رواية تزوجتها بهدف الانتقام الفصل العاشر 10 بقلم نورهان ياسر

افكركوا وقفنا فين

-لما أسر فتح تليفون نغم وشاف الرسايل المبعوته

-الرسايل كانت ك الاتي :

-نغم انت واحشتيني اووي  أنا ما وحشتكيش؟!

-اتمنى تكوني ما زعلتيش مني م اللي حصل بينا آخر مره

-نغم انا مستنيكي ف المكان اللي كان شاهد على بدايه حبنا.. انا متأكد انك هتيجي زي كل مره طلبتك فيها وجيتي …

-أسر كان ماسك التليفون ومازال مش مصدق الكلام المكتوب وكان عمال بيتردد ف باله أفكار كتير ومنها انه اتخدع ف نغم وهوا كان عارف انها كانت  مقضيه حياتها بالطول والعرض بس متخيلش انها ممكن توصل  للدرجه دي

-ف الوقت دا كانت نغم خلصت لبس وطالعه لاقته ماسك تليفونها

-نغم وقفت وهيا حاطها ايدها ف وسطا وبتتكلم بعجرفه :انت مين سمحلك بقي  أن شاء الله تمسك تليفوني

-أسر قام بكل عصبيه وراح ناحيتها ونغم واقفه مكانها ببرود أسر مره واحده  راح ضر*بها بالقلم و راح ما*سكها من شعرها وبإيده التانيه رفع التليفون ف وشها واتكلم بعصبيه : انا عايزه اعرف مين بقى دا ير*وح امك

نغم بعياط :ه هقولك والله بس سيب شعري

أسر بعصبيه :انت لسه هتاخدي وتدي ف الكلام انطقي اخلصي

نغم بعياط اكتر :بتوجعني ي أسر

-نغم صعبت عليه راح ساب شعرها وحاول يتكلم ببرود عكس  اللي جواه :انطقي ي نغم  اخلصي

نغم بعياط ونفس متقطع :بص هوا كان زميلي ف الجامعه وكان كل البنات بتتمنى انه يبصلهم بس مش يكلمهم بس هوا مكانش ف دماغي انا كنت مفكره اني بحب حسام وبس وعشان كدا عمري ما بصيت لمازن بس هوا ف مره  جه وقالي انه معجب بيا من فتره وبيحبني وكان مستني فرصه مناسبه عشان يجي يصارحني،،،، انا ساعتها قولته اني بحب حسام ابن عمي ومش بفكر ف حد ساعتها قالي خلاص نبقى أصحاب واتفقنا علي كدا،، بس هوا بدأ يتقرب مني وبقي جنبي ف كل وقت مبقتش قادره اتخيل حياتي من غيره لأن ف الفتره دي حسام كان بعيد عني حبيت ف مازن اهتمامه بيا ف أقل التفاصيل وأنه كان دايما بيحاول يساعدني ف اي مشكله بتواجهني لحد ما جه ف  يوم وانا مروحه م الجامعه عربيتي كانت علطانه  هوا عرض عليا يوصلني وانا قولته اني هطلب اوبر بس هوا رفض وأصر انه يوصلني واقفت وروحت معاه ما اخدتش بالي م الطريق لاني كنت مركزه معاه جامد كنت حاسه اني مطمنه ليه لحد ما واقف العربيه قدام عماره كبيره قولته ساعتها أن دا مش بيتنا قالي ان هوا عارف وانه لما بيبقى زهقان بيجي هنا قالي انه هيطلع يجيب حاجه م الشقه لأنه بعد ما يوصلني هيروح على ڨلة العيله وطلب مني اطلع وانا وافقت بصفو نيه وقولت مافيهاش حاجه، وبالفعل طلعنا وقَولته هستناك ع الباب قالي ماينفعش واقفتك كدا دخلت معاه بعدين لقيته بيقفل الباب بالمفتاح سألته انت لي بتعمل كدا قالي هتعرفي دلوقتي  وبعدين لقيته بيحاول يقر*ب مني وانا كنت بقوله مازن ما تغلطش  مازن متخاوفنيش منك بس كان عمال يقر*ب ويقول :دا انا مستني الفرصه دي من زمان  وكان لسه جاي يقرب اكتر ايدي جت على ڨازه مسكتها بدون تردد وخ*بطه بيها على دماغه وق*ع الأرض  وكان ماسك دماغه  وفجاءه لقيت الد*م حواليه ف كل مكان ما بقتش عارفه اعمل اخدت المفتاح من جيبه وفتحت الباب ونزلت جرى  ورحت عند سلمي وانا مرعوبه وحكيت ليها اللي حصل وعرفت منها أن مازن دا مريض وان متعود أن أي بنت لما تشوفه تتجن عليه وانا لاني ما اعجبتش بيه زي بقيت البنات ولا كان ف دماغي اصلا قرر انه يتقر*ب  مني ويخليني اتعلق بيه وبعدين ياخد اللي هوا عايزه مني وير*ميني زي كل البنات ضحا*ياه

