روايات

رواية بيت السلطان الفصل الخامس 5 بقلم منار مجدي

رواية بيت السلطان الفصل الخامس 5 بقلم منار مجدي

رواية بيت السلطان البارت الخامس

رواية بيت السلطان الجزء الخامس

بيت السلطان

رواية بيت السلطان الحلقة الخامسة

مرڤت:زينه هترجع تانى الميتم.
حلا:ليه ديه مكملتش اسبوعين
مرڤت:بيقولو بنتهم محبتهاش.
حلا:لحظه لحظه بنتهم ده ايه انتى قولتى أنهم مش بيخلفو
مرڤت بتوتر:اصل يعنى
حلا بزعيق:اصل ايه
مرڤت:بصراحه هما كانو عايزين طفله تونس بنتهم عشان وحيده واقترحو عليا واتبرعو بمبلغ كبير الميتم .
حلا:رشوه رشوه يا مدام مرڤت هو ده إلى بابا معودنا عليه انتى متخيله نفسيه البنت هتكون ازاى.
مرڤت بزعل:انا كنت بحاول اساعد قولت اهو يبقا ليها اخوات واحنا نعرف نصرف على بقيت الاولاد.
حلا:دول هما سبع اطفال يا مدام مرڤت تبعيها.
مرڤت عيطت:انا مكنتش اقصد.
جريت وهى بتعيط.
حلا بضيق:يعنى انا إلى اقصد اعيطك يوووه متبقيش حساسه كده الله.
مازن:انا عارف أنه غلط بس ممكن اقول حاجه
حلا:قول يا ليثى
مازن:حنين قالت انها سمعت زينه وهى بتقول لمدام مرڤت موافقه هى كانت عايزه تروح معاهم احنا اسفين عشان كنا عارفين ومقولناش ليكى.
حلا اتنهدت:مفيش مشكله بس هتساعدونى اعدل مزاج مدام مرڤت مش بحبها زعلانه
مازن:قوليلى نعمل ايه واحنا معاكى.

حلا:اممممم هنغنى اغنيه.
راحو عندها وهى قاعده على المقعد وحاطه ايديها على وشها وبتعيط بصوت مكتوم
قعدت حلا جنبها:عود البنات عالى شقلبلى انا حالى يرخصلك الغالى يالى سحرتنى
مازن:عود البطل ملفوف وانا لسه ياما هشوف جايلك ومش مكسوف مانتى قتلتينى.
قامت مرڤت وهى بتكتم ضحكتها وخرجت الجنينه.
خرجو وراها.
حلا:واخدانى على الهادى وجمالها مش عادى لما بتيجى قصادى بموت متين مره مبحبش غير هى وعايزها تعيش ليا بالحب بالنيه عايزك وانتى حره.
مازن:يا شاغله افكارى حسى بقا بنارى يا احلى بنات خالى يا فراوله الحته .
حلا مسكتها من كتفها وهى بتقول:عاوزك يا بلبلتى يا صاحبتى وبنتى علشان اشوفك انتى بعد مليون خطه.
مازن وهو بيشاور على ضحكه مرڤت:الضحكه ديه حكايه سكر فى كوبايه وبقولك بهوايا حبك يكفينى.
حلا وهى بتلف مع العيال حواليها:شوفتك قمر طالع واحمر خدود فاقع الجو لو ساقع حضنك يدفينى.
مسكتها مرفت وحضنتها.
حلا طبطبت عليها:خلاص يا حبيبتى متعمليش فى نفسك كده
مرفت بعدت بضحك وهى بتمسح إثر دموعها ولسه هتتكلم

عم محمد البواب:زينه وصلت يا مدام مرڤت.
حلا راحت معاها اول ما زينه شافتها جريت على حضنها وهى بتعيط.
حلا:زينه حبيبتى أهدى مفيش حاجه.
نورهان السلطان:فعلا مفيش حاجه بس انتى مش كويسه عشان تلعبى مع بنتنا.
حلا:ايوه يعنى يا انسه عملت ايه.
نورهان:مين حضرتك اصلا عشان تسألينى انا مش مضطره ابررلكك حاجه خدو البنت ديه مش عجبانا.
حلا اخدت نفس بتحاول أهدى أعصابها:انا بنت صاحب الميتم ده
نورهان:الميت يعنى يتيمه برضو
حلا بابتسامه :والله كلنا أيتام بس من حقى اعرف البنت عملت ايه عشان تتصرفو معاها بطريقه غير اداميه بالمره.
نورهان:يا ستى احنا ناس وحشين انا ماشيه مش فاضيه افضل واقفه كده كتير.
مشيت نورهان
حلا جت تروح وراها بعصبية اجيبها من شعرها مسكتها مرڤت.
حلا بصوت عالى:عشان معاكم فلوس ولعلكم معاكم بتشوف نفسكم علينا بكره الدائره تلف وتبقو مكانا وله معاكو فلوس وله حتى اهل حسبى الله ونعم الوكيل.
نورهان بعصبية:انتى بتقولى ايه يا حيوانه انتى .
حلا وهى بتشكر:لا انتى زودتيها.
حلا قربت بس فجأة ظهر ولد فى العشرين من عمره باين شبابه عليه ووسيم جدا.
ياسين:نورهان متنزليش لمستواهم.
حلا: مستوى مين يابو مستوى انت ياض انت لسه بيغيرولك الكدلس ياض.

