رواية طفلة الفهد الفصل السادس والعشرون 26 بقلم دعاء حجاج

رواية طفلة الفهد الفصل السادس والعشرون 26 بقلم دعاء حجاج

رواية طفلة الفهد البارت السادس والعشرون

رواية طفلة الفهد الجزء السادس والعشرون

رواية طفلة الفهد الحلقة السادسة والعشرون

سمر كانت متنرفزه اوى
_تمام يا قلبي هكلمك بعدين ٠٠
_ماشي يا حبيبي
_عايزه اي يا منال ؟؟
_عايزه اسمع خبرك
_ياما اي الكلام ده يا بت انا زوجك حتى المفروض تقولى عايزه سلامتك يا حبيبي
_جاتك القر”ف ٠٠٠٠سمر قفلت التليفون ورمتوااا جنبها
_يا بت ال 🐕 وربنا لعرفك ازاى تقفلى في وشي ومش ناسي القلم بردو
وفجاه الباب خبط ٠٠٠٠
_تعالى يا ماما
_بما انك لسه صاحيه تعالى اقعدي معايا انا قاعده لوحدي مستنيه ابوكى
_ماما والله ما قادره وانا عايزه اناام
_ماااشي تصبحي على اخير
_وانتى من أهل الخير ٠٠٠٠والده سمر طلعت وسمر نامت عالطول من الارهاق
في الطريق ✨✨
زينه حست بارهاق ونامت على كتف فهد من غير ما تحس
فهد بص عليها وابتسم
بعد ربع ساعه وصلوا بالفعل
_زينه ٠٠٠زينه
_انا عايزه انااام ٠٠٠٠فهد نزل من العربيه وشال زينه ٠٠٠
في اوضه فهد
فهد حط زينه على السرير وبخارج إرادته باس زينه من جبينها

فهد بعد عالطول وقال:لا لا اللى انا بعملوا ده غلط مستحيل افكر في زينه بالطريقه ده انا مش هعمل زي بابا ما كان عايز يعمل ده طفله وبعدين زينه معتبرين امانها مش هكون مصدر خوفها وخد بعضه وطلع وعالطول ٠٠
مالك كان طالع من اوضته ولقي فهد في وشه
فهد:مالك ٠٠٠٠مالك مردش على فهد
فهد مسك ايدو وقال:انت ليه بتعمل كده ؟؟
_انا اللى نفسي اسالك السوال ده انت ليه بتعمل كده
_كل اللى عملتوا صح وكان لمصلحتك
مالك بتريقه: مصلحه ههه فوق انت جوزت اخوك واحده متعر’ض ليها اربع شباب
_انت شارب اي ؟؟
مالك بتوتر:شارب لا مش شارب
_قرب
_اقرب ليه بقولك مش شارب حاجه
فهد مسكوا من لياجته وشم رايحه د”خان من فمه وقال:مش انا قايلك ممنوع تشرب القر”ف ده تانى
مالك زق فهد وقال:انت مالك خليك في حالك وبعدين ده حياتى وانا حر فيها
_حياتك ماشي إنما اسيبك تد”مر نفسك ده اللى مرداش بيا
_بقولك اي انا داخل انام اطلع من دماغي٠٠٠وبالفعل مالك دخل اوضته وقفل الباب
_طيب يا مالك خليك فاكر انك مسئول على كل اخطاءك
_متزعلش نفسك وصدقنى هيندم على كل حاجه
_انتى لسه صاحيه لحد دلوقتى
_لا انا سمعت صوتكم فطلعت
_روحى يا بتول روحى نامى
بتول حضنت فهد وقالت:تصبح على خير
فهد باسها على رأسها وقال:تلاقي الخير
في صباح اليوم التالى✨✨
زينه قامت وكانت مصدعه اوى ٠٠٠٠زينه قامت ودخلت الحمام وخدت شاور ونزلت لقت الكل بيفطر إلا فهد
_صباح الخير
_صباح النور
_امال فهد فين يا خالتى
_مشي من بدري اعتقد راح الشغل
_طب سمر فين ؟؟
بتول بصت لمالك وقالت:والله ما نعرف يا زينه تصدقي زوجها كمان مش عارف
_😳😳٠٠٠انتى بتقولى اي يا بتول ؟؟
مالك زق الكرسي وقام ٠٠٠
زينه رنت على سمر عالطول
_اي يا زينه ؟؟
_انتى فين يا سمر

