رواية 30 يوم حياة 2 الفصل الأول 1 بقلم أميرة أسامة
رواية 30 يوم حياة 2 الفصل الأول 1 بقلم أميرة أسامة
رواية 30 يوم حياة 2 البارت الأول
رواية 30 يوم حياة 2 الجزء الأول
رواية 30 يوم حياة 2 الحلقة الأولى
بعد موت كريم الكل فقد جواه حاجه كبيره الحزن لازمهم فتره كبيره توته حملت بعد وفاه كريم بأسابيع ويمكن ده فرحهم شويه لاكن كان جواهم حاجه مكسوره وفرحه مش راضيه تكمل وبعدها سافر عامر لانه مكانش قادر يتحمل وسيطر الحزن علي منار اللي اتنازلت عن اخر جزء في كرامتها عشان بس تقدر ترجع عامر لاكن عامر سافر ومنار حالتها ساءت وتعبت ورجع الحزن اتجدد تاني خوف عليها يحصلها حاجه وكل شاب فيهم كان مجهز لزفافه أتأجل حزن علي كريم لان هو مكانش بالنسبه ليهم صاحب عادي ده كان صاحب بجد كان اخ لكل واحد فيهم والتأجيل مكانش مجرد مجامله لأهله أد مكان حزن ووجع علي فراقه بجد💔💔ومكنش ينفع بالنسبالهم ان اي فرح يحصل فالشارع عدت شهور كتير واحداث اكتر لكل حد فيهم بعد وفات كريم لحد ما توته ولدت وربنا رزقها بتوأم كريم واحمد ويمكن ده كان اهم حدث يحصل بعد وفاه كريم الكل كان فرحان من قلبه بجد خصوصا بعد وجود كريم الصغير 😍بينهم حاول حاج سعيد يقنع الشباب انهم يفرحوا وبلاش تأجيل لجوازهم لاكن الكل رفض رفض تام وتم كريم السنه وكان لسه الحال زي ماهو كلهم كانوا فرحتهم ناقصه مكانش حد فيهم قادر ياخد خطوه لفرحه و لبدايه حياه جديده لحد ما فات سنه و أربع شهور وحسم حاج سعيد وحاجه فاطمه الامر وجمع الكل في بيته وقرر ان الشباب اللي أجلت فرحها كله يتجوز بما فيهم عادل أبنه وكان قراره سيف علي رقبة الكل مفيش رجوع فيه ووافق الكل علي كلامه بدون أي نقاش…
ولاكن طول الفتره اللي فاتت احداث كتير حصلت و مواقف حزن ووجع وفرح بسيط أشخاص اتغيروا اشخاص حياتهم اتبدلت تماما. وهنعرف مع بعض ايه اللي حصل من بعد موت كريم ولاكن قبل ما نعرف احداث الفتره دي بالكامل خلينا نشوف اللي حصل من بعد السنه و الاربع شهور👌😉
❣️❣️❣️❣️❣️❣️❣️
إذاعه الشرق الاوسط
ياحلو صبح يا حلو طل يا حلو صبح نهارنا فل
كانت هذه الكلمات تتردد في كل بيت من بيوت السيده لاستقبال الصباح❣️كالعاده الكل بيشوف أكل عيشه ورغم بروده الجو الشارع مش بيخلي من الزحمه والاصوات العاليه من الاطفال والباعه الجائلين والدوشه والدفئ بين الناس
في مكان أخر…
المضيفه…برجاء ربط حزام الامان الطائره أوشكت علي الإقلاع
أعد عامر في المكان المخصص ليه فالطياره وربط حزام الامان
وسند راسه عالشباك بحزن وسرح وهو بيفتكر…
قبل سفر عامر بعشر أيام.
فلاش باك.
