رواية ما بين الحلم والحقيقة (دار الأيتام 2) الفصل العاشر 10 بقلم أميرة أسامة

اما عند ليل….خرج الدكتور من الاوضه

ليل….خير يادكتور طمني.

الدكتور….خير ان شاء الله هي عندها شرخ جامد اوي في مفصل ايدها الشمال الجمب الشمال في جسمها في كدمات جامده جدا يظهر انها وقعت جامد وده اللي أدي لشرخ المفصل ضغطها كان واطي جدا وضربات قلبها مكانتش منتظمه كانت بتعاني من نقص اكسچين فالجسم والحمد لله انكم جيتوا فالوقت المناسب وده طبعا نتيجه الحاله اللي هي فيها عندها انهيار عصبي حاد دخلت في 

نوبة هلع ودي بتبقي نوبة مفاجئة من الخوف الشديد اللي بتخلي الجسم ياخد ردود افعال شديده  زي ما أثرت كده علي النفس عندها يمكن مفيش خطر حقيقي أو سبب واضح للخوف بس في اوقات لما بتحصل نوبات الهلع دي بتحس انك بتفقد السيطرة غلي نفسك وفي ناس بتصاب بنوبة قلبية وفي ناس ممكن لا قدر الله تموت..لاكن هي الحمد لله محصلش كل ده النفس بس اللي اتأثر وطبعا لو مكانتش اتلحقت كان لاقدر الله جرالها حاجه اخطر

ليل…طيب يعني هي الوقت احسن

الدكتور …هي اتخطت علي جهاز اكسجين النفس اتحسن كتير الحمد لله ادتها حقن تفتح الشعب الهوائيه عندها القلب والضغط انتظموا معاها دكتور الوقت بيعملها جبيره علي الشرخ اللي في ايدها بس طبعا لنا مضطر اني ابلغ واعمل محضر بالواقعه لاني شاكك ان الكدمات والحاله اللي هي جت عليها دي جر وسحل

زهره ونور….???????????????? الدكتور…وتقريبا ده حد كان بيحاول يعتدي عليها او حد كان بيحاول يتخلص منها..دكتوره النسا كشفت عليها ومفيش اعتداء الحمد لله بس هي بتقول كان في محاوله عموما ده هيكون شغل النيابه

ليل….بعد اذن حضرتك ياريت بلاش شوشره عشانها هي وعشان اريحك فعلا كان في حد بيحاول يعتدي عليها

نوح…وادم…????

الدكتور…ايوه بس فالحاله دي انا لازم ابلغ لان ده حقها

ليل…ومين قالك اني مش هجيبلها حقها

الدكتور…ايوه بس

ليل..بص عشلن ترضي ضميرك اكتر استني لما تفوق لو هي قالتلك اعمل كده انا مش هعترض وبنفسي هسلم اللي كانوا بيحاولوا يعملوا كده

الدكتور…حضرتك تعرفهم

ليل…لا بس تقدر تقول انهم بقوا تحت ايدي خلاص

الدكتور…هو حضرتك تعرف المريضه.

ليل…سكت ثواني…ايوه تبقي قريبه راجل طيب شغال معايا فالمجموعه وهي كمان بتشتغل معايا انا ليل السيوفي صاحب مجموعه السيوفي للعقارات

الدكتور….طبعا يا افندم اسف اني معرفتكش فالاول

ليل…مفيش حاجه انا طبعا بقولك الكلام ده عشان أعرفك اني مش هسيب حقها وبطمنك بس انا مش حابب اي شوشره عشانها

الدمتور…تمام ياليل باشا تحت امرك بس خليني امشي ورا اقتراحك الاول اني أسالها عشان مبقاش حاسس بذنبها

ليل…طبعا ولو ده اللي يرضيها انا اللي هعمله مش انت

الدكتور…تمام جدا الوقت طبعا هي واخده مهدأ ونايمه وانا بفضل انها تأعد هنا فالمستشفي لحد ما نطمن عليها اكتر

زهره…بدموع يعني هي ممكن يحصلها حاجه وحشه

الدكتور…لا خالص ان شاء الله بس انا بقول لو حصل مضاعافات يعني ممكن يوم او اتنين

ادم…اللي تشوفه احسن ليها يادكتور اعمله

ليل…زي ماقالك يا دكتور اللي في مصلحتها اعمله

الدكتور… تمام

ليل…هو انا ممكن اشوفها

الدكتور…هي الوقت تخلص الجبيره وهتتنقل اوضه لوحدها تقدروا تشوفوها بس محدش يحاول يصحيها او يكلمها عشان حالتها

ليل…شكرا يا دكتور

الدكتور…العفو بعد اذنكم.

