روايات

رواية نغم العاصم الفصل الحادي عشر 11 بقلم هاجر محمود

رواية نغم العاصم الفصل الحادي عشر 11 بقلم هاجر محمود

رواية نغم العاصم البارت الحادي عشر

رواية نغم العاصم الجزء الحادي عشر

نغم العاصم
نغم العاصم

رواية نغم العاصم الحلقة الحادية عشر

نروح لبيت دينا، جهزت دينا نفسها عشان تروح تطمن على نغم، بس قبل ما توصل المصحه قابلت حد في الطريق
“وفي المقابله”
دينا: هنا، انتي بتعملي كده ليه؟!
هنا: عشان نغم هي السبب ف ان سيف يسبني
دينا: مش فاهمه
هنا: هي اللي قالتله على خيانتي له مع عمه
قالت دينا بهمس لنفسها: جتك القرف
هنا: بتقولي حاجه
دينا: بقول ايه الورق ده؟
هنا: ملكيش دعوه المهم تمضيها عليه
دينا: ازاي بس؟
هنا: من غير ما تاخد بالها وبعدين حطيلها الدوا ده ف اكلها
دينا: ايه ده؟!
هنا: يعني مش عارفه؟!
شهقت دينا بخوف وقالت: انتي عاوزاني اقتل صاحبتي؟!
هنا: وفيها ايه ما انتي ياما اذتيها جت عالقتل
دينا: لا انا مش هقدر
هنا: يبقا انتي اللي هتموتي
دينا: لا خلاص هعمل اللي انتو عاوزينه، بس سؤال كمان
هنا: اخلصي
دينا: انتي ايه مصلحتك في كل ده؟
هنا: انا مرات علي، واظن يعني المفروض اساعده
دينا بغضب: تساعديه ازاي؟
هنا بتكبر: ماهو كاتبلي ميراث اخوه كله بأسمي، وفاضل امضة نغم ونتمتع به
دينا بهمس لنفسها: الهي تتمتعوا في نار جهنم يا بعدا
هنا: انتي عماله تقولي ايه؟

 

 

دينا: ولا حاجه، طيب سؤال اخير
هنا: انجزي
دينا: انتي اللي وقعتي بين سيف ووعد
هنا: ايوه
دينا: ليه بس هي وعد عملتلك ايه؟!
هنا: اخدت سيف مني
دينا: بس اللي اعرفه انهم بيحبوا بعض من وهما صغيرين، وانتي كنتي بالنسباله صديقه مقربه مش اكتر
هنا: اشمعنا هي وانا لا
ضحكت دينا بصوت عالي فبصت لها هنا بحقد وقالت: انتي بتضحكي على ايه؟!
دينا بسخريه: عشان ده نفس الكلام اللي قولته لنفسي وانا بحسد نغم على حظها والجحود اللي جوايا عماني وخلاني افكر ف اذيتها بس دلوقتي فوقت، ومش هنفذ اللي انتو عاوزينه
هنا: ما قولنا انتي اللي هتموتي
دينا: مش فارقه
هنا بتهديد: كده طيب متلوميش الا نفسك
دينا بخوف: لا خلاص
******************
وبعد ربع ساعه، وصلت دينا للمصحه وطلبت اذن بالزياره لنغم، فوافقت نغم على مقابلتها
“في اوضة نغم”
دينا بخوف مزيف: نغم حببتي قلقتيني عليكي
نغم ببرود: انا كويسه
دينا: طيب الحمدلله، شدي حيلك كده عشان الامتحانات قربت
نغم : امتحانات ايه بس
دينا: لو مش عايزه تحضري ممكن تمضي الورق ده
نغم: ايه ده؟
دينا: اعتذار عن السنه دي وتدخلي الامتحانات السنه الجايه
نغم: طيب هاتيه امضيه
اخدت نغم الورق من دينا وبدأت تمضيه، في الوقت ده طلعت دينا ازازة الدوا الصغيره وحطت منها في العصير من غير ما نغم تاخد بالها
سألتها نغم بهدوء وهي بتمضي الاوراق: متعرفيش حاجه عن حمزه؟؟
دينا بتوتر: ها؟؟ ااااا!! لا
نغم بتعب: طيب، خدي الورق اهو وسلميه للعميد
بصت دينا للامضاء بفرحه وقالت: حاضر، اسيبك بقا عشان ترتاحي
نغم: طيب
******************

 

 

في الوقت ده، خرجت وعد من مكتب الدكتور أمجد، رايحه لأوضة نغم فشافت دينا خارجه منها بسرعه وبتجري ووقع منها ورق، فقلقت وراحت تلم الورق اللي وقع من دينا واول ما وعد قرأت الورق قالت: ينهار اسود
ودخلت اوضة نغم بسرعة، فلقتها ماسكه كوبايه العصير وهتشربها، فلحقتها وعد وحدفتها من ايديها عالارض بسرعه فسألتها نغم بخضه: في ايه؟!
وعد بخوف: مين البنت اللي طلعت من عندك دي؟
نغم: دي دينا صاحبتي
وعد: طيب خليكي هنا وانا هرجع تاني
سابتها وعد واتصلت بأمن المستشفى عشان يحجزوا دينا عالباب لحد ما تنزل، ولما نزلت لقت دينا بتصرخ فيهم، فزعقت وعد في الامن بسرعه: اوعوا تسيبوها
دينا بصراخ: سيبوني انا معملتش حاجه
قربت منها وعد وشدتها من دراعها بقوة وهمست لها: تعالي معايا بدل ما ابلغ البوليس
دينا بخوف: حاضر
راحت دينا مع وعد لأوضة الامن، وطلبت وعد من الامن يستنوا بره، وبعدين لفت لدينا وقالت بقرف: كنتي جايه تموتي صاحبتك؟ للدرجادي الكره والحقد ملئ قلبك
انهارت دينا ومن بين دموعها حكت لوعد عن كل حاجه تخص نغم والحج علي وقالت في الاخر: انا فوقت متأخر اوي، ومش عارفه اعمل ايه
أخدت وعد الورق منها وقالت: اطلعي فورا عالقسم وبلغي ومتخافيش البوليس هيحميكي
دينا: لا مش هبلغ
وعد: خلاص هبلغ انا
وفتحت وعد فونها واول ما كتبت رقم الشرطه قالت لها دينا:استني، انا هروح اهو اكون عملت حاجه صح، وخلي الاوراق دي معاكي
وعد: يلا فورا، متقلقيش
دينا: بس في حاجه
وعد: ايه تاني؟!
دينا: هنا اللي وقعت بينك وبين سيف
وعد بتنهيدة: عرفت
دينا: خلي بالك من نفسك لانها هتأذيكي
وعد: طيب يلا اطلعي عالقسم فورا
دينا: حاضر
خرجت دينا من المستشفى، وهي رايحه للقسم عشان تبلغ، سمعت صوت عربيه من وراها وحد طلع من شباكها وضرب عليها نار وفي ثانيه وقعت دينا ميته قدام القسم وهربت العربيه.
******************

 

 

اما وعد فطلعت لنغم اللي كانت ميته من الرعب، واول ما نغم شافت وعد سألتها بخوف: في ايه يا وعد ايه اللي حصل؟
قالت وعد بهدوء عشان تطمنها: ولا حاجه صاحبتك بس نسيت ورق فجريت وراها عشان اديهولها
نغم: طيب والعصير
قالت وعد بهزار: ولا يهمك هجيبلك غيره يلا عشان ناكل بقا
قالت نغم بأبتسامه: يلا

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية نغم العاصم)

اترك رد