روايات

رواية طفلتي العنيدة الفصل الثامن عشر 18 بقلم نانسي

رواية طفلتي العنيدة الفصل الثامن عشر 18 بقلم نانسي

رواية طفلتي العنيدة البارت الثامن عشر

رواية طفلتي العنيدة الجزء الثامن عشر

طفلتي العنيدة

رواية طفلتي العنيدة الحلقة الثامنة عشر

نادر بتوهان: لا ماتمشيش ماتسبينيش انتي كمان خليكي جنبي
لم تفهم ليلى معنى حديثه ولكنها وجدت نفسها تضمه هي ايضا دون ارادتها حاوطت عنقه بيديها وهي تطمنئه انها لن تتركه
=نادر انت بتعمل ايه هنا
لينتفض كلا من ليلى ونادر بفزع وهم ينظرون بصدمة الى هذه التي جاءت للتو
لتذهب اليهم ناهد بغضب شديد وهي توجه حديثها الى ناريمان التي كانت تنظر لليلى بخبث وتشفي: ناريمان خدي اخوكي وطلعيه على فوق ولما يفوق من اللي هو فيه انا ليا كلام تاني معاه

لتوميئ لها ناريمان بخبث وهي تسند نادر الذي كان غائب عن وعيه الى غرفة الضيوف ليرتاح قليلا
لتوجه ناهد نظرها الى ليلى التي كانت خائفة ومصدومة ايضا ثواني وصفعتها صفعة قوية لتردف بعصبية وصوت عالي :انتي ازاي يا و*** انتي تقربي كدا من ابني هااا انتي جاية تشتغلي ولا جاية توقعي ابني في شباكك
ليلى ببكاء وصدمة: انتي بتقولي ايه انا مستحيل افكر اني اعمل حاجة زي دي انا بنت ناس ومحترمة
ناهد بسخرية لاذعة : ههه محترمة ماهو واضح انك محترمة لتكمل بغضب وصوت عالي جدا لدرجة ان جميع من بالحفلة اتو على صراخهم: بقووولك ايه يابت انتي انا عارفة الناس اللي زي امثالك كويس انتي اللي زيك بيدوره عاالناس الاغنياء الي زي ابني عشان يضحكه عليه وياخده منه قرشين عشان انتي واحدة ر*** بتستغلي ابني لمصالحك الشخصية
لتأتي جميع العائلة على صراخهم واصواتهم العالية ليردف الجد بصرامة بعد ان انصرفه جميع المعازيم: ايه اللي بيحصل هنا فيه ايه يا ناهد صوتك واصل لاخر الحفلة الناس هتقول علينا ايه
ناهد بمسكنة اتقنتها جيدا: اعمل ايه بس يا عمي اسيب واحدة زي دي توقع ابني في شباكها وتستغله لمصالحها يعني انت ماتعرفش الناس اللي زيها دول اخرهم الزبالة

روز بصدمة وهي ترى هذه التي كانت تبكي بشدة: ليلى انتي بتعملي ايه هنا
ليلى ببكاء ولهفة: روز روز انتي الوحيدة اللي عارفاني من واحنا صغيرين يا روز قوليلهم اني معملتش حاجة غلط يا روز
روز بتهدئة وهي تأخذها في احضانها: هشش خلاص اهدي انتي وفهميني ايه اللي حصل لكل دا
ناهد بغضب: مشاءلله انتي طلعتي تعرفيها ماشي انا هقولك الانسة المحترمة كانت بتعمل ايه هنا كانت بتحاول تقرب من ابني عشان توقعه وتخليه يتعلق بيها وبعدين تستغله لمصالحها الانانية طبعا ماهي الناس اللي زيها كدا مابيصدقه يلاقه اي واحد غني عشان يرمو بلاهم عليه
ليلى بدموع: لااا لا صدقوني انا مش كدا ابدا انا بنت ناس ومحترمة وجيت هنا عشان اشتغل وبس حتى اني ماكنتش اعرف انه ابنك
باسم والد روز بهدوء: مصدقينك يا بنتي احنا عارفينك وعارفين اهلك وانهم ربوكي احسن تربية وتعبه عليكي واحنا عارفينك كويس
الجد باستغراب: انت تعرف البنت دي منين يا باسم

