رواية قائد الغرام الفصل الأول 1 بقلم فاطمه محمد

رواية قائد الغرام الفصل الأول 1 بقلم فاطمه محمد

رواية قائد الغرام البارت الأول

رواية قائد الغرام الجزء الأول

رواية قائد الغرام الحلقة الأولى

تشرق شمس يوم جديد في منزل بسيط في وسط القاهره حيث تقف سيده في المطبخ تصنع الفطار الي حفيدتها التي تولت رعياتها بعد ان سافر والدها ووالدتها الي دبي من اجل العمل
قطع عملها صوت خبط علي الباب ذهبت وفتحت وجدت مي امامها صديقه غرام وهي تسكن في الشقه التي امامهم
مي ببتسامه ….
صباح الجمال يا تيته
بدلتها ماجد الابتسامه بحنان ….
صباح الفل يا مي
مي وهي تشم الفطار ….
امم يا روايحك يا ست الكل ايه بيض اوملت دا
ماجده ….
ايوه ياله روحي صحي اللي جوه دي علي بال ما احضرلكم الفطار
مي بداهشه ….
نهار اسود هي لسه مصحتش احنا عندنا امتحان دا انا هفرومها
ثم تركتها ودخلت الي تلك النايمه فتحت الغرفه ونظرت اليها وجدتها نايمه علي بطنها وشعرها قصير يخبي وجهها
مي بصوت عالي ….
انتي يا بتاعه قومي
لم ترد عليها غرام فقالت بصوت اعلي ….
الله يخربيتك عندنا امتحان قومي هنسقط
اول ما سمعت غرام جلست بسرعه وهي تقول بخضه ….
يا نهار اسود هي الساعه كام
مي بنزعاج ….
الساعه تسعه يختي قومي اخلص
وقفت غرام بسرعه وجاءت لتنزل من علي السرير انزلقت رجليها لكنها وقفت بسرعه وركضت من الغرفه ومي تضحك عليها بشده
ركضت غرام الي الحمام فنصدمت بجدتها
ماجده بداهشه …

في ايه مالك بتجري كده ليه
قبلتها غرام بسرعه علي خدها وركضت الي الحمام وهي تقول ….
صباح الفل عندي امتحان دلوقتي والزفت المنبه مرنش او ر…
لكن ذهب باقي صوتها ولم تسمعه ماجده بسبب دخولها الحمام
بعد نصف ساعه انتهت غرام من ارتداء ملابسها وادء فرضها وذهبت الي السفره وجدت ماجده تجلس ومي بجانبها
نظرت غرام الي مي وقالت بسرعه ….
انتي لسه هتفطري ياله هنتاخر
مي بلامبالاه ….
هنتاخر علي ايه
غرام بحده ….
قومي يا زفته عندنا امتحانات اخلصي
مي ….
لا هو انا مقولتلكيش مش الدكتور اعتذر امبارح وقال ان مفيش امتحان النهارده يعني معندناش المحاضره الاوله
غرام بغضب ….
نعم ياختي ومقولتليش ليه
مي ….
هههههههههه احسن علشان بعد كده لما ارن عليكي تردي عليا
ركضت غرام اليها وقالت بغضب ….
ارد عليكي طيب وحيات امك منتي مناسبه
ركضت مي بسرعه الي الطرف الاخر وقالت ….
ههههههههه الله مش انتي كل مره بتعملي فيا مقلب شكل سيبني اعمل انا مره
غرام وهي تركض خلفها بغضب ….
دا انا اللي هقلبك دلوقتي

ماجده ….
ههههههه بس خلاص بقا وقعدو افطرو
ثم نظرت الي غرام وقالت ….
وبعدين كويس انها عملت كده مكنتش هتصحي دلوقتي خالص
جلست مي مكانها وقالت بسعاده ….
صح يا تيتا قوللها ونبي
غرام بحده ….
يابت والله هضرك متنرفزنيش
ماجده ….
ههههههه خلاص بقا بلاش مول كل يوم دا واقعدو افطرو
ونظرت الي مي وقالت ….
امال نوال فين يا مي
مي بنزعاج ….
هتكون فين يعني يا في النادي مع صحبها يا نايمه مبقتش مركزه
نظرت اليه ماجده بحزن وقالت بتنهيده ….
ربنا يهديها يا بت
مي بلامبالاه ….
ولا ميهدهاش بقا مبقتش فارقه
نظرت غرام بحزن علي صديقتها فاولدتها حقا لا تهتم بها ابدا ولا حتي تسال عليها لا تهتم الا بنفسها حتي مي حزينه جدااا بسبب هذا التجاهل لكن تحسنت حالتها قليلا بعد ان جاءو وسكنو امامهم فهتمت بيها جدتها
غرام بهزار …..