ياسين بإستغراب:يعنى ايه كدلس.(يعنى بامبو يا عنيا😂😂)
حلا:كمان لسه بتتعلم يا ترى اتفطمت وله لسه.
ياسين:نورهان نص كلامها مش مفهوم اصلا خلينا نمشى دول مش شبهنا.
حلا:وميشرفناش اصلا يا سكر .
ياسين وهو بيركب:هتندمى وانا هعرف اوريكى عقاب إلى يتطاول على عيله السلطان.
حلا:ياخى فى داهيه انت وعليه السلطان كلهم كتك القرف.
زينه كانت بتعيط.
مازن حط أيده على كتفها:مش هروح.
حلا بصيت عليه هى وزينه ومرفت بإستغراب..
حنين :اه انا فهمت هقول مش هتيجى.
مازن وهو بيطنطت قدام زينه:مش هروح
حلا بضحك:مش هتيجى.
مازن:مش هروح.
زينه بابتسامه وهى بتمسح دموعها:مش هتيجى.
مازن بضحك:مش هروح .
كلهم وهما بيرقصو:مش هتيجى.

مازن:وبعز ما عندى بقول بصوت مجروح مش هروح مش هروح مش هروح بعز ما عندى بقول بصوت مفضوح مش هروح مش هروح مش هروح.
حلا:العالم إلى جواه طاير والدم يجرى يا ناس فاير اصل البنات عامله عمايل ترقص وتظهر وتتمايل.
مازن:مش هروح مش هروح مش هروح.
زينه بدلع:مش هتيجى.
حنين حضنتها:وحشتينى اوى يا زينه.
زينه بابتسامه هادئه:وانتى كمان يا فتانه(ضحكت )
حنين بصيت لها بضيق وحطت ايديها فى وسطها.
حلا:قصدها يا فنانه يا فنانه يا كبيره.
حنين ضحكت.
مازن:صوتى وجعنى هروح اجيب يانسون.
مرڤت بسخريه:لو لقيت.
حلا:تعالى يا زينه نتكلم شويه لوحدنا.
حنين:هاجى معاكم
حلا:لا انتى هتفضل هنا عشان لو حد عمل حاجه كده وله كده تقوليلى.
حنين:اه زى الجاسوسات 🤭🤭.
حلا بضحك:ايوه بالظبط
اخدت زينه ودخلو
حلا قعدتها على المقعد وقعدت قدامها:ها يا زينه قوليلى يا حبيبتى ايه حصل.
زينه بدأت تعيط وتتكلم بشحتفه:انا انا كنت بلعب عادى مع سالى بس هى ضربتنى وشديت شعرى جامد ووجعتنى وانتى عودتينى يا حلا اخد حقى صح لو حد ضربنى اضربه.
حلا:ضربتيها يعنى.
زينه بعياط اكتر:دهزالى مضايقنى انا ملحقتش الاول كانت بتمثل أنها بتلعب معايا وبعدين بقيت بتتضرب جامد ضرب يوجع ولما لقيتنى بعيط راحت عيطت وقالت انى انا إلى ضربتها