باسم بتنهيدة : دي ليلى يا بابا كانت عايشة هي وباباها ومامتها في اسكندرية وكانه جيرانا وهي صديقة روز ونانسي من الطفولة وباباها ومامتها بصراحة ناس كويسين ومفيش في طيبتهم ابدا وهما اللي ساعدونا اول ما اتنقلنا اسكندرية لكن عشان ليلى جامعتها جت هنا ف هما اضترو انهم يسيبه اسكندرية وييجه على هنا من كام سنة كدا
ناهد بعصبية : قصدك اني كدابة وبفتري عليها وهي يا عيني البنت المظلومة والضحية في كل دا
الجد بغضب: نااااهد مش هقولها تاني صوتك مايعلاش قدامي فاهمة واهدي كدا عشان لو كانت حصلت حاجة نعرف نحلها بهدوء مش بعصبيتك وصوتك العالي دا وكمان نسمع من البنت برضو مش يمكن حصلت حاجة
ليوجه حديثه الى ليلى التي كانت تبكي بشدة وتتمسك بروز : وانتي يا بنتي لو كانت حصلت حاجة قوليها وماتخفيش احنا معاكي وعمرنا ما جينا على حد غلبان

روز بأستئذان: جدو لو سمحت ممكن استئذنك اخد ليلى على اوضتي شوية انت شايف انها مش قادرة تتكلم دلوقتي ولولا ان هي صاحبتي وانا اعرفها من زمان اووي ولو شاكة بس مجرد شك فيها كنت قلتلك اكيد لكن انا يعتبر كنت عايشة معاها ومن صغرنا وانا في بيتهم وهي في بيتنا وحتى طنط وعمو ناس طيبين جدا بجد
الجد بهدوء وصرامة: ماشي يا روز خديها معاكي وكمان شكل صاحبتك طيبة وبنت ناس لما تهدى نبقى نتكلم يلا كل واحد يروح على اوضته ومسمعش حد اتكلم في الموضوع دا دلوقتي فاهمين
ليومئه له الجميع وينصرفه من امامه وكذلك ناهد التي كانت تغلي من الغضب والغيظ بسبب روز والعائلة وتتوعد لهم بداخلها
……………………….💙…………………….

اما في الخارج امام القصر كانت تقف سيارة يوسف امام البوابة لينزل منها مي ويوسف الذي كان ممسك بيديها طوال الوقت(خليكم انتو غرقانين في العسل والبيت بيولع جوة😂😂😂)
مي بضحك: خلاص بقى يا يوسف سيب ايدي
يوسف بحب: تؤ تؤ انا لا يمكن اسيب ايدك مهما حصل هفضل ماسكها كدا على طول عاجبك ولا لا
مي بخجل: عاجبني بس سيبني افرض جه حد وشافنا دلوقتي
يوسف بضحك: مايشوفونا يا فروالتي محدش ليه حاجة عندنا انتي خطيبتي وكمان اسبوعين هتبقي مرررااااتشي فيها حاجة دي
مي بعدم فهم: خطيبتك وقلنا ماشي انما اسبوعين وتبقي مراتي دا ازاي يعني
يوسف بمرح : هو انا ماقلتلكشي مش انا خليت فرحنا مع ادم وجاك
مي بتفاجأ : والله
يوسف بمرح: كتير صح