عامر كان بيتكلم مع صحابه فديو كول
عامر…مبروك يا عرسااااان والله وجه اليوم اللي بشوفكم بتتسحبوا واحد ورا التاني لعش الزوجيه .مبروك يا صالح مبروك يالاحه مبروك يا بوب مبروك ياهيما مبروك يا دولا مبروك چووووو
انا تعبت يا جدعان كل دي افراح هنزل اجازه احضرها لا انا وقتي مبقاش ملكي
زين…انت ياض بتقر علينا ولا أيه
ادهم….انا ملاحظ كده يازين انت ياض هتحسدهم
عامر…بس بقي انت علي جمب شويه يا ابو العيال انت خلاص راحت عليك
أدهم…عيب عليك ياولا احنا جامدين اوي انا ياض كل يوم عريس
عامر بضحك….اه زي انا راجل في بيتي كده انت من بت ع السيط ولا الغنا🤣🤣
أدهم…وحيات امك انت بس أرجع واول واحد هيعلقك انا
عامر….وترضهالي بعد ما بقيت مطرب مشهور وليا برستيچي اني اتعلق
أدهم…علي نفسك ياض قال مطرب قال طب وربنا لا هعلقك
عامر…طب وربنا وحشتني
يوسف….ولا ياعامر ما تنزل بقي خليك جدع
عامر…وربنا غصب عني يا يوسف مش هقدر انزل غير يوم فرح صالح ولاحه ده انا طيارتي الساعه 9 اصلا
صالح…9 الصبح طبعا\
عامر…لا وانت الصادق 9 بليل
صلاح…انت بتستظرف بروح امك 9 يعني هتيجي هنا ولا 11 الفرح شويه هتلاقيه خلص انت ناسي اننا في شتا
عامر….والله غصب عني عندي شغل وافراح كتير غصب عني وبعدين ياض انا اول كليب ليا نازل خلاص بعد 6 ايام شغالين عليه الفتره دي عشان نلحق ننزله هبقي مشهور ياض وهشرفكم
صلاح…ياعم اتنيل انت بتستعبط والله مانت عارف بقالك كتير اننا حددنا المعاد مش قادر تاخد اجازه او حتي تيجي بدري
عامر…والله العظيم انا حاجز الطياره بعد اخر ساعه شغل هيبقي عندي فرح وهيتعمل الصبح والفقره بتاعتي فيه هتبقي الساعه 6 هخلصها ويادوب اطلع اخد شنطتي وعالمطار ولو فيه اي وقت فاضي غير 9 دي كنت حجزت بس والله مافي
صالح…تيجي بالسلامه يارب المهم تيجي عالفرح كان نفسي تكون فالزفه
عامر…ملحوقه ياعم اعتبرني معاكم وان شاء الله هاجي واحيلكم الفرح في اخر فقره
وبعدين فرح بوب وهيما بعدكم باربع أيام يعني هيبقي في زفه تاني وهبقي معاكم متخنقناش بقي ياعم هو مفيش حد هيتجوز غيركم ياض ولا ايه
صلاح…شكرا يانجم شكرا يا فنان مقبوله منك
عدل عامر ياقه السويت شيرت اللي لابسه بفخر شكرا شكرا
هيما…اهو الغرور خده الواطي نسيت ياض التعليقه ولا ايه
يوسف….نسيت عصايه روحيه يالا
عامر…طب وربنا وحشتني
يوسف…تصدق انها بتسأل عليك وبتفتكرك ياض ياعامر
عامر….عشان عارفه اني بحبها
ايهاب…ولا ياعامر شكلها بتلعب معايا انا كمان في منتج بكره هأعد معاه واحتمال كده امضي عقد ويتعملي اول البوم
عامر…اوعي اوعي احنا با ابني عيله مشاهير من يومنا
زين…بضحك اشوفك بس وربنا وحشتني ووحشتني رخامتك
عامر….والله كلكم وحشتوني اوي والسيده وحشتني وبعدين الاجازه دي طولت بقالي شهرين منزلتش تقريبا
أدهم…تيجي بألف خير
عادل…انجز شغلك ده بقي بسرعه وتعالي
عامر… ان شاء الله هخلص واجي بسرعه وبعدين متقلقوش مطول معاكم خلاص الشغل اصلا الفتره الجايه هيبقي في القاهره كنت عايز اعملهالكم مفجأه بس انتوا عارفين مبعرفش اسكت مضيت عقد الشغل خلاص وراجع علي طول المرادي ولو في شغل في اي مكان هيبقي شغل صد رد كده
يوسف…بتتكلم جد
عامر…اه والله
ايهاب…مقولتش ليه ياواطي
عامر…كنت هعملهالكم مفجأه بس يلا بقي مش خساره فيكم
هيما….هنرجع للشقاوه تاني يعني
عامر….هنرجع يا عم هيما
يلا بقي انا هسيبكم واروح انام شويه مش قادر
بصوا الشباب لبعض وسكتوا ورجعوا بصوا لزين
زين…استني ياعامر عايز اقولك حاجه.
عامر…في ايه
خد زين الموبايل ومشي بعيد شويه وحط الموبايل علي ودنه.
زين…كنت عايز اقولك علي حاجه وعارف انك هتضايق بس كلن لازم اقولهالك قبل ما تيجي عشان باختصار كده محدش فيهم عايز يقولك
عامر…في ايه قلقتني ابويا في حاجه هو ولا شهد
زين…ابوك زي الفل هو وشهد
عامر….بحزن منار كويسه
زين…سكت شويه
عامر…ماتتكلم يا زين منار فيها حاجه
زين…لا ياصاحبي بس منار اتقرأت فاتحتها اول امبارح ولبست شبكتها.
عامر…..سكت من صدمته
زين..انا عارف أنك هتضايق ومش هتستوعب بس كان لازم اقولك يا صاحبي مكانش ينفع أسيبك تعرف لما تيجي.
