روايات
رواية سينا أصبحت قدري الفصل الثالث 3 بقلم مي محمد
رواية سينا أصبحت قدري الفصل الثالث 3 بقلم مي محمد
رواية سينا أصبحت قدري البارت الثالث
رواية سينا أصبحت قدري الجزء الثالث
رواية سينا أصبحت قدري الحلقة الثالثة
العسكرى بصراخ وهوا يلتفت لاصدقاءه
: هاتوو طااقم التمريض بسررررعة حوور مااتت*تت
حور وهيا تضربه بشده على قفاه
: حور ميين ال ما*تت بتفول عليا ي غبى هوا انا ناقصة انشالله انت ..
العسكرى بصدمة
:انتى لسا عايشة ازاى ..والرصا*صة جت كده ويلتفت ليجد صديقه منعم هوا المصاب ..
:الحقووونااااا طاقمم التمريض بسررررعة منعم ماااا*ت
حور وهيا بتزقه وبتجرى على منعم
: يخربيت بوزك بوز شؤ*م بطل كلام ..
حور وهيا تقترب من منعم بدموع
:يلهو*وى ده نفسه الشهم ال ساعدنى دلوقتى غرقان فى د*مه بسببى كانت الرصا*صة جاية فيا انا ..
احمد
:خلاص يا حور احنا متعودين ..هوا هيبقا كويس احنا طلعنا الرصا*صة ..
لكن حور لم تكن معهم ابدا كانت تنظر من شباك الاتوبيس بأعين حمراء كل ما يدور بعقلها أنها السبب فى أذية انسان لن تسامح من فعل هذا ..أمسكت بندو*قيتها وصوبتها من الشباك ..
العسكرى
:انتى بتعملى ايه ..بتصوبى على مين ..
احمد
:انا مش شايف حاجة هناك ..حوورر انتى كويسة !؟
نظرات حور كانت فاقدة للحياة تنظر كنظرة النسر لفريسته ثم أطلقت النا*ر وإذا بأحد يصرخ وبشده ..
العسكرى بصدمة وهوا يهز حور
: يابنت العفا*ريت عملتيها ازاى دى ..
حور بافاقة
: عملت ايه !؟ ثم تنظر للسلا*ح بيدها وللصراخات البعيدة ..رمت المسد*س بصدمة ودخلت فى نوبة بكاء مرير
:قت*لته انا ضربت نا*ر عليه ..د*م د*م
احمد
: اهدى يا حور انتى مقتلت*يهوش هوا عايش والرائد رعد مسكه كمان انتى خلتينا نمسك اسير من عندهم يا حور ..
ولكن حور كانت تزيد من بكائها حتى غطت فى نوم عميق ..
العسكرى باستغراب
:مالها دى !؟
احمد
: مش عارف تقريبا بتخاف من الأس*لحة والد*م والكلام ده زى البنات ..
العسكرى
: انت غبى يابنى ماهى بنت ..
كاد احمد أن يجيب إلا أن دخول الرائد رعد اسكته..
رعد
:مين فيكم ال صاب التكفيرى ال كان هناك ده
العسكرى
: الضابط حور اصابه يا فندم ..
رعد
: وفين الضابط حور
العسكرى بتوتر
: يافندم منعرفش ايه حصل بعد ما العسكرى منعم انصاب هيا شالت سلاحها وصوبت على التكفيرى وبعدين قعدت تعيط ونامت ..
رعد
: تمام اسلحتكم جمبكم وتبقوا يقظين كويس اوى كلها ساعة وهنوصل ان شاء الله..ويلقى نظرة أخيرة على حور ويغادر ..
********************
مؤمن بصدمة
: اييه تعرضوا لهجوم ..ازاى وعملية نقل الضباط والعساكر لسينا كانت سرية تمام محدش غير القادة بس ال يعرفوا ..والضباط عاملين ايه دلوقتى وبنتى حور ..
اللواء
:حور بنتك بطلة انت كنت قايلى إنها بتترعب من خيالها وبسبب زنك دخلناها سينا بس واضح انها عندها قدرات هايلة
مؤمن برفع حاجب
: انت بتتكلم عن حور ال هيا بنتى انا والا مخربط ..
اللواء بضحك
:لا بنتك ياسيدى ..أصابت تكفيرى ف نص الليل وبين الرمل بنتك عندها نظر ثاقب بس المشكلة أنه سمعت انها انهارت عياط بعد ما إصابته..
مؤمن
:هيا حور كده بتخاف من خيالها ومن الأ*سلحة والد*م ..بس عايزها اقوى ودى مسئوليتك ..
اللواء
:متقلقش حور زى بنتى وهرجعهالك اسد ان شاء الله هيا هتبقى تحت تدريب رعد عز الدين ..
مؤمن بفرحة
: وهوا ده المطلوب ..دى هتتعلم الادب 
اللواء بجدية
: بس المهم أنه ف عملية مهمة جدا بعد 6 شهور وبيتم تدريبهم عليها والتدريبات هتبقا شديدة جدا لانه العملية هتبقا انتحارية ليها لو موقفتش على رجليها ..