-تاني يوم انا قررت اروح الجامعه وكأن مفيش حاجه حصلت ف حياتي واثبتله انه مش فارق معايا اصلا دا لو كان جه الجامعه م الاساس… وانت جيت ف اليوم دا وخطت*فتني  ولما ظهر قدامي ف النايت كلب انا حاولت اخده على قد عقله عشان خفت لما يعرف اني اتجوز تك يقولك كلام ما حصلش  وانت  تصدقه   ف كنت بجاريه ف الكلام مش اكتر….

أسر ببرود :لي مسجلاه باسم حبيبي

نغم:انا كنت مسجلاه كدا قبل ما يعمل اللي هوا عمله دا ومجاش ف بالي اصلا اني اغير اسمه دا لأن هوا ذات نفسه مكنش ف دماغي  بعد اللي عمله

أسر :لسه بتحبه؟!

نغم بزعل :للأسف انا اكشفت أن عمري ما حبيت ف حياتي م الأساس

أسر :وحبك لحسام  دا اسمه  اي؟

نغم :انا كبرت لقيت حسام قدامي كان وسيم وجذاب وكان زمان بيهتم بيا وبيسمعني وكان بيفسحني كتير وكان مهتم بيا فوق ما تتخيل بس جاله فتره وبعد عني وانشغل ف حياته وهيا دي كانت الفتره اللي    مازن بدأ يدخل فيها حياتي

وصدقني ي أسر لو انت عشت حياتي وحربت كل المعاناه اللي انا مريت بيها وحاله الاكتئاب اللي انا واصلتلها عمرك ما كنت هتبصلي  بالنظره دي

أسر ببرود :بصي ي نغم انا عايزك تعرفي ان انتي حره ف حياتك تمام تحبي مازن أو تحبي حسام انا مليش فيه بس طول ما انتي على ذمتي ف اياكي  تغلطي اي غلطه ممكن تأثر على سمعتي   اول لما نتطلق ابقى اعملي اللي انتي عايزاه انا لو ضامن اصلا انك هتخافظي على ابني كنت طلقتك واخدته منك. لما تولدي إنما أنا عارف قد اي انتي واحده مست*هتره …. وراح سابها طلع م الاوضه  ورزع الباب وراه