عامر….حد انا اعرفه
زين….لا ده مش من هنا ده شاب اتعرفت عليه فالشركه اللي بتشتغل فيها طلبها وهي وافقت بس انا عايز اقولك حاجه منار بتعمل كده وهي مش مستوعبه هي بتحاول تلاقي نفسها وتدور علي حياه جديده بس للاسف هي يمكن تكون وافقت عشان شافت الشاب ده فيك هو في منك كتير ياعامر حتي في الغنا با صاحبي منار وافقت عشان تحسك فيه هو
عامر…طب ليه
زين…تقدر ترجعها ليك ياعامر وتقدر توقف ده دي مجرد خطوبه لسه
عامر….وانا بعمل ايه يازين
طول الشهور اللي فاتت غير اني بحاول ارجعها انت عارف انا عملت ايه وعارف كل اللي كان بيحصل وهي رافضه
زين…حقها ياعامر ولو هي بتعمل ده عشان ترد جزء من كرامتها يبقي حقها وصدقني لو منار بتحبك نفس حبها مش هتقدر تكمل مع غيرك
عامر…بحزن معلش يازين انا عايز اقفل الوقت
زين…ماشي ياعامر المهم يمكن تضايق بس بردو متخليش ضيقتك توقف محاولاتك في رجوعها لك
عامر….ان شاء الله يا زين يلا أشوفكم علي خير
زين..خلي بالك من نفسك
سلام.
…….
باااااااك.
فاق عامر من شروده ليه كده يامنار انتي عارفه انه كان غصب عني وحاولت كتير أكدلك انك بقيتي اكبر حب في حياتي وحشتيني اوي بس خلاص هشوفك انهرده يا منار ولازم احاول اقنعك واعمل كل حاجه أقدر عليها هشان ارجعك زي ما بعدتك عني….أتنهد عامر بوجع وانتبه عالطياره اللي كانت محلقه فالجو وثابته في طريقها قام مره واحده عشان يروح الحمام وفجأه سمع صوت وميه وقعت غرقت الدنيا…
بص عامر عاللي كانت اعده جمبه وهي هدومها متغرقه
عامر…انا اسف انا اسف والله مخدتش بالي
سهر…لا ولا يهمك حصل خير
جت المضيفه بسرعه وابتدت تظبط المكان وتحاول تظبط هدومها.
بعد وقت من الكركبه اللي حصلت دي سهر كانت بتحاول تنقذ الورق اللي كان في ايدها ومش منتبه ليه خالص
عامر….انا بكرر اسفي والله انا مخدتش بالي قومت فجأه ومكنتش ملاحظ كوبايه الميه دي خالص
سهر…خلاص والله مفيش حاجه عادي ميه
عامر…بابتسامه يعني مش زعلانه
بصتله سهر بتركيز🧐
رفع عامر حاجبه وبعد لورا انتي هتضربي ولا ايه🤨
سهر…هو انت المطرب اللي قالب شرم
عامر…بابتسامه يابركه دعاكي يااما ورفع كتفه بتمثيل الغرور ايوه انا ياستي
سهر…انت عامر حسني
عامر…اوديكي فين ياشهره
ايوه انا يا ستي
سهر…صوتك حلو اوي علي فكره
عامر…ربنا يخليكي ده من ذوقك يا….
سهر…سهر اسمي سهر
عامر…أسمك حلو يا سهر
سهر…ربنا يخليك شكرا
عامر…المهم اوعي تكوني زعلتنه معلش حقك عليا
سهر…لا خالص والله حصل خير انت اصلا من ساعت ما الطياره ركبت وانت في دنيا تانيه
عامر…فعلا انا كنت سرحان لدرجه اني محستش اصلا ان الطياره طلعت صحيح انتي كنتي فالفندق اللي انا بغني فيه
سهر….ايوه
عامر…انتي بتشتغلي هناك ولا فسحه ولا ايه
سهر…لا بشتغل هناك ايه انا اصلا كنت جايه من إنجلترا ونزلت ترانزيت في شرم انا دكتوره نفسيه
بصلها عامر 🤨🤨🤨🤨🙄
سهر…بضحك متخفش المرض النفسي مش للمجانين خالص
عامر…بضحك عارف بس تقريبا اغلب المرضي النفسيين مجانين
سهر…مش ديما علي فكره واغلب المرضي النفسيين ناس عاديه جدا وعايزه اقولك ان كلما مرضي وكل واحد فينا جواه حاجه تعبانه محتاجه دكتور
عامر…ايوه بس انا اسمع يعني ان من غير زعل
سهر…بابتسامه لا مش هزعل قول.
عامر…يعني بيقولوا ان اكتر الدكاتره النفسيين هما اكتر ناس محتاجه علاج اصلا
سهر…يمكن علي فكره تكون صح بس ده لان الدكاتره دول بشر وناس عاديه ومن كتر ما بيسمعوا مشاكل الناس غصب عنهم بيكتأبو وبيتأثروا نفسيا واكيد بينعكس عليهم جزء من الطاقه السلبيه اللي تخص المريض.