_انا عند ماما يا زينه
_بتعملى اي هناااك
_كنت مخنوقه قولت اعدي عليها متخافيش عليا انا بخير
_طب هتيجى امتى !!
_هاجى النهارده إن شاء الله عشان حاسه أن ماما شكه في حاجه
_يعنى بذمتك مش عايزها تشك بقا في واحده تانى يوم فرحها تروح عند اهلها
_مش طايقه يا زينه شخص انانى وكل شويه يجر”ح كرامتى
_استحملى يا سمر طب تصدقي انا حاسه انك هتغيري مالك
_هههه انا مستحيل ده بيكلم اكتر من عشرين واحده في الساعه
_الله غيرانه ولا اي
_انتى هبله اغار على واحد زي ده يلا سلام عشان هتاخر على المدرسه
_خدي بالك من نفسك
_حاااضر ٠٠٠
في السجن✨✨
_فهد عندنااا
_اخبارك اي
_تمام بس زعلان منك اوى
_زعلان منى
_ايوه زعلان منك ازاى مترنش عليا حتى امال لو مكنتش ابن خالتك كنت عملت اي
_بقولك اي ؟؟
_عايز جمال صح
_اه في أنهى زنزانه
_حمدي
_لا يا محمود انا عايز اروح لوحدي
_تمام على ايدك اليمين
فهد بالفعل راح عند زنزانه جمال
جمال كان قاعد وبصص لتحت وفجاه رفع رأسه وقال:فهد كنت عارف انك هتيجي
_انا مش جاي عشانك
_امال جاي ليه ؟؟
_طلق ماما يا جمال
_😳😳
في المدرسه الثانويه ✨✨
سمر وصلت المدرسه وفجاه الكتب وقعوا منها نزلت عشان تجيبهم ٠٠٠٠٠وفجاه عربيه قعدت تزمر
_دقيقه !!
مالك نزل من العربيه وشال بدلها الكتب
سمر رفعت راسها وبابتسامه عريضه:شكرا اوى يا ٠٠٠٠
_انت
مالك غمز ليها وقال:ايوه انا زوجك
سمر خدت الكتب منه وقالت:شكرااا
مالك مد رجلوا وسمر وقعت عالطول
الكل قعد يضحك ٠٠٠٠