-نغم وقعت ع الارض وفضلت تعيط وتقول لنفسها :كلكوا زي بعض محدش فيكم حاول ولو لمره واحده انه يفهمني أو يحط نفسه مكاني ع الاقل،،، دايما شايفيني غلطانه ومست*هتره بس عمركوا ما سالتم نفسكم انا اي اللي وصلني للحاله دي….. وفضلت تعيط لحد ما غا*بت عن الوعي

~~~~~~~~~~~~

-عند يوسف وعلى

-يوسف كان راح جاي ف الاوضه يكلم نفسه

-على بعصبيه وهوا قاعد  ع السرير :اي ي عم ما تهدي كدا خيلتنا معاك

-يوسف راح قعد قصاده ع الكنبه وانتهد وقال :هوا انا كنت مفضوح قوي كدا

على :بصراحه اه

يوسف باستغراب :هوا انت فاهم انا بسأل على أي اصلا؟!

على :ايوه طبعا ي اخويا بتسأل إذا كنت مفضوح لما كنت بتبصبص للبت سلمي ولا لاء

يوسف وهوا بيلوي ف بوقه :ياااه للدرجه دي كان باين عليا

على :ايوه ي معلم كنت  مفضوح دا حتى اخوها لاحظ بس عامة هيا مش استايلك اصلا

يوسف :مهو دا اللي هيجنني أنها مش استايلي وان مفهاش حاجه مختلفه عن أي بنت عرفتها بس مش عارف معلقه ف دماغي لي هتجنن دا أسر اخوك هوا كمان لاحظ وسألني..بس مظنش أن ف يوم م الايام هحبها اصل دي مش فتاه أحلامي برده

على :ما اظنش بس ماعلينا،، بس انت عارف بسمله دي اللي أي قمر ي واد ي چو وقعت ف حبها من اول نظرة ملامحها بريئه كدا ف نفسها وبتجذب اي حد

يوسف بغمزه :شكل الصناره لعبت معاك ي معلم

على :مش عارف ي واد ي چو بس شكلنا هنفرح قريب

يوسف :انا حاسس كدا انا كمان،،،، على العموم لما تتأكد من مشاعرك ناحيتها فاتح أسر اخوك ف الموضوع واتقدم ليها رسمي ولو انك هتبقي قفلت على نفسك بدري بدري

على :مسيرك  ف يوم هتقع زي كدا  وتحب وساعتها هنشوف هتعمل اي ي اخويا

يوسف بضحك :ي عم بعد الشر عليا وبعدين لو يوسف السيوفي اتجوز نص بنات مصر هتن*تحر

على : اتنيل ي اهبل هوا انت حد بيعبرك اصلا ولا حد يعرفك

يوسف وهوا بيعدل لياقه هدومه:احم اوديكي فين ي شهره بس

على :ولا انت زهقتني قوم طفى النور دا وروح على اوضتك  عايز انام   ولا ناوي تنام هنا

يوسف طفى النور ونط جنبه ع السرير وقال   :لو مكنتش تحلف بس وشد اللحاف من علي  على واستغطي

على : اتخدم ابو ام التط*فل بتاعك  ي اخي

-يوسف كان بيحاول يروح ف النوم بس مش عارف ملامح سلمي مش بتروح من باله وبيفكر فيها

-على برده كان بيفكر ف بسمله وان دي البت اللي هوا كان راسمها ف خياله من زمان وكان بيفكر يروح يفاتح أسر ف الموضوع بس قرر انه يدي لنفسه فرصه يتعرف عليها أكتر

~~~~~~

-عند بسمله ف البيت

-محمود نده عليها كانت مرعوبه وخايفه منه بس راحت له

بسمله بصوت هادي :نعم ي بابا

محمود :انا عايزك ف موضوع

بسمله: اتفضل ي بابا

محمود وهوا بيحاول يتمسكن :انتي عارفه ي بسمله ي حبيبتي انا بحبك قد

بسمله: عارفه طبعا ي بابا

محمود :بصي ي بسمله انا داخل ف صفقه جديده بس الفلوس اللي معايا مش كفايه عرضت على شريكي  أن اجوزه بنتي  ف مقابل اني ابقي شريك ف النص بدل الربع وهوا وافق ف انت اي رأيك

بسمله بعياط  :يعني حضرتك هتبيعني ي بابا عشان مجرد صفقه

محمود :متاخديهاش م الناحيه دي

بسمله :بس انت كدا حياتي هتتد*مر  حياتي  انا لسه ف رابعه طب وقدامي أهداف كتير عايزه احققها كدا حضرتك تبقى بتد*فني بالحيا

