رواية صغيرتي الفصل الأول 1 بقلم نورهان محمد

رواية صغيرتي الفصل الأول 1 بقلم نورهان محمد

رواية صغيرتي البارت الأول

رواية صغيرتي الجزء الأول

رواية صغيرتي الحلقة الأولى

ود : مالك يا حمزة متوتر ليه كده
حمزة : مش عارف مريم متمسكة باللي اسمه علي ده ليه
ود : طب استهدى بالله و اقعد خلينا نتكلم
حمزة : قعدت اهو
ود : مريم لسه عيلة صغيرة يا حمزة ومتعرفش مصلحتها فين، وانا فاهمة و عارفة ان علي مش كويس ونيته وحشة من ناحية مريم وعارفة كمان انه مش بيحبك
حمزة : مانا نفسي مريم تفهم كده يا ود، بس هو مسيطر على عقلها بطريقة مخلياني خايف حتى اسيبها في البيت مع ماما لاحسن يعمل فيها حاجة
ود : انا لسة قايلة مريم صغيرة، حاول تسايسها لحد ما نعرف نتصرف مع اللي اسمه علي ده
حمزة : طيب اعمل ايه انا مش عارف وخايف يضحك عليها
ود : بص يا حبيبي، اول خطوة هي اننا نبعدها عنه الفترة دي لحد ما نكشفه على حقيقته قدام الكل واولهم مريم
حمزة : وهبعدها عنه ازاي، دي مش راضية تيجي تقعد معانا يومين حتى عشان تبقى جنبه
ود : امممم…جاتلي فكرة..احنا نسافر اسكندرية ونقعد في شقة انس اخويا اللي هناك كده كده هو مش بيقعد فيها، ومريم اساسا كانت هتموت وتروح تقضي كام يوم في اسكندرية
حمزة : وهنقعد قد ايه هناك
ود : على الاقل خالص شهرين عشان نحاول نخليها تنسى علي
حمزة : طيب وماما!..وشغلي!
ود : سهلة يا سيدي، ماما وهتيجي معانا واهو بالمرة تغير جو عشان لاحظت الفترة الاخيرة ان مودها مش مظبوط
حمزة : اممم..طيب وشغلي
ود : عادي يا حمزة، تابع الشغل على اللاب، وانزل يومين باشر الشغل بنفسك، وكده كده انس اخويا واسر اخوك ماسكين الشغل معاك يعني كل حاجة متظبطة اهو
حمزة : عندك حق، وانا بقى عارف هوقع علي ده ازاي، ربنا يخليكي ليا يا احلى ود في الدنيا
ود : ويخليك ليا يا احلى قرة عين في الدنيا
_____________________
ود : انوسة حبيبي عامل ايه
انس : يعني انتي متصلة تعصبيني يعني ولا ايه مش فاهم..ايه انوسة دي
ود : بدلعك يا حبيب اختك
انس : ياستي حد قالك اني عايز اتدلع!
ود : ولاااااا..هو عشان سكتالك هتعلي صوتك عليا ولا اييييه، انا اختك الكبيرة يا واد انت
انس : ايه ده انتي اتحولتي كده ليه دانا بهزر معاكي
ود : ايوا كده اظبط، المهم كنت عايزاك في موضوع
انس : اممم انا قولت المكالمة دي وراها مصلحة..عايزة ايه
ود : مش هتعصب عليك دلوقتي عشان اعرف اركز في الكلام اللي هقوله
انس : كلام ايه قلقتيني
ود : طبعا انت عارف علي و عارف بيكره حمزة قد ايه و عايز يضره بأي طريقة
انس : طبعا عارف ومحدش مسكتني عنه غيرك انتي وحمزة
ود : المهم دلوقتي هو بيلعب على مريم وخايفين يضحك عليها ويعمل فيها حاجة، فاحنا عايزينك تجيبلتا معلومات عنه تثبت انه مش كويس
انس : طب واخبار مريم ايه من ناحيته
ود : بكلمك في ايه وانت بتتكلم في ايه يا انس….بص يا انس انا عارفة انك بتحب مريم، وعلفكرة حمزة كمان عارف، بس المهم دلوقتي اننا نبعد علي عنها وبعدين نشوف موضوعك ده
انس : متقلقيش يومين وكل عمايله السودة وماضيه الاسود هيكونوا عند حمزة
ود : تسلملي يا حبيبي، اه صح كنت هنسى…احنا هنقعد في شقتك اللي في اسكندرية الفترة دي عشان نبعدها عنه
انس : تمام، وانا هعمل اللي هقدر عليه في المعلومات اللي عايزينها
ود : ماشي يا حبيبي سلام بقى عشان اجهز الشنط
انس : سلام
_________________________
ود : انا قولت لـ انس وعرفته كل حاجة، وكمان هيشوف موضوع المعلومات اللي احنا عايزينها بما ان صحابه ظباط وكده
حمزة : تمام وانا كلمت اللواء رفعت صاحب بابا الله يرحمه بردو
ود : كده تمام، كلم ماما ومريم بقى يجهزوا نفسهم عشان السفر
حمزة : اوك .. بس هنعمل ايه في تليفونها! ،،ماهي لو كلمته يبقى كأننا معملناش حاجة
ود : عيب عليك ودي تفوتني بردو!…لما نروح ناخدها هي وماما عشان نسافر،انا هحاول اشتت انتبهاها عن الفون واخبيه وبعد ما نوصل تبقى تكتشف براحتها انها نسيته
حمزة : ايه ده…دماغ مافيا والله متجوز مافيا
ود : وبلا فخر