طيب ياله يا بتاعت المقالب وعقابنا ليكي انتي اللي هتكتبي المحاضره وراء الدكتور وانا مش هعمل حاجه
مي …
لا كده ظلم مليش دعوه انا
نظرت اليها غرام بحده وقالت …
قولتي ايه مش سامعه
مي بنرفزه …
مش بقول حاجه بقول ماشي حسبي الله ونعم الوكيل كل دا علشان اتعملتي كام حركه كرتيه تعملي فيا كده
ماجده وهي تمسك ريموت التلفزيون ….
طيب اسكتو بقا علشان اسمع بيقول اليه
نظرو الي التلفاز وجدو خبر تفجير قنبله في منطقه في القاهره مما ادي الي وافات 50 سخص 40 في حاله حرجه
ماجده بحزن ….
لا حول ولا قوه لابالله
غرام وهي تقف …
لا انا هامشي قبل ما اديق ياله يا بتاعه
مي …
ياله ياختي
ثم قالت الي ماجده ….
تيتا ونبي ابقي اكلي سولي علشان انا هتاخر النهارده
غرام ….
يادي القطه بتاعتك دي
مي ….
لا بقولك ايه كله الا سولي اوعي تنسي يا تيتا ونبي
ماجده …
حاضر يا حبيبتي متقلقيش ياله روحو انتو بقا
وغادرو الي الجامعه
****************

في مكان اخر
في مبني العمليات الخاصه
يركن شاب سيارته امام هذا االمبني وهو يتردي بنطال اسود وتيشرت بنفس اللون وفوقه جاكت من الجلد لونه ايضا اسود
ثم نزع نظارته ودخل الي المنبي اول ما يراه احد يقفو بحترام ويعطون له التحيه
وصل الي مكتب اللؤاء جمال ثم دق الباب وجاء الاذن من الدخل
فدخل وجده جلس علي طاولت الاجتماعات
ووقف امام اللؤاء بحترام واعط له التحيه
جمال ….
حمدالله علي السلامه يا حسام

حسام وهو مازال واقف ….
الله يسالمك يا فندم
جمال …
اقعد
جلس حسام امامه
جمال ببتسامه ….
معلش قطعنا عليك الاجازه بس المهمه هي اللي طلبت كده
حسام بجديه ….
تحت امرك يا فندم
جمال ….
كويس قبل ما اعرفك تفصيل المهمه الاول اعرفك علي الرجاله اللي هيقوم بالمهمه دي
ثم ضغط علي زرار بجانبه فدخل ثلاث رجال الي مكتب وهم يرتدون الملابس الخاصه بالعمليات ويقفون امامه بحترام
نظر اليهم حسام ببتسامه ثم قال ….
ازيكم يا رجاله
الثلاثه في صوت واحد ….

الحمد الله يا فندم
نظر حسام الي اللؤاء وقال بثقه ….
اسود العمليات هيكون معايا واضح ان المهمه مش سهله
جمال بثقه ….
مفيش حاجه مش سهله علي اسود القوات ودا طبعا ظهر في كل العمليات المستحيله اللي عملتوها مع بعض
ثم نظر الي الرجال وقال ….
اقعدو يا رجاله
جلسو جميعا امامهم
جمال ….
المهمه المره دي مش اصعب من اي عمليه انتو عملتوها بس المهمه دي بذات لو اتعملت غلط مش بس هتكونو انتو ميتين لا ناس كتيره جدا
نظرو جميعا الي بعض
فاكمل اللواء جمال ….
انتو طبعا سمعتو عن القنبله اللي اتفجرت النهارده
حسام ….
ايوه يا فندم ايه تفصيل المهمه
جمال ….
قبل ما اقولكم علي تفصيل المهمه لازم اقولكم ان في فرد جديد هينضم للفريق معانا
نظرو جميعا بستغراب الي بعض
فقال احمد (الصياد )…
شخص من العمليات الخاصه
جمال ….
لا اللي في العمليات الخاصه مش هيقدور ينفذو المطلوب لازم شخص اكثر كفاه علشان كده الشخص دا هيبقا شخص من بره العمليات
حسام ….
والشخص دا مطلوب منه ايه بالظبط
جمال ….