الدموع نزلت من عين سمر في ثانيه وبصت لمالك وكانت متنرفزه اوى
مالك لبس النظاره وبكل غرور:أوعك بعد كده تقفي قدام عربيتى ٠٠٠٠
سمر كانت مكسوفه اوى وفجاه شاب مد ايدو ليها
_هاتى ايدك !!
مالك بص على سمر وسمر خافت الا يعمل ليها حاجه وقامت لوحدها
_شكراا اوى عن اذنك
_في اي يا عم ؟؟
_بحبها اوى يا مالك نفسي نظره منها بس
مالك مسك نفسه بالعافيه وحط ايدو على كتف الشاب وقال:ده بتاعتى أناا ويا ريت تخليك في حالك عشان ممكن اذ”يك
_بس انت وقعتها على الأرض ازاى بتاعتك
_انت مالك خليك في حالك بس
سمر راحت الحمام عالطول والدموع نزلت من عينها والمشهد قدام عينها
_اعاااا٠٠٠٠بكر”هك ٠٠٠
سمر غسلت وشهااا وهدومها من التراب وفجاه مالك دخل
_تؤ تؤ مسكينه
سمر مسكت لياجته مالك وقعدت تزعق وتقول:
_انت ليه بتعمل معايا كده ليه انا عملت معاك اي
مالك شدها ليااا وهمس في ودنها وقال:مش انتى اختارتى تتجوزينى استحملى بقااا
_انا بكر”هك
_على اساس انا بحبك
مالك قرب منها تانى وقال:اي رايك نطلع نتعشا برااا
وفجاه بنت دخلت وفكرت مالك بيبوس سمر
_😳😳٠٠٠مالك انت بتعمل اي ؟؟
مالك بعد عن سمر عالطول وقال:متفهميش غلط انا كنت برجعلها شعرهااا
البت قربت من مالك ومسكت ايدو وقالت:مصدقك يا حبيبي عارف البت ده مدلوقه اوى على الشباب
مالك بص لسمر وبابتسامه جعلتو وسيم اكتر:فعلا يا روحى
_اي رايك نسهر النهارده سوااا
مالك بص لسمر وعشان يغظها قال:طبعاا يا قلبي
سمر بصت ليهم بقر”ف وخدت بعضها ومشت
مالك زقها وقال:أوعك تقربي منى تانى فاهمه
_مالك استنى مالك هو اي اللى حصل ما كان كويس
في قصر الكيلانى ✨✨
_الووو
_عامله اي يا خالتى
_اخبارك اي يا قلب خالتك
_انا راجعه بكره وعايزه اشوف فهد اول واحد
زينب بدأت تتوتر وقالت:راجعه بكره
_ايوه انتى مش فرحانه ولا اي

_لا ابدا انا طايره من الفرحه وامك هتيجى معاكى ؟؟
_لا انا جايه لوحدي قولى لفهد ينتظرني في المطار الساعه ١٠
_حاااضر
_يلا سلاااام
_سلام٠٠٠٠٠زينب قفلت التليفون والتوتر امتلكها
_ماما زينب !!
_اي يا زينه
_انتى كويسه ؟؟
_اه ليه
_اصل وشك جاب مياه
زينب حطت أيدها على وشها وقالت:الجو حر اوى
_خلاص يا ماما روحى خدي شاور وانا هعمل الاكل مكانك
_اسكتى يا زينه انتى عارفه حاجه
زينه قعدت تضحك وقالت: هخلى خالتو جميله تساعدنى بس ارتاحى انتى
_متاكده !!
_اه طبعااا ٠٠٠٠٠٠زينب:خلاص ماشي
زينب طلعت وزينه بدأت تعمل الاكل مكانها بمساعده جميله طبعااا
زينب كانت طالعه وجس’مها كلو بيرتعش
_ايوه جايه شويه وهنزل٠٠٠بتول دخلت في امها والتليفون وقع منها
_اعاااا التليفون ٠٠٠٠بتول بصت على أمها ولقت جس’مها بيرتعش وقالت: ماما انتى كويسه ؟؟
_مص”يبه يا بتول شيري راجعه بكره ومش عارفه هتعمل اي لما تعرف أن فهد اتجوز
_مين قال انها راجعه بكره
_لسه رنه عليااا وقالت ليا ابعت فهد يروح ياخدهاا
_طب هتعملي اي ؟؟
_مش عارفه يا بتول انا خايفه اوى ده ممكن تمو”ت فيها
_طب خلاص خليها تعرف وتمو”ت ونخلص
زينب ضر”بت بتول على كتفها وقالت:انتى مجنونه ده بنت اختى
_ماما انا عندي كام خاله ؟؟
_امشي يا بتول أمشي من قدامى
_خلاص خلاص اهدي بس احنا لازم نفكر كويس عشان نعرف نتصرف
_انا تعبانه اوى هروح ارتاح ولو فكرت في حاجه هقولك وانتى كمان فكري
_حاااضر يلا سلام
_رايحها فين
_اقابل صحابي ليه في حاجه ؟؟
_اوعك تكونى رايحها تقابلى شباب يا بتول
_لا طبعا دول بنات الدفعه وساره بنت خالتو حنان هتكون معنا
_خلاصي خلى جاسر يوصلك أوعك تطلعى لوحدك
_حاضر يا ماما في حاجه تانى ؟؟
_مفيش يا ام لسان خدي بالك من نفسك
في السجن✨✨
جمال فاق من الصدمه وقال:انت بتقول اي يا ابنى
فهد بعصبية:بقول اللى سمعتوا يا جمال الكيلانى
_انت عارف انى مقدرش ابعد عنكم