مي بغيظ: كتير هو ايه دا اللي كتير حضرتك ناسي ان انا لسة ماخلصتش الجامعة ولسة فيه حاجات كتير لازم اعملها لا لا دا بدري ااووي كدا
يوسف بعبث: بقى كدا يا ميمو بقى انا بقرب الفرح على قد ماقدر عشان نكون مع بعض وانتي تقوليلي بدري اووي وجامعتي ومش عارف ايه يعني انتي عندك شك ان بعد مانتجوز انا مش هخليكي تكملي الجامعة انتي فعلا بتفكري في كدا
مي بسرعة : لا ابدا والله انا بحبك وواثقة فيك يا يوسف ومعنديش شك انك هتخليني اكمل الجامعة معاك بس اتوترت شوية ان الفرح هيبقى بسرعة كدا
يوسف بغمزة: وبعدين بقى لو قولتيلي بحبك تاني انا مش مسئول عن اللي هيحصل
مي بخجل : بس بقى يا يوسف
يوسف بتنهيدة: مي ادخلي يا مي ادخلي قبل ما اتهور واعمل حاجة ونتمسك بفعل فادح في الطريق العام عشان كدا ادخلي احسن
مي بخجل: انا داخلة عشان انت بقيت قليل الادب اووي على فكرة
يوسف بضحك: وسافل كمان انتي لسة ماشوفتيش قلة ادبي يا روحي
لتنظر له مي بخجل وتفر هاربة الى الداخل من امامه وهو يضحك بشدة على تصرفاتها وخجلها امامه
………………………❤…………………….

في الاعلى وفي غرفة روز كانت ليلى تبكي بشدة على هذا الموقف السخيف الذي وضعت به من قبل هذه الحيه المسماة ناهد
روز بتهدئة: خلاص بقى يا ليلى اهدي وبطلي عياط
ليلى ببكاء وشهقات: ا انا معملتش حاجة من اللي قالتها عني دي والله انتي عارفاني كويس وعارفة اني معملش كدا ابدا
روز : اكيد طبعا انا عارفاكي وواثقة انك مستحيل تعملي حاجة زي كدا انتي غلبانة ولسة متعرفيش ناهد وبنتها دول عقارب بعيد عنك بس احكيلي ايه اللي حصل معاكي عشان تيجي تشتغلي هنا بالذات
ليلى وهي تمسح دموعها بهدوء: حاضر هحكيلك بعد ما جينا هنا وحققت حلمي ودخلت كلية طب بعديها بسنتين بابا تعب جدا وجاله ورم على المخ وماكنش قادر انه يشتغل تاني ف ساعتها انا اضتريت اسيب الجامعة بتاعتي واشتغل عشان مصاريف علاجه ومصاريفنا احنا كمان اشتغلت في كل حاجة تقريبا لحد ما لقيت شغلانة كويسة في كافيه كبير روحت قدمت واشتغلت هناك وكانت اول مرة اشوف نادر فيها و

وقصت عليها ليلى كل شيئ حدث معها بداية من معرفتها بنادر الى الان
ليلى بتنهيدة: وبس هو دا كل اللي حصل
روز بحزن على صديقتها وما عانته من الم في حياتها: كل دا حصل معاكي ومفكرتيش تقوليلي يا ليلى
ليلى بحزن: غصب عني والله انا بعد ماجيت هنا مقدرتش اوصلك او اكلمك حتى رقمك اتمسح من عندي
نانسي بتفكير:ثواني بس افهم اممم يعني نادر ملوش ذنب في كل الموضوع دا وادم كمان قالي انه هو ونادر اخوات واصحاب من زمان يعني هو اكيد غير الحرباية امه
روز وهي تضربها على رأسها بخفة: يا سلام ياختي جبتي التايهة اووي ماحنا عارفين ان نادر غير امه خالص وانه ملوش ذنب في الموضوع دا بس ياترى ايه السبب
ليلى بعدم فهم: هو ايه اللي ايه السبب
روز بذكاء: انا اقصد يعني انك قلتي لما نادر جالك المطبخ كان جاي ياخد ميه وكان دايخ وتعبان وزي اللي مش في وعيه ف اذا كان هو مكانش في وعيه ف ايه السبب اللي خلاه مايبقاش في وعيه
ليلى بحيرة : معرفش بقى انا بجد تعبانة جدا ومش عارفة ازاي حصل كل دا