محتاجين اكبر هكر في مصر شخص يقدر يعرف يخترق الاجهزه والشبكات الصعبه المعقده بكل سهوله شخص ميكونش معروف مخفي عن الكل
ابرهيم (الصخره )….
والشخص دا مين يا فندم
نظر اليهم جمال
فقال حسام ….
اانت قصدك الهكر اللي قدر يخترق نظام اكبر رجل اعمل في العالم
نظر اليه جمال وهو يبتسم اليه بسبب ذكائه وقال ….
هو دا اللي احنا عايزه
سامر (الفهد )….
بس يا فندم الهكر دا مجهوله محدش يعرف عنه حاجه
جمال ….
متقلقش انا هقدر اوصله وساعتها دا هيكون الفرد الجديد معانا في الفريق

عادت غرام و مي الي بيتهم
فتحت غرام الباب وهي تنادي ….
تيتا انا هموت من الجوع
ماجده وهي تتحدث في الهاتف ….
اهي المجنونه جات اهيه تعالي كلمي مامتك بترن عليكي موبيل مقفول
غرام …
اممم انا شكلي هتهزاء النهارده
ماجده …
هههههههه احسن تعالي كلمي
اخذت غرام السماعه من جدتها وقالت بسرعه ….
اذيك يا ست الكل عامله ايه
خديجه والدتها بغضب ….
انني بتهزري يا بت انتي انا ميت مره بقولك موبيلك تشحنيه قبل ما تمشي
غرام ببتسامه ….
خلاص بقا يا ست الكل والله الموبيل كان مشحون بس كان في حاجات كتير في الجامعه واستخدمته كتير
خديجه بتنهيده ….
اعمل فيكي ايه بس
غرام ….

مهونش عليكي يا ديجه والله المهم اخبار الموز بتاعك ايه
خديجه …
احترمي نفسك يا بت انتي وياله روحي اتغدي واقعدي ذاكري جدتك بتقول انك بتقعد علي الاب بتاعك كتير
غرام ….
حاضر وهغسل سناني قبل ما انام
خديجه ….
اتريقي كمان اتريقي بس مش هعديلك اللي حصل دا وبابكي لما يرجع ليه كلام تاني معاكي
غرام ….
لا ديجه حبيبتي مش هتقول حاجه مش كده
خديجه ….
ماشي بس الموضوع دا ميتكررش تاني ماشي
غرام ….
من عنيا ياله انا هروح اتغداء بقا سلام
اغلقت معاها الخط ثم وجدت الباب يخبط فتحت وجدت مي امامها
مي وهي تدخل ….
عندكم غداء ايه انا هموت من الجوع
غرام بضبق ….
صبرني يا رب هو احنا خلفناكي ونسناكي روحي كلي في بيتكم
مي وهي تمثل الحزن ….
تعالي يا ماجده شوفي بنت ابنك وهي بتكرشني علشان امشي وماكلش معاكم
خرجت ماجده لها وضربت غرام علي راسها وقالت ….
بنت انتي متزعليش مي تعمل اللي هي عايزه
غرام ….
انا مش عارفه والله مين فينا اللي حفدتك يا وليه انا اللي حفدتك والمصحف لو لقيني علي باب جامع قوليلي
مي …..
لا قدام باب كنيسه هههههههه
نظرت اليها غرام وقالت …..