نوح….ليل فهمني ايه اللي بيحصل

ادم…انت كنت عارف اللي حصل ده يعني وجودك هناك مكنش صدفه

نور….طيب هي كلمت حضرتك تلحقها.

ليل….بغضب…ممكن كفايه أسئله مش وقته خالص.????

زهره… بغضب اكبر هو ايه اللي كل شويه تقول مش وقت اسئله انا من حقي اطمن علي اختي واعرف حصلها ايه…ولا انت عارف اللي عمل كده وعايز تداري عليه

فاللحظه دي ليل مقدرش يتحكم في اعصابه وبحركه سريعه منه مسك زهره من دراعها بغضب بين ايده صرخت و

أقسمت زهره ان عظام دراعها كانت علي وشك انها تتهشم في ايده

أدم…بسرعه مسك ايده ليل انت بتعمل ايه

نوح ..اهدي ياليل في ايه

ادم…سيبها ياليل بقولك

ليل….وهو مقرب من وش زهره بغضب اللي عمل كده مرمين في المخزن تحت ايدي مستني بس اطمن علي عشق وبنفسي همحيهم من علي وش الدنيا…

اما اللي انتي قولتيه ده مش هحاسبك عليه عشان انتي مش عارفه بتقولي ايه وبتتكلمي مع مين????????????وبعدها عن ايده بغضب

ادم…في ايه ياليل من امته وانت بتطلع عصبيتك بالشكل ده وبعدين ده حقها عايزه تطمن علي عشق

ليل…حط ايده علي وشه وفضل يمرر ايده كذا مره عشان يحاول يهدي نفسه شويه. وبعد عنهم شويه عشان ميتعصبش علي اي حد تاني

ادم بصلها وهي بتعيط انتي كويسه

زهره…بصت فالارض ودموعها نازله هزت راسها بلا

نور….عشان خاطري متزعليش

نوح ..حقك عليا انا يا زهره متزعليش امسحيها فيا انا

ادم…بلاش عياط بقي وعايز بس اقولك علي حاجه ليل ادام وصل للمرحله دي من العصبيه تعرفي ان هو الوقت الغضب عاميه..وربنا يستر من غضبه هو اكيد ميقصدكيش بس يمكن كلمتك ضايقته لان ليل مش كده يا زهره واستحاله يعمل فيها كده

زهره…وانا مش عايزه اي حاجه منه غير انه يطمني عليها هو مهما كان زعلتن عشانها عمره ما هيحس الاحساس اللي جوايا الوقت

ادم…اكيد طبعا بس بردو احنا لحد الوقت منعرفش ايه اللي حصل احنا شوفنا ليل نازل وشايلها منعرفش شاف ايه وحصل ايه فوق يوصله للحاله دي صح؟

زهره…صح

ادم…يبقي بلاش عياط بقي ومش عايزك تزعلي وعموما انا هسيبه يهدي خالص وهخليه يجي يعتزرلك بنفسه

زهره..انا مش عيزاه يعتزر انا عايزه اطمن بس علي عشق

ادم…هتطمني متقلقيش هتبقي بخير

نور…ايه ده عشق اهي بيخرجوها

جريو كلهم عليها كانت نايمه ومش دريانه بيهم في دنيا تانيه

زهره…عشق عشق سمعاني ردي عليا

دخلوا بيها الممرضين الاوضه

ودخل معاهم البنات نقلوها سريرها بهدوء  وظبوطها وركبولها محلول وسابوها وخرجوا

فتح ليل الباب…ووقف ادم ونوح بأشاره من ايده .لحظه

ليل….لنور وزهره ارفعوا الطرحه علي شعرها…

نور حاولت تغطي شعرها بسرعه وهنا كانت صدمه ادم ونوح..

بصوا لبعض باستغراب????