روز بحنان: طب خلاص انا هسيبك تنامي وترتاحي دلوقتي وبعدين نتكلم ماشي
ليلى باعتراض: لا انا لازم امشي زمان ماما قلقانة عليا اووي ولازم اروح
روز بمقاطعة: لا طبعا انا مش هخليكي تروحي وانتي في الحالة دي وكمان الوقت اتأخر واذا كان على طانط اتصلي بيها وقوليلها انك هتباتي معايا انهاردة
ليلى باعتراض: بس
روز بمرح وهي تحاول ان تخفف عنها: بس ايه بقى انا قلت كلمة وانا كلمتي ماتنزلش الارض ابدا
ليلى بابتسامة ممتنة: شكرا يا روز بجد شكرا على كل حاجة
روز بمزاح: ايه دا اخيرا حد شكرني وحس بقيمتشي
لتضحك كلا من نانسي وليلى عليها
نانسي بمرح : طب نسيبك احنا يا ليلو عشان ترتاحي ونروح احنا نغلس على البت مي شوية طبعا البيت بيتك والاوضة اوضتك والسرير بتاعك واحلى حاجة هنا ان فيه نت ببلاش يعني الواحد يسمع التركي براحته
روز بغيظ: هو انتي يابت مابتفكريش في حاجة غير التركي وبس
نانسي بمرح: لا ياختي انا معايا خطشيبي الموز الاجنبي ابو عيون خضرا دا احلى من الاتراك كلهم
روز بضحك: طب قدامي يا بتاعة ادم انتي
………………………😍……………………..

في غرفة مي بعد ان اوصلها يوسف بدلت ملابسها الى بيجامة وردية مريحة للنوم واستعدت كي تنام ولكن قبل ان تنام يأتيها اتصال من يوسف لتجيب هي بعد قليل
مي بابتسامة: نعم يا يوسف
يوسف بهيام على الناحية الاخرى : يا قلب يوسف انتي وحشتيني اووي(بدأنا المحن بقى وفقعة المرارة😂😂😂)
مي بضحك: يا سلام لحقت اوحشك مانا كنت معاك من نص ساعة
يوسف بمرح: لا ماهو انتي بتوحشيني وانتي معايا اصلا
نانسي وهي تقتحم الغرفة عليهم وتأخذ الهاتف من مي: بقولك ايه يا عم الحبيب انت اجل المحن دا لبكرة الصبح عشان الواحد عايز يتخمد
يوسف بغيظ على الناحية الاخرى: هو انتي بتطلعي منين يابت انتي هاا وايش حشرك اصلا بيني وبين خطيبتي يا باردة
روز وهي تأخذ الهاتف من نانسي بمرح: كابتن بلاش محن الله يسترك احسن المرارة يادوبك يلا طير انت واغلقت روز الخط في وجهه بضحك ومي ونانسي يضحكون بشدة عليها

روز وهي تقفز على الفراش بجانب مي بمرح: ها احكيلنا بقى يا ميمو عملتي ايه
نانسي وهي تقفز بجانبهم على الفراش ايضا : ايوة انا عندي فضول اعرف ايه اللي حصل
مي بعدم فهم: ايه اللي عايزين تعرفوه مش فاهمة
نانسي بفضول وغمزة: يوووسف لما اخدك المشوار دا روحته فين وعملته ايه من غيرنا يا خاينين
روز بخبث: ايوة قري واعترفي بكل حاجة
مي بخجل: حاضر هحكيلكم
وقصت لهم مي كل شيئ حدث من البداية
مي بخجل: وبس دا كل اللي حصل
نانسي بهيام: اووووووعا دا الواد يوسف دا طلع رومانسي اوووي
روز بحسرة: اه يعني هو عملك ورد وشموع وجو رومانسي وقالك بحبك من وانتي صغيرة يا مي واخوكي المعفن دا مافتكرنيش بوردة حتى اه يا ميلة بختك يابت يا روز اه الناس بتحب في بعضشيها وانا مش لاقية حد يحب فيا اهئ اهئ
نانسي ومي بضحك: معلش
روز بنعاس: طب يلا بقى اتخمدو الوقت اتأخر
نانسي وهي تنام بجانبها : ايوة معلش بقى يا مي احنا متطفلين وازعجناكي انهاردة بس عشان اوضتنا مش فاضية
مي وهي تنام بجانبهم وتردف باستغراب: مش فاضية ليه مين فيها
روز بتثاؤب: لا دا موضوع كبير اووي حصل انهاردة هبقى احكيهولك بكرة بقى
لتوميئ لها مي بهدوء ثواني وذهبه ثلاثتهم في نوم عميق
……………………….💚…………………….