_لو فعلا متقدرش تبعد عننا زي ما بتقول مكنتش عملت اللى عملتوا في ماما يا جمال بيه
_غلطه يا فهد والإنسان بيغلط
_تقصد غلطات يا جمال انت عملت كتير اوى
_انا مستعد اصلح كل حاجه يا فهد بس عايز فرصه
_الفرص انتهت يا جمال الكيلانى وغصب عنك هطلق ماما
_ده مستحيل
فهد قرب من جمال وقال بكل عصبيه:معاك مهله لمده يومين يطلق ماما ينروح المحكمه وساعتها القاضي يحكم بقاا
_انت مستحيل تعمل كده
_لا يا جمال اقدر اعمل كده واكتر من كده كماان عن اذنك
جمال بعصبية:فهد ٠٠٠فهد
فهد طلع ٠٠
_في اي يا ابنى ؟؟
_لازم يطلق ماما يا محمود ده مجر”م
_وانا كمان بقول كده خالتى مينفعش تعيش معا تانى
_فعلا
_بقولك اي ما تيجى نقعد في كافتريا
_معلش والله ورايا شغل مره تانيه
_متاكد انك هتسال تانى !!
_متاكد
_الا صحيح يا محمود عملت اي في موضوع الأربع شباب
_لسه التحقيقات شغاله وقريب اوى هيتمسكوا
_محمود انا اديتك صورهم اتصرف
_ان شاء الله !!
_سلااام
_سلام ٠٠٠٠٠٠فهد طلع وركب العربيه وفجاه التليفون رن
_اي يا حسام
_فينك
_مسافه السكه وهكون عندك
_طب استعجل عشان الشركاء على وصول
_ليه
_عشان نوقع العقد والصفقه تتم بقا
_تمام مسافه السكه وهكون عندك
_طب هات المدام معاك
_مدام مين
_مدام زينه
فهد برفع حاجب:ليه ؟؟
_بما أن زينه اللى قدمت العرض لازم تكون موجوده لانها المودل
_زينه مش هتيجى يا حسام والصفقه ده متهمنيش
_فهد انت بتقول اي ؟؟

فهد قفل التليفون وقال:انا السبب مكنش لازم افكر في زينه خالص ٠٠٠٠فهد شغل العربيه ومشي
حسام:لازم زينه تيجى ٠٠٠
في شركه الكيلانى ✨✨
بعد مرور ربع ساعه فهد وصل ٠٠٠
_فين الشركاااء
_جوا في اوضه الاجتماع
فهد دخل وكان متعصب اوى وفجاه وقف من اللى شافواا
_انتى بتعملى اي هناا
زينه قامت وقالت:بما أني المودل لازم اكون موجوده
فهد بعصبية:اي التخريف ده ؟؟
زينه اترعشت مره واحده وقالت:فهد اهدااا
فهد مسك ايد زينه قدام الشركاء اللى كانوا مستغربين تصرفوا
حسام:انا اسف جداا على اللى حصل نيابه عن فهد بيه
_ولا يهمك بس ليه فهد مسك البنت بالطريقه ده
_اصلها مراته
_يعنى مش المودل
_لا هي ٠٠٠
في مكتب فهد ✨
فهد قفل الباب وقال:اي اللى جابك هنا
زينه بلعت ريقها وقالت:انا لازم اكون موجوده عشان الصفقه تتم
فهد قرب منها وهي كانت بترجع لوراا وقالت:والله جيت عشان اساعدك
_الصفقه ده ولا حاجه عندي إنما تيجى ده اللى يفرق معايا
_طب واي يعنى لما اجى اساعدك
فهد مسك زينه من أيدها وقال:مش عشان بعاملك حلو تعملى اللى انتى عايزه انتى عارفه لو قلبت عليكى ممكن اعمل اي ؟؟