نور…خلاص

دخل نوح وادم بعد ماليل بعد عن الباب ووسع لهم الطريق

وقف ليل ادامها بحزن علي منظرها ايدها متجبسه وشها كله كدمات وجروح وشها شاحب

فضل يلعن في نفسه ازاي كدبها ومصدقهاش ليه حتي مدهاش فرصه انه يصدقها

زهره…فضلت تعيط هي ونور

ادم…زهره انتي ونور اهدو شويه الدكتور طمنا عليها شويه وهي ادامنا الحمد لله كويسه ولحقناها

زهره…لحقناها ايه بس شايف منظرها عامل ازاي عملوا فيها ايه كانت حاسه بأيه وهي لوحدها معاهم

حس ليل بالغضب اكتر من كلامها وفكر نفس تفكيرها ياتري حست بايه وهي لوحدها من غير اي حد لو مكنتش شوفتها كان زمان ايه اللي حصلها

ادم بص لليل شايف عروق وشه ورقبته كلها بارزه

ادم…خلاص بقي يازهره مش وقته الكلام ده وبعدين لاحظي انها ممكن تفوق في اي وقت ومينفعش تشوفك كده

نوح….فعلا هي مش عايزه اي ضغط الوقت خالص حاولو تهدوا شويه وتعالو اعدو وارتاحو شويه

اعدو البنات ادامها وفضل ليل ادامها ساكت باصصلها بس وطول الوقت بيحاسب نفسه عاللي حصلها.

………

اما عند جاسر وتمارا عدي الوقت عليهم بسرعه

نزلت الطياره اخيرا

جاسر لسه ايده في ايدها

جاسر…حمدالله عالسلامه

تمارا….الله يسلمك

جاسر…بأبتسامه بسيطه يلا بينا

بعد دقايق بسيطه كانوا خرجوا بره المطار كلم جاسر السواق  ثواني وكان وقف ادامهم وركبوا

جاسر…اتصل علي ادم

ادم….ايوه يا جاسر

جاسر…ايه فينكم

ادم…لسه فالمستفشي

جاسر…طيب ابعتلي اللوكيشن انا جاي لكم الوقت

ادم…نعمممم انت فالقاهره

جاسر…ايوه تمارا صممت تنزل

ادم…طيب وليه قولتلها بس

جاسر…والله ابدا لما اجي هفهمك

ادم…طيب تمام هبهتلك اللوكيشن حالا

قفل معاه جاسر واستلم الرساله بعتها للسواق

جاسر…حسين افتح اللوكيشن اللي جالك ده وامشي عليه

حسين…تمام يا باشا

تمارا…هو احنا رايحين فين وديني الاول البيت اطمن عليهم وبعدين امشي انت

جاسر…لا ما احنا هنروح الاول المشوار ده مع بعض وبعدين نروح البيت

تمارا…بخوف وعيون مليانه دموع جاسر هو في ايه.

جاسر…متخافيش مفيش والله اهدي

تمارا…عشان خاطري قولي في ايه

جاسر…بارتباك ياستي مش عارف انا كلمت ادم ادامك اهو قاللي لازم نروح سوا هما كلهم مع بعض يمكن ليل عامل اجتماع او في حاجه

تمارا….اجتماع ايه الوقت انت عارف الساعه كام الساعه واحده ونص بليل جاسر نزلت دموعها بابا حصله حاجه صح

جاسر…لا لا محصلوش حاجه والله اطمني وبعدين استني هنروح الوقت ونطمن ونعرف في ايه

تمارا…انت مش شايف نفسك مرتبك ومش علي بعضك ازاي

جاسر…ياستي والله ابدا انا بس مضايق عشانك مش عايز اشوفك كده

تمارا…لو عرفت ان في حاجه وانت مخبيها عليا مش هكلمك تاني عشان انت بتكدب وانا مش مصدقاك

جاسر…هو انا مش كنت معاكي هكدب عليكي ليه بس اهدي بس عشان خاطري والوقت نوصل ونعرف ومد ايده بهدوء مسح دموعها

بصت تمارا ادامها باحراج وفضلت ساكته لحد…

نوح….هو جاسر رجع

ادم…اه بيقول تمارا صمتت قلقانه نوح…حد فيكم قالها حاجه

زهره…لا انا مكلمتهاش من الصبح ومش عارفه اصلا فين موبايلي ادم…اطمني معايا فالعربيه

نور…وانا مقولتلهاش هي كلمتني وانا معاك

نوح…بس كان باين عليكي انك مرتبكه اكيد مصدقتش

زهره…ربنا يستر

……..

بعد فتره بسيطه وصلوا المستشفي واللي كانت نفسها المستشفي اللي فيها حاج محمد

اول ما تمارا لمحت العربيه بتقف ادام المستشفي زادت ضربات قلبها وفضلت مبرقه عينها بخوف

جاسر…يلا انزلي

فتحت تمارا الباب ونزلت براحه مسكها جاسر من ايدها

تمارا…جاسر بابا جراله حاجه صح

جاسر….تعالي ياتمارا متخافيش مشي بيها زي الطفله وهي ماشيه وراه تمسح دموعها وواثقه انها طالعه علي كارثه…

وصل جاسر بيها ادام الاوضه خبط عالباب وفتح وهي واقفه وراه خايفه تدخل.