في صباح اليوم التالي استيقظ نادر بتعب والم شديد في رأسه ليحاول ان يتذكر ليلة امس ولكنه لم يتذكر شيئ لييأس من المحاولة ليقرر القيام والنزول الى المطبخ لكي يشرب شيئا دافئا يريح الم رأسه قليلا ليقوم من مكانه ويفتح باب غرفته لكي ينزل الى الاسفل ليجد ليلى تخرج من غرفة روز كي تذهب هي ايضا
نادر بلهفة وهو يمسك يدها: ليلى انتي لسة هنا
ليلى وهي تبعد يده عنها بهدوء: استاذ نادر لو سمحت ياريت متتعداش حدودك معايا
نادر بعدم فهم: فيه ايه يا ليلى مالك انتي بتكلميني كدا ليه
ليلى ببرود : والله انا بكلمك عادي ثم اني معرفكش كويس عشان تقولي بتكلميني ليه كدا وياريت مايبقاش فيه كلام بينا اصلا
نادر بحزن واستغراب من حديثها هذا: اه صح انتي معاكي حق انا اسف مش هكلمك تاني اعتبري نفسك مقابلتينيش اصلا
ليرحل من امامها بحزن وخذلان على من ظن انها ستكون صديقته واكتر من يفهمه وانها انسانة غير امه التي كانت دائما ما تهتم لمصالحها الانانية فقط
لتذهب ليلى الى روز التي كانت بانتظارها في الحديقة
روز باستغراب: ليلى مالك يا بنتي فيه ايه

ليلى وهي تحاول التحكم بدموعها : لا مفيش حاجة يا حبيبتي انا كنت جاية اقولك اني اتأخرت جدا ولازم امشي دلوقتي
روز بحنان : طيب ماشي يا حبيبتي لكن لو حصلت اي حاجة معاكي تتصلي بيا على طول فاااهمة
ليلى بأيماء وهي تحتضنها: حاضر هكلمك اكيد يلا سلميلي ع البت نانسي اللي بقالها سنة نايمة دي
روز بضحك: حاااضر
لتذهب ليلى الى بيتها وتبقى روز تفكر في كل ماحدث ليلة امس ليقاطع تفكيرها جاك وهو يجلس بجانبها ويردف بصوت عالي قليلا: رووز يا وردتي
روز بفزع: ايه خضيتني
جاك بضحك: مانتي اللي كنتي سرحانة ومش مركزة اكيد كنتي بتفكري فيا صح
روز بسخرية: لا طبعا وافكر فيك ليه
جاك بعبث: اممم يعني ماكنتيش بتفكري فيا امال كنتي بتفكري في ايه بقى
روز بتنهيدة: كنت بفكر في اللي حصل امبارح وان فيه حاجة مش مفهومة في الموضوع
جاك باستغراب : ازاي يعني
روز : هقولك
لتقص له روز كل شيئ قالته لها ليلى
جاك بتفكير: اممم كل دا حصل طيب قومي معايا
روز باستغراب: على فين
جاك وهو يسحبها من يدها خلفه: هنروح للي هيعرف يحل الموضوع دا
روز بعدم فهم: ومين بقى اللي هيعرف يحله
جاك بغموض : ادم

يتبع …

لقراءة الفصل التالي : اضغط هنا 

لقراءة جميع فصول الرواية اضغط على ( رواية طفلتي العنيدة )

اترك رد