متحوليش تهزري تاني علشان دمك تقيل
ماجده ….
خلاص بقا روحي غيري يا غرام علي بال ما نحط الاكل انا ومي
ثم نظرت الي مي وقالت بضيق ….
مامتك فين المره دي
مي بلامبالاه ….
معرفش رجعت ملقتهاش شكلها مرجعتش من الصبح
ماجده …..
ربنا يهديها لي نفسها

في مبنا العمليات الخاصه
دخل ظابط بسرعه الي مكتب اللؤاء جمال واداء التحيه وقال …
لقينا الهكر يا فندم اللي حضرتك قولتلي عليه
جمال بسرعه ….
جالد انت متاكد انه هو اللي انا عايزه
جالد ….
ايوه يا فندم هو انا من ساعات ما حضرتك امرتني اني الاقيه من شهر وانا بدور عليه ولقيته
جمال ….
هايل انا عايزك تدخل علي الاب بتاعه تاخد كل الادله اللي تثبت ان هو اللي كان بيهكر حساب رجال الاعمال دول
جالد ….
ايوه يا فندم بس دا صعب جدا وخصوصا اني معرفتش اهكر اميله ومش هنعرف نوصله غير عن طريق رساله ابعتهاله وهو مستحيل يكون غبي لدرجه دي
جمال بنرفزه ….
جرب يا جالد مش هيحصل حاجه
خالد ….
تحت امرك يا فندم بس هو انا ممكن اعرف هنستفاد ايه من دا انا كده ممكن اجبلك بيناته وتجيبه وخلاص
جمال ….
لازم نعمل كده مقدمناش غيره للعمليه علشان لو رفض مش هيبقا في قدمنا غير التهديد
خالد وهو ياادء التحيه ….
تحت امرك يا فندم عن اذنك
***************

ذهبت مي الي غرفه غرام وفتحت الباب بسرعه وهي تقول بهزار …
غرام
وقفت غرام بسرعه وغلقت الاب ثم نظرت الي مي وقالت بغضب …
هو انتي يا حيوانه يا بت مش قولتلك مليون مره متعمليش كده اديكي بوضتش الشغل
اقتربت منها مي وقالت …
ههههه ماشي يا حضرت الهكر المجهول
اقتربت منها غرام ووضعت يدها علي فمها وقالت بحده …
يخربيتك واطي صوتك تيتا تسمع هتبقا مصيبه
مي وهي تنزع يدها وتقول بجديه ….
اخرت اللي بتعمليه دا مصيبه علي فكره انا حذرتك كذا مره بس انتي مش بتسمعي الكلام
غرام وهي تجلس امام الاب مره اخري وتفتحه …
لا متقلقيش واخده بالي كويس المهم روحي ونبي قولي لي تيتا تعملنا نسكافيه علشان انا مصدعه جدا
مي بحده …
انتي ليه محسيساني ان انا صاحبت البت يا بنتي والله انتي اللي المفروض تعملي كده وبعدين جدتك نامت قومي هزي طولك وعملي
غرام بنفاذ صبر ….
طيب خلاص هقوم اعمل علشان مسمعش مرحش كل يوم
وتركت لاب مفتوح وذهبت الي المطبخ
ضحكت مي عليها ثم جلست امام الاب وهي تنظر الي كل هذه الارقم التي تمل الشاشه ولا تفهم منها اي شي
مي بداهشه ….
والله منا عارفه انتي بتفهمي ايه من اللي قدامك دا

ثم اخرجت هاتفها وظلت تلعب فيها الي ان سمعت صوت غريب ياتي من الاب توب فنظرت اليه وجدت علامات واشارات حمراء تظهر في الشاشه ثم بعدها بثواني جاءت رساله ومكتوب عليها open
نظرت بستغراب ولم تهتم للامر ونظرت الي الهاتف مره اخري لكنها سمعت صوت رساله اخري فنظرت وجدتها نفس الرساله تتكرر
فنادات علي غرام ….

غرام في رساله جاتلك
فهمت غرام انها رساله علي موبيلها فقالت لها ….
افتحيها يا مي
ففتحتها مي لكنها فجاه وجدت الشاشه كلها عباره عن هذا العلامات والاشارات الحمراء في مكان في الشاشه واختفت الارقام التي كانت موجوده ثم اصدر الجهاز صوت غريب
كانت غرام في المطبخ تصب النسكافيه اول ما سمعت هذا الصوت ركضت الي الغرفه بسرعه ثم قالت بخضه …
في ايه ايه الصوت دا

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية قائد الغرام)