محمود : بسمله اتمنى منك تقدري موقفي انا كان ممكن ماقولكيش واكتب كتابك عليه من غير ما اقولك انا مش طالب منك غير انك تفهمي موقفي مش اكتر وحطي ف اعتبارك ان انا ابوكي اللي رباكي واكيد مش هعمل حاجه تضرك

بسمله : طب هوا عنده كام سنه؟

محمود :42

بسلمه  بصدمه :حضرتك مدرك فرق السن بيني وبينه قد اي 20سنه  ي بابا

محمود :بسمله ما تبصيش للحاجات التافهه دي انا اتفقت معاه أن كتب كتابكم يوم الخميس الجاي معاكي اسبوع كامل اهو خدي وقتك وحاولي ترتبي نفسك وامورك كدا وانا هطلب منه انه يخليكي تكملي جامعتك

-محمود سابها وقام من غير ما يسمع منها اي رد

-بسمله بعياط :انا لي بيحصل معايا كل دا انا عمري ما عملت حاجه غلط ف حد ولا جيت على حد يارب ساعديني يارب اللهم اني وكلتك اموري فكن لي خير مدبر وخير وكيل ف اني لا احسن التدبير يارب ساعدني يارب

~~~~~~~~~~~

عند نغم  وأسر

-أسر كان قاعد ف اوضته المكتب بتاعته وزهقان م الكلام اللي قاله لنغم

أسر لنفسه كنت قاسي عليها  قوي ي أسر لي ماسمعتش منها اي اللي مزعلها واي المعاناه اللي هيا مرت بيها ولي اصلا اتنرفزت وضر*بتها انت مش معاهد نفسك من آخر مره ضر*بتها انك مش هت*مد ايدك عليها تاني

-أسر قبل ما تأسي عليها افتكر انها شايله حته منك وان انت لو زعلتها كل دا هيأثر ع ابنك  ف الاخر

-أسر قام وقرر انه يعتذر منها

-أسر خبط على باب الاوضه بس مفيش رد فتح الباب لاقها واقعه ع الارض راح ناحيتها بسرعه وكان مخضوض ليكون حصلها حاجه بسببه،،، شالها بسرعه وحاطها

ع السرير وبدأ يفوق فيها   مسك ايدها وبدأ يفرقها جامد  بس مش بتفوق راح جاب البرفيوم بتاعه وحاول يفوقها بيه بعد فتره نغم كانت بتفوق

-نغم فتحت عنيها لقت أسر قصادها وماسك ايدها

نغم :هوا اي اللي حصل؟!

أسر انتهد :اخيرا  فوقتي خضتيني عليكي د أنا قلبي كان هي*قف  بسببك انت كويسه ف حاجه واجعاكي

نغم :لا انا تمام نغم كانت بتحاول تنعدل وتقوم أسر ساعدها وحاط ليها المخده ورا ضهرها ولسه جاي يمشي نغم مسك ايده وقالت :شكرا على وجودك جنبي

أسر : متشكرنيش دا واجبي وبعدين انت برده ف الاول وف الآخر ام ابني

نغم :ممكن اطلب منك طلب

أسر :اتفضلي

نغم: عايزه ارجع الجامعه بتاعتي ممكن

أسر :لا طبعا مش ممكن الدكتوره قالتي انك لازم ترتاحي خصوصا ف الشهور الأولى دي    وانك تروحي الجامعه دا ف حد ذاته مجهود وانا بصراحه مش عايزه اي حاجه تأثر على ابني وتهد*د  حياته

نغم :اوعدك أن مش هيحصل اي حاجه تضر ابنك بس سيبني اروح الجامعة وماتخفش هخلي بالي من كل حركه انا بعملها ومش هعمل اي مجهود خالص ممكن توافق بقى

أسر ببرود:لاء

نغم وهيا مازلت ماسكه ايده :عشان خاطري َوالنبي ي أسر

أسر :برده لاء

-نغم راحت ماسكه ايده وحاطهاها على بطنها طب عشان خاطر ابننا دا  توافق