وقفوا كلهم بصت تمارا علي عشق من بعيد وهي مبرقه عينها ودموعها بتنزل ورا بعض بسرعه مش مصدقه انها شيفاها كده توقعت ان ممكن يكون حاج محمد لان هو اللي تعبان وهو اللي فالمستشفي وطلعت وهي مقتنعه انها هتعرف عنه خبر وحش لاكن الصدمه بالنسبالها كانت عشق وهي شيفاها نايمه عالسرير بالشكل ده فضلت تمارا تقرب خطوه خطوه نور وزهره مش قادرين يمسكو نفسهم خصوصا زهره وقفت تمارا ادام عشق مسكت ايدها براحه ملامحها كانت جامده علامات الصدمه مرسومه علي وشه مفيش اي حاجه في ملامحها بتتحرك غير دموعها اللي بتجري علي خدها.. قربت منها زهره براحه

زهره…تمارا انتي كويسه

تمارا…..????????

زهره…تمارا ردي عليا انا مصدقت انك جيتي انا كنت لوحدي انتي بعيد وعشق في دنيا تانيه وانا مش اتصرف من غيركم

تمارا…بجمود..عشق مالها

زهره….معرفش

تمارا….بصتلها بغضب يعني متعرفيش انا سيباكي معاها يازهره مين اللي يعرف ازاي سبتيها يحصل فيها كده…ازاي انتي ادامي سليمه وهي لا نسيتي اتفاقنا يازهره زمان نسيتي اننا اتفقتا ان مفيش اي حاجه هتحصلنا طول ما احنا مع بعض ولو حصل اي حاجه برده هنكون مع بعض ليه سبتيها يا زهره ازاي متنفزيش الاتفاق ازاي هانت عليكي تسيبي كل ده بحصلها وانتي مش فيكي اي خدددددش

انطقي قوليلي ازاي سبتيها

زهره…بأنهيار معرفش قولتلك معرفش انا مكنتش فالبيت اصلا كنت مع نور عند بابا بنطمن عليه وهي كانت بتدور علي شغل ولما كلمتها وسألتها عملت ابه قالتلي ان لسه ربنا موفقهاش

اتصدم ليل من الجمله…وعرف ان كرامتها مسمحتلهاش تقوله انها ملقتش شغل.????

زهره…وقالتلي خلاص هتروح بس هي مستنيه مستر ليل عشان طلب يشوفها وبعد كده ادم ونوح جم عالمستشفي خدونا وجبنا ورق من الجامعه نور نسيته ورجعونا عالبيت ولما رجعنا لقينا الدنيا زحمه فالشارع ادام البيت وفجأه لقينا مستر ليل نازل شايلها وهي بتنزفز ومش درايه بأي حد وكان معاه الجارد بتوعه جرينا بيها عالمستشفي هنا ده كل اللي حصل انا مسبتهاش يا تمارا ومقدرش اسيبها او اسيبك انا يمكن اكون جبانه يا تمارا بس مش للدرجه اللي تخليني اشوف عشق بيحصل فيها كده واسيبها

دي عشق يا تمارا انا افديها بعمري ولو كنت معاها وشوفت اللي عمل فيها كده كنت قتلته والله العظيم كنت قتلته ياتمارا انا كنت معاها من الصبح لحظه بلحظه من اول ما نزلت الصبح وعدت عليا فالمحل لغايه كل مكان كانت بتروحه وانا معاها عالموبايل. انا متخلتش عن عشق يا تمارا ???????????? عشق كانت فالبيت مستر ليل هو اللي يقدر يرد علي سؤالك ده او عالاقل يبعد اتهامك ده عني

نزلت دموع تمارا حست انها جرحت زهره وظلمتها…لاكن تجاهلت اللي حاصل وبصت لليل

تمارا…ايه اللي حصل لعشق؟؟وازاي كنت معاها فالشقه فوق؟؟وايه اللي وصلها للشكل ده؟؟

عملت ايه في عشق؟؟

جاسر…تماراااا

تمارا…ولو مش انت اللي عملت فيها كده وانت اللي انقذتها اواي سبت كل ده يحصل فيها؟؟

تمارا…رد علياااااا عملت ايه في عشق

ليل….بحزن مصدقتهاش

بصوله كلهم باستغراب..

ليل….ايوه زي ما سمعتو مصدقتهاش ولو كنت صدقتها مكنش كل ده حصل..

تمارا….تقصد ايه

جاسر.. ما تتكلم يا جاسر في ايه.