_انا اسفه !!
_تطلعى وعلى القصر فورا
زينه:____________
فهد بعصبية:سااامعه
_حااضر حااضر
فهد بعد ايدو عنها وزينه طلعت تجري عالطول
_فهد اي اللى عملتوا ده ؟؟
_روح اقول للشركاء الصفقه انتهت
_انت بتقول اي كده الشركه هتتحمل أعتاب ضخمه
_انا قولتلك أن مراتى مش مودل وانت اصريت ورنيت عليها
_طب عايزنى اعمل اي الشركاء اللى طلبوا زينه
_قول الحقيقه احسن
حسام بارتباك:حقيقة اي
_قول أن البيه جلال عينه على مراتى
حسام بص لتحت وقال:لا مش صح
فهد رفع وش حسام لفوق وقال:طالما نزلت وشك لتحت يبقا الكلام صح والبيه ميعرفش أن انا زوج زينه
_لا عارف

فهد بعصبية:امال في اي ؟؟
_خلاص يا فهد اهدااا هننهى الصفقه
_يكون احسن !!
حسام طلع ودخل غرفه الاجتماع وقال:الصفقه انتهت تقدروا تطلعوا
_انتهت ازاى واحنا لسه موقعناش على الورق
_البيه رفض الصفقه
_😳😳٠٠٠٠بصوا لبعض وكانوا في حاله صدمه وقال أحدهم:طب اي السبب
_اسال البيه بتاعكم
_بيه مين ؟؟
_الاستاذ جلال
جلال بص لتحت وقال بارتباك:يسالونى على اي انا مش فاهم حاجه
_البيه عينه على مرات فهد بيه
_😳😳٠٠٠
_اي الكلام الفارغ ده لا محصلش طبعا صدقنى يا حازم بيه
_انت مرفوض اطلع براا
_والله ما حصل يا بيه وبعدين انا متجوز
_المص’يبه انك متجوز وعينك مش مليانه اطلع برا
بالفعل جلال خد تليفونه وطلع ولقي فهد في وشه
_حسابك معايا بعدين
جلال خاف منه ومشي عالطول
_فهد بيه انا بعتذر منك على اللى حصل
_متحاولش يا حازم بيه خلاص الصفقه انتهت
_انا اسف اوى نيابه عن جلال واتمنى الصفقه تتم
حسام:خلاص بقا يا فهد الراجل اعتذر
_مراتى مش مودل والمودل الاساسيه والدتها اتو”فت وممكن ترجع في اي وقت إنما زينه خط احمر
_خلاص يا فهد بيه ولا يهمك على العموم ده توقيعى وموافق أن شركتنا تتعاقد مع شركه حضرتكم
حسام ابتسم وقال:يالا يا فهد وقع
_وقع انت واقرا البند كويس انا ماشي
بالفعل حسام مسك القلم ووقع على الورقه وقرا البند طبعااا
_الف مبروك
_الف مبروك ليكم انتوا كماان
فهد نزل وكان في حاله صدمه
_جاااسر انت لسه واقف ؟؟
_منتظر المدام زينه لسه منزلتش
_😳😳٠٠٠اي؟؟
في المدرسه الثانويه ✨✨
_يلا انا لازم أمشي
_يبقي رني عليااا
_حاااضر سلام
سمر طلعت ولقت مالك مسك أيدها
_في اي ؟؟
_اي مش زوجك
سمر زقت مالك وقالت:انا مش راجعه معاك انا رايحها عند أهلى
_في الاحلام
_انا مبقتش فاهمك مره تقولي أوعك تيجى القصر ده تانى ومره تقولى ٠٠٠
_الصراحه مش لاقي حد اتخانق معااا
_وانا مش فاضيه لخناقتك عن اذنك
_على فكره بقا والدك رن عليا وقالي إنه عزمنا على الغدا النهارده
_اي ؟؟

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية طفلة الفهد)