عامر….ممكن فعلا
سهر…وعلي فكره انت كمان ممكن تكون مريض نفسي
عامر….ليه بشد في شعري🙄
سهر….مااحنا اتفقنا مش لازم تكون مجنون
عامر…طب وليه بتقولي كده
سهر…يعني أعدتك وسرحانك من وقت ما ركبت وانت حتي مبصتش جمبك في دنيا تانيه سرحان ووشك حزين
افتكر عامر تاني منار ورجع الحزن علي وشه..
عامر…اوقات كتير الناس اللي حواليكي من كتر ما أنتي بتبقي عايشه حياتك عادي بتضحكي وتهزري
بتخرجي بتتجنني بتهيبري بيفكروا انك عايشه حياتك وواخده حقك فالدنيا 24 قيراط ومهما قولتي انك مضايقه محدش بيصدقك
واوقات اصلا محدش بياخد باله من وجعك واوقات اكتر بيحسوا انك اصلا مش موجوعه وكأن الشخص اللي بيضحك ديما ده مش من حقه انه يتوجع
سهر….علي فكره اكتر الناس وجع فالدنيا هو اكتر حد ممكن يضحكك بس للأسف الناس مش بيبقي ليها غير الظاهر ديما ودي مشكلتنا.
عامر…ابتسم عندك حق طب قوليلي بقي عيادتك فين يمكن ابقي زبون ولا حاجه
سهر….فالحقيقه انا لسه مليش عياده
عامر…ازاي ده
سهر…هحكيلك عندك وقت تسمع
عامر….طبعا احكي
سهر…انا اصلا من طنطا مامتي متوفيه ووالدي عايش ليه اخت اصغر مني عندها 17 سنه هما لسه عايشين هناك انا بقي كنت طالبه مجتهده جدا وشاطره وحقيقي مكنتش بذاكر عشان بس انجح او اجيب مجموع لا انا كنت بحب المذاكره جدا ويمكن ده اللي خلاني متفوقه بجد وجبت مجموع يدخلني طب وانا مرتاحه وبصراحه انه كنت بحب الطب النفسي اوي وفعلا دخلت اجتهدت وحبيته جدا وسافرت بره كملت دراستي واديني راجعه
اهو عشان ابتدي المشوار طبعا انا مش هفتح في طنطا انا هفتح فالقاهره وهستقر كمان هنا هروح لبابا واختي زيارات طبعا بس مكاني هيبقي فالقاهره وحقيقي انا لسه ولا عندي عياده ولا حتي سكن ومش عارفه اعمل ايه
عامر…طب انا ممكن اساعدك واجبلك احلي مكان فيكي يامصر تعمليه عياده
سهر….لا مانت مش فاهم انا مش محتاجه احسن مكان في مصر ولا حاجه انا محتاجه عياده في مكان مش غالي عشان اقدر ابتدي لان احسن مكان في مصر محتاج ميزانيه تانيه خالص
عامر….وهو بيغمزلها😉 مانا شايف انك جايه من إنجلترا وكنتي بتكملي دراستك بره يعني الفلوس مش هتأثر معاكي
ضحكت سهر
لا انت مش فاهم
عامر…فهميني
سهر…احنا ناس علي اد حالنا والدي راجل طيب اوي وكان علي اد حاله تعب عشاني بجد اشتغل ودفن نفسه فالشغل عشاني انا واختي كان بينحت فالصخر عشان يقدر ياكلنا ولما دخلت ثانوي وحددت انا عايزه اعمل ايه طبعا ابويا مكانش يقدر علي طب ولا مصاريف طب بس مكنش عايز يحبطني كان بيعمل اللي عليه وبعدها قررت بعد اقناع ليه اني اشتغل وفعلا اشتغلت حجات كتير اوي ومن الاخر اتمرمط علي فكره الشغل مش عيب بالعكس ادام بتعمل كل اللي في جهدك عشان توصل لحلمك يبقي مش عيب..والحمد لله ذاكرت ونجحت وطلعت من اوائل الجمهوريه كمان وقتها من فرحتي انا وبابا نسينا التعب اللي تعبناه.
