مبسوطين، ونغم مسكت بطنها وملست عليها بحنان وقالت: انا مش مصدقه ان في بيبي جوايا من عاصم
طلعت وعد موبايلها وقالتلها: اهدي مش كده
نغم: انتي بتعملي ايه؟
وعد: بكلم طنط فريده افرحها
نغم: طيب
******************

 

 

“وفي المكالمه”
فريده بفرحه: بجد؟
وعد: اه والله اهي معاكي
نغم: ايوه يا ماما
فريده: انتي حامل
نغم: اه، هتبقي تيته فري…..
وفجأه اتنين ملثمين حطوا حاجه منومه على وشوش وعد ونغم من ورا وفي ثانيه كان مغمى عليهم وكتفوهم واخدوهم في عربيه ووقع الفون من ايد نغم، وفريده فضلت تنادي عليها لحد ما رد شخص بصوت خشن: قولي لسيف انهم معانا
وقفل السكه في وشها، فوقع الفون من ايد فريده من الصدمه وفضلت تصرخ وتصوت بقوة لحد ما سمعتها صفا وجريت عليها من الخضه وسألتها بخوف: في ايه، ايه اللي حصل؟
فريده بصراخ: خطفوا بناااااتي
صفا: ايه مين اللي خطفهم؟
فريده: معرااااافش كلمي سيييييف
فاتصلت صفا بسيف اللي رد عليها فورا: ايوه يا خالتي
صفا بتوتر وهي بتحاول استجماع افكارها: انت فين؟
سيف: في الطريق جاي مع عاصم
فسحبت فريده الهاتف منها وقالت له بدموع وصراخ: اتخطفوا يا سييييييف، بنااااتي
سيف بصدمه: مين يا ماما
فريده: نغم ووعد
سيف بعصبيه: ايه اللي حصل؟
عاصم: في ايه؟
فريده: بقول لك اتخطفوا اتخطفوااا رجعلي بناتي
وفجأه لقى سيف رقم غريب بيتصل به، فقل مع والدته وفتح عالرقم الغريب فسمع صوت بينادي عليه، فسأله سيف: انت مين؟
الصوت: انا علي
وقف عاصم العربية فجأه لما سمع الاسم اما سيف قال بغضب لعلي: سيبهم يا علي
ضحك علي بقوه وقال: تيجي بيت اسكندريه لوحدك ومعاك ورق التنازل عن الميراث وورقه تخرج اكرم والا تقول على وعد ونغم واللي في بطنها يا رحمن يا رحيم
وقفل في وشه، بص سيف لعاصم المصدوم وقال: وبعدين يا عاصم؟
عاصم: نغم حامل؟!، قدامي عالقسم
سيف: هيموتهم
فكر عاصم بسرعه وشغل العربيه وساق بسرعه
سيف: على فين؟

 

 

عاصم: خد تليفوني وكلم والدي وبلغه باللي حصل وهو هيبلغ البوليس لانهم اكيد مراقبين تليفونك
اخد سيف فون عاصم واتصل باللواء رفعت، وبلغه باللي حصل وقفل معاه، ومن ناحية رفعت فاتصل بواحد صاحبه ضابط شرطه وحكاله اللي سيف قاله، ولما خلص واتفق معاه واتصل تاني بسيف فرد عليه سيف بقلق: عملت ايه؟
رفعت: احمد بيقول لك اطلع عالبيت انت وعاصم وبليل هيجي ومعاه الحل
عاصم: بليل ايه؟ مراتي حامل ولو حصلها حاجه مش هيكفيني فيه بلد بحالها
رفعت: اهدا يا عاصم وهتتحل
سيف: خلاص، احنا طالعين عالبيت دلوقتي…

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية نغم العاصم)

اترك رد