حلا حضنتها:خلاص يا حبيبتى أهدى انتى بقيتى معانا وسيبنى البنت الوحشه ديه
زينه:مش عايزه ارجع العب معاها تانى
حلا:مش هرجعك.
زينه:بس ابيه نادر هيوحشنى.
حلا:وابيهك نادر مدافعش عنك ليه يختى ما هو موكوس.
زينه بضحك وهى بتمسح دموعها:لا يا ابله ابيه نادر طيب بس هو مسافر وقال لما يرجع هيحتفل بعيد ميلادى.
حلا:يعنى ايه يعنى ما عادى نحتفل بعيد ميلادك هنا الله هو احنا صغيرين وله ايه
زينه بفرحه:بجد يا ابله.
حلا:امال هو احنا عندنا كام زينه قمر بعيونك الزرقه ديه يا شيخه هاكلك والله.
زينه ضحكت :بس وحشونى أصحابى هنا وبالذات الليثى.
حلا:طبعا هو الليثى إلى عاملنا حس والله الواحد مش عارف هيعيش ازاى من غيره.
زينه’انا قررت هفضل هنا على طول مش عايزه اروح لعيله مش عايزه يكون عندى عيله واخوات انا عايزه افضل هنا مع صحابى مش ممكن يبقو هما اخواتى وانتى والله مرفت عيلتى .
حلا بتأثر ابتسمت وحضنتها جامد: طبعا يا قمرى كلنا هنا عيلتك.
مازن جيه عندهم:هنقضيها نكد يعنى لا انا دموعى خلصانه من قرن فات.
حلا بضحك:يالا احسن ليثى هينفخنا.
مازن:قعدتى تقولى ليثى ليثى أحد ما صوتى راح.

حلا:هيجيلك يانسون متقلقش .
مازن:احلى ابله حلا.
حلا ضحكت وخرجو سلمة تبرعات وهما بيضحك
وهما راجعين لقو اولاد فى الشارع بيلعب كوره
مازن:مجرد سؤال هينفع نلعب معاهم.
حلا:طبعا تعال الاول نستأذنهم لو رضيو يبقا تمام.
مازن:ولو لا.
حلا وهى بتشمر:نقنعهم.
مازن بضحك:عنيفه اوى بس قمر.
حلا ضحكت وراحت للاولاد:بقولكم ايه.
اتجمعو حواليها:أمرى يا عسل
حلا ابتسمت:شالله يسترك يا شيخ والله بقول يعنى ينفع نلعب معاكم.
الولد:الجمال ده عايز يلعب معانا طبعا يلعب
حلا:يا رافع من روحى المعنويه بس مش انا لوحدى كلنا.
جريو العيال وراها.
الولاد:وماله نلعب.
حلا:طيب يالا بسرعه بسرعه.

وقفو وعملة فريقين قالو الشارع ملعب
كان فى عربيه حاسه بتجرى على حنين وهى موديلها ضهرها ومش مركزه والأسواق مش مركز بيتكلم فى التليفون لاحظتها حلا جريت وحضنتها والعربيه فرملت كان بيقول بينهم انش صغير.
خرج من العربيه بقلق:انت كويسين.
حلا بعدت حنين الى بتترعش من حضنها:انتى كويسه يا حنين ورينى يا ماما انتى اتعورتى.
حنين بخوف:لا لا انا كويسه الحمد لله.
مازن قرب ليه.
حلا قامت بغضب:ايه اتعميت مش تفتح يا اخ وله عشان ركبتو عربيات ومعاكو فلوس تطنطو على الغلابه إلى زينا.
زينه:أبيه.
جريت عليه حضنته.
حلا:زينه ابعد عنه.
نادر حضنها بحنيه وطبطب على شعرها:زينه وحشتينى.
حلا:زينه انا قولت ايه
حنين راحت ومسكت أيد زينه وهى بتبص لنادر بخوف:زينه ده يخوف.
زينه:لا يا حنين ده ابيه نادر ده طيب اوى هو مكنش يقصد مش كده يا إبيه.
نادر بابتسامه وهو بيحط أيديه على شعر حنين:انا اسف انى خوفتك مكنتش اقصد
حلا شديتهم بعيد:عشان مشغول بالتليفون مش كده اسمع بقا انا عارفه عليك قضيه واظن عارف ان الكلام فى التليفون وانت سائق مخالف.