بس كنت لسه هبدأ مرحله جديده من التعب وهي مصاريف الجامعه والحمد لله هي كمان عدت علي خير وكنت ديما الاولي علي دفعتي وعشان كنت الاولي طول سنين الدراسه الجامعه قدمتلي منحه لانجلترا وسافرت فعلا وتعبت اوي بس تعبي جه بفايده اكتسبت حجات كتير لو كنت اعدت عمري هنا مكنتش اكتسبتها قدرت اعتمد علي نفسي بجد قدرت اتأقلم في اي مكان حتي لو الناس اللي فيه ثقافتهم غير ثقافتي وعاداتهم غير عادتنا قدرت اتعامل مع كل الناس كنت بخاف اوي وبتكسف وخجواه جدا قدرت اخرج بره الجزء ده بنيت لنفسي شخصيه بقي عندي ثقه في نفسي اتعلمت منهم كل حاجه تتماشي مع تقاليد بلدي وديني اتعلمت النظام اتعلمت قيمه الوقت والاهم اني اتعلمت لغه جديده واتقنتها مبقاش عندي رهبه اني اعد في اي مكان لوحدي حجات كتير اوي اكتسبتها غير اني بقيت دكتوره❣️ وخلاص اقدر امارس المهنه
يعني من الاخر كده يا عم عامر انا بنت بلد وبادئه من تحت خالص عرفت بقي ليه عايزه مكان بسيط
عامر…بأبتسامه اعجاب براڤو عليكي انتي شرف لاي بنت وشرف لمصر كمان وهما دول بنات مصر الجدعان وانا اللي كنت فاكر اني تعبت عشان اقدر اوصل
سهر…كل واحد فينا ياعامر بيتعب علي اد حلمه واللي بيتعب لازم يوصل ربنا عمره ما بيضيع تعب اي مجتهد
عامر…عندك حق طيب بصي بقي مش انتي بس اللي بنت بلد انا كمان ابن بلد انا علي فكره من السيده زينب اهلي وناسي واصحابي كلهم من هناك ومهما تعبت ونجحت واتشهرت هفضل افتخر اني من السيده زينب وبما انك جادعه بجد انا عندي استعداد اني اساعدك قوليلي بس طلباتك وانا هساعدك ولو ينفع معاكي السيده فانا رقبتي ليكي ياستي
سهر…بفرحه😍 بجد طبعا تنفع جدا مش هتقول لا هتعرف
عامر…اعرف ايه يا بنتي اعتبري انك كتبتي العقد خلاص
سهر…طيب هقولك علي اللي انا محتجاه انا محتاجه شقه تكون اوضتين وصاله لان انا معنديش سكن وحاليا مش هقدر اجيب مكان اسكن فيه ومكان اعمل فيه عياده
عامر…طيب انا هقولك علب حاجه حلوه اوي انا ادامي شقه 3 اوض وصاله معقوله تنفع لاستقبال الحالات واوضه تعمليها اوضه الكشف والاوضتبن التانين تقفليهم وتعيشي فيهم مع نفسك وكمان الشقه ليها بابين يعني تقدري تخلي باب بالعياده وباب خاص بالسكن بتاعك وصاحبها حبيبي مش هيقول لا
سهر…بترجي تبقي خدمتني خدمه عمري ما هنسهالك ابدا
عامر….طب يلا اديني رقمك وخدي الرقم بتاعي وكمل بابتسامه بس متديهوش لاي حد انتي عارفه بقي المعجبين والكلام ده🙄
سهر…لا متقلقش مش هديه لاي حد..وبجد شكرا ياعامر يظهر ان الميه اللي وقعت دي وشها حلو عليا
عامر….لا لو عالميه انا ممكن احميكي الوقت بكذا كوبايه
سهر بضحك لا وعلي ايه حلو اوي كده😂😂
عامر…صحيح انتي الوقت راحه علي فين
سهر…انا الوقت نوصل بس وهروح علي طنطا وانت
عامر….انا رايح عالسيده عشان انهرده فرح صحابي وعشره عمري وفرح اختي الصغيره كان المفروض اكون معاهم من الصبح بس للاسف مقدرتش عشان كان لسه لحد من شويه كان عندي فرح يعني يادوب الحق اخر حبه من الفرح.
سهر…ربنا يخليكم لبعض
عامر…بس انتي هتروحي كده متأخر ازاي لوحدك
سهر…معنديش بديل والله ولا ليا حتي قرايب اعد معاهم للصبح بس متقلقش ربك بيسترها
عامر…ماشي انا هركبك ومتقلقيش هاخد رقم العربيه واسم السواق وهعملك عنه تحريات كمان واول ما توصلي طمنيني عليكي
سهر….ماشي علي فكره انت جدع اوي
عامر…ربنا يخليكي قولتلك احنا ولاد بلد وان شاء الله يومين تلاته بالكتير وهظبطلك كل حاجه وهكلمك اقولك ان العياده تمام واي حاجه تحتاجيها في التجهيز انا معاكي ولو انا عندي شغل الحته كلها هتبقي معاكي وهعملك ياستي احلي دعايه كمان بس اول كشف فالعياده هيكون ليا علي فكره انتي فيكي كتير من شهد اختي
سهر….ربنا يخليك ويخليك ليهم يارب انا حقيقي اتشرفت بمعرفتك ياعامر واوعدك اني مش هستقبل اي حاله غير لما انت تكون اول واحد
عامر…الشرف ليا و أعتبريني ياستي صديق أخ انا تحت امرك
سهر…ربنا يخليك يا احسن اخ فالدنيا… ومبروك لاختك واصحابك