مؤمن
: ان شاء الله بنتى قدها وطول ما رعد معاها انا واثق أنها بآمان
اللواء
: اهاا هيردلك الدين ال عليه
مؤمن
: ده ابنى وال عملته ليه كان واجبى ..المهم الخائن ال بينكم لازم تكشفوه بأسرع وقت
اللواء
:بنعمل جهدنا وان شاء الله هنلاقيه..يلا سلام بنتك وصلت
مؤمن
:ف رعاية الله خلى بالك منها
******************”””
تنزل حور مع العساكر من الباصات ويتجمعوا على شكل طوابير منظمة بإنتظار الرائد عدى عز الدين
حور
: اناا هموو*وت واناااام معدش قادرة اقف على رجلى
العسكرى ال جمبها
: يابنتى انتى نايمة طول الطريق اقفى عدل بدل ما هيخليكى تنزلى 300 ضغط دلوقتى
حور وهيا تعتدل فى الصف
: هأو تلتوميت ضغط دنا بنزل الواحدة مطلعهاش ..
العسكرى
: اسمها تولتوميت مش تلتوميت يا جاهلة..
حور
: انت ال بتقول غلط يا جاهل ..وبعدين اقف انتباه انا ضابط ع فكرة …
العسكرى
: يا سكر اومال احنا ايه !؟
حور وهيا تتصنع الكبرياء
:عساكر لا حول لكم ولا قوة …
العسكرى بضحك على طريقتها
: هههه كلنا مدام ف نفس الصف ده كله ضباط إنما ال الصفوف ال هناك دى دول كلهم عساكر .
حور بصدمة
: ده كله ضباط ده هيبقا مرار طافح ..
قطع حديثهم دخول الرائد رعد عز الدين ..
رعد بصوت عالى وواثق أنه اسم على مسمى رعد
:السلام عليكم يا ابطاال
الجميع بصوت عالى
: وعليكم السلام ورحمه الله وبركاته يا فندم..
رعد
: كلكم عارفين أنه سينا اخطر جزء فى مصر ..عارفين السبب !؟
رفع أحد الضباط يده
: جاوب يا عسكرى ..
العسكرى
: لانه دى مناطق تجمعات التكفيريين وبيهجموا عليها دائما ..
رعد
: جواب نعتبره شوية صح ..لأن التكفيريين مش بس فى سينا ..التكفيريين ممكن يكونوا ف اى مكان حوالينا فى مصر إنما سينا الأخطر لانه ده المكان الوحيد بالنسبة لكل الدول ال هتفكر تحتل مصر اول مكان هيهاجموا عليه هوا سينا ..
الأرض ال انتو واقفين عليها دى مروية بدم إخوانكم وابهاتكم الشهداء ال سبقونا وعقبالنا كلنا ان شاء الله أنه نلحقهم ..
حور
: ده بيفول علينا بالموت يبتليك بمصيب*ة
رعد
: بتقولى حاجة يا حور
حور بهمس للعسكرى ال جنبها
: هوا كان صوتى عالى والا ايه..
العسكرى
: للاسف اها ربنا معاكى
حور بتوتر
: كنت بقول ربنااا معاناااا وننتصر عليهم يا فندم
الجميع
: اللهم امين
رعد بصرامة
: دلوقتى الكل على غرفهم وبكرا الساعة 5 بالتمام هنتجمع وال هيتأخر هيشوف ايه هيحصله انا مش هتكلم ..
الجميع
: تمام يا فندم ..
كل يغادر لفراشه ..
حور بتزمر
: لو سمحت يا اخينا انا عايزة ابقا على السرير ال فوق ..
العسكرى بخبث
: تعالى اطلعى …
حور
: ياااه على شهامة الجيش المصرى ..
العسكرى
: فعلا .. وينزل ويسيبها تطلع ويروح للعساكر..
احمد
: مالك يا معتز النظرة دى انا مش مستريحلها ..
معتز وهوا ينظر لحور
: عيب عليك يصحبى ده كل خير ..
احمد
: معتزززز هيا مش من النوع ده ابعد عنها احسنلك ..
معتز
: يابنى انت ليه دماغك شمال كده عطول ..ده كل ال ف دماغى حاجة بسيطة كده هنغير الجو الكئيب ده ..
احمد
: فكرة ايه
معتز
: جمع كل العساكر بس
بعد تجميع كل العساكر ال ف نفس اوضة حور
معتز للعساكر ..
: بصوا بقا هنعمل ايه ..
************************
فى غرفة العساكر تنام حور بقلق تتقلب ع كل جانب لا تستطيع النوم ..
حور
:اووف فينك يا سريرى الحلوو
وفجأة النور قطع ولا تستطيع أن ترى ..
حور بخو*ف
: احمد ..عسكرى م منعم انتو رحتوا فين ..
ضمت قدمها لصدرها بخوف
: يا مرارى الطافح يانا ياما هوا مفيش يوم يعدى من غير مصايب ..
وفجأة
حور بصراخ
: الحقووووووونى …هيقت*لونى
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية سينا أصبحت قدري)