نادر ابتسم بسخرية وقام وهو بيحط أيديه فى جيبه:اكيد هاخد مخالفه بس بالنسبه ليكى هتتسجنى مش اقل من امممم تلت ايام بسبب لعبك فى الشارع عام واكيد انتى عارفه القانون .
حلا:لا قصدى يعنى معرفش أنه مخالف.
نادر:ديه مش حجه انتى كبيره كفايه عشان تعرفى.
زينه بدموع:لا يا أبيه متعملش كده.
نادر:خلاص يا زينه متعيطيش مش هعمل حاجه.
حلا بشجاعته:متقدرش اصلا.
مازن:ده كان ماتش مهبب.
حسين بهدوء:ابله حلا اتأخرنا يالا نمشى.
حلا:طيب يا حبايبى يالا وانت ابقى ألبس نضاره وله اعمل ايه حاجه بشكلك إلى يسد النفس ده منك القرف فى حلاوتك.
مشيت وهى بتلم العيال قدامها ومأخدتش بالها من آخر كام كلمه
وصلو الميتم.
حلا وهى على الباب:هجووووم يا ولاد.
العيال:هاااااى.
حلا ضحكت وجت تقفل الباب شافته فى العربيه
حلا:ايه ده هو ناوى يخطف العيال وله ايه طب أبلغ طيب وله اعمل ايه
حلا:لا انا هروح اواجهه واخوفه(لا وانتى بصراحه تخوفى)
راحت حلا قدام العربيه وهو بيبصلها برفع حاجب خبطت على الكبوت بتاع العربيه بعصبية
حلا:انزلى.
نادر شاور على نفسه:انا.

حلا:انا أمى انزل .
نادر نزل بمنتهى الهدوء:افندم.
حلا:ناوى تخطفهم صح اسمع بقا ياخ انا مش ساهله ومش هتضحك عليا وتستغفلنى وتستمر لما نام وتدخل تاخد العيال لا ده انا خطيره اوى وممكن اكسر دماغك.
نادر:انتى مجنونه يا بت انتى.
حلا:وكمان قليل الادب ده انت نهارد مطين.
نادر بعصبية:لمى نفسك.
حلا اتنفضت من صوته العالى وقالت بصدمه:انت بتزعقلى.
نادر:شايفه ايه.
حلا مسكت رأسه:شايفه قله ادب. وضربته بروسيه.
بعد نادر آثارها ومسك دماغه:يا بنت المجانين.
حلا بزعيق:لم نفسك ياض.
نادر:انا مش عارف ايه الثقه ديه.
حلا:شكلك لسه مفوقتش.
نادر بصيلها بتحدى وقرب منها:لو جدعه اعمليها تاني.
حلا بشويه خوف:ومعملهاش ليه هخاف مثلا.
نادر:ورينى.
مرڤت بتجرى:الحقى يا حلا.
حلا اتنهدت لما بعد.

مرڤت:حلا يا حلا.
حلا:ايه المصيبه الجديده ربنا ياخدنى.
مرڤت:بعد الشر مش مصيبه كبيره أن شاء الله.
حلا:امال ايه.
مرڤت:الحكايه احم مريم.
حلا:مالها.
مرڤت:مجتش لحد دلوقتي.
حلا:الساعه داخله على سته ازاى مجتش وانتى مقولتليش من بدرى ليه.
مرڤت:نسيت.
حلا مسكت دماغها بعصبية:نسيتى نسيتى اه يا دماغى
مسكت من الأرض طوبه وحدفتها بإقصى قوه عندها فى الشارع
مرڤت:اصلى كنت مشغوله.
حلا:خلاص خلاص (اخدت نفس) انا هتصرف هتكون فين السنيوره.
فجأة لقو عربيه بتركن قدام الميتم وبتخرج مريم منها.
نادر بصدمه:ياسين
حلا:انتو عصابه بقا (بصوت عالى) مريم.
اتنفضت مريم.
حلا:تعالى خلاص يا مدام مرڤت ادخلى انتى للأطفال.
مرفت:طيب.
دخلت ومريم راحو لحلا بخوف.
حلا:كنتى فين.
مريم:بس ممكن تهدى ومتتعصبيش.

حلا بزعيق:مش متزفته.
مريم:بصى ازاى بتوعقى ابتسمى كده عشان نعرف ناخد وندى.
حلا بضحك استهزاء: والله طيب تمام ها كنتى فين.
ضحك نادر عليها بصيتله بغضب بص بعيد.
حلا:انطقى.
مريم:انا كنت كنت.
حلا لحظت بقعه فى رقبتها قربتها وبعدت شعرها:ايه ده
نادر بص ليها بصدمه.
حلا:اتخرستى يا مريم ما تنطقى ايه حصل اتخبطتى وله اتقرصتى وله ايه البتاعه ديه حساسيه طيب معديه ما تنطقى بطلى تخوفينى.
مريم شالت ايديها:خدى نفسك واهدى كده ده فرصه نموسه عادى.
حلا:بس ديه مش زى قرصان النموس يمكن دبور تعالى نروح نكشف
مريم شديتها:نكشف ايه بس انا بقولك ديه فرصه نموسه بس انا هرشت فيها فيفا كده وبعدين متقلقيش عليا كده انا مبقتش صغيره بطلى تتعامل زى ماما عشان انتى مش هى.
سابتها ودخلت
حلا اتصدمت ودموعها نزلت:فعلا معاكى حق انا مش هى.
مسحت دموعها بعنف:بس انا من حقى اعرف انتى يا مقصوفه الرقبه والنعمه لأنقض عليكى زى اللبوه وهى بتصتاد فريستها ايه إلى بقوله ده لازم ابطل اتفرج على ناشونال جيوغرافيك .
كانت ماشيه بس افتكرت نادر.