عامر…الله يبارك فيكي
فضلوا يكملوا كلام مع بعض
في مكان تاني…
تحديدا السيده زينب كانت انوار الشارع في كل مكان بطريقه مبهجه ولتاني مره يتحول الشارع لقاعه افراح
شهد وبوسي كانوا طالعين حلوين بطريقه تجنن وزفتهم كانت عالميه زي زفه أدهم وتوته الشارع كان مليان بالمعازيم الناس في كل مكان الكل كان فرحان وكأن الفرح يخصه…زغاريط واغاني ورقص وتنطيط من الكل
صالح ولاحه كانوا مبسوطين اوي حاج فاروق وست نعمه كانوا طايرين من الفرح
زين….حبيبي وحشتيني
وعد…ياسلام انا لو وحشاك صحيح كنت سألت فيا من ساعت ما جينا وانت مش هنا😔
زين….يا وعد مش فرح صحابي ولازم ابقي واقف معاهم
وعد…طيب خلاص روح اقفومعاهم واقف معايا ليه
زين….ايه ده بقي ده حبيبي زعلان بجد
وعد….ابعد عني يا زين مش عايزه اكلمك
زين….اهون عليكي
وعد…طب مانا هونت عليك
زين…انتي عمرك ماهونتي عليا طب انا شوفتك من بعيد اعده عالكرسي ومش مع البنات جيت عشانك
وعد…طب خلاص روح لاصحابك يلا
زين…لا مش هروح غير لما تقولي انك صالحتيني😔
أبتسمت وعد بحب خلاص صالحتك
زين…طب ماتحيبي بوسه
وعد…عيب يازين يلا امشي
زين…يا بت انتي مراتي
وعد…لسه مع ايقاف التنفيذ
زين…طب هو التنفيذ ده مش هيجي بقي عايز انفذ
وعد…علي فكره انت قليل الادب
زين…انا طب ده انا مؤدب حتي
وعد…ماهو باين اهو
زين…عارفه ياوعد يتقفل بس علينا باب واحد
وعد…😳بخوف هتعمل ايه
أبتسم زين بحب❣️ولا حاجه نفسي انام في حضنك ياوعد وبس والله حتي لو هموت بعدها
وعد…بعد الشر والنبي ماتقول كده يازين
زين…طب هتنيميني في حضنك
وعد…وهحكيلك حدوته كمان
زين…وعد
وعد…نعم
زين…بضحك لا اقصد وعد توعديني يعني
ابتسمت وعد…وعد طبعا بس تكون اد كلامك مش نخلص الفرح وتغير رأيك🤨
حط زين صباعه في راسه بتفكير وبصلها علي فكره انا محتاج حضنك اكتر من اي حاجه في دماغك محتاجك انتي وبس ياوعد اما القاذورات اللي في دماغك دي اخر همي اصلها هتيجي هتيجي بس المهم تكوني معايا
وعد….انا بحبك اوي
زين….وانا بحبك اكتر يلا تعالي متأعديش لوحدك روحي لصحابك
وعد….ماشي
زين…بقولك ايه خليكي مع منار عامر كلها شويه ويجي
وعد…عارفه ربنا يستر علي فكره يمكن عامر صعبان عليا بس منار صعبانه عليا اكتر مش عشان صاحبتي لا والله عشان هي موجوعه بجد حتي بعد موافقتها علي خطيبها هي موجوعه اكتر
زين…عارف يا وعد وعارف انها وافقت عشان تثبت لنفسها قبل ما تثبت لاي حد انها تقدر تعيش مع اي حد غير عامر بس هي غلط علي فكره
وعد…كلمتها كتير والبنات كمان كلموها بس هي بتقفل الموضوع اول ما تيجي سيره عامر بس انا حاسه ان ممكن تغير رأيها وترجعله
زين…يارب اتمني ده يحصل المهم خليكي معاها ومتسبيهاش
وعد…حاضر ياحبيبي
زين…يلا هاتي ايدك
خدها زين وراح وداها مكان البنات وراح لصحابه
توته….ياواد سكت بطل زن تعبتني
سهير…مالك يابت متعصبه عالواد كده ليه ما براحه عليه شويه هو يفهم حاجه ده لسه 6 شهور
توته….تعبوني يا اما ده يعيط التاني يعيط ده يسكت التاني يسكت بيجاملوا بعض علي قفايا ولاد الزنان
جه ادهم من وراها تسلمي ياتوته
ومشي تاني لصحابه وهو بيضحك
ضحكت توته بحب لادهم
مديحه…براحه عليهم يا توته لسه مش فاهمين حاجه ياحبيبتي
فاطمه…اكيد خايفين من الصوت
توته…والنبي ياخالتي انتي كمان صوت ايه ده ادهم عاملهالهم مهرجان فوق وهيما بياخدهم معاه الصاله بتاعت الچيم ويأعدهم عالمكتب ويشغل السماعات
سهير…يابنتي الناس كتير تلاقيهم خايفين
مديحه….يمكن جعانين ياتوته او عايزين يغيروا
توته…مأكلاهم من شويه ولما جينا من الزفه طلعت غيرتلهم وظبطهم هما زنانين زي ابوهم
ادهم …رجع تاني يابت مالك ومال ابوهم رايح جاي سامعك بتشتمب فيا اعقلي ياتوته بدل ما اروقك
سهير…بضحك عقبال ما تفرح بيهم يا ابو العيال
ادهم…بضحك في حياتك يا سوسو مش عايزين حاجه
سهير…عايزينك طيب
مديحه…لا ياحبيبي شكرا
ادهم…باس راس فاطمه بطوط مش عايزه حاجه
فاطمه…عيزاك طيب يا حبيبي.