-أسر حس بشعور غريب وحلو ف نفس الوقت وبص ف عيونها واتكلم بإبتسامه :عشان خاطره هوا وبس موافق ي ستي

نغم راحت قايمه من ع السرير وخاضناه وقالت :شكرا  ليك بجد انت أطيب حد انا شفته ف حياتي

(أطيب مين ي اختي دا لسه ضر*بك من شويه ما علينا)

-أسر رفع ايده وبادلها الحضن  وقال :انا اسف ع اللي عملته من شويه مكنش ينفع أشك فيكي بالشكل دا

-نغم بعد ما أدركت أن هيا حاضنته بعدت عنه بسرعه

وقالت :انا اسفه انا كنت فرحانه بس مش اكتر عشان كدا تلقائي حضنتك

أسر بضحكه :ي ستي عادي ولا يهمك انا زي جوزك برده

نغم ابتسمت بخجل

أسر ب استغراب :طب ماانتي بتتكسفي زي البنات اهو اوماال ف اي بقى

نغم وهيا بتضم حواجبها بضيق  :ولا قصدك اي ب زي البنات دي هوا انت شايفني ولا  ولا حاجه

أسر بضحكه مكتومه :هيا بتتحول  فجاءه لي عايزه تشوفي البنات على حق ربنا شوفي بسمله اختك

نغم :يا أدى النيله بسمله تاني ي جدعان انتوا لي مش قادرين تتخيلوا ان انا ليا شخصيتي المستقله بيا بتحاولوا تخلوني ابقى زي بسمله لي

أسر :هوا انا قولت تبقى زي بسمله

نغم :اومال انت بتقول اي دلوقتي

أسر :انا اقصد تاخدي الحلو اللي ف شخصيت بسمله إنما ما قولتش تبقى بسمله ولا حاجه المهم دلوقتي انا عاملك مفاجأه كنوع من انواع التعويض يعني ع اللي عملته

نغم بفرحه :طب هات

أسر بضحكه عليها :انزلي تحت هتلاقيها

-نغم زقته ونزلت جرى

-أسرى بضحك :خلي بالك م السلم وانتي نازله ي مجنو*نه

-نغم نزلت لقت السفره عليها اكل كتير وكلها الأنواع اللي نغم بتحبها

أسر :عحبتك المفاجاه

-نغم بعد ما شدت كرسي السفره وقعدت عليه وبدأت تاكل قالت :انت لسه هتسأل ي عم يا ريت كل المفاجآت تبقى اكل كدا

أسر :طب بالهنا والشفي ي ستي بس براحه وانتي بتاكلي محدش بيجري وراكي

نغم وبوقها مليان اكل :ماشي ماشي بس قولي صحيح انت عرفت منين أن اكتر حاجه بحبها الاكل

أسر :دخلت ع الاكونت بتاعك ع الفيس وعرفت

نغم :ي ابن اللعيبه دا انت اروب بس تسلم يسطا ع المفاجاه دي انا عايزه من دا كل يوم

أسر :يسطا هوا انا بكلم واحد صاحبي ي بنتي ي خساره الجامعه الخاصه اللي انت فيها

نغم :ي عم مدقش  تعالى كل معايا بدل ما شويه كمان ومش هتلحق حاجه وهيكون كل الاكل خلص

-أسر ابتسم ع حبها لل اكل بالشكل دا وراح ياكل معاها

-بعد الأكل نغم وأسر طلعوا ينناموا بعد ما نغم خلصت الاكل كله من فرحتها

~~~~~~~~~~~~

صباح يوم جديد على أبطالنا

-أسر صحي قبل نغم وكالعاده يعني بيصحي كل يوم بدري عشان يصلي الفجر

-أسر اول لما النهار بدأ يطلع نزل يجري شويه ويعمل شويه تمارين ولما خلص طلع اخد شاور ولبس هدومه بنطلون اسود وقميص اسود وسرح شعره بطريقه جذابه َ ورش البرفيوم بتاعه  ولبس ساعه لونها اسود وكوتش ابيض وكان ملفت بشكل واضح كان مز م الآخر يعني