حلا لفت ومشيت بضهرها:وانت خليك انت وعيلتك بعاد عن الميتم ده سامعين تمشى من هنا مش عايزه اشوف وشك.
لفت ودخلت.
ياسين كان خايف:ن نادر انت بتعمل ايه هنا.
نادر:حيا عشان زينه بس الظاهر أن فى حاجه غلط بتحصل.
ياسين:انا هقولك كل حاجه.
مريم:يوووه ابعدى عنى بقا صدعت
حلا:مانا مش هسيبك غير لما تقوليلى الواد ابو شخه ده كنتى بتعملى ايه معاه..
مريم:متقوليش عليه كده.
زينه وحنين بيعيطو من الصوت العالى.
مازن بيطبطب عليهم:ماخافوش.
مريم بزعيق:وانتو بطلو زن بقا صدعت وانتى ايه جابك مش كنا خلصنا منك .
زينه عيطت وجريت.
حلا:انتى فعلا كبرتى فعلا كبرتى.
جريت حلا ورا زينه
مرڤت:عارفه الكبار بيحصل فيهم ايه.
مريم:ايه يعنى.
مرڤت:بيخرحو من الميتم وبيواجهو الدنيا لوحدهم بس حلا عمرها ما عملت كده العكس الميتم دائما مفتوح ليكى ده غير تعليمك العالى الى حلا بتصرف عليكى فيه معوانوالايتام مش بيتعلمو إلا أن حلا دخلت كل اطفال الميتم المدرسه عشان نفسيتكم متتعبش دائما بتجى على نفسها عشانكم بس انتى مش مقدره حاجه وله مقدره أنها خايفه عليكى
مريم يزهق:مش محتاجه حد يخاف عليا انا مش صغيره.
زينه قعدت على المرجيحه وهى بتعيط.
حلا:يا خبر لؤلؤ.
زينه بصيت ليها بصدمة

حلا:لؤلؤ نازل من عينيك بتعيطى ليه بس يا حبيبتى.
زينه :عشان محدش عايزنى الكل بيكرهنى.
حلا:لا الكلام ده مش صح كلنا بنحبك بس مريم مضايقه شويه.
زينه بدموع:لا انا وحشه انتى بتقولى كده عشان انتى طيبه.
حلا قعدت قدامها على قرفصها وقالت بابتسامه هاديه وهى بتمسح دموع زينه:انتى مش وحشه يا زينه انتى جميله جدا لدرجه ان الكل غيران منك وبعدين انا مش طيبه انا (bad girl)
زينه ضحكت:خلاص باد جيرل طيوبه.
حلا بضحك:إذا كان كده ماشى

زينه:بس هو ليه الكل بيتغيرو بسرعه.
حلا بإستغراب:ازاى مانا زى مانا اهو.
زينه بضحك:مش انتى انتى حلوه وطيبه وهتفضلى كده
حلا:امال مين
زينه:فى على مريم وسالى مريم الاول كانت بتعاملنى حلو زى الاخوات وبتخاف عليا وكمان سالى كنا حلوين مع بعضها وبنلعب وبنهزر وحبيتها اوى بس فجأة لقيتها بتكرهنى ليه اتغيرت .
حلا:مش عارفه بس متزعليش منها هى اكيد حاجه حصلت خليتها كده وبعدين كويس انك متعودتيش عليها اوى.
زينه:كانت حلوه اوى وبتدينى لعب وهدوم من عندها وكما بنلبس سوا حتى ابيه نادر قال إنه هيعملى عيد ميلاد وسالى كانت فرحانه وقالتلى أنها هنساعده ويعملولى كيكه كبيره عشانى.
حلا بابتسامه:وماله نعملك عيد ميلاد وكيكه كبيره كمان امال احنا عندنا كام زينه
زينه قامت وقفت بفرحه كبيره:بجد هتعمليلى عيد ميلاد
حلا:اكيد هعملك

يتبع ….

لقراءة الفصل التالي : اضغط هنا 

لقراءة جميع فصول الرواية اضغط على ( رواية بيت السلطان )

اترك رد