ادهم…بت ياتوته هاتي الواد اللي بيزن ده
توته…هتروح بيه فين
ادهم…هلف بيه عشان يسكت وترتاحي منه شويه
توته…ربنا يخليك ليا يارب امسك
سهير…شوف البت ما صدقت ازاي
توته…هما ياما والله ما بيسكتوا غير مع ادهم
سهير…طبعا مش ابوهم يا ابت
توته…ياختي يعني انا مرات ابوهم ولاد الجزمه دول
مديحه….يابنتي انتي متعصبه علي طول والعيال بتحس هو بيسايسعم وبيلاعبهم
ادهم كان واقف يلاعب احمد ويزغزغوا واحمد اعد يضرب علي راس ادهم ويضحك
توته…شوفي ابن الجزمه سكت ازاي
ادهم….خليكي متغاظه كده يا شريره يلا يا ابو حميد نسيب ماما المجنونه وطلعلها لسانه ومشي
توته…ضحكت وهي بتدعي من جواها ربنا يخليك ليا يا ادهم
فاطمه…هاتيلي انا بقي كريم في حضني كده هو نايم وروحي انتي مع البنات وريحي ايدك شويه
توته…مش هتعبك يا خالتي
فاطمه…خدته منها وهي بتضحك وانا في دي الساعه لما يتعبني ده علي اسم الغالي ابنك ياتوته واخد حته من قلبي
توته باست راسها ربنا يخليكي يابطوط
سهير…ربنا يرحمه
مديحه….ربنا يرحمه ويغفرله يارب.
توته…لو عيط نادولي
سهير…ماشي.
راحت توته للبنات وقامت بوسي وشهد يرقصوا مع البنات بفرحه
بوسي…بت ياتوته الطرحه مظبوطه ولا فكت
توته…لا مظبوطه وحلوه اهي
بوسي…مش عارفه حاسه انها هتقع من شعري
توته…وريني كده..ظبطتهالها توته
بوسي…بس كده تمام
شمس….سبتيني لوحدي يابوسي انتي كمان
توته…ياختي اتنيلي كلها حاجه بسيطه وتحصليها انتي كمان
شمس…البيت من غيركم بجد هيبقي وحش اوي
بوسي…يابت بس بقي انا مش عايزه اعيط
ارقصي ياكئيبه
منار….بت ياشهد موبايلك معايا اوعي تنسيه
شهد…بقولك يا منار اقفليه و خليه معاكي لبكره
منار…بكره ايه انا هديه لابله نعمه تبقي تطلعهولك انا مش هاجي بكره
شهد…كده يامنار يابت هو انا ليا حد غيركم
منه..بت يا كئيبه مش ناقصه عياط والنبي هي قالت مش عايزه اعرفك بتقولك مش هتيجي بكره
شهد…يابت وفي حد يسيب عروسه يوم الصباحيه
وعد…لا احنا هنعمل معاكم زي توته كده بعد كام يوم نجيلكم انتوا لسه عرايس جداد
شهد..ماشي خلاص اديه لخالتي نعمه وهي هتطعهولي واحنا طالعين
منار..ماشي
شهد…والنبي شكلي حلو
رحاب…والله زي القمر انتي والبت بوسي
مريم…قمر يا شهد وفساتينكم تجنن انا مشوفتش فستانك اصلا
شهد…بجد
مريم…ايوه يوم ماروحتي انا مكنتش معاكم ماما كانت تعبانه ومقدرتش اسيبها
منه…ايوه مريم مجتش معانا
شهد…يعني بجد حلو
وعد…حلو اوي وهادي
منار…كانت واقفه جمبهم بس عينها علي مدخل الحاره عايزه تلمح عامر من بعيد اول ما يدخل عشان تمشي هي وحمد ربنا ان هو اتأخر عشان تأعد مع شهد وبوسي اطول وقت ممكن وميزعلوش منها..
ايهاب….مبروك يا بنات مبروك يا شهود ايه يابت الحلاوه دي
شهد…والنبي حلوه
ايهاب…وربنا انتي خساره في لاحه
جه صلاح من وراه ماتحترم نفسك ياض انت بتقويها عليا
ايهاب…بصراحه اه مش شايف ياض القمر انا عارف اختي بتحبك علي ايه
صلاح….عشان انا بحبها😉
شهد…ابتسمت باحراج
ايهاب…وش كسوف يا اختي اوي.