-أسر راح يصحي نغم

أسر :نغم ي نغم قومي ي نغم هتتاخري ع الجامعه

نغم :بس بقى ي حسام  سيبني  شويه كمان وهقوم اطفي النور وراك بقى

-أسر اتعصب لما سمع اسم حسام بس حاول يمسك نفسه

أسر بصوت عالي :نغاااام

-نغم قامت مخضوضه :اي ف اي ع الصبح

أسر :اي ناويه تنامي للظهر قومي ي اختي

نغم :قلقت نومي ي اخي   بس اي الحلاوه دي ع الصبح طب ما انت قمر ومز اهو

أسر بغرور :عارف عارف بطلي بحلقه فيا بقي وقومي

نغم بعد ما استوعبت هيا قالت اي  :انا كنت لسه راحه ف النوم ف ما تاخدش كلامي علي محمل الجد  انا بقولك اهو

أسر :ي بنتي انا مفيش ف حلاوتي اصلا بكرا ابني يطلع حلو زي كدا  وبكرا تشوفي

-نغم :لاء طبعا مش عايزه ابني يطلع شبهك وبعدين اصلا انا حاسه اني هيجيب بنوته حلوه شبهي كدا

أسر :ربنا يستر بس وما تاخدش  الجنان بتاعك دا

نغم :بتقول حاجه؟!

أسر :لاء مش بقول واخلصي يلا البسي وانزلي عشان تفطري واوصلك ع الجامعه ف طريقي

نغم :اشطا

~~~~~~~

أسر نزل يفطر وبعد كدا لقى نغم نازله لابسه تشيرت  كت  وقصير وبنطلون ضيق جدا ومسيبه شعرها

-أسر بصلها بغضب وقال:اطلعي غيري اللي انت لابساه دا والبسي حاجه محترمه

نغم وهيا بتحط ايدها ف وسطها :ومالوا لبسي بقى ان شاء الله

أسر :هوا فين لبسك دا بقى ان شاء الله انتي حاليا ينطبق عليكي جملة الكاسيات العا*ريات بالظبط

نغم بصتله وهيا فاتحه بوقها عشان مش فاهمه هوا بيقول اي :بس هيا دي طريقة لبسي ي أسر  ومش بفكر اغيرها

أسر؛ نغم انتي دلوقتي مراتي يعني ملكي  وانا مبحبش حاجه ملكي حد تاني يشوفها ف لوسمحتي اطلعي غيري  والبسي حاجه محترمه شويه ولمي شعرك اللي فرحانه لي بيه دا

نغم ببرود :وان انا قولت لاء

أسر ببرود هوا كمان :ببساطه خالص هقولك مفيش جامعه واقعدي ف البيت احسن

نغم بعصبيه وهيا بتدبدب رجليها ف الارض :هووَف بقى حاجه تقر*ف وراحت طالعه تغير لبسها

-أسر مسيرك ف يوم ي نغم هتتغري وهتغيري حياتك الغلط دي وانا واثق اني هقدر اغيرك واخد بإيدك للصح بس الصبر بس

-بعد شويه كانت نغم نزلت وكانت لابسه ميني دريس اوڨوايت وكان طويل والبنطلون مش باين منه غير جزء صغير ولمه شعرها ديل حصان  ولبست كوتش ابيض

نغم بتأفف:كدا حلو ولا ف تعليق تاني ع اللبس

أسر :مش بطال اهوا عدل عن   اللي قبله  شويه،،، يلا اقعدي افطري

نغم :انا متعودتش افطر قبل الجامعه هبقي افطر هناك مع سلمي

أسر :لاء من النهارده لازم تتعودي تفطري لو مش عشانك عشان ابني

نغم بتزمر راحت شاده كرسي السفره وقعدت تفطر