_________________________
مريم : انا مبسوطة اوي ان ابيه وافق اننا نسافر يا ود، انا بحب ابيه حمزة اوي اوي
ود : ومرات ابيه حمزة اللي طلع عينها في اقناعه بالسفرية ملهاش من الحب نايب!
مريم وحضنت ود : لا ازاي طبعا ده هو حبيبي وانتي روحي وجلبي كده
ود : اه كلي بعقلي حلاوة
مريم : لا والله انتي عارفة انا بحبك قد ايه من قبل حتى انتي وابيه ما تتجوزوا
ود : طبعا عارفة، وانا كمان بحبك اوي
______________________
ود في الفون : وجرت الامور كما خطط لها
حمزة : تمام انا بجيب الحاجات اللي طلبتوها وجاي اخدكوا اهو
ود : تمام و احنا جاهزين
_____________________
ود : الو..ايوا يا انس، اه احنا وصلنا اسكندرية
انس : حمدالله على سلامتكوا يا حبيبتي..مريم عاملة ايه
ود : مريم كويسة خليك في نفسك بس يا عم النحنوح
انس : ظلماني انتي كده دايماً
ود : اه صدق دانا شريرة اوي..يلا يا ولا سلام مش فاضيالك
انس : ماشي يا ستي سلام بس خليكي فاكراها
___________________
(حمزة نزل يجيب دوا لوالدته،ومريم و ود كانوا بيرتبوا الشقة وينضفوها،فجأة الباب خبط،ود كانت هتفتح بسرعة لانها فاكرة انه حمزة،لكن وقفت قبل ما تفتح لانها كانت مش متطمنة،بصت من العين السحرية اللي في الباب،واتصدمت لما لقت علي اللي برا، قفلت الباب بالمفتاح وطبعا علي سمع صوت تكات المفتاح،قعد يخبط بعصبية ويقول….
علي : افتحي يا ود انا عارف ان مريم هنا، افتحي بدل ما اكسر الباب
(ود اخدت فونها واخدت مريم ووالدة حمزة ودخلت الاوضة وقفلت عليهم بالمفتاح وسط زهول مريم من اللي بيحصل)
حمزة : الو..ايه يا ود في طلبات تانية غير اللي معايا في الورقة؟
ود بخوف وصوت واطي : الحقنا يا حمزة..علي وصلنا وعمال يخبط على باب الشقة وهيكسره وانا اخدت ماما ومريم وقفلت علينا الاوضة وباب الشقة بالمفتاح
حمزة : خليكوا زي ما انتوا في الاوضة وانا جاي بسرعة
ود : حـ..حاضر تعالى بسرعة يا حمزة بالله عليك
(وفجأة ود سمعت صوت باب الشقة اتكسر وود صرخت و……

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية صغيرتي)