شهد….بقولك ايه عامر اتأخر اوي محدش فيكم كلمه انا قلقانه عليه
منار…كانت بتحاول تبين انها مش سامعه لاكن ودنها كانت معاهم
ايهاب…انا لسه مجرب الوقت الموبايل لسه متفتحش وغالبا لسه الطياره منزلتش
شهد…هي الساعه كام انا خايفه يجي متأخر ونكون طلعنا
صلاح…الساعه لسه مجتش 11وبعدين الفرح لسه في اوله متقلقيش شويه وهيجي
منار اتنهدت وفضلت واقفه علب وشها ابتسامه وعينها عالشارع وقلبها بيدق بعنف
فلاش باك..
عامر….يامنار اسمعيني ارجوكي والله العظيم بحبك يامنار انا لما قولت اني مش بحبك مش هقولك اني كنت بكدب لا كنت بقولها بجد بس ده مان غصب عني مكنش ينفع اضحك عليكي
منار…والوقت حبيتني يا عامر
عامر…اه يامنار حبيتك ومش حبيتك عشان تعبتي زي مانتي فاهمه طيب مانتي الوقت كويسه لو كنت هعمل ده شفقه ولا عطف زي مابتقولي انتي الوقت احسن بكتير
منار….صدقني ياعامر مهما تقول خلاص حكايتنا خلصت من يوم ما حبيت اني أبدئها معاك وانت رفضت ومشكلتك انك جتلي بعدها علي طول وانت بتقولي لنك حبتني
عامر…ماهو ده اللي خصل انا هكدب ليه انا حببتك بجد امته وازاي والله العظيم ما اعرف اوقات بحس اني بحبك من زمان بس مكنتش عارف ده ولا حاسس كنت شايفك علي طول ادامي ومعايا يمكن كنت حاسس بالامان انك ادامي كنت مطمن لدرجه اني مخدتش الخطوه دي يمكن تعبك فوقني يمكن كلامك ليا فالمطار شال حاجه من عيني كانت عامياني عنك بس الاكيد اني بحبك يا منار ارجوكي
منار…مبقاش ينفع يا عامر
انت رفضتني لما جتلك مع ان كان صعب عليا اوي اني اعمل كده بس عشانك كنت مستعده اني ادوس علي كرامتي عشان بس تعرف اني بحبك وعملت كده فعلا وانت مقدرتش ده
عامر…كنتي عيزاني اوافق بمجرد ما اسمع كلامك ده علي طول كنتي هتبقي مبسوطه لما اكدب عليكي واقولك حاضر انا موافق من غير ما اتاكد ان حبك ده انا فعلا استاهله
منار….انساني ياعامر اللي اتكسر جوايا طول الفتره اللي فاتت محدش هيقدر يصلحه ارجوك سبني في حالي بقي سبني ادور علي نفسي اللي دفنتها سنين معاك وانت مش معايا
عامر….انا همشي يامنار بس هرجع تاني مش هيتسلم ولا هزهق وهأكدلك اني بحبك
اشوف علي خير يا احلي حاجه في حياتي
أبتسمت منار بوجع ودموعها لمعت في عينها لما أفتكرت اخر مره شافت فيها عامر من أربع شهور وبعدها كانت بتحاول تبعد وتختفي في اخر لحظه قبل ما يشوفها
عند يوسف كان رايح ناحيه مديحه وفاطمه ونعمه وماسك في ايده روحيه زي الاطفال
يوسف…ابوس ايدك اعدي هنا بقي تعبت
مديحه..بضحك عملت فيك ايه تاني
روحيه…وانا هعمل ايه ياختي😏😏😏
يوسف…دي روحيه دي نسمه هي بتعمل حاجه كل الحكايه انها نازله رقص واعده تروح وتيجي مع العيال بس خايف
تخرج بره فالزحمه دي وتتوه كالعاده مبقاش حيلتي نفس خلاص ادور
مديحه…خلاص سيبها جمبي هنا
روحيه…فين ياواد الجاتوه بتاعي
يوسف ..حالا هحبهولم بس اثبتي
سهير…بضحك هديتي الواد ياروحيه
روحيه…ماهو نازل رقص مع صحابه جت عليا🤔😏
……..
في المطار نزل عامر وخرج هو وسهر من الصاله ووقف تاكسي واتفق معاه يوصلها بعد ما خد رقم العربيه واطمن انه شكله مريح
عامر….هلي بالك من نفسك واوعي تنامي
سهر…اطمن مش بعرف انا فالطريق
عامر….طيب كويس انا كل شويه كده هكلمك اطمن عليكي
سهر…ماشي خلي بالك من نفسك وشكرا بجد ياعامر علي وقفتك معايا
عامر…وقفت ايه يابنتي انا معملتش حاجه احنا قولنا اننا اخوات ويلا بقي بلاش رغي عشان متتاخريڜ
سهر…بضحك ماشي ياعم سلام
عامر…توصلي بالسلامه اشوفك قريب
سهر…ان شاء الله سلام
ركب عامر هو كمان وراح علي السيده واتصل بزين يظبط دخوله فالسر😉😉 عشان يفاجئ الكل..
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)