~~~~~~~~~~

بعد شويه كانوا خلصوا فطار وأسر وصلها للجامعه

نغم بعد ما نزلت أسر ندهه عليها

نغم :يادي النيله ف اي تاني

أسر :ملكيش دعوه بالولاد انا بقولك حسك عينك اعرف انك كلمتي حد فاهمه

نغم :ربنا يسهل عايز حاجه تاني

أسر :اه امسكي دي خلي الفيزه دي معاكي انا عملتلك حساب باسمك خليها معاكي عشان لو عوزتي حاجه

نغم :بس انا قاطعها أسر وقال :انتي دلوقتي مراتي يعني ملزومه مني فاهمه يلا روحي بقى عشان ماتتاخريش وصحيح هبقي اعدي عليكي اخدك وانتي مروحه

نغم:تمام يلا سلام ي عسل

أسر :عسل  ي ستي شكرا.. وسابها ومشى

~~~~~~~~~~~

-ف الجامعه

نغم دخلت وشيلتها  كانوا بيسلموا عليها ومبسوطين انها رجعت

سلمي :مش مصدقه عينيا اخيرا اخدتي اعفي وسابك تيجي الجامعه

نغم :اه ي اختي الحمدلله انه سابني اومال فين مازن مش شايفه

سلمي :بقاله يومين مجاش انتي بتسألي عليه لي

نغم :ومش هيجي دا واخد عل*قه م و*ت من أسر بسأل عليه  عشان اش*مت فيه

سلمي :امتى دا حصل  وبعدين هوا أسر يعرفه منين

نغم حكت ليها اللي حصل ف النايت كلب

سلمي بفرحه :يستاهل دا انا كان نفسي اعمل فيه كدا المهم حذرتي أسر م اللي بسمله قالت هولك

نغم وهيا بتخبط ع دماغها :يوه نسيت خالص بس ما اظنش بابا هيعمله حاجه انا متأكده ان بسمله سمعت غلط سيبك منها

سلمي :انتي حره هيا عملت اللي عليها وقالتلك  يلا بقى عشان منتاخرش ع المحاضره

~~~~~~~~^~~

على الجانب الآخر

محمود :نفذت كل اللي قولتلك عليه

مجهول :ايوه ي باشا كله اتنفذ بالحرف زي ما انت قولت اول لما ركن العربيه قدام الشركه  سي*بت  الفرامل  بتاعته

محمود :عفارم عليك وحقك هيوصلك اول ما اتأكد بنفسي انه ما*ت

مجهول: تمام ي باشا على اتفقنا

~~~~~~~~~

عند أسر خلص شغل وافتكر انه قال لنغم انه هيعدي عليها ياخدها نزل وركب عربيته ومشى بسرعه عشان مايتاخرش عليها

-أسر بعد ما لاحظ انه زود السرعه قوي حاول يهدي معرفش لقى الفرامل سا*يبه

أسر ف اللحظه دي طلع تليفونه ورن على نغم

نغم بعصبيه :الو انتي فين لحد دلوقتي ي استاذ  انا واقفه بقالي ساعه

أسر بخوف :نغم اسمعيني ف حد سي*ب  فرامل العربيه وانا دلوقتي مش عارفه اوقفها

نغم بصدمه :انت بتقول اي طب انزل منها بسرعه قاطعها

اسر :اسمعيني بس دي شكلها النهايه انا اسف على كل اللي عملته معاكي اتمنى تسامحيني وارجوكي ي نغم حافظي على ابني وأول لما يجي ع الدنيا اديه لاابويا  والأملاك بي،،،، لسه هيكمل العربيه اتق*لبت

-نغم بعياط :أسر  الو رد ي أسر أسر  ااااااااسر

#بقلمي_نورهان_ياسر

Stop

-تفتكروا اي اللي هيحصل ل اسر؟!

اي رد فعل نغم لو أسر ما*ت؟!

-ومين الشخص اللي هيتحوز بسمله؟!

-بسمله هتوافق علي كلام ابوها؟!