ليل…بعد حادثه حاج محمد وبعد الكلام اللي قالته عشق واللي كلكم عارفينه انا مصدقتهاش ومقدرتش اصدقها لان بالنسبالي مكنش كلام يدخل العقل ولما طلبت اخرج اتكلم معاها عشق قالتلي كلام كتير وكوارث اكتر هتحصل وللاسف بردو مصدقتهاش رغم انها قالتلي علي تفاصيل كتير تخليني اصدقها تفاصيل ميعرفهاش غير اهلي وتفاصيل ميعرفهاش غير ادم وجاسر ونوح وتفاصيل محدش يعرفها غير انا وريما اللي كانت خطيبتي زمان…حزرتني من حجات كتير اوي بعضها حصل وبعضها لسه محصلش كنت مصدوم بس كنت ابتديت اصدقها لكن لما سألتها عرفت كل ده ازاي قالتلي انها حلمت حلم من شهرين ونص تقريبا يوم ما قابلتو حاج محمد وان حاج محمد كان اول حاجه تتحقق من حلمها اللي هو كان بطل من ضمن ابطال حلمها…ووافقت انها تروح معاه عشان تمنع اي حاجه هتحصل وحاولت تمنع الحادثه لكن حصلت حاولت تمنع حادث تمارا وهايدي بس حصلت حتي انهرده هي سبق وحاولت تقنعني انها تمنع اللي هيحصل واوديكم علي شقه الزمالك بتاعتي اللي هي شافتها ودي محدش يعرف عنها حاجه وانا بكل غباء كدبت عليها وقولتلها ان حلمها غلط مفيش شقه فالزمالك وسبتها وده لاني كنت مش مصدق غصب عني اللي اتقال كلام ميدخلش العقل ومحدش يصدقه بسهوله بس كنت حاطتها تحت عيني واجرت للجارد بتوعي شقه ادام الشقه بتاعتكم عشان تكونوا تحت عينكم منها مراقبه عشان اعرف دي مين اللي عارفه عني كل ده وحاجه تانيه جوايا كانت مصدقاها وكنت حابب اني احميها واحميكم…انهرده قابلت عشق عشان اقولها اني موافق انكم انتو الاربعه تشتغلو معانا فالمجموعه وده كان جزء من الحلم اللي هي حلمته  بس هي قالتلي لا ورفضت وقالتلي انها لقت شغل..كدبت عليا حاولت اقنعها رفض رفض تام المهم روحتها ولما روحتها اتفاجئت ان الجارد اللي سايبهم لا هما عالقهوه زي ما طلبت منهم ولا حتي واقفين فالشباك طلعت زي المجنون وفضلت اتخانق معاهم كانو حتي الشباك قافلينه واحد منهم راح فتحه وكانت الصدمه لما شوفت عشق بتجري زي المجنونه فالشقه بتحاول تدور علي اي حاجه تنجدها كانت بتجري ناحيه الشباك وفاخر لحظه مسكها واحد فيهم بعنف والتاني قفل الشباك….محستش بنفسي وقتها غير وانا ادام شقت حاج محمد انا والجارد وبكسر الباب كانوا تلاته بيحاولو يعتدو عليها واحد منهم كان كاتم نفسها عشق كانت بتموت في ايده لو كنت اتاخرت ثانيه بالظبط حقيقي كان جرالها حاجه منظهرها اللي شوفتها عليه كان كفيل يخليني اقتلهم بس اكتفيت بأني واثق اني خلتهم مش نافعين مقدرتش اكمل عشان عشق كان لازم الحقها. وجبتها علي هنا ده كل اللي حصل

الكل كان بيسمعه في زهول البنات منهارين

تمارا…يعني ايه مين دول وليه عملو كده وازاي لحقو اصلا لما انت كنت لسه موصلها انت بتحاول تكذب صح

جاسر…تمارا اهدي بقي شويه

تمارا…اهدي ايه انت مصدق اللي هو بيقوله صدقه انتو قرايب ومهما حصل مش هيهمكم غير نفسكم وسمعتكم وبس هتدوسوا علينا وتفعصونا باوسخ جزمه عندكم عارف ليه عشان احنا ملناش حد يا جاسر باشا ليل باشا بيحاول يقنعني ان مش هو اللي عامل كده وفاكر اني هصدقه انا هقتلك بايدي لو عشق حصلها حاجه انت فاهمممممممم

وفاللحظه دي قلم نزل علي وش تمارا عمل صدي صوت فالاوضه

زهره نور…تمارااااا????????????????

يتبع…..